沛

營業中

休息中

今日發現深水埗開咗間韓國料理小店💡裝修簡潔，有小清新嘅感覺🌱可惜夜晚禁堂食，唯有買外賣返屋企試吓，下次先堂食打卡啦📸叫咗個二人餐$218，自選三個主食同兩罐飲品🥤我地揀左：🐸韓式紫菜飯卷飯卷可選吞拿魚/牛肉/五花腩/菠菜，我就試咗五花腩😙飯卷餡多過飯，勁多芝麻喺面，口感層次豐富，好味😍🐸韓式牛肉炒粉絲配料又係非常之多！除咗牛肉，仲有三色椒、洋蔥、甘筍、鮮菇、雞蛋，粉絲爽滑，調味唔會過鹹，份量多，唔錯😊🐸韓式無骨炸雞配甜辣醬半份炸雞Juicy嫩滑，唔會乾爭爭，呢個size容易食😆個甜辣醬唔算好辣，點少少食更惹味👏🏻小店價錢親民，食物質素高，店員友善，仲送利是封🧧🤣，經過呢頭都不妨一試❤️

見到門面走小清新路線，外觀非常新淨，額外有好感～店內亦有佈置嘅小心機，整個氛圍讓我有一點溫暖的感覺🥰由於每個項目都係即整嘅關係，所以菜式種類不算太多，可算是貴精不貴多！睇返每樣價錢都非常合理，抵食！天氣凍，食部隊鍋都係一個唔錯嘅選擇，不過係限定，真係要睇吓當日好唔好彩😂店員先擺放韓式該有的前菜，包括泡菜同芽菜，估計都係自家製嘅！除咗地道嘅飲品，當然都有唔少韓式飲品選擇，都係罐裝乾淨企理！韓式拌飯（牛肉）～食拌飯嘅精髓在於辣醬，店員已一早奉上，而當中每一樣topping都係非常惹味，而且有不同口感，拌勻後，一啖放入口，滿滿的滿足感🤟🏻迷你泡菜煎餅～一直以來食韓式泡菜煎餅都係扁平嘅，所以完全想像唔到係有呢個厚度，而且迷你嘅尺寸，唔需要刻意去切開，極為方便！口感方面更是意想不到！裏面嘅泡菜容量非常多，顛覆咗食韓式煎餅嘅感覺😝

同友人黎黃金買嘢，想話附近搵間鋪頭食下下午茶，於是openrice搵下。見到有新開既韓國餐廳就過黎試下。鋪頭就真係細細間，下午過完午市冇咁多人。所以坐得都算舒服唔係好肚餓 就叫店員介紹，得知佢地炸雞同飯卷都多人食，就叫左半份炸雞同飯卷一齊share。友人鍾意韓國嘢多d，話平時都食開韓國飯卷，但係呢間飯卷質素真係唔錯，好香麻油味，同埋即叫即整，食得出好新鮮。跟住炸雞真係值得一試，出面好脆，入面好juicy，點佢地既醬真係好惹味。值得下次再試下其他嘢。

［深水埗新進韓式小店］.經開深水埗又想食韓國嘢嘅朋友真心推介呢間小店坐位吾係好多但食物質素好而且裝修到好有cafe感以淺藍白色為主好清新..因為趕時間返公司所以無堂食到叫左外賣而外賣自取有九折========================韓式無骨炸雞配甜辣醬(半份)$78好食外賣返到嚟都仲脆口炸粉吾會太厚雞肉嫩滑份量都正常半份炸雞大概有七至八塊而甜酸醬係另外上甜酸醬味道恰到好處.五花腩韓式紫菜飯卷 $58好好食食得出係即叫即整紫菜唔會淋入邊蔬菜好新鮮味道剛好最緊要飯有口感.韓式牛肉炒粉絲 $88冇諗過咁大碟粉絲炒得剛好唔會過分淋仲好有口感彈性味道亦都唔似一般韓國餐廳好鹹有嘅配料都正常菠菜，蛋絲，紅蘿蔔絲，冬菇絲，洋蔥，青椒等等.三樣食物總共$224整體感覺好好食而且價錢親民下次一定要堂食試下部隊鍋同埋芝士蛋卷======================賣相❤️❤️❤️❤️價錢❤️❤️❤️❤️好食程度❤️❤️❤️❤️環境❤️❤️❤️服務質素❤️❤️❤️======================

店舖好整潔店員服務親切，平時少食韓國野，店員精心介紹，怕辣的我也可以食到韓國味👍👍食物好味道，食到好新鮮咖啡好好飲😄臨走都買返d泡菜返去比老婆試吓😏下次一家一齊再食

最近同朋友玩高空瑜伽，玩完通常會一齊食埋飯吹吓水😁但係只可以輕食😂因為食得太多就會增磅，而且大家都係住附近!所以喺返深水埗附近搵食就最方便🤣而最近見到深水埗開咗間新嘅韓式餐廳,細細間,裝修別緻😍所以入去試吓，去到嘅時候得返兩個位🤪啱啱好唔駛等！我哋嗌左三樣嘢，樣樣食少少剛剛好！叫咗半份炸雞配上辣醬係分開嘅，比較特別！韓式炒年糕味道同平時嗰啲唔同而且都幾辣下🙈食得辣嘅你可以試試👍韓式飯卷方面有芝麻鋪面，更加香，同有層次！有三種選擇吞拿魚，牛肉同五花腩，而我哋揀左牛肉穩陣好味😆

深水埗站附近小店林立，之前見到呢間餐廳店舖門面幾特別，小清新風格，已經好想試喇～餐牌上嘅選擇唔算多，可能新店開張只有幾款，希望第日可以增加菜式選擇舖頭位置一眼望曬，只可以容納幾張枱嘅客人，不過餐廳都盡量善用位置，喺唔同位置擺放聖誕裝飾，都好有節日氣氛㗎～免費贈送開胃前菜：泡菜、芽菜泡菜豆腐湯 $88豆腐湯有配一個芝麻紫菜飯，豆腐湯嘅豆腐同豬肉都足料，濃濃泡菜味，送飯一流啊！原味煎雞蛋卷 $58雞蛋卷包住粒粒均勻嘅紅蘿蔔粒粒同蔥花粒，色彩繽紛，整整齊齊咁排喺碟上，好可愛❤️香蕉牛奶沙冰$45熱大麥茶 $9

今日想食韓國嘢，上OpenRice睇唔多選擇，見到呢間啲相幾吸引又新，決定試吓佢哋開12點，我哋12點鬆啲到係佢第一枱客佢間舖唔大，得一張4人枱同3張2人枱，所以最好係佢啱啱開鋪既時候去，滿左既就唔知要等幾耐老闆係香港人，老闆娘係韓國人，所以係正宗家庭式韓國菜食物唔多選擇，但我鍾意食既佢都有，所以唔係大問題兩個人食，其實真係嗌得太多，不過冇辦法，樣樣都想試，食淨嗰啲就打包左前菜個泡菜係自家製，比出面辣，唔錯韓式無骨炸雞配甜辣醬：呢個係半份嘅份量，雞好嫩又唔乾，堅好味迷你泡菜煎餅：真係超級超級好味！外面個皮係脆既，裏面又超多料，係我食過最好味既泡菜煎餅之一同埋佢唔會好似出面咁樣一大塊煎，係分開細細塊逐塊逐塊煎，睇得出老闆娘好有心機！部隊火鍋（2人份）加芝士：又係極度推介！超級多料，超大鍋！芝士可以拉絲！個湯係泡菜湯個湯，所以都忍唔住飲咗碗餐肉每塊都煎過，睇得出又係好有心機整！食完飯佢哋既囡囡仲送左個斜咩袋俾我哋做聖誕禮物，好sweet另外見到有一台客係個伯伯之前食過要個女再帶佢泥，老闆娘竟然記得個伯伯之前食過乜嘢，充滿人情味

深水埗而家新開左好多打卡Cafe，出開黃金買啲電腦野，見倒哩間以白色同湖水綠色做主調嘅食店好靚咁，原來係一間韓國小店。佢地嘅座位唔多，全店都係得十個位。佢地嘅Menu好簡單，得一頁紙，不過蛋餅、炸雞、部隊鍋、飯卷、拌飯哩啲平時食韓國菜都會食嘅菜式都有，而且大部份都係幾十蚊有交易，仲要唔洗加一。前菜 - 有泡菜同芽菜，泡菜唔會太辣，芽菜幾清爽。芝士雞蛋卷($78) - 雞蛋卷都幾大份，有成隻前臂咁長，上面吱左好多番茄醬，雞蛋卷好嫩滑唔會煎到過晒火，入面嘅芝士有拉絲得黎係軟腍嘅，唔會好似食緊吹波膠咁，飽肚又好味。韓式無骨炸雞配甜辣醬($78/半份) - 半份炸雞都有七件，炸雞上枱時會連埋醃蘿蔔。炸雞熱辣辣，炸漿脆得黎唔會太厚太硬，中間肉質仲好juicy一啲都唔鞋口，甜辣醬以甜味為主，辣度只屬BB辣程度，都幾好食。香蕉牛奶沙冰($45) - 沙冰打得幾滑，唔會飲到冰碎，唔會太甜都飲倒香蕉味。總結，雖然只係一間小店，食物選擇亦唔多，但大路嘅韓國菜都有，蛋餅同炸雞質素怕得住韓國街嘅韓菜店，值得支持。

朋友好鍾意食韓國菜🇰🇷，經常捐窿捐罅去發掘好味嘅韓國🇰🇷餐廳，呢日佢約我喺深水埗，我都估到佢係帶我去食韓國菜，咁果然冇估錯，佢帶咗我嚟呢間韓國🇰🇷小店開餐😆- $88嘅「韓式牛肉拌飯」：有齊韓國拌飯需要有嘅配菜，包括大豆芽菜、紅蘿蔔絲、泡菜、青瓜、青菜、荷包蛋、當然唔少得牛肉，將所有材料撈勻，食落已經非常美味😋，又可以加啲帶少少甜嘅辣醬，食落就更加惹味😋- $88嘅「豬肉泡菜豆腐湯配飯」：豬肉係五花腩，不過唔算好肥，又好有豬肉味😋；豆腐好滑😋；加埋韓國辣泡菜去煮，又係好惹味😋- $9嘅「熱大麥茶」兩杯：有淡淡嘅大麥清香😋小店好似係由年輕韓國🇰🇷女孩子經營，值得支持😊

📍沛呢排深水埗突然間開咗幾間韓國菜，見呢間裝修得幾靚，一於食咗呢間先😛👅煎雞蛋卷（芝士）$78唔食芝士嘅朋友，可以揀原味，不過我個人就極度推介呢個芝士味，事關佢芝士份量真係唔客氣🧀🤤上枱蛋卷包得好靚，一切開就爆汁，又做到拉絲效果～👅 韓式無骨炸雞配甜辣醬（半份）$78呢個韓式炸雞本身估計佢冇咩特別，點知咬落去炸粉唔多，但做到超級脆卜卜嘅感覺，仲要好夠肉汁😳個甜辣醬都唔可以睇小，點少少已經勁辣，果然深藏不露🥵👅韓式紫菜飯卷（五花腩）$58上枱有八舊，女仔嘅話一碟都可以當主食再加個小食就可以當一餐～除咗五花腩，仲有其他可以揀，例如菠菜，牛肉或者吞拿魚～

竟然深水埗開咗一間韓國美食小店🤣係黃金商場附近都好易搵！門口睇落去感覺好小清新同好有聖誕氣氛🤩外賣自取有9折！厚切五花腩芝士泡菜拉麵🍜$88依個好大兜😆一見到覺得勁吸引 仲要有蛋蛋😍成個撈埋一齊食好正 掛滿左蛋汁 食起黎唔會好辣同埋有淡淡既芝士味 韓國拉麵邊會令人失望？😋而且五花腩真係厚切仲勁大塊 超飽真係連埋湯一齊飲😚韓式紫菜飯卷 簡左吞拿魚味😝$58係第一次食吞拿魚Gimbap 🍙果然有驚喜 感覺唔會太膩 加埋新鮮既配料好爽口 同埋佈滿左芝麻粒粒😍韓式無骨炸雞配甜辣醬-半份$78😋炸到脆卜卜😚勁熱辣辣 無骨雞最正成舊食啖啖肉！仲要叫我地點多啲醬😍d醬勁開胃 同埋佢地啲泡菜同Sauce都要自己調配 同出面唔一樣架🤩仲好細心比左醃蘿蔔 解膩！另外佢地比左個泡菜餅我地試 話係之後會出既新菜式😍味道唔錯 上完枱一陣仲係脆口既 唔會濕漉漉

深水埗一帶好似都唔太多韓國餐廳，今日行開黃金商場，見到對面開咗間韓國餐廳就試下先。 門面以歐陸式設計，白色加Tiffany blue，比人感覺好舒服。入面都放咗啲乾花同掛畫，感覺好清新。餐廳唔係好大，得幾張檯，但keep住一直都好多客入嚟。 店員先送上自家製泡菜同芽菜，可以免費添加一次，之後想再加就$18一碟。我揀咗個冬日限定嘅養生雞湯，由多種藥材嫩雞熬出嘅美味而且具有高度營養價值，可以話係冬季進補嘅美食，湯頭濃郁層次豐富，軟嫩雞肉入口即化，飲一碗便精力十足、神清氣爽。送飯一流，白飯吸晒雞湯嘅味道，超好味！ 韓式牛肉炒粉絲炒得乾身，唔會太過黏口，雖然我唔係好食三色椒，不過呢度嘅三色椒食完都唔覺得自己食咗，好香好甜，牛肉嫩口，再加上芝麻香，味道不錯不錯！食完仲會有驚喜，見到碟上好靚嘅圖案。

昨晚去深水埗玩具街買聖誕裝飾，然後就發現這間「福華街裝修得最精緻」的小店：MW Korea House😜.雖然食物的選擇不算多，不過味道真的不錯：。韓式紫菜飯卷（牛肉）：一口一件的紫菜飯卷，不會太乾/太黏/太鬆/太實，好味！下次要試試五花腩😉😉。煎雞蛋卷：上枱時熱辣辣，蛋很嫰滑，葱花令蛋卷更香口，讚！。蜜桃沙冰：這杯有驚喜，清甜的蜜桃味，比預期中好喝！。罐裝忌廉溝鮮奶：我對忌廉溝鮮奶有情意結，秒清🤣🤣🤣

深水埗早幾個月開左間韓菜小店，據說餐廳係由韓國太太主理，主打家庭式韓國料理，菜式全部即點即製，好有誠意，趁今日嚟開呢頭，專登去幫襯下。餐廳位於福華街，門口放了一張木板凳，客人可於進門前先打卡一番。店內地方不大，裝潢以 Baby Blue 及純白為主調，風格簡約，予人清新之感。店員十分友善，會主動向食客打招呼及微笑，令人感覺親切，也會建議食物選擇。另外餐廳會送上自製泡菜及小菜，供客人品嚐，而且仲可以免費添加一次。自家製泡菜以韓式嘅辣椒醬醃製，吃起來清香脆嫩；涼拌大豆芽爽口又好吃，食落帶芝麻香，很開胃，用嚟做前菜就最適合不過。至於食物同飲品方面，我哋就揀左冬日限定嘅豬肉泡菜豆腐湯配飯 ($88)、韓式牛肉炒粉絲 ($88) 同 青葡萄汁 ($18)。豆腐湯在韓國很普遍，很多主婦都會買配料回家自己烹調，而這裡亦做得很不錯。湯身熱辣辣，惹味又暖身，豬肉肥瘦相間，肉質有彈性。泡菜酸辣開胃，豆腐雪白嫩滑，佐白飯同吃，飽肚又滿足。韓式粉絲配料有牛肉、紅蘿蔔、三色椒、鮮冬菇、洋蔥同蛋絲，牛肉炒至剛熟，入口肉嫩香甜。粉絲乾身爽滑，加上灑滿了芝麻，更為香口，愛看韓劇的粉絲一定喜歡。