沙田新強記燒鵝海鮮酒家

營業中

休息中

呢度係一個非常正宗嘅港式茶樓，唔止有傳統嘅港式點心，仲有好多款特色菜，一定令你食到舌頭打樽翻！ 首先，係佢哋嘅蝦腸，一咬落去，蝦肉爆汁，齒頰留香！😋🍤 仲有佢哋嘅糯米包，真係好好食！點解？因為佢哋用糯米包住啲鮮美嘅餡料，一口咬落去，糯米香甜，餡料鮮嫩多汁！真係令人回味無窮！🥟🤤話時話，佢哋嘅芋絲餅真係好出色！外皮酥脆，入面有芋頭絲，一咬落去，又香又脆，好多層次感！🔥🍠 鳳爪都係一定要試下啦！佢哋嘅鳳爪入味，醬汁浸透到雞爪嘅每一個角落，彈牙又滑嫩，食落真係舒服到爆！😍🐔最後，最正既菜式非雞粥莫屬！佢哋嘅雞粥真係一絕！滑滑嫩嫩嘅米粒同入口即化嘅雞肉，仲有香氣撲鼻嘅湯汁，一碗食落真係令人感動到喊！呢度嘅雞粥真係冇得輸啊！🍲😋

5/12 一家4人第一次黎呢間，門面都好架勢環境好闊落，坐住傾計都好舒服重點呢度既服務係超級好！如果同屋企人或幾個朋友黎食都唔錯食物黎得好快！溫度夠熱加新鮮。雞粥都好出色必叫，D雞係滑九肚魚都係我最愛😍仲有糖水送！ 糖水一D唔馬虎好好食係紅豆沙同南瓜西米！另外讚揚呢度員工上上下下都好親切同埋特別想讚Peter好熱心上菜排位都好細心Feel 到Peter 熱誠好熱衷工作公司要好好珍惜咁好既我下次都會再黎同埋會介紹埋比其他朋友

之前同屋企人嚟食過晚餐今次同同事嚟飲茶撞正下午茶時間可以叫孖寶嚟到新強記當然要叫例牌雞粥$1383個人最少每人兩碗，其中一個食3碗超多雞肉質嫰滑唔柴下午茶孖寶x3 $116.4煎釀茄子椰香黃金糕～好煙un懷舊臘腸卷～臘腸正虎皮煎尖椒x2～夠辣所以叫多碟菜苗鮮蝦餃～蝦爽口大粒，豆苗新鮮新強記蝦餃皇$44陳村粉蒸排骨$34懷舊糯米包$34~好似迷你糯米飯四寶滑雞札$50～好大件有冬菇x2、雞、魚肚（棉花）、芋頭＆腐皮脆脆紅米腸$34～粉紅色好靚～有咬口好似有脆米好豐富好飽～再打包左d比同事食

呢家位於大圍的熱門酒家——沙田新強記燒鵝海鮮酒家！這裡可是少有的老字號酒家，水準超高，絕對是您不能錯過的美食寶地！一踏進這家酒家，您會被滿溢的香氣所迷倒。這裡最出名的當然是強記雞粥！每一碗雞粥都是精心熬煮而成，米粒鬆軟入味，湯頭鮮美濃郁，咀嚼間帶著淡淡的雞肉香氣，真是令人回味無窮。除了雞粥，他們的燒肉配油雞飯也是絕對的經典！肉質鮮嫩多汁，外皮烤得金黃酥脆，每一口都是一種享受。搭配上鮮嫩多汁的油雞飯，口感絕佳，讓人難以抗拒。還有一道必吃的招牌菜——南乳吊燒雞！這道菜絕對是酒家的招牌之一。雞肉嫩滑，外皮烤得酥脆，淋上特製的南乳醬汁，帶來濃郁的香氣和獨特的風味，讓人回味無窮。除了這些招牌美食，這家酒家還提供各種新鮮的海鮮菜式，保證讓您大飽口福。

起大圍D出口 一出過天橋就嚟到呢間燈火通明 既酒樓🍽～門口嘅宣傳單張 盡是推介燒味、海鮮🦞。酒樓嘅座位寬躺😌目測30-40張枱都有半數 住附近 一家大細黎食👨‍👩‍👦‍👦見到好多人推介呢度雞粥試試佢 係ok惹味的🐓不過留意番份量例牌已經係一大碗公🍚建議 如果想食多啲其他嘢叫「一人分」就可以仲會用一個砂煲上。沙田新強記雞粥（例） $138海鮮孖寶 B（金銀蛋時蔬🥗+海蝦🦐+細雞🐣）＄248。仲想讚吓呢度嘅員工啲姐姐都好有人情味提醒 雞粥份量、幫我哋不雞粥 、最後仲會問我哋想唔想試吓甜品貼心❤️

今日同屋企人嚟到位於大圍嘅老式茶樓食晚飯。茶樓裝修偏舊式，員中都有啲年紀，佢地都好有善，會同客傾下計。今日飲左香片，茶底香濃。揚州炒飯 $109主食有唔少飯類同麵類選擇，我地叫左個揚州炒飯。揚州炒飯大大碟，炒得好香，好惹味。炒飯材料有飯、仲有雞蛋、菜粒、蝦仁同香蔥。炒飯炒得乾身，唔油，粒粒分明。蝦仁份量多，粒粒都彈牙。菜粒就可以增加口感。另外我仲食得出有鹹蛋黃，加落炒飯到味道更好，鹹香鹹香。強記雞粥（位） $60雞粥係新強記嘅重點之一，一米嘅份量已經好多，真係6個碗仔。粥底主要有蔥同雞，但係粥底已經好鮮甜，雞味好濃郁，粥底煲得好綿密，好好味，好推介！雞肉份量都多，而且每舊都好多肉，肉質都嫩滑。新強記燒鵝王（例）$190最後就介紹燒鵝王，除咗雞粥，新強記嘅燒鵝都好出名，好多人特登過嚟食㗎！一份例牌燒鵝，雖然價錢有啲貴，但係好大碟。一上枱已經聞到香噴噴，同埋見到燒鵝色澤好靚。燒鵝食落口燒鵝皮薄薄一片，仲好脆，之後就連咗一層脂肪，充滿鵝油香，最後就係鵝肉，肉質結實又好味。最後店員仲會為我哋送上甜品，分別係紅豆沙同南瓜西米露，好滿足。

新強記雞粥位置就在大圍地鐵站旁邊，在E出口行3分鐘就到👍點咗隻金牌燒乳鴿，皮脆肉嫩，而且相當厚肉，非常香口，有着沙田乳鴿的傳統味道😋另外再嗌咗個龍蝦伊麵，龍蝦啖啖肉，而且好新鮮，絕對對得住這個價錢，伊麵底爽口，相當入味😊😊這個海鮮孖寶F餐還有一個肉鬆炒四季豆和古法鹽焗雞，食雞有雞味，而且一啲都唔韌。三五知己良朋共聚的確一流。服務員態度都很好，而且上菜速度快，服務員安排我們坐在場邊位置，靜靜地非常舒適。整體服務良好，食物質素有保證，而且價錢合理，的確值得再試。

由細聽到大要去沙田食雞粥或者食乳鴿，終於有機會去咗新強記，話晒老字號應該質素有保證，一入到去好有傳統的格局。好快服務員安排我們入座，唔使等位。坐低聽完介紹可以點雙拼精選，就點了一個上湯龍蝦伊麵和肉鬆炒四季豆，原來仲會送一碟古法鹽焗雞。但係都一定要試一試隻乳鴿，所以點了一隻紅燒乳鴿。乳鴿一嚟到已經好香好香，皮脆肉嫩唔再講，連乳鴿骨都非常入味😋😋之後就到上湯龍蝦伊麵，面底爽滑，上湯唔係太鹹，勁有龍蝦味。龍蝦夠晒大份，件件都有肉，唔係得個殼，鮮甜新鮮食到耳仔郁。肉鬆四季豆都唔輸蝕，條條翠綠，惹味！臨走店員送甜品，每人一碗，可選擇紅豆沙或紫米露，雖然係送嘅，但都有質素保證，甜度剛好，夠棉滑🥰🥰

朋友由外地回港，好想食中菜，上OP搵到呢間新強記，見到幾適合2人飯聚，立刻卜位試試。餐廳地點方便，在大圍站旁邊。一入門先知原來都店面幾大，裝修傳統大氣，座位寬敞舒適。點了一壺壽眉茶，我地點了一份例牌燒鵝，由於大家都唔想食飯，侍應姐姐推介雞粥，所以要了一位雞粥，最後點多份脆皮炸大腸。先上雞粥，一位其實係一小窩，夠晒2人食。粥底夠綿，雞件好滑，整鍋粥有濃濃雞油香，有薑絲及大段蔥，姐姐姐亦好貼心送上朝椒粉調味。例牌燒鵝，上枱熱辣辣，燒到脆皮，正宗皮脆肉嫩。鵝肉大小切得均勻剛剛好，唔會太大件，鵝肉肉質結實，亦比較少肥膏，唔會太油膩，燒鵝調味剛好，配埋正宗酸梅醬，十分出色。脆皮炸大腸，外地無得食，友人見到食指大動。大腸洗得乾淨無羶味，每片都脆卜卜充滿豬油香，另有少許菠蘿伴碟解膩，大家都食唔停口。最後送上紅豆沙，呢度餸菜大大碟，我們已食到好飽。要讚一讚呢度侍應服務態度非常好，主動加水換碟，讚耐心介紹菜色，老店果然是有人情味！

今日同屋企人慶祝生日，揀左最愛既中菜。放工時間茶樓都8成滿，菜式大碟好食，最後仲送左紅豆沙，雖然免費，但是有質素既紅豆沙，起沙又唔會太甜，值得一讚。新強記燒鵝王 - 燒鵝是他們的招牌菜，燒鵝味道濃郁，肉質鮮嫩，肥厚又嫩滑，每啖都油香四射，令人非常滿足。新強記小炒王 - 非常惹味，炒得非常香口，配料多而且豐富，韭菜花入口爽嫩無渣，一啖放入口，多重口感，再加一杯的啤酒椒鹽鮮魷 - 鮮魷分外新鮮﹐肉質紮實飽滿﹐入口爽脆可口，帶有椒鹽的辛香，炸得外脆，內爽口。魚香茄子煲 - 這家餐廳的魚香茄子煲味道濃郁，茄子煮得軟綿入味，咸魚的鹹香與茄子的甜味相得益彰，好岩配埋飯一齊食。#沙田新強記燒鵝海鮮酒家 #大圍 #大圍美食 #燒鵝 #foodie #hkfoodie

今日係屋企人生日，晚飯安排左出去食飯順便慶祝生日，三個人我地叫左4個餸，上菜時大碟到嚇親，以呢個價錢呢個份量，其實都幾抵食，最後仲送飯後甜品，我地三個都食到勁飽。首先係必點既新強記燒鵝王：聽茶樓個名都知燒鵝係佢地既主打招牌菜。首先，燒鵝皮脆口，金黃色澤誘人，入口即化，鵝肉鮮嫩多汁，帶著濃郁的燒烤香氣，令人回味無窮。肉質鮮美，配上酸梅醬，不膩口。新強記小炒王：小炒王色香味俱全，絕對能滿足食客的味蕾﹐韭菜花好新鮮，同腰果、蝦乾、魷魚等炒埋一齊，送啤酒一流。椒鹽鮮魷：鮮魷鮮嫩，油炸後的外皮酥脆，裹著椒鹽的調味料，香氣四溢。吃起來一口咬下，外脆內嫩，口感十分豐富。椒鹽的香氣和微辣的口味讓這道菜更加開胃。此外，鮮魷的份量十分慷慨，一道菜足夠多人分享。魚香茄子煲：茄子炖得十分入味，融合了咸魚的鮮味，茄子軟綿滑嫩，咸魚的鹹味與茄子的甜味完美結合，味道鮮美，加埋肉碎和調味料，香氣撲鼻，又唔會太咸係米飯小偷。

再訪大圍著名茶樓😚 環境氣氛好熱鬧，坐得舒適，是家庭聚會的好選擇🫖 食物方面提供多款經典中菜，主打最出名的招牌雞粥，質素高，絕對要來試😋泰式酸辣鳳爪 ($68)✨先來個涼拌前菜，泰式鳳爪 爽脆有咬口，配搭酸酸辣辣的醬汁，非常開胃👍🏻 另配上大量生菜及洋蔥沙田新強記雞粥 ($60/位)✨必食！金黃色的雞粥口感綿密細膩😚 鹹香味十足，有數件雞件 口感嫩滑，粥底帶有濃郁的雞肉香味 味道一流😚 還加了一些配料，例如蔥花和薑絲，增添鮮味。一人份量也很多，絕對飽肚菠蘿生炒骨 ($108)✨有驚喜💯 生炒骨份量多又大件，咬下外脆內嫩 肉質有驚喜，外層沾滿醬汁酸酸甜甜🤤 配飯食一流，好滿足👍🏻

中午去左叫外賣 首先收銀個阿姐好冇禮貌 我話要叫飯 佢比點心紙我睇 話都有飯 （態度好差）好啦我寫完點心 同佢講要埋福建炒飯 佢就話我做咩唔寫埋落去 我咪同佢講張紙都冇點寫呀之後佢同我講要等半個鐘先有 好啦我等 我去左向住大圍方向個門口等外賣 足足等左半個鐘 之後我見到收銀枱有袋外賣 問職員係咪我啦 點知真係我 我問佢做咩有外賣唔拎比我 個侍應話要係後門到等喎 我第一次係呢到叫外賣 點知你要企後門到等 你地咁多個樓面同事見到我企左咁耐冇諗過黎問下我係咪等緊外賣 由其是接待個同事 全程睇住我企左係到 我返屋企只要10分鐘 原本可以食熱既飯 變左凍食 就算野食幾好食都冇用 啲員工態度咁 真係冇下次

有日經過大圍火車站，見到老字號新強記燒鵝，諗住太耐無食，就決定入去回味一下🙌🏻🙌🏻❤️。金牌燒乳鴿 $78乳鴿肉質滑嫩滑，外皮香脆不油膩，咪道剛恰到好處，食落口超好味😋，送埋白飯一流💕新強記燒鵝皇例牌 $190 （招牌❤️）燒鵝肉質厚實，外皮香脆可口，又唔會太油膩，味道適中，口感一流👍🏻👍🏻香桃咕嚕肉 $128酸酸甜甜非常之開胃，咕嚕肉肉質彈牙，個醬汁配合得非常好👍🏻，送飯一流🥰。

歷史悠久既新強記燒鵝海鮮酒家 耐唔耐都會同屋企人黎飲個茶食個包呢度點心種類,粥粉麪飯樣樣齊帶埋兩老黎飲茶就最好不過午巿孖寶$48.8一共有8款揀,我地就點左醬汁鳳爪,叉燒包,香茜牛肉腸同埋鮮蝦春卷新強記蝦餃皇係必點大大隻蝦餃入面包住2-3粒大蝦仁爽脆彈牙百花讓魚肚百花魚肚係廣東省傳統的特色菜,出面都比較小有呢類懷舊點心,魚肚吸哂精華,超惹味懷舊鴨腳扎勁大隻,成隻雞髀咁既size,屋企人話好耐冇見過呢種size既鴨腳,食得勁滋味家鄉咸薄餅脆脆紅米腸健康既紅米腸,食落有脆脆口感仲有鮮蝦比起其他腸粉好特別唔洗成日食叉燒腸咁悶嘛椒鹽鱿魚鬚炸得酥脆,但就偏咸左小小屋企人都食得好開心,因為呢度好多懷舊情懷既點心同裝修風格比起去其他連鎖酒樓有特色好多呢