河內越式料理

營業中

休息中

位置唔算易搵 係商場既最入面～絕對可以用隱世黎形容😂😂難得發掘到佢既美味真係出個食評先對得住佢既質素😆有越南地道既醬料 夠哂正宗！！生牛肉湯河粉 $61牛肉好新鮮 半生熟狀態浸落熱湯～食落岩岩好湯頭好鮮甜 係好香濃既牛肉味 ～ 而且碗麵真係超大碗 ⋯ 兩個人食一碗都絕對無問題🙂‍↔️河內特色綜合河粉 $95超級多配料 ～ 好豐富有生半肉 越式札肉 牛腱 等等 ～ 大滿足！！左：龍眼冰 $12食熱氣野最岩飲😋清熱又潤喉仲有杞子添呀超佛心右：椰青 $45大大個～解膩必飲👍🏻法式牛油雞翼（4件）$54炸得超酥脆！！有好香好香牛油味～仲有超多炸蒜係面頭～好邪惡😆雞翼都係大大隻～多肉又juicy順化炸蝦餅（大）$74塊蝦餅大到好似食雞扒咁😆淡淡蝦味咬落札實厚肉👍🏻超好味

今日喺尖沙咀嚟到晚餐時間 經過呢間 河內越式料理 就有啲想食越南菜 咁就入咗去食啦～ 坐低睇睇餐牌 好多選擇 除咗平時會見到嘅越南湯河、檬粉、米紙卷等等 呢個 濱海類 好特別 想試試😬 極品牛三寶湯河 $73三寶有生牛肉、牛展、同埋牛丸 個湯熱辣辣拎上枱 睇住啲生牛肉慢慢變熟 好治癒😌 三樣食落都有牛味 牛展炆得夠淋又入味 牛丸爽口彈牙 河粉幼滑 好味😋 越式豬扒包 $54食越南菜必點嘅越式三文治 好足料！麵包啱啱烤好 又脆又熱辣辣😍 豬扒大大塊 加埋配菜同沙律醬 好好食😇 越式炸蝦餅 $33炸得香脆唔油膩 蝦餅彈牙 配埋酸甜醬最夾！ 濱海伴豬頸肉串燒 $94食過咁多次越南菜 第一次食呢個濱海伴 有驚喜🤩 淨係上枱嗰下已經覺得好大碟好足料 店員姐姐應該知我第一次食 好細心教我點樣食😬 米粉加咗撈檬嘅湯 酸酸甜甜好開胃 用生菜包住配菜、米粉、同埋豬頸肉 再加少少沙嗲醬 加埋一齊一啖擺落口 好正😌 大推👍🏻 牛油果沙冰 $36唔會好甜 打得細滑 仲食到牛油果肉添😗 推👍🏻 冰鎮凍奶茶 +$10跟餐加$10就飲到冰鎮凍奶茶！咁就唔會俾啲溶咗嘅冰溝稀咗啲奶茶 香濃又滑 不錯😌 整體嚟講 呢間

河內越式料理 (尖沙咀)尖沙咀堪富利士道10號地舖位於尖沙咀堪富利士道的河內越式料理分店，以其正宗的越南菜式和獨特的火車頭風味聞名。這家餐廳提供多款菜式，其中包括重量級越南火車頭、安南鮮蝦米紙卷和越式豬頸肉等招牌菜。1. 重量級越南火車頭：這道菜可謂是河內越式料理的招牌菜之一，以其獨特的火車頭製作方式而聞名。火車頭是指使用大型鍋具，在桌上製作豐盛的越南火鍋。這道菜包含了各種新鮮的海鮮、肉類和蔬菜，搭配特製的湯底和香料，燉煮出濃郁的湯汁。每一口湯都能讓您感受到豐富的層次和鮮美的口感。這道菜不僅色香味俱佳，還能帶來一種獨特的用餐體驗，絕對是一道不容錯過的菜式。2. 安南鮮蝦米紙卷：安南鮮蝦米紙卷是這家餐廳的另一道招牌菜。這道菜以蝦肉、蔬菜和香草包裹在米紙中，搭配特製的沾醬。每一口都能感受到新鮮的海洋風味和清爽的口感，令人愉悅。這道菜色彩豐富，每一口都是一個小小的驚喜，絕對是開胃的好選擇。3. 越式豬頸肉：越式豬頸肉是這家餐廳的另一道推薦菜式。豬頸肉嫩滑多汁，搭配越南特色的調味料和香料，經過炭火燒烤而成。這道菜的豬肉香氣濃郁，口感鮮嫩，每一口都令人回味無窮。搭配上炭燒的香味，這道菜絕對能滿足

Love this place! Great menu options, with tasty appetisers and entrees. Any entree I've tried is always delicious & a generous portion. Vietnamese sandwich -Got this huge Banh Mi made up of an odd sounding combination – crusty bread rolls smeared with pate, mayo, ham, pickled vegetables, crispy outside but soft inside.Vietnamese Pad Xao -stir fry with a sweet-savoury-sour sauce scattered with pork and crushed garlic, delicious!

河內特色綜合河粉$95湯麵河粉裏邊有幾種唔同嘅配料。有雞肉絲、扎肉片、生牛肉、牛展好多配料！而且河粉嘅面量都好多，可以兩個人分一碗嚟食。跟餐杞子龍眼茶$8紅眼茶裏面真係有大概6粒龍眼，甜甜地咁樣好解膩。安南鮮蝦米紙卷$54 米紙卷都爆多了，啲粉線好多，而且紅蘿蔔同埋白蘿蔔絲都有齊，加埋香葉特別有風味。見到足足有成隻蝦喺一嚿米紙卷裏面。送米紙卷有埋生菜好fresh ，有芝麻做提升嘅香味。濱海伴雞肉串燒$92 雞肉串燒足足搞三條咁多，而且烤得都唔錯。濱海加埋雞肉串一齊食好滿足。如果鍾意口感清新啲嘅可以加埋生菜、紫蘇葉、香葉。

呢間連鎖粵式料理喺唔同地方都有而且食物質素幾好。值得一試。西貢咖喱牛腩配法包 $80 法包有5塊，上面加咗牛油嚟烘。個面金黃香脆，而且又唔硬，烘得啱啱好！側邊仲會有咖喱汁。咖喱汁份量比得好足，而且味道香濃。唔會太濃稠等啲麵包可以朔到啲汁。牛腩份量都好多，而且大大嚿，每舊都炆得好腍。加$12就有鮮芒果西米露西米露個底係椰汁入邊仲有好多西米露同埋鮮芒果。飲落又唔會太甜。越式蝦醬通菜 $88 晚餐為咗健康啲嗌咗個炒通菜。通菜份量都幾多，三個人食都好足夠。而且唔會太油。蝦醬味道亦都唔會太鹹。

今晚夜咗收工好晏先食飯，本身都鍾意食越南嘢，見到呢間餐廳咁晏都好多人食，門口又見到餐牌好多選擇，唔怕無嘢唔啱食餐廳一入去就有個好醒目嘅燈牌印象深刻。員工都好快咁帶我哋入去坐低，好nice。本身好肚餓所以嗌咗兩個小食，點知嚟到之後發現兩個小食嘅份量比想像中大好多，嗰下都好驚會食唔晒。蓮藕尖個汁好惹味豬扒炸得啱啱好超推介！嗌咗個雙人火車頭湯麵，上菜嗰陣時個碗差唔多有三份一張枱咁大，好驚喜湯底味道好正，牛肉牛腩牛丸樣樣都做得好好食，加上食蓮藕尖辣辣地，湯粉好啱送小食另外叫咗一杯青檸梳打，通常其他餐廳梳打會比細罐裝，原來係比大罐裝好抵飲！兩條友夜晚喺尖沙咀食到抱住個肚走，都係講緊$140一位，真係超抵食呀。

之前去完越南旅行，返嚟又有啲想食越式嘅嘢食，所以就決定入去試吓。餐廳啲嘢食價錢親民，而且選擇好多，仲有套餐可以揀，不過嗰日我哋都係根據返自己想食嘅嘢散叫。西貢咖喱牛腩配法包咖喱偏日式嗰種，唔會辣，牛腩份量都幾多下。法包都焗得幾香脆，係咖喱汁嘅最佳配搭。濱海伴牛肉串燒濱海即係將米粉煎香，整到好似米餅咁，加埋花生碎粒同埋薑蔥蓉，就咁食已經好好食。啲牛肉串燒醃得好入味，燒到外層有焦香，仲有啲花生沙嗲汁沾。蕃茄蟹肉扎肉湯檬好友驚喜嘅湯檬！蕃茄湯底超級濃郁，蟹肉嘅份量亦都好多，湯底酸酸甜甜，好濃好惹味，最後忍唔住全部飲晒。越式香茅豬扒撈檬好經典嘅菜式，我哋每次去越南菜嘅餐廳都會嗌。呢度嘅豬扒醃得好香，檬粉嘅配料亦都好充足，除咗甜酸汁之外，呢度仲有好多其他醬可以撈，自由配搭。

今日去咗呢一間位於係尖沙咀嘅越南菜，佢嘅地址非常方便喺尖沙咀地鐵站A出口步行大概1分鐘就會見到，餐廳嘅位置非常就腳，而且下午茶時間亦都非常多人，今日就同朋友去試下！我哋叫咗幾樣嘢大家share ，首先推介有佢嘅越式三文治，店員都非常貼心咁問我哋食唔食蔥同埋芫荽，呢個位非常值得加分，嚟到之後亦都幫我同朋友拎走咗，三文治嘅味道都唔錯，同傳統越南嘅發包味道簡直就係一模一樣，亦都有非常好食嘅扎肉，味道非常夾，我同朋友都非常鍾意！佢嘅小食亦都係呢一間餐廳嘅賣點之一，首先要推介有佢嘅蝦餅，佢嘅蝦餅非常爽口彈牙，食得出材料係用新鮮嘅蝦製造，絕對唔係市面上普通嘅蝦餅，加埋甜酸醬，口感同埋味道更上一層樓，另外佢嘅越式春卷亦都非常好食，佢嘅味道非常特別，而且食落非常有層次嘅口感，包埋生菜食，亦都可以減少令到成個春卷冇咁肥膩，作為小食，真係唔錯！越式三寶飯，分別有豬扒扎肉同埋雞翼，三樣都係餐廳嘅好食嘅嘢，店員都推介我哋叫一個餐，可以一次過有晒三種唔同嘅食物，我哋覺得呢個飯都唔錯，香茅雞翼做得特別好，非常有越南嘅味道，另外豬扒亦都非常入味，唔會有好硬嘅口感，送飯簡直係一流，另外餐廳亦都加咗好多唔同嘅配菜，令到

📍河內越式料理 (尖沙咀)尖沙咀堪富利士道10號地舖雞絲撈檬雞絲份量都多，吾會太柴魚露撈檬世界級，好好食，調味吾錯7.5/10札肉蕃茄蟹膏湯檬蟹肉大部分去殼，但有少少清吾乾淨，但小問題蕃茄湯底濃郁，有酸甜味，吾會死鹹蟹膏蛋個樣吾係好令，但味道吾差札肉有3片，味道正常檬粉軟硬適中，掛湯好味7.6/10豬頸肉三文治豬頸肉燒得好香，調味吾錯👍🏻但醃蘿蔔無味 無平時酸甜味三文治係法包，超級脆同偏硬7.3/10

今次喺尖沙咀搵食，經過見到門口有人等位，感覺應該都起碼唔係伏黎嘅，咁就同朋友一齊等埋一份喇！生熟牛肉湯河粉係一道結合嫩滑嘅河粉同鮮嫩嘅牛肉嘅美食，牛肉半生熟，浸喺湯內慢慢熟，口感好好，湯底好清甜又有牛肉香味。越式香茅豬扒湯檬以香茅同檸檬葉調味，豬扒炸得好好味，夠哂入味又嫩滑，仲好juicy! 湯汁又酸爽開胃。越式炸蝦餅有酥脆外皮同鮮嫩多汁嘅蝦肉，好好味。熱蜜糖柑桔係一款經典甜點，柑桔浸泡喺熱蜜糖入面，保持果肉鮮。檸檬蜜糖薑茶結合咗檸檬嘅酸爽同薑嘅辣味，令人覺得舒服。呢啲越南美食展現咗獨特嘅風味同烹飪技巧。不論係湯河粉、豬扒湯檬、炸蝦餅定係甜點同飲品，每一道菜都可以一試呢！不過雖然好味，但位處尖沙咀旺區，座位始終較逼及人多，食完亦要快快還枱比人做生意架😊

1️⃣順化番茄牛腩飯🔹牛腩 肉質軟淋，份量夠，汁底番茄味濃，酸甜適中2️⃣素春捲湯檬🔹素春捲餡料 飽滿，調味適中，春捲皮炸得香口，湯底唔會好咸3️⃣小食：越式豬頸肉🔸豬頸肉外層香口，內裏肉質軟滑，入口即溶，份量夠4️⃣小食：上湯灼生菜🔸生菜 嫩口5️⃣飲品：椰果椰汁西米露（小冰）🔹椰汁味濃，一d 都唔會水汪汪，都幾多椰果同 西米露浮在杯面

又去尖沙咀搵食，見到呢間好似新開嘅越南料理，又有幾多人入去，就試吓啦。極品牛三寶湯河粉($72): 有生牛肉牛展同埋牛丸，上菜嘅時候都幾大碗，另外一試難忘嘅就真係佢哋嘅湯底，應該真係用好多了去煲出嚟嘅，飲落去好似牛肉湯咁樣，完全唔似出邊嘅味精湯，而且好濃郁配埋生牛肉同埋牛制品食一流，而且湯河粉都好滑！順化牛肉撈檬($64): 同出邊食嘅撈檬都其實差唔多，牛肉份量都算多，而且配菜都好足夠。追加小食越式香茅豬扒(+$24):加嘅價錢嚟講唔算特別平，不過勝在上菜嘅時候都覺得佢幾大份，豬扒鬆軟又唔會過淋，好食☺️加嘅價錢嚟講唔算特別平，不過勝在上菜嘅時候都覺得佢幾大份，豬扒鬆軟，又唔會過林，好食！飲品叫咗凍鹹檸七同埋熱情果梳打(+$12@)! 總結：越南嘢嚟講其實自己都幾鍾意食嘅，覺得總係價錢相宜，而且又好食。我覺得呢度比我最大嘅驚喜就係佢嗰碗湯河嘅湯底，我食到最尾飲咗差唔多成半碗，真係好足料，而且待應嘅態度都好好👍🏻 態度好加上性價比十足，值得再嚟。

今日喺尖沙咀行街，經過一間鋪頭面積細細嘅餐廳，見到好多人，6點已經接近坐滿人，我地估計一定好好食，所以就入去試吓。我一行兩人，叫咗一碟「蝦醬炒通菜」，通菜好新鮮、香嫩而爽口，熱辣辣，即叫即炒，好重蝦醬味，仲有小小櫻花蝦仔，好香口，超正。接着，係「烤雞」半隻，雞肉好嫩滑，估計係經烤焗過，雞皮有少少乾身，雞皮好滑，而且有黏黏哋嘅感覺，調味料及香草味吸收晒入去，好好味，超惹味。主食叫左「生牛肉湯檬」及「三寶湯河」，湯底同樣係越式風味，三寶包含咗牛𦟌、牛丸、牛肉，好新鮮，好好味。飲品叫咗「冰鎮奶茶」及「鮮果沙冰」，2款都好好味，鮮果沙冰真係用新鮮水果製成，即叫即整。埋單合共全餐只需三百多元，真係好抵食。

晏晝食完比較Heavy嘅西餐，夜晚清清地食越南嘢雞牛豬之中我最鍾意食雞，所以今晚決定雞全部都係雞：香茅雞扒飯、雞絲湯河、香茅雞翼，至於飲品方面就叫咗青檸梳打同三色冰幾樣嘢之中我最鍾意食香茅雞扒飯，因為雞扒皮脆肉嫩，一啲都唔油膩，至於香茅雞翼充滿牛油香味，雖然邪惡不過令人垂涎三尺、欲罷不能本來以為雞絲湯河會食唔飽，不過由於雞絲份量慷慨，而且河粉好似唔使錢咁好多，食完之後飽肚又暖胃，真係寒冷嘅冬夜一大享受呢間越南嘢位於尖沙咀堪富利士道，地點方便，而且份量慷慨#河內越式料理