永樂園餐廳

營業中

休息中

中環，外表上是一個很時尚，節奏很急速的一個 CBD。但，在中環久了的人都知道，中環的半山以及山腳的商業中心區，其實是有一個小小的舊世界隱藏在大廈與大廈之間的橫街小巷的。這，是中環居民生活的一部份，也是打工仔午餐天堂，更是工人姐姐們的週末天堂。今日，就來到其中的一條小巷，回到熟識的《永樂園》，食個午餐，加個熱狗。相信許多人對《永樂園》的第一認識就是熱狗。當然，我絕不是侈外的一份子。第一次來光顧《永樂園》就是排隊買他們的孖腸熱狗。那天，來時是晚上，由於禁了晚市堂食同限聚令，所以只有地面層的外賣部有營業。亦因為這樣同在這一個時間來，熱狗部不用排隊，那就當然，整隻熱狗仔開心下啦。簡單，細細件的一隻熱狗，吸引的並不是香腸本身，而是又香又脆的麵包，熱熱的麵包，加上了香口的沙律醬，中間就是一條小小的香腸。以單腸包的份量來計，不會飽肚，但滋味卻是十足的。小小的一份 hot dog，搞到我成手都係醬。改日，中午再出中環，辦好事的午餐也就選擇了《永樂園》來滿足一下心靈。來到這些算是老一輩的茶餐廳，當有羅宋湯這一個選項的時候，那當然要來一碗啦。《永樂園》的羅宋湯可以用又香又甜來形容。足料的羅宋湯，有茄香，有

特別推薦大家✅馳名熱狗王《馳名熱狗王》睇落好似好普通，食落就唔普通😌，包、醬汁同腸仔都係熱熱地架🔥麵包軟熟🍞，佢個醬汁係好好食，係經調教過嘅自家製沙律醬，味道好特別，會覺得開胃，唔會覺得膩🟡腸仔皮脆，建議要嗌雙腸，佢條腸唔係話好大條，雙腸嘅話個口感會好好🌭不過係真係有d貴🙈，間唔中先食下😂單點💰$24💰$27 (加腸每條$3)套餐 (連飲品)💰$38💰$41 (加腸每條$3)*坐樓下嘅話，個電話好似會收得唔係幾好😂📱**食咁多年個味道都冇變，係條腸愈嚟愈細🤭

📍 永樂園餐廳中環昭隆街19 號地下.🤓早餐E 三文治：咸牛肉、炒蛋（烘底+$2）💰$40 (w/ hot drinks).🤓熱奶茶💰+$0.正所謂一日之計在於晨自從食咗第一餐早餐之後 就決定每個禮拜都搵一日早起身去食早餐呢排落雨 就揀咗近公司嘅茶記 費時長途跋涉濕撚晒覺得公司嘅location真係算係咁 中環黎講 呢頭真係好多平嘅選擇.餐廳喺地底 係收唔到數據嘅所以佢都貼心地有提供wifi實測完 收訊良好.menu無寫烘底要加錢 望到張單先心算出黎out of 3間 永樂園嘅烘底係烘得最好呢間係咸牛炒蛋炒埋一齊 餡料份量多 都夠味 但唔係好食到咸牛肉味 無深究佢有冇搽牛油 我淨係知我食唔出.奶茶茶底算唔錯 下次可以飲茶走了懶健康無落糖 飲到少少茶嘅澀味 姐係茶味夠 但唔算特別滑.呢間都係舊式茶記 而唔係特登去懷舊吸客唔算殘舊 只係明顯會感覺到時間嘅痕跡仲要喺地底 要落樓梯先去到隔住一層樓一道門 就另一個世界咁.店員們態度好好 我係長戴住有noice cancelation嘅earphone成日都聽唔到人講嘢 佢地都好有耐心重複多次埋單我問有冇得信用卡/八達通 是沒有的 淨係收cash

早前見有網友說起這間餐廳，離工作地點不遠，那就一於去試吓；地面舖主力做外賣生意，而地庫就做堂食。環境頗懷舊，而枱與枱之間就比較親密，好在也落了不少透明膠片作為分隔；但因太多食客，唔方便向人群方向影相。熱狗包微熱中帶小脆；採用豬肉製腸仔，外層香脆又惹味；而最吸引其實係中間的醬汁，香滑中帶微甜，非常好吃。茶走，有茶味又有煉奶香，口感滑溜，但甜度稍為偏高，下次要叫少奶才得。#馳名雙腸熱狗皇#茶走#永樂園餐廳永樂園餐廳地址: 中環昭隆街19 號地下電話: 25220965

今日突然好想食熱狗，諗起熱狗必定諗起要去中環永樂園餐廳，平時通常外賣熱狗就走，今日坐低慢慢食，餐廳都係人頭湧湧叫左個沙嗲牛肉丁麵，熱狗同熱朱古力🍫，一嚟個熱狗俾我隊唒唔記得影相，最愛脆卜卜嘅麵包皮簡單加條腸同千島醬已經俘虜咗不少人嘅心沙嗲牛麵汁濃，配火腿煎蛋🍳朱古力簡直係茶記之算，不過唔係間間沖得好飲，佢嘅朱古力唔洗加糖都已經夠唒味好香濃

這家茶記的熱狗腸可謂是一絕，已經很多年歷史，其中是雞肉腸，我選擇了雙腸熱狗，買完單現做，麵包烤的酥酥脆脆，最重要是他的熱狗醬真的好特別，可以嘗試的一家小店！支持

🌭中環四十多年美味甜芥辣味雙腸熱狗🌭 之前有段時間在中環上班，要數到最想念食物，我係會最掛住呢到的熱狗包，這餐廳在中環已經四十多年，左側門口有樓梯落行落去下面是舊式茶餐廳，地面小舖則主打外賣，開頭以為只是一間外賣飯盒店🌭雙腸熱狗 $19以前成日覺得入面的人很串又惡死，要買的話要在門口睇定要食咩，再行入最入面收銀比錢，最後先拿野食，唔好阻住佢地，其實係無咩野既，但真係值得一讚，無論係買熱狗定飯盒，真係非常之快🌭在收銀買完交張飛去熱狗部，唔洗十秒一隻熱辣辣的熱狗即刻可以做好比你，熱狗包烘得乾脆可口，一口咬落去非常軟腍，又同時鬆脆，跟大量的芥味沙律醬配合得剛剛好，腸仔是雖然是罐頭腸仔，不是什麼利害的用料，但確實係只有這裡先有食到的傳統口味的熱狗永樂園餐廳地址: 中環昭隆街19 號地下 🌭不過可能太耐冇食，以前買完佢哋係會用好古老嘅手寫單，就攞單去換野食，而家已經變咗電腦化，呢啲回憶只可以留在心中

呢間老字號嘅永樂園屹立咗喺中環昭隆街幾十年，由以前做暑期工開始已經會過嚟買早餐食，之後每幾年有經開都會忍唔住嚟幫襯下，呢度嘅名物熱狗個醬汁非常特別，應該係餐廳自家調配嘅，口感非常 Creamy，個味道有少少以溝咗沙律醬嘅千島汁，而且仲有少少甜芥嘅味道，我未喺其他地方食過呢隻味；麵包鬆軟而溫暖，條腸仔仲可以揀雙腸，睇住啲腸仔喺部腸仔機度轆吓轆吓令人相當治癒，腸仔口感較為鬆散，係介乎廚師腸同小紅腸嘅程度，雖然感覺好似小紅腸咁有啲下欄但係感情搭夠，再加上個無敵醬汁，抵我一直久唔久都有掛住佢。

時代追求創新多變，但我卻總是鍾情於舊有的味道。餐廳隱藏在中環的小巷內，位置偏僻，若不特意探尋，就會輕易忽視它的存在，並以售賣「熱狗」馳名港島！永樂園的雙腸熱狗，可謂香港之最！他們的熱狗既不花巧，也不賣弄款式，特質醬汁是其靈魂。麵包份量不小，餡料只有香腸和醬汁，連半塊番茄青瓜也沒有，咬著麵包的外皮，有著微酥的口感，那淺黃色的醬汁，甜中帶酸，引人入勝，又有酸瓜和芥末的香味，簡直令整隻熱狗蕩氣迴腸。一隻「熱狗」可以在中環風行幾十年，只有永樂園至可做到！

首先，我好明白呢間係茶餐廳，唔期望有酒店服務，甚至無期望過佢有禮貌，但個收銀大嬸當客係乞兒。星期六放假專程黎試熱狗第一次黎到見舖面有兩邊門口一邊落樓梯，一邊地舖隨意行入地舖後就係收銀諗住好似一般快餐先付款後取餐叫完野食找緊錢問係咪落樓下等野食收銀個大嬸好惡咁話：呢度係外賣部，無得堂食，係分開嘅，價錢都唔同！咁我就話我本身想堂食，可唔可轉落去，或者幫我取消個大嬸勁悔氣：無得取消，張單入晒廚房整緊！第一，收銀處完全見唔到「外賣部」嘅指示，打開門口做生意唔通只做熟客？第二，錢都未找完，廚房收到都未開始煮啦，講聲叫停都做唔到？第三，而家唔係唔幫襯，只係落去堂食，而堂食仲要俾多喲錢，點解唔肯幫個客？第四，當日係星期六嘅中環，當時根本唔多客，我後面只有一個人排隊。平時中環食飯時間多人唔可以取消我理解，但星期六咁少人都要咁做？個熱狗，就係一個烘過嘅包，夾兩條煎過嘅腸，加沙律醬，完！

問今日有咩午餐，唔答，話好忙，即唔比人訂？仲想收人線，離譜！語氣超差，叫我上OpenRice 望清楚先好打去，我問佢乜有更新每日午餐咩，話無，咁我問咁我想㨂午餐點算，話無架lar....🙄

朋友介紹呢間出名嘅賣熱狗小店，店內有5個吧枱位，先去收銀機點餐，後取食物！熱狗可以叫店員俾多啲醬，總括來說個熱狗都係一般正常味道！最欣賞個包有烘過，熱熱地食幾好味。

話說今天想食早餐，見到門口餐牌，價錢相宜，見到openrice評價多like,所以諗住一試，但係一入去就開始發覺唔對路。收銀廚房感覺唔想做客生意，似想趕客，當我同老婆傾緊食咩時，無拿拿一句得埋黎，得"左邊早餐（佢表情係想食就食，唔食就走）"（但我係未埋去買野的），算數，我同老婆都冇理會，之後選左岩既餐，我問佢有冇堂食（因為地方睇落好細），佢話有，可以去下面或者後面坐，甘買完後我就拎住野食落下面，當坐底時，有個阿嬸走埋黎話唔俾食，我問佢咩意思，佢同我講上面買唔俾拎落黎（但上面條友叫我拎落去），最後老細話加26蚊先可堂食（我預祝你生意興隆，依d錢長賺長有）。野食唔算難食，係個面有幾款面（公仔面有幾條烏冬;沙爹牛得4塊，多到呢，加埋收左我44蚊個餐，底食到），總結黎講，收銀態度差，依d 錢豪俾你

其實我不是中上環這區的，事源是有人買外賣回來請大家食，我先第一次嚐到，聽聞呢個雙腸熱狗好出名。拎到既時候係暖既，有餐紙包住熱狗，我食到有洋蔥沙律夾住兩條熱狗腸，酸酸甜甜鹹鹹，幾開胃！雙腸份量好足料（個腸唔係廚師腸、都唔係台灣腸，唔會太鹹，唔識形容），沙律醬都好滿，一路食一路滴。我食完覺得OK好食，係幾特別，因為出邊通常食開既熱狗都係茄汁、芥末、酸瓜、芝士配熱狗。呢個味道我係第一次食，有種住家味，但唔會話好驚艷、會特意去買來食。

中環蛇竇，永樂！以前成日去食早餐同下午茶，熱狗皇奶茶紅豆，午餐羅宋湯，wawawa!，不過好耐冇去啦！今日路過，食個靚早，說了很多選擇！老店也要來一點新意，茄湯鮮牛通，似羅宋湯個底，真係有加番茄，好茄味！牛又滑！通又彈！多士脆口剛剛好👍🏻👍🏻👍🏻奶茶，香滑，糖也不用加！至於service, 茶記中算頂級啦！