水門雞飯 (蟾宮大廈)

營業中

休息中

💥水門雞飯開到黎銅鑼灣啦📍水門雞飯｜銅鑼灣📍人均消費 $ 8 X#CL銅鑼灣 #CL四圍食 #CL泰國野 ⚪️⚪️⚪️⚪️⚪️⚪️⚪️⚪️⚪️⚪️LUNCH TIME 超誇張，堂食外賣都排哂長龍呀🤓外賣快啲就外賣啦😌叫左水門雞飯，另外加左炒通菜👍🏻兩樣都超正，啲雞好滑～雞胸都唔痴牙😍只係個飯略嫌唔夠香不過自然健康啲嘅，個冬瓜湯帶胡椒味，飲完信身暖哂👍🏻散叫既通菜都幾多，熱辣辣應該都係即炒嘅👅嫩口之餘唔會太辣😀🤟🏻不負責任點評好味道🌕🌕🌕🌕🌕🌕🌕🌑🌑🌑性價比🌕🌕🌕🌕🌕🌕🌕🌑🌑🌑回頭率🌕🌕🌕🌕🌕🌕🌖🌑🌑🌑（十粒為滿分）⚪️⚪️⚪️⚪️⚪️⚪️⚪️⚪️⚪️⚪️

嚟銅鑼灣 Shopping，行到攰攰哋又有少少肚餓，想搵間餐廳坐低食啲嘢。行經希慎道，見路口位新開左間「水門雞飯」，反正未諗到食乜嘢，就一於入去試吓。餐牌選項好豐富，除左招牌水門雞外，仲有沙律、泰式生蝦、炒粉、撈麵、船河、串燒、小食、甜品等，花款多不勝數，令人目不暇給。餐廳主打泰式雞飯，一場嚟到，當然要試下。我哋點左水門雞飯，一客串燒，烤麵包，另外再加左碟芥蘭苗同甜品。水門雞飯 ($54) (轉雞髀+$10)  雞飯大大碟，送上時還附有例湯一碗。例湯係冬瓜湯，以碗盛載，湯內有冬瓜一件，入口胡椒味很強烈，飲完成身暖笠笠。雞髀已起骨，肉質好滑溜，皮薄肉嫩，入口脂肪不多，啖啖肉，點埋個醬汁食，好滋味。油飯水準亦唔錯，雞油滲透飯內，食起嚟特別香口。另外呢度嘅串燒都幾抵食，價錢唔貴，只係 $14 串，不過就要 3 串起，可合併。本來想點豬肉同雞肉各 2 串，可惜雞肉已售罄，幸好豬肉串燒 ($42)  味道亦不俗，食落肉厚多汁，配上沙嗲醬，超惹味。至於客烤麵包 ($16)  味道亦一流，用上衛星包炮製，而且燒得幾靚仔，入口外脆內軟，沾上微甜的沙嗲汁，令人吃不停口！馬拉盞肉醬芥蘭苗 ($46)，芥蘭

水門雞飯 (銅鑼灣)📍銅鑼灣希慎道2-4號蟾宮大廈地下9號舖水門雞飯平時喺九龍區都有食開原來最近已經開咗過嚟銅鑼灣夜晚帶朋友嚟食個飯👫🏻🍜泰式清湯腩船粉$50+魚蛋$12清湯腩轉左金邊粉上枱嘅時候已經聞到湯底嘅香味 好濃嘅骨香啲清湯腩好有驚喜 件件都好靚 肥瘦分明肉味又濃郁 除咗肉位 仲有筋位金邊粉又滑 值得一試🦑原隻燒魷魚$45一份有兩隻 估唔到咁大隻 幾有睇頭燒到好香 肉質爽口彈牙配埋自家制嘅辣椒醬好惹味🌶🐥胡椒單骨雞翼$44泰國街頭必點小食之一 炸得好香脆而且單骨雞翼特別容易食 好快已經食晒一碟😍🧋泰式奶茶$22食泰國嘢點少得杯泰國奶茶茶底十分之香濃 啲奶又好滑真係覺得自己去咗泰國食飯咁🍋鮮檸梳打$22另外點多咗杯鮮檸梳打用咗泰國梳打水 加埋青檸 特別解油膩

在銅鑼灣十分有名的一間食雞專門店🐓今日終於有機會試一試🤩呢間餐廳在晚上要預留一些時間去排隊，因為基本上是滿座的，要堂食的話就要等一等😂餐牌的選擇很多，原本想點一個三拼雞飯，不過卻因為沒有雞雜，最終只能點一個雙拼雞飯（$56），另外加$10可以轉為雞髀肉😋雞肉十分嫩滑，配上醬料味道一流，還有一個例湯送；炸雞層次分明，外脆內軟，值得比個Like👍🏻好味指數：9/10性價比指數：9/10

📍#水門雞飯 #銅鑼灣🏆水門雙拼雞飯(轉雞髀)(8/10)水門雞髀🍗非常嫩滑juicy，女生連雞皮食都唔會覺肥膩😆 炸雞🐔唔算厚粉，有脆口感。唔好以為雞飯🍚冇乜顏色會冇味，食落係好有雞油香🤩 雙併有2隻醬，紅色果款係甜酸醬，好惹味！另外黑色嗰款相信係店舖嘅秘製醬汁😋 仲有個冬瓜雞湯，濃濃嘅胡椒味好有🇹🇭泰國正宗水門雞嘅回憶啊☺️ 今日雞雜賣曬，有啲可惜。希望下次可以試埋！個人覺得雙併好抵食，兩款雞嘅份量都好多😎👍🏻⭐️水門雞飯⭐️銅鑼灣希慎道2-4號蟾宮大廈地下9號舖

每次到泰國必食的水門雞飯， 銅鑼灣都有分店了，位於灣仔希慎道2-4號蟾宮大廈地下9號舖。 店內裝修懷舊風格，平日中午時段都好多客人。餐廳主打泰式雞飯， 還有麵類和小食。午餐 ～ 水門雞飯$54、 水門撈麵$58、 豬肉串燒(兩串) $28、 雞肉串燒$14、凍泰式奶茶(兩杯) $44。 🔸水門雞飯🍛 ～ 雞肉的皮又薄又爽， 海南雞已起骨，食落啖啖肉， 配上醬汁一起吃，肉質嫩滑又惹味。 油飯非常香， 軟硬適中， 雞骨湯有濃濃的胡椒味， 加入清甜的冬瓜， 一啖飯一啖湯，好正。 🔸水門撈麵🍜 ～ 有入味的雞腳、 香滑的鴨血和口感軟腍，膠質豐富的豬手，撈麵味道夠濃， 估唔到撈麵都做得幾出色。 🔸豬肉串燒＆雞肉串燒🍢 ～ $14一串，好抵食， 燒得又香，配上惹味濃郁的沙嗲醬，好滋味。 🔸凍泰式奶茶🥤 ～ 每次必點的泰式奶茶，香濃滑順的口感，味道正宗。 雖然現在已經開關可以隨時到泰國食水門雞飯， 但個人感覺香港的水門雞飯更加好味😋。🏷️溫馨提示～ 整個用餐體驗均屬個人分享意見， 只作參考😊。

第一次係香港食係尖咀跟住再食過旺角分店，宜家開到黎港島區仲要係銅鑼灣近利園超級方便～下晝兩三點相對冇咁多人 起碼唔洗大排長龍🙈 水門雞飯($54) 必點 雞肉夠滑油飯好香 配埋個秘制醬一流👍🏻 起碼每一檯至少都有一碟呢個！另外朋友揀左泰式豬手飯 ($52) 豬手燜得好軟淋超入味 Q彈補充骨膠原，旁邊仲有少少個醬汁撈泰國香米好正🤤我地仲點左個新菜式試下 香辣牛脷生菜包 ($65) 限時優惠仲送一杯飲品 叫左凍泰式鴛鴦～ 一開頭食仲覺得好香辣好惹味 點知越食越辣 原來係因為落左指天椒炒🌶️ 辣到搞唔掂唯有叫多杯芒果沙冰($26)解辣⋯ 大家唔係好食得辣既記住問下店員可以減少辣椒份量哈哈！

以前係九龍區番工已經成日幫襯「水門雞飯」，原來不知不覺佢地已經進軍埋港島區，係銅鑼灣開咗新店🤩 以前都係食午市，原來晚市小炒都好出色👍🏻《 水門三寶雞飯 》 $64 4.5 / 5 呢個飯有齊白雞，炸雞，雞腎雞腸同雞紅🤯直頭係「曬你冷」嘅豪華陣容🤪招牌雞肉鮮味嫩滑，點埋秘制汁醬仲惹味😝雞內臟食得出係用靚雞湯熬煮過，完全辟哂內臟嘅羶味，原汁原味😚性價比一流👍🏻《 馬拉盞西蘭花炒魷魚鬚 》 $68 4.5 / 5 西蘭花經馬拉盞醬爆炒過後，香辣味滲哂入去之餘竟然仲保持到爽口，不得不讚廚師炒功一流，而且好有鑊氣👏🏻 魷魚鬚份量十足，撈埋醬汁惹味又脆口，餸飯一流😛🍚《 泰式清湯腩船河 》 $50 4 / 5除左海南雞，哩度嘅清湯腩亦好受歡迎😆 湯頭香濃而清爽，唔會太鹹或油；而牛腩大舊，肥瘦適中，仲食到一、兩舊牛筋😋 河粉比平時食到嘅闊身，更有厚度同咬口👍🏻《 烤麵包 》 $16 4 / 5香烤麵包配搭沙嗲醬🤤 兩邊都烤到啡黃色，外脆內鬆軟，點埋醬食更惹味👍🏻《 凍泰式奶茶 》 $22 4 / 5雖然無得嗌少甜但甜度都好港式化，大杯抵飲！

港島區終於開左間水門雞飯啦‼️由裝修去到味道都好有泰國街頭既感覺🛵 地道得黎又夠曬風味🤪 唔洗飛都食到咁正既泰國味真係泰好味了🥰⭐️ 水門雞飯 🐔最招牌既雞飯果然好有水準💕無骨啖啖肉 雞肉嫩滑調味唔會太鹹 加上醬汁恰到好處🍗 油飯充滿雞油香但係唔會膩🍚⭐️ 扎肉雞絲香辣肉碎冬陰功湯金邊粉 🍜冬蔭功湯係精髓🤤 辣得黎夠重香料味🌶 配料都好豐富好有街頭風味😜⭐️ 泰式炒通菜 🥬通菜炒得非常爽脆香口👍🏻 雖然偏油但係好有鑊氣風味濃濃🔥⭐️ 泰式奶茶🧋好掛住呢隻味呀🥹 茶味濃厚但係唔會苦☕️奶味超滑夠消暑🥛

唔經唔覺喺銅鑼灣開咗間水門雞飯 一直都知道呢間好出名 終於開到嚟銅鑼灣慕名而來叫咗個海南雞飯 果然一試就不得了 就算係普通雞胸肉都好好食，醬料搭配得好好，而且雞骨湯同一般嘅唔同應該有落少少胡椒粉更加惹味😋😋😋

聽過水門雞飯好耐，前排終於有日去食下。餐廳內好地道泰國夜市風格，幾特別。🐔水門雞飯- 來這裡必食招牌水門雞飯！雞肉好雪白嫩滑，外層嘅雞皮薄薄的夠滑，幾好食。-而且都好多舊雞肉，一定夠食！🌟冬陰雞湯粉- 湯底少少辣，配上 lemongrass 香，幾特別- 上面雞肉比較有嚼勁，配埋薄薄嘅滑香皮一齊食，好香口。🍢點了雞肉和豬肉肉串，比較喜歡豬肉肉串，外層脆香入面肉嫩。旁邊嘅沙爹醬更加係非常香濃，幾出色。呢到飲品都幾多款式選擇，而且價錢好合理。🍵香茅特飲- 成支lemongrass在內，好清新，而且只係微甜，正！下次再來食雞！😆

📍之前食開尖沙咀店 估唔到依家連銅鑼灣都開咗分店～次次去到門外都大排長龍 不過等位都算快 大概等10-15分鐘就有位啦 價錢好抵食 主食類平均都係$50-$70🙈 🌀 正宗水門雞飯 轉雞髀肉 +$10海南雞啖啖肉 全部起哂骨 啱哂我地呢d怕麻煩嘅人😂雞肉肉質嫩滑 一d都唔嚡 重點雞肉好少脂肪 連雞皮都好薄身冇肥膏 好好食🙆🏻‍♀️ 配上油飯都唔覺油膩 🌀 水門炸雞飯如果想食香口d 可以揀炸雞飯🙆🏻‍♀️ 炸雞唔係好脆口嘅質感 但香口又炸得唔油膩 餸飯真係一流! 仲配有泰色醬汁 朋友表示微辣甜甜地 好有泰國嘅味道!🌀原隻燒魷魚 <2串>決定加多個小食 燒魷魚🐙好大隻 燒到有少少炭香味 魷魚有灑上少少胡椒粉 惹味但又唔遮蓋咗魷魚鮮味🌀 泰式奶茶 & 泰式鴛鴦奶茶味道偏濃 好香茶味 因為加入煉奶作調配 味道稍甜但相當好飲! ❤️

餐廳最近喺灣仔開咗新分店，顧名思義主打水門雞飯💗 除此之外仲有船麵、豬手飯、特色小食等～ 餐廳裝潢好有泰式風味，十足十模仿泰國街邊攤檔食嘢嘅感覺☺️ 整體價錢合理，CP值都算高，可以一試👍🏻一場嚟到當然要嗌返個招牌水門雙拼雞飯啦～ 雖然望落去色彩白雪雪咁食慾唔大但好彩味道取勝😍 水門雞大大件，雞肉超級嫩滑，雞皮爽口彈牙，搭配醬汁好惹味呀！炸雞酥脆可口，炸皮唔厚，性價比幾高～ 另外值得一讚係個油飯😮 雞油味好出，食落去油而不膩，極度推介🥳牛肉湯牛丸生牛肉湯米要咗店員推薦嘅金邊粉～ 生牛肉份量十足，入口即溶，牛丸彈牙爽口，金邊粉軟硬度適中，湯底香濃鮮甜無味精，值得一試👍🏻豬肉雞肉串好有驚喜🫢 兩款嘅肉質都好嫩，完全唔乾柴，整體調味適中，配埋沙嗲醬好有feel🤪 泰式腩仔都唔錯，半肥瘦狀態，外皮仲要係脆卜卜，好滿足呀☺️

📍水門雞飯泰式既水門雞飯真係比較少有 通常都係食新加坡個種 但見過門面同裝修都幾特別同地道 就吸引左我😆😆 今次已經係食第二次 上次食左金邊粉覺得還好 今次真係要試試個雞先得😛 水門半隻雞$108 份量都多 夠2個人食 雞脾位夠哂滑 雞胸都唔會好柴 另外仲有雞血同雞腎 雞血好少食 不過同豬紅都差唔多 夠滑 雞腎爽口 味道就冇乜 所以我點醬食😛我好中意個辣醬 好惹味 同雞好夾😚如果中意仲可以買樽返屋企添仲送左碗冬瓜湯 但胡椒味偏重油飯$10 我平時好少食飯 但係呢碗油飯我竟然唔小心食哂🫢 一上枱已經聞到好香 雞油味好濃 飯粒仲要粒粒分明唔會好爛 真係好好食👍🏻泰式炒通菜$54份量都好多 辣辣地好惹味 但係食到底就有啲油

間間都排哂長龍既水門雞飯原來係銅鑼灣都開左分店新店樓底好高 都繼續有泰文字樣既雞檔🤣座位相對其他分店闊落 仲有吧枱位 水門雞飯轉雞髀 $64呢個真係必食 我自己就會加$10轉雞髀因為雞髀肉真係最滑🤭仲要啲雞係無骨架雞皮爽滑 記得要點埋個泰式醬 😬呢度既油飯係淡黃色 唔會過油 但食落都好香另外跟餐既冬瓜湯又係超好飲 好重胡椒味海鮮冬蔭功湯金邊粉 $60有青口 魷魚 蝦仁 金邊粉幼滑冬蔭功唔算好辣 不過就好香椰汁同香料味我就另外加左辣椒粉😝😝😝炸蝦春卷 $42之前好似無咁多小食😛依家多左好多選擇春卷入面都食到有蝦仁粒 炸得夠香脆菠蘿冰 $26飲品種類都好多 菠蘿冰酸酸甜甜好開胃椰青 $38食地道泰國野梗係要飲椰青水 好清甜除左飲仲有得食埋啲椰肉👍🏻