河內越式料理

營業中

休息中

好多年前去過芽莊一次, 個次唔知點解搵唔到一碗令我滿意既地道PHO, 反而係香港依間越南野就係我飯堂。好長情我次次食親都係生牛河或者依款順化蕃茄蟹肉扎肉湯檬 ($67)。橙橙紅紅既湯底, 片片札肉上一堆拆絲蟹肉, 仲有唔少得既精粹係青檸用辣椒! 所有野MIX埋一齊就最好食。拌勻後啖啖湯都摻左少少蟹肉, 入口蕃茄味濃郁, 檬粉同埋豆卜都係索湯能手, 入哂味!另外仲加左份越式春卷($21), 外皮好鬆脆, 入面包左粉絲同木耳, 好食。野飲叫左蜜糖柑桔冰($12), 又唔係好甜抆抆飲起上黎都幾解膩, 一定係加左柑桔既關係。簡單好味又平, 所以係我既飯堂之一~