水門雞飯 (萬勤商業大廈)

營業中

休息中

水門雞飯$54 水門雞飯就係呢一間餐廳嘅招牌雞飯，佢嘅雞皮煮完之後過咗冷水，所以好爽同埋好彈牙，而且雞肉都好嫩滑。你會見到一碟飯裏便足足有成嚿雞髀肉咁多。水門雞飯嘅飯就係油飯啲油飯都食到好香嘅雞油味好惹味同埋送飯。沙嗲串燒$42 串燒配埋嘅沙嗲醬完全唔辣，但係你會食到香濃嘅咖喱味。加埋秘製嘅泰式調味，串燒變得非常好味。雞雜$48 雞雜裏面有鴨血雞腸同埋雞腎。餐廳嘅煮法係烚咗佢哋先，然後再會上菜嘅時候配埋地製嘅調味料俾你去點嚟食。要特別提就係呢一個炸雞醬真係好好味。佢係甜辣醬，而且當啲雞點咗呢個醬之後甜甜地但係又會有辣嘅感覺。如果食水門雞飯嘅話佢係唔會送埋呢一碟醬俾你記住要主動問服務員拎呢一碟醬

又食水門雞，因為有外地朋友嚟，住係附近酒店，話經過都見排哂長龍，仲話見到有兩間，問我哋係咪同一樣？唔使問，就帶佢嚟親自試下呢間泰國名物🥰剩係尖沙咀都有兩間分店，都幾多人食，好彩都快等到位，坐低即刻scan QR code，午餐主食包飲品，船麵就散叫，冇餐飲，友人想飲手搖，於是叫一個招牌水門雞飯餐+麵+甜品，yeah！平時都係食水門雞，冇留意到呢個「金牌胡椒豬什粉 Pork Giblets Noodle」$48。要咗金邊粉，可以加價多幾樣餸，於是加雞絲 & 豬潤。成碗粉就算唔加料，都比想像大，一個人食夠哂飽；加咗餸就不得了，簡直係外面兩碗嘅分量！粉腸超！級！正！軟軟的，淋淋的，似炆餸咁整到入哂味，如果可以加錢加餸，一定要追加呢。豬潤亦處理得宜，有薄有厚，但亦都嫩滑；炸豬皮脆卜卜，要趁未浸軟快食。話明胡椒豬什，真係不得不讚個湯底，好重胡椒味，好微辣，但好香，勁似胡椒豬肚湯，忍唔住飲咗大半碗😆芒果糯米飯 Mango with Sticky Rice $58依家買水仙芒都唔平，而且唔擔保甜，見呢度才$58就食到芒果糯米飯，試試先～嘩～兩大塊芒果肉，厚切的！睇色澤都feel到佢甜，果然係又香又甜

享受完個泰式按摩，朋友提議黎水門雞食。水門雞一直都係行經濟實惠路線，店內選擇不算好多，水門雞飯係必吃之選，雞件味淡但嫩滑，蘸埋佢既酸辣汁，搭配香氣四溢粒粒分明的雞油飯，太match了。另一主打泰式金邊粉炒得乾爽，蛋絲，鳳尾蝦，芽菜，豆乾配料豐富，火喉十足，色香味美，酸酸甜甜，碟邊提供青檸及花生碎，喜歡辣的，可以撈埋佢提供既乾辣椒碎，超正！香辣鳳爪絕對是辣味愛好者之選，鳳爪本身無味，經過特制的調味＋芹菜，大蔥，甘荀絲等配料，帶出多重口感和濃郁的香氣，好惹味。

晚餐食過幾次，今日第一次來下午茶，見到泰式船麵 $44 連一杯飲品，都幾抵吖 😋我叫咗一碗生牛肉河粉 ， 可以選擇清湯或牛肉湯， 我就揀咗牛肉湯， 味濃啲。來到既時候見到 d 河粉好似好少甘，但牛肉竟然有六大片 😲 仲係有牛肉鮮味個 d，飲啖湯，果然牛肉味都濃，勁似係泰國食緊，初時以為河粉甘少，會吾夠飽，點知食完好飽，可能係食左六片生牛肉卦 😆 最後飲埋杯泰式奶茶，奶和茶配合適宜，當然甜度是略甜的，但泰式就是甜，幸好茶味也濃，飲完更滿足了 😘

Went here with my friend before going to the Demon Slayer exhibition. .We both ordered Khao Mun Gai Poached Chicken with Chicken Rice Set.The colour of the chicken looked lighter than expected. The chicken tasted more appetising when you dipped them with their specially made soy sauce. The oil rice was grainy. Since the skin was not too oily, you won't feel really guilty even after having them.The Thai Milk Tea was quite sweet but refreshing to have. .The resto was a bit small and crowded, and w

We have been to this restaurant many times and it’s always our go to whenever we don’t know what to eat.The chicken rice is so fragrant and flavourful, just like how a chicken rice should be.The steamed chicken is so tender and lean. Dip it to the soy sauce to enhance the flavor.The fried chicken is crispy and not too oily. Don’t forget to try the sweet sauce!The rice comes with a bowl of soup that is so peppery and it keeps your body feels warm.The clear broth beef brisket thai boat noodle is v

今日係尖沙咀食水門雞飯，估唔到人多到就算隔一條街就有2間水門雞飯，兩邊都要排隊入座，睇黎真係好受歡迎入到去真係坐爆晒人，好彩可以用手機落單唔洗等staff，如果唔係咁多人都唔知等到幾時黎到必食雙拼雞飯，好有當年去泰國食飯個feel，想當初去泰國旅行第一餐飯就係食水門雞，同樣係雙拼雞肉勁嫩滑，好似唔洗點咬咁，炸雞啲炸粉又唔會好厚，脆得黎一啲都唔硬沙嗲雞串，對比起啲嫩雞呢個反而失色少少，肉咬落有啲實，好過味道真心唔差，點埋啲沙嗲醬食勁濃味和牛串同樣軟稔，肉味好香肥瘦適中，唔錯豬頸肉就真心無得彈食落有陣炭燒味，而家燶邊咬落少少脆，中間肉質爽口，好有口感，配埋個醬食真係流晒口水泰式黑咖啡，原來有加糖，不過飲落都唔會太甜

今晚在尖沙咀吃飯，這家餐廳晚上七時要排隊，不過排隊時間不算耐。⭐️泰式炒通菜我特別喜歡這道菜的口感，通菜炒得恰到好處，保持了它的脆嫩口感，搭配泰式調味料和香料，使得整道菜有著辛辣和微甜的風味。⭐️蘋果雪梨水(熱)這是一杯熱飲，非常適合在寒冷的天氣裡暖身。它有著濃郁的水果香味，甜中帶酸，非常清新。⭐️脆炸香茅雞翼 這道菜的雞翼炸得金黃酥脆，外層的醬汁和香茅的香味混合在一起，給雞翼帶來了獨特的風味。⭐️水門雞飯我將水門雞飯轉雞脾肉。脾肉的質地軟嫩，口感豐富，與飯的搭配非常出色。整個菜品的味道豐富，讓我一口接一口。⭐️水門雙拼炸雞飯這道菜結合了兩種不同的雞肉，分別是炸雞和水門雞肉。它們搭配著米飯，讓人滿足。

尖沙咀共有兩間分店，今日黎左金馬倫道果間分店。之前食過旺角店覺得佢地嘅海南雞水準超高，拍得住泰國嘅水門雞！所以今次都叫左佢地嘅招牌水門雞飯。因為6點前都仲有下午茶餐，$58送埋餐飲，泰奶都可以點，仲可優惠價$24加配雞肉串燒，真係超抵食👍🏻水門雞份量好多，皮薄肉嫰，水門雞醬更加無得彈，蘸雞肉食真係超夾！雞飯仲會送雞湯，清清地，可以解除油膩感😆另一份叫左水門雙併炸雞飯，份量同樣咁多，炸雞嘅皮炸到卜卜脆，蘸上泰式辣醬另有一番風味☺️雞肉串燒好香，肉質好滑，蘸上沙嗲醬好惹味，串燒就算單點都係$14串，豬牛雞同價，豬肉肉質比較扎實D,但醃過味道都唔錯！至於泰奶簡直就係同平時泰國飲到嘅一樣，必叫！我地仲叫左份小食，胡椒單骨雞翼，雞翼炸到比較乾身，但胡椒味都幾香濃

水門雞飯尖沙咀金馬倫道18號萬勤商業大廈地舖水門雞次前食過 雞件係幾滑 切法擺位唔錯今次試下其他 而泰式奶茶都係膽 一定要加珍珠！ 沙嗲雞肉串Chicken$14/串 3串起以香料豐富沙嗲醬裹覆在雞肉上，然後串在竹籤上烤熟蒜頭、洋蔥放係一個張碟上自己處理 始終口味巴野都係比人自主好D香氣撲鼻、口感豐富 啖啖肉凍泰式奶茶 $28+$6（＋珍珠）濃茶味、牛奶滑順口感 茶香和奶香同時擁有 THAI TEA係比較偏甜所以我個人喜歡多D冰 甘就平衡到個甜味加珍珠 好飲又好咬 馬拉盞西蘭花炒魷魚鬚$ 68馬拉盞醬混合了辣椒、蒜頭、洋蔥及各種香料西蘭花保持著脆嫩 魷魚鬚有嚼勁品嚐辣味、鮮甜和微微麻感QR code落單時叫左少油少鹽六星鲜蟹肉炒飯$ 108醬油風味蟹肉炒飯 好似係新產品所以試試始終係炒飯會比較油少少 有兩塊青瓜去一去油膩感整體幾好食 因為蟹肉夠多 加左分

落完單之後，店員會送上兩碗雞湯，胡椒味好重，好似飲緊胡椒豬肚雞湯咁，飲完即刻暖笠笠。海南雞半隻泰式嘅海南雞飯，個皮都比較淺色，同埋脂肪比較少，食落冇咁油膩。師傅已經起晒骨，所以啖啖肉。諗吓諗吓好似好少過有骨嘅海南雞。好鍾意佢個醬汁，唔會好辣，襯埋雞肉好惹味。豬手飯豬手炆得好冧，哦肉同埋豬皮唔使特別咬就已經好軟爛，而且上碟嘅時候出晒煙，熱辣辣。馬拉盞芥蘭芥蘭上面嘅肉碎都幾好食，最尾仲用咗嚟撈飯。燒魷魚仲可以揀切件上，非常方便食用。

水門雞飯 地址: 尖沙咀金馬倫道18號萬勤商業大廈地舖 #yauyau_尖沙咀  推薦指數：7/10 每次嚟到都好多人排隊，今次排咗5分鐘到就入到去食啦，餐廳座位都比較迫少少，但係食飯空間都足夠嘅係可能上菜要就少少位咁。 🍗🍗🍚海南雞飯 $68 轉雞髀+$10 用咗比較瘦身嘅雞嚟整，所以就算連埋雞皮嚟食都唔會覺得好油膩，佢浸雞嘅時間都唔錯，唔會整到啲雞肉熟得滯老咗。點埋佢嗰個辣醬就啱啱好啦好開胃可以好快咁送晒啲飯。個白飯都係普普通通，我會覺得唔係好夠雞油。 🥘🥘另外跟餐仲有個湯送，有少少白胡椒粉嘅味，飲落去辣辣地好開胃。行過嚟食個快飯都唔錯。 味道: 3.5/5 服務: 3.5/5 環境: 3.5/5 番兜: 3.5/5 #尖沙咀美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #尖沙咀泰國菜 #泰國菜 #水門雞飯

今日食飯再Encore 水門雞飯，今次去左尖沙咀 萬勤商業大廈分店，尖沙咀仲有另一間分別喺厚福街，一樣咁就腳。今次叫左 泰式乾炒辣牛河上枱好大份，仲勁有鑊氣，熱辣辣，河粉有咬口，夠乾身唔會太油食落河粉都唔會太散，加上蔥，芽菜等炒起更加香口。牛肉肉質都唔錯。而且有點菜嘅時候可以揀辣度，我唔太食得辣嗌左少辣覺得啱啱好，夠惹味，但又唔會太辣。馬拉盞肉醬芥蘭苗，叫左汁另上。份量都幾大份，而且全部用上芥蘭苗，超嫰，一d菜渣都冇。食落都處理得夠乾淨。而餐廳嘅 馬拉盞肉醬 真係好好食，肉碎夠，肉醬濃厚但唔會過油，惹味之餘唔會蓋過肉香。配飯定配菜都好好食！推薦~和牛串燒，肉質超軟嫰，牛肉味濃郁而不羶。 配上串燒醬汁味道更香濃。飲品叫左杯 泰式凍鴛鴦 少奶少冰。泰式凍鴛鴦 奶茶味比較重，不過飲落都有淡香咖啡香味，質地較厚身，微甜，唔想太甜都可以揀少奶，茶啡味就更重。

聽聞過呢間水門雞飯好耐，其實都算有好多分店，不過要到呢日夜晚先有機會去一試😛▪️ 水門雞飯 + 泰式奶茶 💲54 + 22雞肉份量都唔少，而且啖啖肉，不過雞味比較淡，都真係一如我係泰國既時候，食水門雞既感覺，配上加左辣椒既醬油🙈個飯就乾爽既，都有少少雞油味🫢附送既湯反而好重胡椒味🥣另外加錢要左杯泰式奶茶，出奇地唔會好甜喎，算係符合港人口味，但個茶濃到呢，我夜晚完全訓唔著覺😅🔎 整體評分（7/10）

呢日嚟到呢一間出名專係食雞嘅泰國餐廳 見到佢價錢適中，所以就決定一試見到佢位置寬敞，雖然人多，但係唔會坐得唔舒服食物選擇方便都幾多，除咗有出名嘅水門雞飯之外，仲有其他出名嘅泰國主食。佢係自助落單，二維碼落單，特別鍾意佢嘅選擇好自由，可以選擇走蔥走豉油等等，適合健身人士。水門雙拼雞飯呢一款可以選擇買普通嘅水門雞飯之餘，仲可以選擇炸雞。覺得佢嘅炸雞入口容易，外脆內軟，十分惹味。而且佢嘅飯份量多過一碗。呢一個午市套餐，除咗有湯之外，加$26都可以加豬肉串燒，份量都頗大，醬料濃味 好好食。鳳尾蝦泰式金邊粉蝦仁整體比較大，啖啖肉。而且今天等陣兩包，調味料酸甜比例啱啱好。牛馬拉盞肉醬炒芥蘭呢個真係值得推介。佢嘅肉醬味道突出，而且炒芥蘭唔會太油。另外飲品方面選擇多，除咗一般嘅泰式飲品，有蘋果雪梨茶等等其他選擇。