河內越式料理

營業中

休息中

位於尖沙咀堪富利士道10號地舖的河內越式料理，在尖沙咀地鐵站A2出口步行不到1分鐘，交通非常方便。餐廳招牌極品牛三寶湯河粉必點之選，大大份河粉有生牛肉、牛展，牛丸和芽菜等，生牛肉肉質鮮嫩，牛展軟腍，牛丸彈牙又有口感，河粉順滑，牛肉湯底濃郁又少油，清甜忍唔住飲多幾啖湯。小食越式豬頸肉皮脆內嫩，非常香口。上湯灼田園蔬菜，碧綠爽青，新鮮夠健康。餐飲鮮芒果西米露，椰漿味香濃，加埋酸酸甜甜的鮮芒果，口感豐富而有特色。主食+小食+飲品人均都唔需$100，真係幾抵食呢！

今天突然好想食越南菜和又要去尖沙咀，便上openrice睇下有什麼好食嘅越南菜推介， 見這間店好多人推介便入去試試。 我叫咗生牛肉河，這店無金邊粉選擇只有河粉和檬粉， 雖然我覺得生牛肉金邊粉先好食，因為超級索湯和較為傳統，但冇辦法只好叫河粉，飲品我叫了龍眼冰。生牛肉粉上枱時，生牛肉呈半熟狀態，肉質不算上乘，但以牛肉粉嘅價錢算是非常ok， 河粉質地ok，不會煮得太淋，剛剛好， 但係湯底就不行，因為我覺得比較鹹和味精較重手，香料味欠奉。雖然食品較差，但單這店的飲品超水準，龍眼冰內除了很多龍眼，也有很多杞子， 名副其實龍眼冰，飲起來不會很甜，亦很有透心涼嘅感覺。

尖沙咀美食多籮籮，今次去咗堪富利士道10號地舖 嘅河內越式料理揾食😋一入到店舖，裝修好舒服，好有越南特色，另外服務員態度和藹親切我order 咗🌸生牛肉湯河粉，牛肉湯底香濃美味，生牛肉燙得剛剛好 ，你睇吓粉紅嫩肉色，幾咁呼引。🌸雞絲湯河粉，一絲絲的雞肉加上爽口芽菜🌸越式炸蝦餅，鮮味十足而且好彈牙🌸香茅雞翼，香茅味輕重恰到好處，而家雞翼入面重係超級juicy，肉汁滿滿🌸飲品方面叫咗鮮芒果西米露和椰汁珍多冰，真係名具特色，好味入口so yummy

越南菜喺香港非常普遍，我自己覺得河內越式料理係其中一間性價比高嘅越南餐廳。今日同朋友嚟到尖沙咀分店食晚飯，主菜加小食加飲品都係$100以下。- 會安雞絲撈檬河內越式料理既撈檬可謂以量取勝，雞絲多到覆蓋左半個碗。其他配料都好豐富，包括青瓜絲、蘿蔔絲、花生碎、油拌青蔥碎等等。魚露味道比較清甜，啱晒而家咁熱既天氣👍🏻- 順化蕃茄蟹肉扎肉湯檬湯檬非常大碗，中間有好多鮮甜既蟹肉，番茄湯底非常濃郁，酸酸甜甜夠晒開胃，檬粉份量多，而且好索汁，仲有其他配料包括扎肉、豆卜同芽菜。- 越式炸蝦餅蝦餅切開左四份，肉質彈牙，點埋甜辣醬仲惹味。- 越式豬頸肉豬頸肉好大片，外皮香脆，但肉質太煙韌，唔係好咬得開🤔越式飲品當然唔可以錯過，我地叫左越式青檸冰同熱情果梳打，非常大杯，消暑一流。

河內越式料理 地址:尖沙咀堪富利士道10號地舖行過見到咁多人排隊於是就試埋一份，原來呢間野真係好抵食🤣～極品牛三寶湯河粉🍜 $70作為越南餐廳必點之選，大大份河粉包咗生牛肉; 牛展; 牛丸🤩，真係大碗到以為叫咗二人份量😍。越南粉彈牙又有口感再配上搭濃郁又唔太鹹嘅牛肉湯，而且價錢都算實惠😏～越式豬頸肉撈檬🐷🍝$64豬頸肉嫩滑入味又帶焦香😋，檬粉加埋青瓜絲🥒蘿蔔絲🥕再沾咗啲酸甜醬汁，真係好清爽🤤酸甜醒胃不油膩。越式豬頸肉🐷＄29即叫即燒豬頸肉，燒到岩岩好而且個皮仲帶有少少焦香😚，配埋甜辣醬更惹味😍。越式炸蝦餅 🦐$29即叫即炸蝦餅，口感夠曬彈酥脆可口😆，配上酸辣醬仲更惹味😍。越式香茅豬扒🐷 $23即叫即煎香茅豬扒，醃得真係好入味好好juicy呀😋。鲜芒果西米露🧋 $12濃郁嘅椰奶味道加上少少芒果都唔會唔會太甜😙，再配上西米露😍，令口感更上一層樓。越式青檸冰🍹$12清新酸香嘅青檸冰清新得黎又好有層次🍃，好開胃呀😝～

尖沙咀食肆林立美食眾多，好味既餐廳多到唔知點選擇好。今日選擇左食越南河粉，因為Phở是我喜愛的食品中名次頗高的一種😆。餐廳好方便，地鐵出黎行1分鐘就到。餐廳細細間，滿滿既人潮，仲有越南家庭在享用美食，連越南人都食既越式餐廳，我相信應該係幾正宗既！餐廳職員超友善，見我地揸唔定主意，主動走來同我地介紹餐廳人氣&招牌美食。十分抵讚！👍河內生牛肉湯河粉 $58越南河的靈魂就係個湯底。湯底有牛骨香及越式的香料，加埋桔仔既酸，辣椒粒既辣，湯底清甜可口，令人回味無窮，加上口感嫩滑且味道鮮美的半生熟的牛肉，不需要調味就有很濃郁的牛香料芳香，兩者香氣平衡，十分清甜順喉。 河粉甚大碗，河粉白淨，質地薄而通透，有米香，不算煙韌但很幼滑。 河內招牌豬扒飯 $62香茅豬扒一d都唔柴，十分鬆化，帶有香茅既香氣，配上得製蔥油 & 豉油汁，十分惹味，果然是招牌菜。最欣賞係個飯，軟熟得黎帶有米香，粒粒分明，真係好好食。如果煎蛋可以改為太陽蛋就更好啦！我地隨餐加左2款小食。分吃係越式炸蝦餅 ($29) & 越式炸春卷 ($21)。蝦餅外皮炸得香脆，內裡軟滑，甚是不錯。越式春卷頗有驚喜，大大卷，炸到脆卜卜，入面勁爆多材料，

河內越式料理 (尖沙咀)放假出開尖沙咀當然睇下有咩好食啦越式豬頸肉烤得好香口又好脆，份量都有甘上下，好抵食，必食推薦生熟牛肉湯河生牛肉同牛展雙拼，大大碗好好味，湯底都好濃👍🏻加上青檸汁同辣椒，更加入味而且份量都好多一個人食一定食夠飽嘅😂😂青檸梳打原罐梳打加青檸，清返個口，消暑解渴之選價錢又抵，食物質素又高，要食都要排下隊先得，下次行開附近都要再來食、再試唔同嘅菜式，真係大食夾抵，絕對支持同推介

今日約左朋友出去食Lunch，心血來潮，突然想食撈檬，拉埋朋友即刻買黎食先啦！😋🍱香茅豬扒撈檬🍱豬扒大大塊，炸到軟嫩多汁，配搭清新酸甜撈檬，夠哂開胃😜🍜極品牛三寶湯河粉🍜份量超級大碗，有生牛肉、牛展 、牛丸 ，配搭濃郁牛肉湯，加上滑滑河粉，好滿足！😚🍤越式炸蝦餅🍤即叫即炸，配酸辣醬一齊食更惹味😍@hanoivietnamesecuisine 河內越式料理📍尖沙咀堪富利士道10號地舖

2022.09.19今日黎到呢間尖沙咀出名多選擇價錢又親民食越南晚餐🫶🏻生牛肉湯河粉🐮 $58係呢間店必食之選！生牛肉新鮮又嫩口🐮河粉好順滑！濃郁既湯底加上芫荽、洋蔥等香料！好可口！香茅豬扒撈檬🐷 $62同樣係呢間店大熱之選⭐️香茅豬扒好厚身，而且好香口！撈檬配上新鮮蔬菜絲，口感更豐富！配上醬汁酸酸甜甜好開胃！隨主食可以以優惠價追加各種小食👍🏻1️⃣越式炸蝦餅🍤 （細）+$29自家製作，炸到外層好香，咬落好彈牙👅又有蝦味🦐2️⃣越式炸春卷 （2件）+$21同樣自家製作，炸到好香脆！咬落每口都充滿不同配料🥰羅望子冰 🍹+$12唔係好多地方有！酸酸甜甜好解膩！熱情果梳打 🍹 +$12咁熱既天氣，呢杯飲品百飲不厭！酸酸甜甜好開胃，而且熱情果籽咬落好過癮！

生熟牛肉湯河粉 $66辣椒青檸會分開上，隨喜好而落。青檸好貼心咁開左個頂，方便落汁。牛肉大大件，唔會太肥。河粉唔碎👍順化蕃茄蟹肉扎肉湯檬 $67永遠都好鐘意蕃茄湯同蟹肉呢個配搭，飲湯時都有淡淡既蟹香味。越式豬頸肉$29豬頸肉皮脆內嫩，唔錯。椰汁紅豆冰 $12跟湯粉叫特飲都係加$12，滿滿既椰漿配紅豆，唔會太甜。椰汁三色冰 $12裡面都係脫衣綠豆，紅豆，綠色條裝既燕菜條，椰漿的味道香濃，加埋配料，有口感。不停有人入黎食，d位流動得幾快，加上上菜速度快，基本上都唔駛等位。

同同事食lunch～ 想飲個湯暖暖胃就諗起越南餐廳一定會有湯河～ 我叫左生牛肉湯河，朋友叫咗香茅豬頸肉撈檬，我哋加咗兩件雞翼同埋一碟菜做小食～仲叫咗2個椰芒西米露飲品～ 生牛肉湯河真係每次我去食越南餐廳既必點之選～ 因為牛肉既熟度可以按照自己口味泡到喜歡的熟度～ 因為牛肉太熟會無咁滑，所以生牛肉湯河可以先行控制真心好正～ 大贊餐廳的湯河份量好足，河粉量同牛肉量都好多～ 牛肉仲要好滑好好味！大贊！香茅豬頸肉撈檬既豬頸肉都好好味～ 魚露先行加落去撈檬到～ 鍾意食撈檬係因為除左檬粉，仲有紅蘿蔔絲食起身好清爽不油膩～小食炸雞翼真心好食！好香脆～ 小食仲可以叫碟油菜真心好正～ 健康又美味的一餐～飲品椰芒西米露都好好味～ 清新！

夏天冇咩胃口，所以要食啲開胃啲嘅食物，今日嚟到尖沙咀試下呢間河內越式料理🤗🍤順化炸蝦餅撈檬 $66蝦餅炸得好香，肉質嫩滑，份量多，配菜有爽口青瓜絲、紅蘿蔔、炸蒜，檬粉口感細緻彈牙，冰涼爽口，再倒入酸甜嘅檬粉汁，攪拌一齊食，非常開胃✌🏻🦀順化番茄蟹肉扎肉湯檬 $62湯底濃厚蕃茄味，配搭檬粉口感彈牙可口，又係開胃之選😝🦐越式炸蝦餅 +$29蝦餃彈牙可口，唔算太油🐣香茅雞翼 +$20好入味，肉質幾滑，好食🥥椰汁冰 +$12飲落唔會太甜，幾好 🍋鹹檸七喜好耐冇飲😍好飲總結💕整體質素唔錯，大大份，幾抵食🤗

好耐無食越南嘢, 喺尖沙咀行完街就搵咗間都幾多人排隊嘅河內越南料理😍 原來真係好抵食! 😗生牛肉湯河粉 $58生牛肉湯河係必食item! 湯底好濃好正, 而牛肉亦都好嫩, 又香牛味🥰 依個價錢食到依個質素嘅生牛肉湯河真係好驚喜😝順化蕃茄蟹肉扎肉湯檬 $67而依個湯檬嘅配搭又非常有新意🤪有蟹肉食嘅越南河真係第一次見😎 蕃茄湯底酸酸甜甜 加埋啲好fresh嘅珍多冰, 真係好似去咗越南咁🤪越式炸春卷(2件）$21/ 越式炸蝦餅（細）$29而我地都叫咗兩款小食, 兩款都好香口, 外皮好脆😙 個蝦餅亦都好彈牙又好香蝦味🥳而且春卷食落啖啖都係配料, 真係好滿足呀😘

“越式河內三寶飯”($70)“極品牛三寶湯河粉”($70)“越式炸春卷”($21)“越式豬頸肉”($29)“鮮芒果西米露”(+$12)“凍青檸可樂”(+$12)好耐冇食越南菜😆呢晚喺尖沙咀見到呢間河內越式料理好似幾多人幫襯,裝修又唔錯所以就入咗去食嘢😛我地叫咗2個主食😚先係越式河內三寶飯😍三寶即係豬扒,雞翼,扎肉☺️豬排外脆入面腍滑🐷香茅雞翼夠香口🐔個飯份量都夠哂大😝加上甜豉油撈飯一流另一個要咗極品牛三寶湯河🐮有生牛肉,牛𦟌,牛丸湯頭鮮甜,牛味濃郁😚牛𦟌嫩滑完全唔韌😋牛丸咬落去爆哂汁🤤加埋青檸,辣椒碎就更加惹味🌶叫主食仲可以用優惠價追加小食我地就要咗炸春卷,豬頸肉炸春卷十分香脆,豬頸肉食落完全唔乾☺️飲品同樣有加配價,特飲只係+$12點選咗鮮芒果西米露🥭,青檸可樂大大杯非常抵飲😚

今日去完musea做gym，晚飯突然好想食越南菜，搵下openrice見到呢間餐廳好高分，價錢又合理，決定一試。餐廳位於堪富利士道，鄰近地鐵站，非常方便。大約7：00到達餐廳，已經座無虛席，非常好生意。打開餐牌，選擇夠多，湯粉，撈檬，飯類，一應俱全，就連小食都有極多選擇。亦都有套餐可以揀，岩哂選擇困難既朋友。每張枱都有消毒搓手液，十分貼心。熱情果梳打 （套餐＋＄12）椰汁冰 （套餐＋＄12）熱情果梳打岩岩飲既時候有d甜，但係等冰慢慢溶之後就岩岩好，非常refreshing。椰汁冰濃度岩岩好，唔會太甜。生熟牛肉湯河粉 ＄66非常大碗，2倨人share都絕對夠飽，生、熟牛肉各半，份量正常，湯底濃郁。香矛豬扒撈檬 ＄62同樣地，大大碗，香矛豬扒seasoning做得好好，入哂味，唔駛加任何醬料已經夠哂味。越式炸春卷 ＄21有2件，餡料豐富，食落香脆，好味。越式豬頸肉 ＄29份量好大碟，燒得岩岩好，個皮有少少焦香，配埋甜辣醬。越式餐廳黎講，呢間真係幾抵食，而且食物選擇又多，一定會有下次。