永年士多港式車仔麵 (加拿分道)

營業中

休息中

今日行過尖沙咀，忽然間心血來潮諗起想食車仔麵，上網一search見到呢間好似啲賣相幾好。七點鐘嚟到都要排五分鐘左右先入到，座位ok，唔算10分迫夾，但一定唔會好舒服，除咗入面嗰兩張梳化位。講番食物最出色一定一定一定要試佢個豬皮，一入口好濃郁嘅唔知咩味，總之就正。佢個招牌魷魚我覺得除咗厚切之外，就真係冇乜特別可以skip。蜂巢豆腐都幾大舊，有咬口，都可以一試，但係得兩舊。陳皮魚蛋都幾好食,有種懷舊感覺. 另外佢個牛肚係用草肚。如果有鍾意草肚嘅朋友要嚟試下。因為出面通常都用咗金錢肚，我自己就鍾意食草肚多啲。員工四眼妹妹，服務非常之好，好細心！仲有鄰家女孩感覺,想即刻食咗佢兩次.

終於到了每星期最期待的星期五，放工即刻去永年士多食飽飽再去行街！ 試左新推出的大澳特產蝦籽撈麵系列，南乳豬手撈及筋腩撈，用益昌號手抄蝦籽，配以青菜及蔥花上湯。 筋腩撈$62，牛筋燜得好軟滑，牛腩軟腍不鬆散，容易咀嚼，粗麵上加上天然蝦籽，味道鮮香美味。 南乳豬手撈$62，最喜歡這種皮下沒有過多脂肪的豬手，皮爽肉滑，同樣燜得入味，滿滿骨膠原的。 另外，點了熟蝦醬通菜$28，通菜翠綠又爽嫩，拌以惹味熟蝦醬，特別有大澳風味。 最後，跟餐點了香濃奶滑的熱奶茶$12及天天即沖樽仔烏龍茶$17，也不錯啊！

自帶旺旺體質的我 到達永年士多的時候還沒人排隊 點單完畢後面已經排了長龍小小車仔麵店 裝修很有心思講究  一面牆以翡翠綠色霓虹燈做字牌 門口味寬敞舒適 有吊燈與無敵街景車仔麵玻璃上印滿地名 頗有心思同港式風情- 車仔麵（幼麵 麻辣汁 中辣）+ 蜂巢豆腐+流心蛋+軟糯蘿蔔+蟹子丸+鳳爪- 現烤多士 （斑蘭味- 樽仔奶茶（招牌車仔麵出乎意料好吃入味。原本對於貼地小食沒太大期望 純粹成日行開tst 想要隨便吃吃看，沒想到每份車仔麵都有配上多多菜心。點單時姊姊會推介蜂巢豆腐 話好有營養。聽我點蝦籽還會提醒“蝦籽是一味調味不是菜喔”，嫌棄我吃的清淡 讓我試試豬手 豬皮“阿妹車仔麵係要點豬手架” 少遇到如此有人情味的服務。幼麵中等軟度，湯頭超入味（想像不到）。已經慣左鹼水麵毫無味道與湯只有鹹味的車仔麵，吃到這碗有意外驚喜。辣度分bb -小-中-大-勁，中辣沒太多辣味，下次要試試大辣。配菜9 一款，麵底送三款配菜，蜂巢豆腐真的好吃，有豆花的味道。鳳爪煮到韓式雞爪那樣軟熟，而且有少少藥材味。蘿蔔新鮮，入味，見火候。丸類也有豐富餡料，每一道食材都美味滿足多士份量較輕，可作為飯後甜品，斑蘭多士不會過甜麵包

經過永年士多，發現有新野即刻入去朝下聖先~今次呢個新野係「蝦籽撈麵」~ 仲係用大澳益昌號既蝦籽， 今次唔使入大澳都食到特產~今次揀左大大舊既蝦籽豬手撈粗~  豬手整得好，有一定難度永年既豬手我覺得有中上水準佢既豬手淋得黎唔爛，咬得開但又仲好有膠質感入哂味，但又唔會過咸~ 火候控制得排常好~主角既蝦籽撈粗，d蝦籽真係多到不得了呀~ 蝦籽其實是蝦的卵子，曬乾再炒香，係純天然無添加的調味料加少少落去，令成個麵都增加了不少咸香和鮮味~除左蝦籽撈麵, 呢個熟蝦醬配通菜都一定要試同樣選用大澳益昌號的熟蝦醬，估唔到配通菜咁惹味個熟蝦醬有D似XO醬，比以前食開既咸蝦醬更有鮮味搞到我都想買番樽長放屋企~黎永年，點可以唔試佢既車仔麵因為個撈粗好大碟，所以今次叫淨車仔餸 ~叫左個麻辣三寶同咖喱四寶，一次過試哂佢既招牌野啦~咖喱四寶 $ 38 話說 我未試過咁樣叫淨餸 原來呢個38蚊既咖喱四寶 係咁大碗架~~~@@ 四寶分別是魚蛋，蘿蔔，豬皮同魷魚 (仲有菜底呀) 配合特製的濃濃咖喱汁咖喱汁偏甜，唔太辣，配上呢四寶好夾個豬皮幾厚身，索哂D咖喱汁，超入味~ 蘿蔔超級淋，好入味。味道特別甜，似係特別製過我自己就覺

今日去尖沙咀分店，64元4餸(其實普通料，不過韮菜餃、牛筋樣樣另外加錢)，味道一般，咖喱味汁完全唔似咖哩。最好笑係，沒有葱，叫佢辣汁用湯匙盛起放在碗旁可以嗎？(答案:不可以)，要另外加3元。講真，車仔麵本身已油膩，每碗仲要主動幫你加麻油但唔早講。已經無咩服務可言，自己排隊買飛攞餐，十足快餐店，又唔好味又貴。好想知道，佢可以憑呢種服務態度維持多久？

我曾經係永年嘅忠實粉絲，無論佢加價，我都keep住食。我平時會經戶戶送叫外賣，但有至少兩次，唔係戶戶送問題，落咗order又唔接，打電話又無人聽，去到最後lunch趕頭趕命落街買。我有試過其他方法，打去銅鑼灣分店嘗試了解下尖沙咀分店係咪有咩問題出現，但可惜一次兩次，點解都仲係呢？最近令我下定決心要介永年嘅原因，首先平時叫一碗車仔麵唔平，最近蘿蔔仲要加兩蚊（明明唔多餸係唔洗加錢，而家最普通嘅蘿蔔都要加...）第二，我一直覺得永年係比其他車仔麵較衛生少少，我早兩日食發現有兩條男人短頭髮（肯定係，唔係其他毛），可能大家覺得食外賣就係咁嫁啦，但我認為，可能有一條都叫勉強，但兩條短頭髮，我即係作嘔，我已經唔想再食，比咁多錢，加埋4蚊牛根，成碗野因為兩條頭髮就浪費咗。我放棄啦～

小老板仔、你知道永年是元朗人的其中一種情懷嗎？20年前老店時老奶奶、高佬還有你媽咪在淥麵檔忙著、還時常有好幾個穿校服的小朋友在幫忙、我還歷歷在目！我現在結婚搬了出九龍、今天去屯門辦事、就特意坐西鐵朗屏落車行過去買碗外賣返九龍屋企食、你覺得點解我隨時可以去尖沙咀食、但偏要走去老店買外賣？這就是人的情懷！當時八點多、看入去都沒幾個人、就覺得奇怪、買了、豬腸、蘿蔔、豬紅面加底、湯另上一共58、等外賣時心裡在想為什麼那麼貴的呢？就問了一下Cashier、原來現在型到有比其他貴的星級餸、豬紅也算星級？在我心中永年除了豬腸和中辣、就是最寶貴的情懷、其餘什麼都不是！小老板你在一步步消耗我們的情懷你知道嗎？剛跟村兄弟説起今天的外賣、才知道你每間店的價錢都不同的、做生意不是這樣的、也許高佬沒你胸懷大志、但最少高佬踏實、才得永遠的客人和朋友！

咩粗麵咁難煮咩？個粗麵硬過鐵線仲未煮熟，食完會好難消化！然後…餸就普通啲都係普通湯底員工態度好好但係就沒有八達通收費，只收現金…….然後再沒有然後……………..bye

錢唔係咁賺架！ 舊年食過一次份量都叫做正常，經開尖沙咀就諗住再試一次。點知呢間野愈做愈差。今晚叫左碗豬紅豬腸牛腩 要成58蚊都算，你老x每樣餸得四小件左右，係四小件，牛腩仲要細細舊，薄切切仲有，憑乜嘢河粉要+2蚊，我食過大大小小過百間車仔面，未試過河粉要加錢！仲要個碗大大碗，面底就細細，河粉一夾就爛，食到火都黎埋。仲有我叫小辣，食到中段，中間哽喉頂唔順，叫個職員比細細碗清湯我，佢叫我直接拿個碗比佢加，大佬丫，人地食到一半又拿比你加湯，咁樣做衛唔衛生丫？挑，你咪又係要幫我加湯？佢話就咁比清湯你要加錢，真係呢世人食車仔面又令我大開眼界，唔講以為係去左高級餐廳叫法國礦泉水咁。仲有樣野，我知尖沙咀租金貴，唔該你，我未食晒野，唔好過黎收野，仲想收埋我果碗未食晒的面！總之，呢間野我永不幫襯，唔會再幫襯呢d算到盡，無腦吸血鬼

去附近shopping買芝士食🤭去完唸唔到食咩，又走左去食呢度。價錢5算平，兩個人求其食都講緊最少百幾落樓，要平過佢既都有，只係略有名氣及喜歡佢夠辣，所以常常去。佢最少叫三餸起，面食同大部分餸菜都要另外加錢，唔平但有啲製作。先講冬菇，好厚肉健康，個人大愛。再談酸齋，夠味唔潺，同齋舖幾乎有得揮，所以幾乎次次都會叫。豬紅就梗啦，食車仔面唔係唔嗌嘛？事實上，唔會過實淨，四四方方大小均衡，口感食味都合格。豬腸係愛人叫的，肥肥的，喜歡的人才識得欣賞。豬皮幾厚爽身，貢丸牛丸類係攞貨，無特別志在嚼下。撈面係粗面，幾有咬口，但無我所幻想既蝦子囉，上幾次叫加大辣，撈面係食曬啲辣子，半夜真係會起身菊花台嫁，所以今次叫中辣算，有眼你睇，橙橙地色，反而食到面食餸菜原味道。乜咁得意既，原來寫食評唔可以係30日內同1餐廳寫兩則，否則會被強制delete🙈乜唔俾人成日因為伴侶成日要求我去食而成日去所以又寫嫁咩？好奇怪🤣

食過幾十次，當年第一次食係係元朗，感覺辣到有d嗆喉，之後係尖沙咀同銅鑼灣店食最多。價錢唔算好平，如果唔係夠辣，我唔會理解點解咁多人喜歡吃。另一半通常點豬皮，我就喜歡厚肉既冬菇，酸齋夠酸，豬紅唔散，枝竹粒也出色，如果叫撈面還有碗中藥味道的湯，出奇的好飲。佢的飲品全部定好了，不能少冰走冰的，飲品冰唔夠碎，差d…紅豆奶茶d豆幾粉淋，奶茶味不少，不是太大杯，冰都足半杯😂面食被感染發現食油面都幾唔錯，可以索滿辣湯汁，真係講起都又肚餓。

💥 真係想食辣唔好嚟呢度🙏🏻📍永年士多｜尖沙咀📍人均消費 $ 4 #CL尖沙咀 #CL四圍食 #CL中餐⚪️⚪️⚪️⚪️⚪️⚪️⚪️⚪️⚪️⚪️行完Donki搵嘢食….一轉出嚟就見到呢間唔使排隊，所以又中伏🫠🫠入邊店員好多位好迫☹️要客人自己去取餐唔緊要但都要比路人行㗎🥵💟三餸車仔麵 $ 4 5淨係包$9餸類三款，叫咗糖心蛋、墨魚丸同埋魚皮餃，糖心蛋值得一讚😬👦🏻鍾意食嘅河粉竟然都要加兩蚊，抵唔抵就見仁見智啦🫥💟 三餸加菜底 $ 3 9👧🏻揀咗蟹籽丸、墨魚丸同埋山根，山根份量係意外地多，菜低反而覺得少得幾條🥹兩碗都叫咗小辣個辣就唔係好特別，有啲普通冇乜層次，唔知係個辣汁定係個湯底怪怪地食落去會覺得甜🫠🤟🏻不負責任點評好味道🌕🌕🌕🌑🌑🌑🌑🌑🌑🌑性價比🌕🌕🌑🌑🌑🌑🌑🌑🌑🌑回頭率🌕🌑🌑🌑🌑🌑🌑🌑🌑🌑（十粒為滿分）⚪️⚪️⚪️⚪️⚪️⚪️⚪️⚪️⚪️⚪️

今日突然之間想食車仔麵，咁就去呢一間尖沙咀嘅永年士多啦，以前食過大碗麵同埋四寶麵，今天再食十寶大碗麵，食車仔麵其實就係貪佢多餸，所以食十寶大碗麵，10個餸應該10分滿足掛，今天又好鬼熱， 所以叫杯紅豆奶茶冰。排隊排咗幾分鐘，今次坐低等叫number，比以前方便得多。我叫了微辣的湯底，叫了油麵，我覺得油麵浸耐啲都唔會淋咗。菜心係甜嘅，爽爽地，蘿蔔冇揸清甜，豬紅口感都滑，我唔係食豬紅嘅專家，不過聽人講啲豬紅係豬血加雞血做出來的，總之口感好過癮就得啦。豬皮豬腸都幾好，雞翼尖都幾好味，雞翼可以呀，魷魚爽口， 紅腸OK，魚蛋我鍾意。奶茶紅豆冰都可以呀，紅豆夠淋，我照食。呢一餐唔敢話十分滿足，8分都有嘅，10個餸，一個麵，奶茶味，紅豆，加埋十三種味道及口感，都幾過癮嘅。

永年士多 真係由元朗未裝修之前已經有幫襯，當時一食真的覺得好正，會係就算住得遠都好，都想經常去食個隻。到而家越來越多分店，反而覺得好似普通左，而且價錢一啲都唔平，感覺可惜。☹️☹️

是日出尖沙咀, 特意前往永年吃車仔麵, 順道對比與沙田店的價格。根據最近光顧沙田店的同樣點餐, 尖沙咀店只需$71, 相對於沙田店的$87, 足足平了$16, 這個差距估計與其位置, 定位等因素有關。沙田食評: https://www.openrice.com/zh/hongkong/review/%E6%96%B0%E5%9F%8E%E5%B8%82%E6%80%A7%E5%83%B9%E6%AF%94%E8%BC%83%E9%AB%98%E7%9A%84%E8%BB%8A%E4%BB%94%E9%BA%B5-e44515931) 自選3餸車仔麵 (自選3款$9餸) $43- 湯底: 永年清湯- 醬汁: 咖喱辣醬 - 少辣- 粉麵: 油麵- 自選配料: 蜂巢豆腐, 酸齋, 豬紅 ($11餸補回差價) $22) 墨魚蝦卷 $13是次依舊選了油麵, 酸齋和豬紅, 另搭2款未吃過的蜂巢豆腐和墨魚蝦卷。蜂巢豆腐表面佈滿細孔, 十分索湯, 我覺得它更勝豆卜。至於墨魚蝦卷質感彈牙, 當中的粟米粒增添甜味和口感。