泰出色泰國餐廳

營業中

休息中

天后電氣道一直都被人稱為食街 林林種種嘅食店都會係呢條街 今日就試試呢間都開左好多年既泰國餐廳 但對比其他泰國餐廳呢間就較為平傭冬陰功蝦湯(細) $78成個湯只有一隻蝦 香料份量對比一般泰國餐廳較為不足 酸辣度可以再濃味啲馬拉盞炒芥蘭 $78呢款只可以話係蒜蓉炒芥蘭 完全食唔到泰式馬拉盞既味道略為有點失望 正常馬拉盞都係食香料 一般馬拉盞好多時都會有其他配料炒製 等佢個味更加豐富 例如會放辣椒、紅蔥頭、蒜頭、蝦米、花生醬、青檸汁等等 但睇相我只能話呢款只係用左蒜蓉炒 味道唔夠濃郁泰式椰汁青咖喱雞 $88青咖喱既味道一般都會食到好多香料 但同樣呢款都係冇咩香料 而且質感比較流質較為稀疏 雞肉份量亦都唔多 專登為左呢款咖喱叫左蒜蓉包 但太過流質既關係會食到好麻煩總結黎講 呢間所有食物對比正常泰國餐廳都較為淡口 香料份量選材都略為少 唔可以話佢難食 但既然想食泰國菜既人客都相信係想食出香料既味道 而唔係淡口無味既泰國菜#泰出色泰國餐廳📍天后電氣道86號地舖📸 Credit to Instagram: @mroolong

是咁的，今日去買海南雞飯食，見門口個餐牌寫住52蚊，加五蚊可以轉雞髀，咁我就埋佢落order啦 ，畀錢時發現係89蚊，點解突然間貴咗咁多嘅？我走返出門口睇下個餐牌，我冇錯吖！仲寫住星期一至日都有呢個餐，我問返職員點解價錢唔同？佢嘅答案係話我嗌嘅時候冇講明叫餐，所以就收呢個價錢，同埋佢話咁樣嗌呢係有9折同埋大盒啲！講到我好著數咁樣！我想講話咁樣做生意呢，人哋係只會幫襯你一次嘅啫， 雖然我只係嗌咗一個海南雞飯外賣，但係我以後都唔會再幫襯呢間舖頭，正確嚟講係呢個系列都唔會再幫襯，完

周日午飯去左天后揾食，周圍行最後去左呢間食泰菜。星期日都有午市套餐同下午茶餐，一共有14款式揀，包熱飲一杯，價錢都幾抵。午餐時間係11:30至2:30，下午茶時間係2:30至4點。今日一行4人，每人叫左1個餐同小食。星洲蝦喇沙米線 $45星洲蝦喇沙米線有3隻細細哋嘅去殼蝦，都爽脆。仲有兩粒麻麻哋嘅魚蛋，兩片合格嘅魚片，同兩件硬左少少嘅豆卜，仲有半隻熟蛋。米線份量好多，都滑，上面加左爽脆芽菜，仲有葱花。湯底都夠梛漿味，調得唔錯。呢個星洲蝦喇沙米線都算可以。泰式炭燒豬頸肉湯河 $40泰式炭燒豬頸肉有4塊，完全冇炭燒味，又唔爽口，差。伴有一大舊白蘿蔔同紅蘿蔔，仲有大量芽菜同少少蔥花。河粉份量多，質素勉強可以。星洲肉骨茶 $42星洲肉骨茶有兩舊雪藏豬肉，腐竹，同杞子，個湯甜甜哋，味道都可以，材料就唔好有期望。另外伴有一碟白飯。泰式雞柳乾炒河 $40一見到呢碟泰式雞柳乾炒河已經覺得好頹，份量又特別少。雞柳又韌又冇味，炒河炒到腍哂，都幾難食吓。其他配料有少少芥蘭，梛菜同紅蘿蔔一齊炒。有套餐升級優惠，可以每個餐加一款。馬拉盞炒通菜 $42唔算多嘅通菜加左蝦米粒，蒜蓉，同辣椒一齊炒，味道少少辣，都唔錯

有d趕時間，一開始叫左香葉肉碎飯同撈檬。52蚊 香葉肉碎飯因為我地唔食辣，但發現個飯都幾辣。男朋友自責叫錯左，我望望個menu, 原來無mention過辣嘅，係英文先有提chill based, 但因為急住叫無睇清楚，被伏了。如果加返辣椒公仔/中文字眼會user friendly d。如果食得辣咁佢都幾香口嘅。下午時間好多人，我哋叫左兩次要碗仔同水，第一次個街待應"哦" 之後走左，第二次先有人比我哋。55蚊 豬頸肉撈檬。春卷食落香脆，但幾厚粉。豬頸肉好食。但麵唔夠我哋分，叫多左個喇沙。重點來了。唔記得價錢。呢個係一個：有賣相但無味嘅喇沙。我哋自我質疑左好多次，但真係無味。有咩係有味？魚蛋！魚蛋有味精，咸味，致少少少少。。湯呢？無味。質感上，食到辣油的油膩感，但真係無味。我哋唸：係咪本身無咩味係賣點？但見佢咁重辣油，應該唔係。有唸過叫佢換，但一來呢個價，二來又趕，三來佢咁多人。。算啦。泰國野好多，下次不再來。

𝘾𝙝𝙞𝙡𝙡𝙞 𝙏𝙝𝙖𝙞 𝙍𝙚𝙨𝙩𝙖𝙪𝙧𝙖𝙣𝙩 泰出色, 𝙏𝙞𝙣 𝙃𝙖𝙪 🇹🇭Here to have a quick lunch as we both were starving. Was not expecting authentic Thai food but the food was not bad at all! It tasted as good as it looked, and cheap too! 👍🏽Would absolutely recommend coming here if you are in the area.🌶.📍86 Electric Road, Causeway Bay #HappiMuffinHongKong🌟#HappiMuffin Rating: 7.5/10💰Price: $50-60 pp

真係好耐冇係香港食泰國野，最主要係貴啊‎¯ࡇ¯呢間泰出色勁有大排檔feel，唔只泰國嘢，台灣嘢都有得食。好適合朋友聚會，講下笑又一晚。不過等就等左差唔多20分鐘先有檯，大家去要早啲阿 .ᐟ.ᐟ.ᐟ.ᐟ菠蘿炒飯 🍍🍍🍍$89屋企人成日話菠蘿炒飯個菠蘿係會不斷重用。炒飯唔會太濕，鬆軟度足夠。Feel到啲菠蘿唔係罐頭菠蘿，而係新鮮嘅菠蘿，配埋肉鬆一齊食 ，大大碗真係勁滿足。大蝦炒粉皮🦐🦐🦐 $65雞絲粉皮就食得多，泰國嘅炒粉皮就真係冇食過。一上菜就知道好有鑊氣，食起上嚟勁開胃，蝦都夠彈牙同埋爽口，唔錯唔錯。我哋嗌左個套餐，同場加映龍眼冰同荔枝冰🍹夏天飲即係勁冰涼同清爽！泰出色泰國餐廳 (天后)天后電氣道86號地舖

2021.04.25 泰出色六點零黎到，唔洗等位。餐牌好多野選擇，因為唔想煩，就落左個四人餐，再加左幾樣野。好快上菜，食唔切，冷氣吹到凍晒。原來四人餐都好大份，差啲食唔晒。春卷海鮮沙律燒豬頸肉炸蝦餅炸雞棗冬蔭功蝦湯粉絲肉蟹煲蒜蓉包海南雞鐵板黑椒魚柳蝦球炒通菜菠蘿海鮮炒飯薄餅蒜蓉炒芥蘭酥皮咖哩海鮮

The restaurant is huge but the more you venture in the more it smells like a public restroom. The boss barks at customers just like he barks at his staff, who we can see are trying their best. The prices are cheap but so are most Thai / SEA places. Wouldn’t say the quality is particularly good, at least not the soft shell crab, Mongolia lamb or roti. Just walk further to the little place on Tung lung wan rd for better Thai cuisine.

很久没吃过泰式食品了，在电气见到这餐厅，反正也要吃午饭，不期而然走了进去医肚。店外有多套餐的菜单，今天是2月14日，看到有情侣点两人套餐。一支公吃饭比较简单，点午市套餐就可以了。加起来超过10种不同选择，50元左右的价位也很合理。套路的饮品要了一杯热咖啡，纯是港式咖啡，没什么特别，但味道很淡，没有什么惊喜。点了一份泰式干炒鸡柳河粉，份量不算多，放了不少蔬菜，但鸡柳没多少，而且是比较小块的。另外，河粉也比较碎，缺了应有的口感。撇开食物的水准，其实店员十分有礼貌，从坐下一直到离开都招呼得不错，是值得一赞的。

電氣道工作餐，在維園花市完之後。電氣搵食，最近維園花市開，更多市民前往。呢個午餐時間會更多人。泰國餐廳在附近，簡簡單單一個炒飯大概五十幾元。身上無現金，而家搵一間可以支付寶，微信支付餐廳真系方便。不過不算普及。泰式菠蘿雞粒炒飯炒飯鬆軟度足夠，有味道，菠蘿不是罐頭，而系新鮮好感，亦或者我食唔出菠蘿的味道。肉鬆好多，飯都大大碟。食物ok，服務ok，環境都不錯，服務員都全部帶手套，不過午市比較忙就要等耐少少。

店員態度有禮, 送餐所需時間合理. 好少去這區吃飯. 難得找到一間價錢相宜, 食物質素也合理的餐廳. 難得會去這區的遊人可以一試. 原本是想吃燒蝦的, 但因為沒有供應, 轉了烤豬頸肉, 也不錯. 份量也很足夠.

鋪頭以前未擴建嗰陣時都食過，記得感覺良好，隔咗咁多年而家間鋪擴充左再嚟食，果晚人數唔多，得幾台客，叫咗一個明爐烏頭同埋咖喱炒蟹，烏頭味道正常但唔夠熱，咖喱炒蟹都算可以，但性價比唔高，同埋服務態度就真係麻麻地，感覺真係有啲差，有啲失望。

走在天后的街道，大大小小的廣告牌卻吸引了我。然而，在下午時份，找尋美食便成為了我的首要目標。過馬路前，被 “泰出色”這燈箱廣告吸引了我，因此便走進店舖內，試試久未品嚐的泰式料理。星洲喇沙肥牛米線．HK$54同時喜愛麵類和喇沙的我，當然首選肥牛米線。喇沙湯底不太咸、泰式味道不太突出，但勝在米線偏軟身，值得一讚；肥牛亦不多根卻有少少老，建議可慢火煮及加些調味料；配料有彈牙的魚蛋和魚片、大量芽菜和配料。總括來說，整體是不錯的，若主食是肥牛，應多下苦功在肉類，將味道進一步提升。

已經好耐沒有去這間餐廳食飯，唔知係咪轉左老細，各樣野嘅味道和以前不同。炸嘢有油溢未，咖喱牛肉啲牛肉沒有牛肉味，蒜蓉包大不如前，最離譜就是蟹肉炒飯沒有蟹肉只有蟹柳。

以前係天后上堂後有時會去泰出色食晚餐，印象中味道都唔錯，今日再來天后就去呢間食午餐啦～海南雞飯配湯 + 金桔蜜 $52先講海南雞，雞肉肉質略嫌嚡口，不過係茶記嘅海南雞質素多數都係咁上下，所以算ok😂 再講雞油飯，飯有淡淡雞油味，但香味不足🙈 飯亦略嫌乾身左啲🙈 例湯入面有白蘿蔔和肉粒，但似乎落左味道，飲完之後會覺得口渴🙈金桔蜜味道幾濃，飲完喉嚨感覺幾舒暢～總結，印象中嘅泰出色食物質素都唔算差，但對今次嘅海南雞飯真係幾失望下，希望可以改善下🙈