永樂園餐廳

營業中

休息中

係中環一條冷巷內，就有一間好有人氣的茶餐廳，地上鋪面外賣快餐同熱狗，餐室位處地牢下，茶啡麵飯不是主角，一隻獨門熱狗就係呢到最人氣的食物今次下午茶到來就叫左個豬扒包，因為豬扒包都係用左呢到獨門熱狗醬更抵食麵包烘得脆身，豬扒亦煎得肉嫩多汁，熱辣辣上枱當然好食靈魂就係黃澄澄的醬汁，有沙律醬的甜味，又有酸瓜和芥末的香味，酸酸甜甜十分惹味餐牌⬇⬇總括黎講:個熱狗醬真係呢到獨有味道，雖然係貴左少少，但係中環地段算係咁了

我相信響得中環既人都會識既舊式茶餐廳，成4x年lar~馳名熱狗王👍🏼你問佢係咪最好食？其實係想找回兒時味道～茶餐廳既波浪薯條，好多片檸檬既凍0茶～都真係茶餐廳先搵到，哈哈～#懷舊 #熱狗薯條

我同媽咪今日去中環睇完醫生 黎到3點3 有d口痕就撩下佢去tea1tea 中環下午茶時段都唔知食乜好 佢就提意去食永樂園 坐低佢先話呢間野出名食熱狗 佢後生仲係中環番個既時候都成日食呢度既熱狗既然講到咁我地就叫左一個熱狗 一個腿蛋治烘底 加2杯熱奶茶 呢度既野唔算好平 都話哂係中環嘛 價錢都有番咁上下呢個腿蛋治烘底無咩特別 佢個白麵包都幾薄 但係烘得幾脆 同熱既 反而佢個奶茶就唔錯 茶膽好香 亦夠濃 幾香滑 又唔會好gip 到馳名既熱狗喇！佢係好傳統香港茶室既熱狗 細細隻 佢個麵包烘得熱辣辣 外脆內軟 而佢入面既熱狗腸條幼個隻腸黎既 佢個沙律醬唔錯 食到有少少酸瓜係入面 有d似麥當勞魚柳包個隻醬咁 幾開胃 呢度既野食唔算係驚天動地既好食 但食既係老香港既味道同埋老茶室既人情味

頹廢星期一😪中環食飯食到唔知食咩好⋯永樂園熱狗🌭️出哂名，但飯/麵就未食過☺️今日試左，嗯⋯都係熱狗好食d! 但lunch 既價錢好抵食😳🍚叉燒煎蛋飯（$56，連湯同飲品）🍚蕃茄蛋牛肉飯（$56，連湯同飲品）

某日煩惱緊食咩野tea嘅時候醒起自己竟然咁耐都未食過永樂園嘅雙腸熱狗王😭一入到去佢地嘅外賣部就見到有至少10個員工係入面幫手，每個都非常nice～因為第一次買所以有啲lost😂佢地首先帶我入去cashier個位比錢，再攞住張飛，去門口位攞熱狗，再入番去攞野飲☕️有一個叔叔見到我拎住4隻熱狗有啲狼狽，仲主動比左個大背心袋幫我裝住😌返到公司即刻趁仲暖暖地食左佢😍超～好～食～呢🤤

小時候最愛吃的熱狗，就是在永樂園中找到。熱狗雖然細小，但可能是童年的味道，總覺得特別好吃，讓我永遠不能忘記。看起來是很港式的茶餐廳格局，原來這邊是外賣部，take away熱狗是在這裡購買。要坐下的話就要到旁邊樓梯往下層了。熱狗到手了！很舊式的紅字白膠袋。醬汁真是重點！！！！

熱狗🌭️王 皇中之皇永樂園的熱狗王 在中區是非常有名的，捧場客什多。它之所以稱為熱狗王 不是size的關係，它是體積不大，可以講是嬌小的，香腸幼幼的，有熱狗腸的香味，但精粹在那個超好味的熱狗醬汁，三兩口便吃完，再想多來一個。

上面嗰層係外賣🌭🥪🌮食嘢要落地庫 果然港式風味係唔同啲🔥同埋呢間鋪頭都有好多年歷史🎎-🔹雙腸熱狗皇🌭（$18）有兩條腸仔 一咬落去啲沙律醬🤣爆曬出嚟😍超正 抵佢出名啊🥗沙律醬入面有少少酸瓜粒🥒熱狗包烘得微暖 好軟熟呀 ❤️腸仔唔係廚師腸 不過#🍋👧🏻 覺得佢比廚師腸好食 因為平時食嘅廚師腸好鹹😆唔知有冇人同👧🏻一樣 有個壞習慣 食麵包淨係食晒啲餡之後就食唔晒個包🙊但係今次👧🏻竟然食晒😱😱😱咁你知有幾好食啦❤️❤️❤️⭐️評分：9/10-🔹茶走（$22）好搞笑見餐牌寫住散叫奶茶$22 但係食完個熱狗飲完杯茶走☕️埋單$38 所以唔知係咪有套餐唔識計數😆😆講返個重點先 ☺️唔係話特別好飲但係🍵茶有茶味 奶都ok🍼合格🤣⭐️評分：7/10－－－－－－－－－

中環地價貴，食物更貴。唯有到永樂園的外賣部，你可以找到平民渴望得到的High Tea。 外賣部的買賣方式非常特別，是要先到收銀處買票，然後憑票到取食物處，領取食物。是次點了熱狗。由於麵包即叫即烘，要先排隊等烘麵包。烘麵包時香氣充滿全店，讓人更肚餓。麵包烘熱後，先搽滿特製的醬汁。特製醬汁由沙律醬做底，還有少少酸瓜味。香腸則一直於機器上受熱，放進麵包時香腸還是熱的。把三樣東西放在一起，一咬，真的是人生一大樂事。不一定要有錢，才可以吃到高質的食物。

今日出去中環開會，會後同事介紹到這間永樂園餐廳食飯，其實佢推介嘅係熱狗，但lunch時間，飯加熱狗太豐富，剩係食熱狗又唔夠飽。所以最後決定都係食佢嘅午餐，豬扒火腿飯，包中湯及飲品，加兩蚊可轉凍飲。中湯味道一般，凍檸茶唔錯，可惜叫佢小冰依然好多冰，豬扒火腿飯嘅汁底味道適中，小小嘅甜味很適合我嘅口味。其實食到中途，都見到對麵枱嘅客人叫咗熱狗加午飯，佢哋一人一熱狗再加一碟飯share。都係一個幾好嘅決定，下次再過開黎可以參考下！

好多年前喺中環工作，經常幫襯永樂園熱狗。烘過的包身，還熱辣辣。餡料只有香腸和醬汁，連半塊番茄青瓜也沒有。靈魂是那黃澄澄的醬汁，甜中帶酸，有酸瓜和芥末的香味，是整隻熱狗的精華。雖然談不上超級美味，但熱辣軟滑。離開中環之後的一段日子都無再食過。今日路過，終於有機會尋找 ”昔日的味道”。雙腸熱狗 $17除咗價錢變了之外，其餘嘅嘢好似無咩變化。熱狗味道一樣、香腸大小長短一樣、熱狗包一樣、烘香腸機一樣、焗麵包機一樣、門面一樣、裏面裝修一樣、連整熱狗嘅阿叔都係同一人。當然，那個貌似張堅庭的老闆更加一模一樣。雖然只係一隻十元八塊嘅熱狗。但充滿回憶。

今朝一早同姨甥出上環，想去食邪惡三文治，可惜佢冇開檔， 正煩惱唔知食咩好，忽然想起小時候爸爸成日帶我地去食熱狗嘅永樂園，N年後輪到我帶姨甥去。熱狗就必點架啦， 今次去盡啲，仲要點雙腸熱狗添， 配冰凍奶茶，透心涼！佢嘅熱狗並唔係用傳統熱狗腸， 腸腸比較細同幼， 質感有啲似台式腸，煙煙韌韌的，個醬係典型中式調配嘅奇妙醬， 有酸瓜粒，好懷舊的味道😋。奶茶用lipton茶包， 茶味好出， 不過正正係咁， 我建議要少甜， 因為我叫左走甜， 覺得好似爭啲野咁。好港式茶餐的味道，但就係呢種味道令人非常懷念，就連讀開番書嘅姨甥仔都話正👍。

平日晚上六時半來到，原來仲有下午茶食，至到晚上7:30p.m對呢間茶記係零認識的，見到menu cover 寫著「馳名熱狗王」，咁咪試下啦！其實超級唔抵架！熱狗有分單腸、雙腸同三腸。是但要左雙腸，wow! 條腸超細條，好似我手指咁短咁幼！個醬幾特別，熱狗包也算軟熟啦！不過呢個tea set $40 就貴左d 了！吉列魚柳配薯條，不過不失，勝在食物夠熱！吉列魚柳有點薄，薯仔是典型粗款環境比想像中整潔估佢唔到！嗯！呢間野都係遊客來比較多呢～

港式High tea茶記 正所謂：飲杯茶，食個包「永樂園」中環區應該唔少人都識，鋪頭堂食係地庫，舊式裝修，講真上落係唔方便，地鋪做外賣，甘就唔洗上上落落。今日嘆杯奶茶，食個熱狗包先經E先生推薦，我要左雙腸熱狗王，雙腸只係貴二蚊，好抵。熱狗上枱，港式熱狗既腸仔，原來係細細條，唔知可唔可以叫三腸呢熱辣辣，咬落去仲爆醬，一啲都唔孤寒勁多沙律醬好味道，麵包鬆軟。奶茶亦都唔錯，有茶味 奶滑樓梯落地庫，上落要小心

今日同偽。公主過開中環，行行下見肚餓就想搵野食，記得中環有間"永樂園"食熱狗好出名，當然要去試下啦店家好細心，熱狗都有分單、雙腸，我地就揀左"雙腸熱狗"一埋台就已經好香，麵包外皮又焗得好鬆脆 ，加上自家製嘅秘製醬汁，酸中帶甜，入口軟滑，真係越食越開胃特別一提，佢哋用嘅熱狗腸都唔係平時餐廳用開嘅，比較淋身但又不失肉味，配埋個醬食真係好夾但係佢地嘅腸本身比較細條，所以記得叫雙腸，咁就可以啖啖都咁滿足喇"燴雞髀飯"個汁夠晒好香濃，真係好有舊式茶餐廳嘅風味，可惜D飯煲得太淋，影響晒成件事雞髀就冇咩特別，可能因為整定，仲唔係好夠熱，如果可以改用即炸雞脾再配埋個汁，一定會加分好多依家已經越來越茶餐廳會用"Lipton"嚟沖奶茶喇，飲落去茶味果然零舍出，又夠晒滑連對奶茶冇特別鍾意嘅偽。公主都話正問心講，以依家普通一個麵包都賣緊十幾廿蚊嘅物價低下，$18一個"雙腸熱狗"絕對可以一試