影片
港鐵馬鞍山站 A1 出口, 步行約5分鐘
繼續閱讀
附加資料
歡迎致電：6288 8295叫外賣或查詢。
餐牌可以上番我哋facebook/Instagram查閱：
是日精選午餐/今期精彩下午茶餐/精選晚餐小菜 。
營業時間
星期一至日
06:00 - 17:00
以上資料只供參考, 請與餐廳確認詳情
馬鞍山，一直都被人標榜為一個美食沙漠。即係除連鎖食肆之外，根本上係冇野好食。但，事實上，其實又唔係既，只是好食的不多，難食的有更多，而普普通通，不過不失的，是最多。這幾次，因為送完小朋友返學後，就腳而來到這《沙漠茶記》。美食沙漠的茶記啊，即是美食沙漠中既綠州啦，就來食下早餐。平日因為要上班，週末亦有更好的飲食選擇。所以，來了三次都是早餐時段過來。早餐，我慣左食公仔麵餐，而這裡的公仔麵餐，就會加多兩個餸同餐包。而我就揀了煎蛋、午餐肉同牛油方包。然而，看得出，這是茶餐廳早餐的基本野，味道不會很好，也不會差。第一日來，叫了一個回鍋肉麵。本以為會是罐頭回鍋肉，誰不知原來此店給的是自家製回鍋肉，荀是新鮮的，之不過那辣味並不是我們習慣的辣味，而且又不是上海式的濃味回鍋肉，頓時有少少吃不慣的感覺。再來，也是叫一個公仔麵餐。這一次，就要了一個一定不會出錯的五香肉丁麵。附加的食品就是紅腸、午餐肉同牛油方包。感覺，同上次食一樣，都係一般般，只是不吃蛋，改了做紅腸，味覺上有少少新鮮感而已。五香肉丁麵，因為五香肉丁既辣汁鋪滿了整個麵湯，直接把那唔會有人飲既湯變得惹味起來。肉丁的肉雖然唔夠結實硬正，但味道夠晒香濃，再加有是帶熱力的五香肉丁，吃起來是份外的開心。(我最怕是那些凍冰冰的五香肉丁)。再一次來，我試下唔食麵了。我叫了一個早晨的扒餐。一個火腿奄列，一個煎大蕃茄，一件瑩光汁雞扒，一些茄汁豆同一份方包。香煎皮帶脆的雞扒，已經是令人感滿份，瑩光汁帶點蕃茄味，酸酸甜甜的更能令人精神一震。微熱的茄汁豆同大蕃茄，兩者都好香口。而火腿奄列，過熟，感覺一般。說整體，因為個雞扒夠好食，我可以給高分。最後要評的，是熱奶茶。Pros，是夠熱；Cons，是奶味唔夠，入口亦粗了少少，即係唔夠滑。總評價就係一般啦。但我見佢 lunch 同夜晚既 menu 豐富，相信若我來正正經經食個午、晚餐，會係好食既。而且，早上都坐滿架，應該幾受街坊歡迎。
繼續閱讀
今晚難得到馬鞍山食飯，去咗呢間叫沙漠茶記嘅茶餐廳。意外哋嗌咗個西檸雞，真心好味到「嘩」一聲啊，雞皮超脆，雞肉又好滑。然後，最重點係個西檸汁真係好好味以咁嘅水準同份量，70幾蚊真心唔貴。另外，仲嗌咗個小食-土魷煎肉餅，呢個真係驚喜，平時多數都係食開蒸嘅肉餅，無諗過煎完係十級好味，超香口。用嚟送酒真係流，可惜我唔係好飲酒，但用嚟送飯同樣都咁正。呢兩款餸真係超好送飯，下次我要再encore啊
繼續閱讀
個日公司有事要去馬鞍山做野，撞正食午餐又唔熟環境，揸車經過見到出面又有位泊車唔阻到人，就擺低行左入去。茶記黎講，間餐廳係真係幾細，位就中規中距，人少坐得都ok 既。睇左餐牌，仲有每日精選，款式算幾多，仲有價錢都唔算貴。叫左個 沙嗲肥牛炆烏冬 ，推介，幾好食，汁調得幾好，肥牛唔會好韌，冇雪味。仲有個烏冬都幾入味。睇埋小食餐牌，見到有個 香煎排包，就叫左一份，有兩片。佢唔係出面茶記就咁一塊麵包或者多士，夠脆夠味夠飽，小朋友都應該會鐘意食。後尾買多左一份打包走。價錢親民，d 野又好食 ，下次黎做野再過黎食
繼續閱讀
第一次幫襯馬鞍山呢間沙漠茶記，做街坊生意如果唔怕抄牌門口都有位泊。今日無乜胃口唔太想食飯，見到茶餐廳有個肥牛越南河就叫黎試下啦，賣相幾好，食落又幾好食，見到佢面頭有d辣椒嚇一嚇，好彩唔太辣我接受到，整體黎講都可以俾8分。野飲就無影到相啦，都係茶記有既檸茶奶茶個d選擇。下次再黎想試下個乾炒牛河，見好多人都食呢個，賣相幾好咁，下次再黎試新野，見佢地做緊外賣自取9折，下次夜晚諗唔到食咩就買個外賣返屋企先。
繼續閱讀
下午茶過嚟嗌左個梅菜扣肉飯，凍檸茶，再加左個香煎排包都幾好食，梅菜扣肉係啱我口味嗰隻味道，凍檸茶有茶味，特別係個香煎排包，美斯嗰幾新奇，就叫黎試吓～脆脆地香香地甜甜地，價錢又唔貴，都幾好食😋侍應姐姐啲態度都幾好，至少茶餐廳呢個服務都已經好OK-～值得下次再嚟～👍🏻👍🏻
繼續閱讀