永樂園餐廳

營業中

休息中

今朝一早同姨甥出上環，想去食邪惡三文治，可惜佢冇開檔， 正煩惱唔知食咩好，忽然想起小時候爸爸成日帶我地去食熱狗嘅永樂園，N年後輪到我帶姨甥去。熱狗就必點架啦， 今次去盡啲，仲要點雙腸熱狗添， 配冰凍奶茶，透心涼！佢嘅熱狗並唔係用傳統熱狗腸， 腸腸比較細同幼， 質感有啲似台式腸，煙煙韌韌的，個醬係典型中式調配嘅奇妙醬， 有酸瓜粒，好懷舊的味道😋。奶茶用lipton茶包， 茶味好出， 不過正正係咁， 我建議要少甜， 因為我叫左走甜， 覺得好似爭啲野咁。好港式茶餐的味道，但就係呢種味道令人非常懷念，就連讀開番書嘅姨甥仔都話正👍。