水門雞飯 (蟾宮大廈)

營業中

休息中

銅鑼灣的朋友又有多個高質飯堂！😋來到水門雞飯當然要食雞飯，啖啖嫩滑的雞肉，加上香噴噴的油飯，真的很出色！如果想雞肉再厚肉和滑身，還可以加錢轉雞肶👍除了飯類還有其他泰式船麵、炒粉麵等，點了泰式辣雞絲湯金邊粉，湯底較清淡，但辣雞絲炒得十分惹味，還有洋蔥、豬油渣等增添層次。但最驚喜的是兩款小食！炸雞皮非常脆身，本身沒有配醬，反而蘸雞飯的豉油都幾夾，$20就有一大碟很划算！而燒魷魚亦燒得剛好，配上香辣惹味的醬汁，特別開胃。

@watergate_chickenrice 𝗵𝗮𝘀 𝗷𝘂𝘀𝘁 𝗼𝗽𝗲𝗻𝗲𝗱 𝘁𝗵𝗲𝗶𝗿 𝗻𝗲𝘄 𝘀𝗵𝗼𝗽 𝗶𝗻 𝗰𝗮𝘂𝘀𝗲𝘄𝗮𝘆 𝗯𝗮𝘆🚨 𝘁𝗵𝗶𝘀 𝗶𝘀 𝘄𝗵𝗲𝗿𝗲 𝘆𝗼𝘂 𝗴𝗲𝘁 𝘁𝗵𝗲 𝗮𝘂𝘁𝗵𝗲𝗻𝘁𝗶𝗰 𝗰𝗵𝗶𝗰𝗸𝗲𝗻 𝗿𝗶𝗰𝗲 𝗮𝗻𝗱 𝘀𝗮𝘁𝗶𝘀𝗳𝘆 𝘆𝗼𝘂𝗿 𝘁𝗵𝗮𝗶 𝗳𝗼𝗼𝗱 𝗰𝗿𝗮𝘃𝗶𝗻𝗴𝘀😋.水門雞飯終於開到去銅鑼灣啦，係附近返工嘅朋友又多個選擇～ 必點水門雞飯件件都肉香嫩滑，配埋香噴噴嘅油飯無得輸，連碗冬瓜湯都胡椒十足啱哂依加轉涼飲🤩另外撈麵配上泰式滷雞腳同豬手，啖啖肥膏但超正，辣辣哋幾上癮！ 叫埋炒通菜同泰茶，上菜速度極快唔洗一個鐘就食完，泰式快餐首選👅

@watergate_chickenrice 💛平靚正泰味一次就愛上！🥰其他分店次次經過都大排長龍，不想排隊的懶人總是因此而卻步(✿◡‿◡)，趁銅鑼灣新開分店仲未被大家發掘，食完就發現果真平靚正抵食！😈以後要加入排隊的人潮了！😈推薦✨：水門雞飯 + 轉雞脾肉 🐣$54 +$10👍無骨雞肉嫩滑易咬，偏白的皮肉間更有層半透明啫喱~入口爽滑又不油膩，🤓就算不點醬汁、淡淡雞味搭上微微黏口嘅鷄油飯的組合意外地清爽~💛而點埋辣中帶咸、酸、甜的惹味雞醬則更加開胃，🌶️輕鬆掃曬成碟~！而附送的鷄骨湯飲落胡椒味超重~好辣啊~~🤣推薦✨：泰北清冬陰魚片湯粉+雞絲 🍜$68👍Wow！🌶️真係食得辣先好試~！🌶️湯底望落清淡毫無攻擊性，但一飲就感覺到十足嘅酸辣鮮甜過癮！🤧尤其揀了嗦湯嘅米粉真係停唔到，再搭配上軟嫩無腥味嘅魚片和另加的雞絲~ 🐓食落超級豐富，食完仲有少少辣感係口腔停留呢，🥵無霖過除招牌水門雞飯居然湯粉類都如此出色，真心印象深刻！o(*￣▽￣*)ブ📝推薦推薦！ 平靚正之餘又泰味十足！一百頭就可以喂飽兩個人，更有炒菜和泰式沙律選擇~下次經過一定會返尋味呢~！🫶🏻見到全部清哂就知有幾好食！📍水門雞飯 - 灣

「水門雞飯」之前已經食過幾次，呢間分店就係第一次去。咁啱去銅鑼灣行街見到先知道係新開嘅😆 突然間掛住泰式海南雞飯加上短期內我都唔會去泰國🇹🇭，唯有食呢間嘅雞飯止吓癮先啦。呢餐飯都幾豐富㗎，有雞飯有炸雞有串燒，兩位價錢總共食咗$200都唔洗。喺灣仔區嚟講仲唔係平靚正？▫️雞肉串燒 (HKD14/串)▫️豬肉串燒 (HKD14/串)▫️水門炸雞件 (HKD52)▫️水門雞飯 (HKD54)▫️香茅特飲 (HKD20)招牌菜「水門雞飯」係必食，基本上每一枱都會見到佢嘅蹤影。雞肉已經預先去骨，方便進食。餐廳選用嘅雞隻脂肪較少而且皮都較薄，就算連皮一齊食都唔會有種油淋淋嘅感覺。雞肉質地幼嫩，沾上特製醬汁食就更加好味😋好味嘅水門雞當然要配上美味嘅油飯先叫做完美。油飯選用泰國香米加上泰式香料來製作，絕對做到泰國正宗風味啊。「水門炸雞件」外層香脆可口，雞肉就乾身咗少少。餐廳名字雖然係叫「水門雞飯」，想食其他泰式美食例如泰式無骨豬手，菠蘿燒雞炒飯，泰式乾炒辣牛河等呢度都有得食。餐廳仲不定期推出新菜式，包保食客唔會食嚟食去都係嗰幾款咁沉悶😆😆⭐️不設加一

最近見到開咗間新嘅水門雞飯所以同老婆過嚟試下，發現原來菜單同大埔嗰間不一樣所以試咗啲新嘅菜式。老婆點左水門撈麵和青木瓜沙律，我就叫咗泰式乾炒辣牛河和一杯芒果冰。水門撈麵：有鴨血雞腳和豬手。好味，正常份量。青木瓜沙律：分量略嫌太少，辣到癲咗。泰式乾炒辣牛河： 唔辣，普通乾炒牛河，略嫌太油，份量驟眼可見只得半碟，小得可憐。芒果冰：有啲淡。。我哋有同職員反映牛河份量好似太少，佢哋回覆個份量就係咁少。。我哋當時聽到佢咁樣講真係O晒嘴如果真係要去會建議叫個水門撈麵或者普通水門雞飯因為起碼我見到其他枱的份量都係正常，但絕對唔建議叫泰式乾炒辣牛河（$78）因為性價比太低。

同以往分店的裝潢差不多 以曼谷分店為藍本雞檔配搭鐵桌子&牆身 充滿泰國風味主打地道泰式水門雞飯.街坊泰菜.ᐟ‪‪.ᐟ價錢親民足料 質素都很不錯 是飯堂的好選擇.▫水門雙併雞飯 $56黎到就梗係要食水門雞飯揀左原味同炸雞都各半( ¨̮ )都係比較喜歡吃原味的嫩滑口感～啖啖肉 點埋醬料更惹味desu油飯帶油香入味 配搭雞一起吃剛剛好還有冬瓜湯 胡椒味偏重好辣🤣.▫海鮮冬陰功湯金邊粉 $60冬陰功味道香濃 加了很多香料帶點酸辣金邊粉幼滑卦湯 配料好豐富有青口.爽彈魷魚🦑.蝦 味道鮮美.▫泰式奶茶 $22 + $6 珍珠奶滑香甜帶茶韻( ˶ˊᵕˋ)੭♡ 甜度剛好 還可以加煙韌珍珠喔.▫龍眼水 $22味道清爽甘甜 還有龍眼果肉 岩晒解渴.ᐟ‪‪.ᐟ

水門雞飯喺港島區開左分店‼️ 位置喺灣仔同銅鑼灣既交界～ 最近多過9成時間都喺港島既我又多左個飯堂喇😆 💛 出餐速度好快，係食個快飯既不二之選～講左叫左咩啦💁🏽‍♀️➿ 香辣牛脷生菜包 ($65)第一次見牛脷生菜包，真心欣賞佢創意👍🏼 改用牛脷碎相對冇豬肉碎咁油膩，又有咬口d！不得不提個辣度對一個平時食開5小辣既人黎講有少少挑戰性，鍾意食辣既人都應該會鍾意呢個辣度！🌶叫呢個「新品推介」仲會送凍/熱飲品一杯，抵啊！➿ 凍龍眼水大大杯，夠哂清潤啊！➿ 水門雞飯 *轉雞脾肉 ($54 +$10)食過幾次都係覺得呢度既雞肉超級嫩滑，唔點醬汁食都好夠鹹香，更突出雞味，點左就惹味d😋 雞油飯有淡淡既油香，而配送既雞湯幾重胡椒味，整體真係唔錯～➿ 海鮮冬陰功湯金邊粉 ($60)第一次喺呢度食水門雞以外既野，估唔到呢度既冬陰功都唔錯，夠酸夠辣😋 海鮮份量都唔少，有蝦、魷魚、藍青口，青口都有5隻咁多呢，滿足😆

-水門雞飯🐣為左尋找泰國既味道 除左平時既泰國菜就當然要食番個水門雞飯 平時都係旺角尖沙咀食開都唔知道原來銅鑼灣都有間~🐣水門雞飯（$58）雞肉顏色雖然睇落好plain但勝在個海南雞醬幫到吊味 仲好惹味雞肉份量剛好 唔會好嚡口 而附送既湯係偏鹹啲 重胡椒味~🐣冬蔭公雞湯粉（$58）冬蔭功湯底香辣惹味 不過係辣得過癮既我揀左粗麵 唔會好重鹼水味而雞肉既部分係同水門雞飯既一樣~特別既係仲有一片炸雲吞皮 增添口感🐣泰式腩仔（$52）呢個幾有驚喜 ❤️ 下次可以再點~燒腩仔肥瘦平均 炸粉唔怕過厚 炸得酥脆 出面仲有芝麻一齊炸過 所以都好香口🐣泰式檸茶（$22）雖然同平時飲開既檸茶唔同用泰式紅茶葉做既茶底 別有一番風味味道偏甜 即刻好有泰國既味道 同野食一齊飲都好夾 🥳

水門雞飯 - 正宗泰式風味今日黎到灣仔一間泰國菜餐廳，從門面到內部也有著濃濃的泰式風格，就是水門雞飯，這是第四間分店，亦係港島既第一間，主打正宗平靚正既泰式飯品、麵食、小食。水門雙拼雞飯 $56首先當然要試吓招牌菜啦，仲要雙拼添，一邊係嫩滑嘅水門雞，配上醬汁，令一邊是脆炸嘅雞件。牛肉湯牛丸生牛肉湯金邊粉 $50另一個賣點就是這裏的湯麵料，自由搭配選擇高，由麵底、湯底和配料都有得揀，香濃嘅牛肉湯加上彈牙牛丸和幼嫩嘅生牛肉，利用熱湯浸熟，配上泰式金邊粉。泰式豬腩仔 $52小食就叫咗豬腩仔，炸得香脆，油脂豐盈，配上秘製辣椒醬汁一流！芒果冰、泰國梳打水 $26、$12

呢間水門雞飯好有正宗泰國風味，平時經過尖沙咀會去買外賣返屋企食，依家開咗間新分店喺近銅鑼灣利園附近，就比較方便，個湯胡椒味非常之濃面仲有冬瓜，雞有雞味，雞夠滑唔肥，一啖湯一啖飯，好送飯，而且過嚟啲飯都有雞味！我特別鍾意佢啲雞唔係好服，有時我會特登挑走啲雞皮唔食，水門雞嘅雞皮就比較爽口，食落都唔會有種好肥嘅感覺！我哋叫咗個水門三寶飯，去咗水門雞仲有炸雞另外仲有雞雜，雞雜有雞肝雞腎雞腸。有兩個汁可以點，一個係泰式香辣醬油，未到微甜有少少辣，另外一個就係似甜酸醬咁用嚟點炸雞，兩個醬汁都好好味令我覺得好食嘅，仲有佢哋個芒果糯米飯，見冇乜人介紹佢哋個糯米飯，但我覺得都好難中伏。上菜時我覺得比想像中好食😋佢哋啲糯米飯微熱，上面仲有啲脆綠豆，芒果有幾甜，份量都可以兩個人share！同埋$16嘅烤麵包，呢個烤麵包基本上我每次去都會叫，又平又好食，勁大碟，佢配上嘅係咖喱汁嘢飲方面叫咗泰式奶茶加珍珠，同埋菠蘿冰，泰式奶茶茶味好濃，勁橙色！菠蘿冰好消暑解渴！💰人均100蚊一位極之推薦佢哋嘅烤麵包先💰16蚊！

放工後在銅鑼灣吃晚飯，這家餐廳位置馬路旁邊，客人客似雲來。餐牌上除了招牌雞飯，還有各款飯和湯河選擇，另外還有小食等。⭐️牛肉湯牛丸生牛肉湯米$50我點了冬蔭公湯，入口頗辣，麵底要金邊粉。生牛肉入口很嫩，肉味突出。牛肉丸也頗彈牙，加上口感獨特的金邊粉，不俗。⭐️豬肉串燒$14/串豬肉串燒比較入味，加上沙爹醬，味道很香。⭐️雞肉串燒14/串雞肉串烤得很香，配上沙爹醬會更美味。⭐️斑斕大菜糕$32加上椰奶味道更甜，適合嗜甜的人。如果低糖會更健康美味。⭐️生薑蜜$22入口薑味突出，加上蜜糖更香甜。

*💭水門雞飯尖沙咀分店經常大排長龍，午飯時間極具人氣，皆因食物平靚正🥰可能由於太受歡迎了，分店終於開到了港島區😳晚上來到，門外已有長長的人龍。來到此店，必點的就是雞飯了，有多種配搭，可以加錢轉雞髀。✏︎三寶雞飯有白滑水門去骨雞肉，肉質嫩滑，食落啖啖肉，還有炸雞，外皮香脆，內裡嫩滑，再配有雞腎等雞雜，食材多元化😋✏︎大蝦金邊粉炒得很香，一上菜鑊氣十足。撈上花生碎，辣椒粉，再加上青檸汁，整道金邊粉又辣又香又入味🤤✏︎串燒點了雞肉和豬肉串燒，串燒不會燒得太乾身，點上沙嗲醬更滋味。✏︎泰式奶茶非常正宗的奶茶，甜度適中，好有泰國風味😋

灣仔做完嘢收工，竟然見到附近有水門雞😍最正係唔使排隊❗️Menu 價錢十分大眾化，竟然仲有$5 一碗湯、$18/8隻雞腳💕泰北清冬陰魚片湯粉+雞絲 $68米粉大碗、材料足～湯底雖然較清，但酸辣鮮甜🌶 好有泰式風情，好啱大少胃口🧛🏿魚片爽彈，裡邊仲有蜆肉，好食‼️水門撈麵$58撈麵有齊雞腳、鴨血、豬手～撈麵汁屬於BB辣🌶豬手份量多，滷汁入味～重點係豬皮肥而不膩，肉質軟嫩而不黏牙，充滿骨膠原👍🏻雞腳細細隻，但炆得軟腍，鴨血份量再多一點更好～串燒 $42/3串串燒最少要點三串🐔有雞、豬🐷串燒火喉控制剛好，有淡淡焦香氣而不會過乾～兩款醬汁都唔錯，沙嗲汁香而不辣，加埋花生碎同吃，口感、味道豐富～酸汁可以減低油膩感，口感較清新～龍眼水 $22 、鮮檸梳打$22自家煲龍眼水味道濃郁，飲完喉嚨即刻舒服晒，好滋潤～

我是想吃海南雞的時候剛好見到對面有新店，幸好星期五一個人七點左右不用等位可立即入坐。坐後發現原來菜單選擇多不勝數，但為了不浪費只叫了海南雞髀飯（特別叫少飯）及馬拉盞芥蘭，及一杯凍泰式奶茶。海南雞髀就無得輸，加上跟上的醬料特別好味，米飯就不是我喜歡的，米較乾硬身。泰國式奶茶好有茶味，甜甜的又有茶味是值得一試。芥蘭新鮮，但那些馬拉盞肉碎不是特別好味，有點似肉醬，味道不太夾。但我都清曬。服務態度不錯，人手足落單快靚正，下次多啲人可以叫多啲野試吓其他小菜。價錢也合理！

放寬啦放寬啦✈️但我都無假🥺唯有留番係到繼續望住人去旅行啦🧳接台灣我第二個想去既地方肯定係東南亞🌞除左有陽光與海灘之外，食物都完全係我杯茶😍今日就黎回味下泰國過江龍🇹🇭水門雞飯。🐒水門雞飯💰$54只係$54就有咁大碟飯，仲可以嗌店員幫手多飯，以過江龍黎講真係冇expect係呢個價，怪唔得吸引到咁多人黎食🐥。🐒鳳尾蝦泰式金邊粉💰$75好掛住泰國街邊既金邊粉🔥個啲鑊氣真係香港揾唔到，但呢個個味道好濃🥫睇顏色都知夠哂味。🐒泰式腩仔💰$52必嗌!!!!!!!🍖外脆內嫩，爆多肉汁💦配埋個汁，完全可以獨立出一個泰式腩仔飯🍚。🐒泰式無骨豬手💰$88豬手都可以跟飯，不過我地見到個飯咁大碟又怕浪費，就就咁嗌淨豬手🐷滷水夠入味，豬手好軟嫩，加埋層皮食就算唔送飯都唔會膩🤤肥妹必食皮。本身仲struggle緊會唔會嗌得太多，下一次就清哂全枱野食😂2個人2百幾蚊落樓，十分滿足☺️。