沛

營業中

休息中

第一次係呢度寫食評，因為真心覺得可以推薦俾大家。今日係深水埗附近開完會準備食一個lunch。見到呢間新開既韓國餐廳，位置唔多，岩岩過左午市冇咁多人，通常見到呢d細鋪，我都會試下，見到門口寫住新款養生雞湯，天氣凍就打算試下，坐低有兩份小菜，泡菜食得出係自己手工整，有少少意外，等雞湯上黎望落個湯就好清，唔似平日食開既廣東雞湯。但係飲落就真係好清爽，呢幾日打邊爐熱氣，飲左呢碗湯覺得好舒服，湯入面除左有雞味仲有蘿蔔既甜味。同泡菜一齊食都可以balance返個味。鍾意食泡菜仲可以免費refill一次。雖然價錢唔算平，但係期間同侍應傾左下計先知道，原來鋪頭泡菜同醬料都係老闆娘親手製作，因為一個人食唔落咁多，打算下次可以同fd一齊黎試下其他！

小店空間細 枱亦都比較細可以接受 想叫炸雞加部隊鍋但驚佢唔夠位擺 所以落單前先詢問店員：唔該，如果叫炸雞加部隊鍋夠唔夠位擺？點知得到店員非常唔耐煩又無禮貌嘅回覆：「我點都剩係比一張枱你架咋喎。」你其實無回應過我嘅問題囉，講到我夾硬要多張枱咁 你可以答我夠位擺/唔夠位擺 如果唔夠位擺你可以話食完一樣收走再上另一樣，咁答到底係咩意思呢，我想即刻走人，但由於一坐低佢就擺低咗前菜亦都食咗啲，朋友話唔好走所以就食埋先走期間又再次聽到嗰位店員回覆客人可以幾無禮貌，有位小姐入嚟：可唔可以留位8點先過嚟食呀？店員又係非常唔耐煩地：我哋呢度無得訂位㗎喎 人哋有禮地詢問，點解要受到佢嘅鄙視呢，不過我都希望自己係嗰位小姐，可以唔洗食就走人

有時心思思想食韓式飯卷，近期深水埗開咗間誠意韓式小店，名乎其實真的是小店，因為全店目測得10個座位。今次試左韓式紫菜飯卷(五花腩)($58)同埋韓式牛肉炒粉絲($88)，會附送泡菜與醃青瓜。先講韓式紫菜飯卷即叫即包，完全唔係預先準備好的，紫菜仍是脆口，滿滿五花腩蛋絲青瓜絲同蘿蔔絲，加埋麻油香氣好滿足。而韓式牛肉炒粉絲上桌有點擔心，因為一向食開都會望落深色會有啲醬汁，這個完全淡色望落好似冇味咁，但食落係有肉香與鮮甜的調味，還有淡淡的麻油香，唔似坊開滿口油油的感覺。食到一半同店主傾開先知係港韓夫婦主理，完全真係非常地道的韓式小食。

最近深水埗新開左間韓國小店，位置唔係好多，有韓國人主理，可以食到正宗既韓國味道🤤價錢唔貴，而且食物味道都好唔錯！值得一試！另外每台都會比細細碟既前菜客人食住先，有泡菜同埋醃青瓜，幾開胃！1️⃣韓式紫菜飯卷（五花腩）（$58） 紫菜飯卷係即叫即包既，所以唔會有放到淋曬既問題🤤食落有麻油香，有五花腩、蛋、青瓜絲、蘿蔔絲，配料多過白飯，食落清爽得黎又滿足。  2⃣️韓式拌飯（牛肉）（$88） 隻太陽蛋好靚😍另外有韓式辣醬可以自己加落去伴飯，食落韓國味十足！正！  3⃣️韓式無骨炸雞配甜辣醬（$128）炸得好脆，而且都幾多件！食落肉都算嫩滑。另外甜辣醬係分開上既，食落唔算好辣，鍾意點幾多就自己點幾多😋  4⃣️韓式辣炒年糕（+$1）新店開張所以食滿$200可以加$1換多碟辣炒年糕🥰食韓國野有點少得食辣炒年糕啊。年糕好煙韌，仲有啲魚糕片索滿曬啲汁😙醬汁係偏稠身既，幾好食。 

今日係第二次黎呢間食，因為好耐無去韓國，第一次食過覺得好接近想食嘅味道，所以係呢度寫我第一個好評。 老闆同老闆娘好友善，好用心去聽客人意見，服務態度已經值得一讚！環境雖小，但睇落非常乾淨，唔會因為店面小而變到好污糟，裝修傾向文青風，好靚。半份無骨炸雞配自製辣醬新鮮滾熱辣，即叫即炸嘅炸雞，肉嫩炸皮剛剛好厚度。調味方面，炸雞本來只有少少調味點店家整嘅辣醬就剛剛好，唔點都可以就咁食。配嘅伴菜淹蘿蔔都好好味。吞拿魚紫菜飯卷呢個係最接近韓國味道，非常足料，好好食，食一條都夠飽。推薦鍾意食飯卷嘅你！牛肉拌飯拌飯配店家嘅自製辣醬，唔會搶走本來配料嘅味道，同樣好足料。蛋同牛肉食落都好嫩，唔會煮過龍。好味！ 總括各個方面，推薦大家一試，CP值高，味道唔會令你失望～

見網上介紹呢間韓國菜，就趁住放假去食個lunch！地方細細唔係容納到好多座位，我一點半去到都等咗陣先入到座。🥤Lunch time (1200-1500)有飲品優惠，沙冰+$15，罐裝飲品就+$5，其他時間就正價。我加咗杯士多啤梨牛奶沙冰，都幾足料，飲到最後都唔會水汪汪，仲係冰🍧🍚韓式吞拿魚拌飯 $88啲小菜可以免費refill一次，之後每次再加就$18/碟。因為啲小菜都係拌飯啲料，所以我加埋落去一齊食，refill咗一次。老闆話個吞拿魚係魚肉自己整碎再加調味，唔係就咁開個罐頭加落去。食落都幾綿密，唔會有嗰啲硬嘅魚絲🐟👍🏻唯一美中不足係無咩麻油，如果加多啲落去就更好！不過飯量都幾多，我一個女仔食完都超級飽！😹呢度職員都好好禮貌，會每枱問下啲食物O唔OK，有咩意見咁。呢度價錢唔算平，但都希望生意會越做越好啦！👐🏻

途經深水埗，見到呢間白色外牆黑色窗框粉藍色大門的小店，望吓餐牌，原來係一間韓式料理，食物種類雖然不多，但感覺很有韓國家庭感覺，於是拉着好友入去試試店員先放下兩碟韓式前菜，分別是泡菜和芽菜，兩者都醃得不錯，令人開胃好友是韓式炒年糕控，帶點甜辣的韓式醬汁掛滿雪白的年糕上，入口不辛辣，非常惹味，除了年糕還加上韓式魚片，薄薄的魚片沾滿醬汁，非常美味，加上面層的芝麻香，更加香口美味另外點了大醬豆腐湯，一看已經知道內裏材料豐富，有滑溜的豆腐，翠玉瓜，雜菇，大蔥，牛肉先呷一口湯，充滿大醬湯的鮮味，加上香軟的白飯，放入湯內變成湯飯，更加好吃韓式蛋卷，有原味有芝士味，可惜今日芝士味賣晒，就點個原味，長長的蛋卷，煎得外皮微焦，面層灑上芝麻和蔥粒，一層層的蛋卷，清新美味，吃得舒服，很有住家感覺這裏的價錢相宜，環境舒服，食物吃得令人舒服，值得支持

上網睇到間小清新嘅韓國菜趁得閒去試下用左中島幾中意嘅薄荷配白色❤️由於小店只有10個位兩點去到都要排隊可能大家要再早啲或者3點半後就好啲小店由香港先生同韓國太太主理所以大家等食物時都記得要耐心喔😎—————————————————————當日中島去到排左大半個中左右啦一路排都驚部隊鍋無曬因為告示板寫住只限3份好彩入到去都仲有剩即刻叫番個食芝士控記得要加芝士呀睇住啲芝士慢慢溶再拉絲好療癒呢個鍋仔細細入面都有幾多材料午餐肉 腸仔 魚板 年糕 冬菇最最最重要係韓國拉麵😋每樣材料都吸收左久違嘅韓國辣醬味醬料仲要係由韓國太太親自調配有誠意又夠韓味👍🏻嗯 雖然呢個部隊鍋絕對夠兩個人食但竟然咁夠韓味叫多個紫菜飯卷都唔過份一份飯卷有8大舊每舊都有滿滿餡料仲要係飯少餡多嗰隻超足料另外如果大家喜愛食韓國前菜呢度都有家庭裝可以俾大家買番去慢慢嘆—————————————————————⟠ 部隊鍋 $178⟠ 芝士 +$8⟠ 牛肉紫菜飯卷 $58

深水埗新嘅食店可謂遍地開花，除咗文青Cafe，多得媒介介紹，呢間新開嘅韓式食店亦成為呢期上位一員只要全單消費滿$200，加$1即送韓式炒年糕，計過數符合條件，出示呢張COUPON就可以啦 每枱送上泡菜及小菜一客，年糕醬汁甜辣味道，配年糕真係好鬼夾，仲有少許魚糕作配料，一人一件好快被"消滅"要數韓食鍋類，點少得牛肉大醬湯，附送白飯一碗，食物器皿係黃銅色，幾鬼韓系大醬湯味道唔會過濃，單飲都可以，材料除咗牛肉 (肉味都幾濃)，仲有豆腐，翠玉瓜，薯仔粒，大蔥及香菇片，一D都唔複雜!  可以選擇成碗飯倒落個湯到食，又或者"畢"一匙飯先加少少湯食亦可以，我選擇後者。係韓劇入面成日出現食泡面場口，呢度提供"豪華版"，就係呢客厚切五花腩肉芝士泡面，只睇牌面係咪已經感覺到有幾邪惡呢?!將芝士熔於湯中，湯底變得相當"芝"味，加埋隻鷄蛋，增加面條嘅滑度有3件厚切五花腩肉，肥膏部份唔算太多，醃得相當入味，煎香得外有少少脆度，唔錯!全店只得10個座位，係門口排隊登記，想食嘅都要有點耐性!

MW Korea House✖️睇到介紹，趁佢新開張打工，嗱嗱聲落深水埗試下呢間餐廳。6:30入座，未夠7點已經見到外面有幾十人係度等，所以我哋兩條友仔快快手食完就鬆人。。。小店位置就係深水埗麥當勞斜對面，由韓國太太及香港先生打理。話明係小店，食物選擇唔太多。全場有5張枱10個位，空間十分有限，枱與枱之間基本上都冇乜距離，所以怕狹窄怕壓迫感嘅人呢度就未必啱你喇。韓式牛肉炒粉絲：配料好多，少咗平時食到嘅麻油味！如果上枱時再熱辣辣啲就更好喇。韓式炸雞：雞肉係好嫩滑嘅唔知點解我個人覺得似麥當勞嗰隻炸雞🍗但朋友話唔係。紫菜豬腩肉飯卷：現場觀眾同外賣都必點，証明香港人幾中意。呢度仲有牛肉、吞拿魚、菠菜飯卷。首先飯唔散嘅，但我個人就中意個飯嘅黏度可以多啲。配料夠，但唔係好香，可能係醃製時冇加重料，輕怡啲健康啲！現時消費$200加$1就有一份芝士辣炒年糕，裡面仲有魚板。第一啖食落有啲山渣味，唔酸唔辣，連我都食到嘅辣就知。年糕口感唔係好QQ，但係味道係可以嘅，可以食多啲。。

深水埗呢個舖位最近轉手為韓國餐廳，個名就係單字一個沛，今日就同兩個同事一齊嚟試吓。舖位唔算大，大概只有10個座位，雖然如此，喺佈置上見到花咗點心思，抬頭一望就見到掛咗好多乾花，甚有特色。門外印製好嘅餐牌所列嘅選項不多，不過店內就用黑板寫住最新推出嘅菜式，其實以小店嚟講選擇亦算豐富及多元化。小店始終座位不多，所以佢哋亦有推出外賣，自取仲有九折，可以吸引另外一班捧場客。落單後店員就奉上泡菜同韓式小菜，全部都係佢哋自家製，而且仲有另外出售，食啱嘅可以再買返屋企慢慢嘆。其實我哋對於食物選擇初時都毫無頭緒，於是乎店員就向我哋推介咗幾款菜式，首先係韓式炒年糕。年糕用咗韓式辣椒醬作為醬汁，甜甜地之中帶點微辣，另外仲加入咗韓式魚片，沾滿醬汁非常惹味。店員仲話可以追加飯團，點嚟食更加好味。另一款推介我哋試嘅就係五花腩芝士泡菜拉麵，韓國拉麵一向都係我嘅至愛，覺得比日式嘅即食麵更加彈牙有口感，呢個泡菜拉麵加入咗芝士同半熟雞蛋，將半溶嘅芝士同半熟嘅雞蛋攪勻入湯底入面，味道更加豐富好味。唔好俾佢五花腩嚇到，以為非常肥膩，其實佢嘅五花腩係預先煎至金黃脆邊，炸出多餘嘅油脂，食起上嚟非常甘香，而且亦減少罪惡感。韓式牛

去開深水埗拎野，緊係會行下街食下野嘅， 深水埗多野食就係人都知，但新開左間小店食韓國野就唔太多人知了。今次來到小店裝修幾清新就好像cafe 店咁門口有個打卡座位，謙謙都忍唔住打個卡先入去食野，今次係謙謙發辦🙈叫哂佢鍾意的野食。⚛ 韓式紫菜飯卷 ～ 有吞拿魚，五花腩和牛肉選擇， 謙選了五花腩， 飯卷材料包得豐富， 所以謙謙好喜歡。⚛ 韓式炒年糕 ～ 年糕加左少許泡菜和魚糕去炒，入口屬小辣，但汁料如再濃稠一點會再滋味D。⚛ 牛肉拌飯 ～ 睇得韓劇多最愛懶人飯，加拌飯醬係咁拌勻食， 因配料豐富，所以特別美味。

同朋友去深水埗覓食，朋友幾鍾意食韓式料理，於是我哋試一試呢間韓式餐廳🇰🇷 坐低點完餐，店員送上前菜，有涼拌芽菜同泡菜，兩款小菜都好開胃，泡菜係自家製，可以免費添1次，大家有興趣仲可以買返屋企~韓式紫菜飯卷($58)有三種款式可以揀，我哋揀咗五花腩，分別係吞拿魚、五花腩同牛肉，雖然揀咗五花腩，但食落完全唔覺得油膩，餡料好豐富，有蛋絲、蘿蔔絲、醃蘿蔔同生菜，配埋芝麻好香好夾，店員特別推薦可以夾埋泡菜一齊食，好開胃，份量嚟講幾大份🤤韓式炸雞($128)呢個無骨韓式炸雞，好香口好脆😽上嘅時候熱辣辣，一咬落去就好juicy，配有特製蒜甜辣醬汁，蒜香味幾重😋韓國熊津糙米汁($20)飲品方面，我哋嗌咗韓國汗蒸幕成日見到嘅米汁🤣飲落係濃郁清甜嘅米香，口感綿滑，因為係低卡飲品，所以都幾健康，見到飲品仲有唔同味道嘅冰沙，下次可以試吓😉呢間韓式小店行小清新簡約路線，好鍾意佢哋嘅主色調係Tiffany blue，令人覺得好舒服😌餐廳座位唔多，整體食物質素幾高👍🏻出邊仲有個打卡位，可惜而家冇得飛🤣 所以如果有興趣食地道韓國料理嘅朋友不妨可以試吓😆

福華街新開韓式料理，店內裝修係走清新簡約風，乾淨整潔，非常之少女☺️有別於其他韓式餐廳。美女店主服務殷勤有禮，空閒時間會從廚房走出來與客人溝通交流。附送兩款自家製餐前小菜，韓式酸辣泡菜及芝麻芽菜，兩款小食都非常開胃，味道方面一款重口一款清淡。韓式紫菜包飯（五花腩）$58有吞拿魚、五花腩、牛肉或菠菜選擇今次選擇了五花腩，腩片預先煎香過，配以雞蛋絲、蘿蔔、醃蘿蔔及椰菜絲，令口感非常豐富，米飯及紫菜麻油味香濃。韓式炒年糕$68甜辣醬年糕鋪上切幼的魚糕，而且醬汁不會過辣，簡單得來又滋味。香蕉牛奶沙冰$45 ～強推必試士多啤梨牛奶沙冰$45～強推相比其他食物，價錢不算便宜，但勝在真材實料用，以鮮果及牛奶製作而成。香滑程度，以為是以雪糕打成的，詢問之下，店主表示只是以牛奶製作。

去開深水埗入貨，經過呢間新開嘅Tiffany blue韓國餐廳，即刻心心眼入去食飯～ 餐廳細細間又唔太迫，裝修簡潔，坐得舒服。牆上仲有貓貓嘅花添🐱店員首先上左兩款泡菜，兩款都好好食！味道同其他餐廳嘅泡菜完全唔同，夠酸又唔會太辣！叫左個柚子沙冰，夠凍又好夠柚子味，擺左一陣都唔會溶到水咁，透心涼！跟住叫左個吞拿魚紫菜飯同牛肉韓式拌飯。吞拿魚紫菜飯味道清清地，餡料多同埋師傅卷得好好，夾起都唔易散！拌飯嘅每款配菜嘅調味啱啱好，睇得出係花左心思，一啲都唔求其！餐廳新間menu選擇唔多但貴精不貴多，每款都好啱食！下次一定會嚟試埋韓式年糕同韓式炸雞！