永樂園餐廳

營業中

休息中

四十蚊食一隻熱狗 咁嘅質素腸仔實係貴 條腸仔好似豆腐咁爛 唔知乜嘢牌子咁奇怪 似罐頭/玻璃樽裝 嗰啲腸仔咁淋。 仲要只係比芝士腸長d 所以都一定要加錢再要多一條否則都唔知自己食緊乜， 寧願佢哋用廚師牌腸仔 起碼有口感，包鬆軟有整熱。 醬汁似卡夫奇妙醬加少少千島醬嗰種感覺 因為個熱狗好似一陣風咁 好似冇食過 仲肚餓，我就叫咗一個肉絲炒麵 炒麵是炸過的 味道都算正正常常 似一般坊間茶記整嘅水準。 凍檸茶 都係正常間嘢係行落樓梯 落一層的 雖然地方望落去比較好舊 但是清潔檯面及櫈都很乾淨。 食物非常普通 不至於吸引我會再光臨。

.有冇人聽過呢間茶餐廳？ 永樂園茶餐廳🇭🇰 早排要同同學出去幫學校整啲野 經過呢間茶記 同學就話佢地個熱狗好食 咁咪試下囉 😂上網search 仲見到佢寫馳名熱狗王😂😂🤣🤣 所以就試下佢咩味 孤陋寡聞嘅我未食過😂.🐷雙腸熱狗 👅7.5/10 $20等緊個熱狗嘅時候 同學同我講 「想當年 有人出30萬想買佢個沙律醬秘方」 心諗 何方神聖呀 等我仲真係有少少期待好啦食落去 咁其實個包都真係軟熟嘅 覺得都ok都唔錯外面都被整到有少少脆脆地兩條腸比較幼身啦 好似係荷蘭肉腸 味就正正常常咁嘅味囉～ 冇話咩特別好啦 個醬！😂 其實 老實講 就係普通沙律醬 食得出佢同普通現成沙律醬係有少少唔同 酸酸甜甜 冇坊間嗰啲咁gel口 同埋冇咁死甜 但食落又覺得 未至於話超好食😂（得罪了 抱歉）😂 咁當然啦呢啲野個人口味黎嘅.同學都話 以前食好食啲 而家好似又冇咁好食了😂我以前冇食過 淨係呢日食左一次🥸 所以就不評論佢有冇變難食/ 變好食了.味道👅：7.5/10賣相👀：7.5/10扺食💰：8/10服務🙆🏻‍♀️：8/10.永樂園茶餐廳📍中環昭隆街19號地下 .

同事請食下午茶, 買咗呢條岀名嘅熱狗🌭️听講冇以前咁有水準, 不過我都覺得幾好食個包熱辣辣又脆, 入面係双腸, 不過味道冇乜特別, 精粹係個醬, 應該係自己調嘅, 似蛋黃醬再加沙律醬, 我就覺得比較甜, 同事話好味😛不過喺中環仲可以有呢個價錢嘅包, 仲想點😆

朋友好推介佢啲奶茶 所以一直都想試 去開中環友人話不如帶我去試下 就入左去食個下午茶⭐️馳名熱狗王熱狗包烘得外脆內軟加錢要左雙腸 呢幾蚊真係唔慳得唔係會比食普通腸仔包更空虛香腸偏細條 口感略腍 味道正常沙律汁帶微甜 友人表示比以前差左⭐️咖喱角配薯條咖喱角炸得鬆脆 餡料略少但幾惹味薯條係波浪薯條 炸得香脆 但有少部份炸得過火左略乾⭐️奶茶奶茶香濃厚滑 茶底濃而不澀 奶同茶比例唔錯 幾好飲總結：食物正常 奶茶出色環境正常 滿滿懷舊感服務可以 價錢可以

個麻婆豆腐飯入面居然有三色豆，三色豆係劣食中嘅垃圾，呢個一D都吾正宗麻婆豆腐飯，勁似中小學飯盒，極之難食，吾識煮吾該吾好賣，簡直侮辱左麻婆豆腐飯，吾該改名叫三色豆炒豆腐

oh, is a famous hotdog in central. signature doubled sausage hotdog likes dildos. with their secret salad sauce which claimed he had denied a offer of 500k hkd for selling it.after eat. very good.but im on diet and the sauce is just a bit too much. taste like salad but a-little more sour, yummy.better add a slice of tomato and cucumber.will eat nextime.#food #likes #delicious #sweet #bhfyp #vegan #dinner #breakfast #cake #homemade #healthyfood #lunch #foodstagram #healthylifestyle #yum #foodphot

這一間是學校外出的時候老師請我們吃，完全忘記唔到佢嘅味道，可能當時太餓啦！我叫咗單腸熱狗，雖然它嘅腸偏細條，但都夠我食。吸引我嘅唔係麵包，唔係腸，是佢自製嘅熱狗醬！真的超級好食。係因爲佢嘅醬令我念念不忘。如果下次來中環，必去一次。

之前中環返工成日都會去永樂園買熱狗做早餐今日行過懷念佢嘅味道就落下層堂食下午茶有好多選擇,麵包類/飯類/粉類都有如果中環嘅打工仔午餐係兩點後都係一個好嘅選擇,會比較經濟今日難得坐低慢慢食就叫秘醬烤雞扒包($41)坐低唔夠10分鐘就到麵包皮烘得鬆脆而且雞扒冇雪味雞皮煎得香脆加上同熱狗醬一樣嘅沙律醬汁佈滿麵包內確實係肥美邪惡之選!!奶茶偏向奶味較重而且偏甜

以前要等呀等😢😢路經中環必買食品😏😏依家腸變左皺紋也未賣出😩😫😩😫有圖有真相📸📷味道無變，價錢加了，腸仔乾皮，口感差了，包唔夠熱，醬料依舊。

以中環地段，算係比較平既選擇下午茶免牛煎蛋飯加凍飲 $55食落就係頹飯，無咩特別outstanding 不過堂食要落地牢，接近斷網外賣相對更平，不過要揾地方食都係問題😂

今日中午在鰂魚涌做完嘢，下午回程經過中環，想起當年在永樂園吃過的雙腸熱狗飽，飽底外脆内軟，條腸經過roast，加上特製hot dog sauce，其味無比，酸酸尾尾，無得頂，终於腦袋記憶戰勝現實，在中環下車，行去昭隆街。俾咗錢就等隻雙腸狗，伙計快快手將隻熱狗放落個纸袋，摸一摸熱熱地就充滿期望返屋企嘆下隻狗。一打開個袋，隻狗皺晒皮，缩咗，賣相極其核凸，皮脆，條腸超淋沒有咬口，平價罐頭貨色，想不到品質如此不際，或是外賣就是這樣的！

週四下晝 5 時。當多數人 wfh 嘅時候我竟然出現喺中環街頭。其實唔係肚餓，但因為政府玩咗 6 點唔俾入店堂食已經有一段時間，所以有個藉口俾自己提早食個“晚飯”。我唔係中環友，所以永樂園都只係去過一兩次。落到去見全場得四五張枱有人。睇咗餐牌，研究一輪最後都係叫咗個貌似鎮店之寶咁嘅熱狗套餐。$39+$3 凍飲。好快包到。本來無期望，原來都可以失望。個包size正常，起碼大過IKEA個隻，笑。質感幾好，外層真係似麵包，入面熱嘅都鬆軟。啲黃色醬幾好味，傳統港式熱狗嘅味道。港式熱狗係只得一條香腸同一劈醬，冇菜，冇瓜。講返條腸，中指咁大咁長咁粗，你接唔接受到？你滿唔滿足到？咁嘅熱狗咁嘅價錢，睇返食評咁多人讚好真係有啲不可思議。香港人係唔係未食過正常熱狗？定係覺得一間望落去好有歷史嘅餐廳嘅食物就一定比返啲同情分？

🇭🇰永樂園餐廳·雙腸熱狗$19呢間我細個超鍾意㗎 不過因為佢星期日唔開 所以我已經摸過好幾次門釘🥲🥲所以今次就專登喺checkin之前嚟食 不過我覺得佢好似冇以前咁好食左🥺雖然佢個麵包都仲係鬆軟嘅 但係佢條香腸細條咗好多 就算嗌左雙腸都唔係好食到腸仔個口感 不過佢個酸酸甜甜既醬汁係幾開胃嘅☺️·📍中環昭隆街19 號地下·#rbyeat #rby好去處 #rbystaycation#rby港式#rby中環

今日同朋友嚟到中環永樂園 叫咗佢哋最出名嘅雙腸熱狗🌭️ 即叫即整㗎熱辣辣 $19一個 中環地段來講都算係平 講吓個味道先 兩條腸好食 調味幾好 肉味好香 熱狗個汁都非常出色 酸酸甜甜超級開胃 個包非常鬆軟同埋啱啱烘出嚟 外脆內軟 $19食到呢個質素 絕對係誠意之作 抵佢哋咁出名咁多人食 經過嘅朋友真係可以叫一個嚟試一試 👍🏻👍🏻

呢間係屹立左喺中環非常之耐；而且食熱狗係非常之出名嘅茶餐廳。可能佢嘅熱狗好唔錯，我以往都有食過，但我今次去食係食佢哋嘅日常午餐。佢係需要到地庫嘅一間餐廳，外賣嘅人數接近20個。如果堂食，係需要到地庫。我到達地庫之後，基本上位置都鬆動，而且無需再排隊。可惜， 餸菜一般即使送上湯同食物嘅速度非常之快，但食物質素與我心中的距離有所落差。例如枝竹頗鹹，牛腩亦無咩牛味，而且份量比較少。希望佢哋會接受意見，將來做得更好。