水門雞飯 (萬勤商業大廈)

營業中

休息中

琴日外賣自取叫左個海南雞飯係我第一次吃，雞對我黎講其實有點小😂我指份量！不過佢個汁好好送飯，香港黎講，係我吃過最好吃既海南雞飯😬如果雞可以多d就好啦下次再試埋其他

次次行過都見呢間排哂長龍咁，今日見時間尚早，決定去試下😏望一望個menu, 原來呢間餐廳嘅野食比我想像中平喎！ 我地2個人叫左5款食物2杯飲品🥤1. 水門雞飯 $54黎到緊係要食水門雞飯啦！因為鐘意啖啖肉，所以點左要雞胸～雖然係雞胸，但係唔算"鞋"，而且配埋個醬汁一齊食，非常惹味！而且我好欣賞佢個油飯，飯粒粒分明並帶有油香味，超讚👍2. 清湯腩船粉 $50牛腩軟腍，湯底清甜，正常發揮😂3. 和牛串燒 $20/串見餐牌寫住做緊新品推介嚐新價，緊係要try try 啦！ 一串有4大粒，跟埋個辣辣地嘅醬汁食，真係好perfect ! $20串真係好抵食，每日限售30串，真係手快有手慢無😆4. 泰式豬頸肉 $98 豬頸肉爽口夠Juicy, 略帶蜜糖味，而且醬汁同和牛串燒嘅醬汁有少少分別，比較再偏辣啲，而且更加增添風味！ 5. 燒原隻魷魚 $45 呢款絕對係出色！！個人認為係必叫嘅菜式！！！為左方便進食，揀左碎上，魷魚鮮甜爽口，有焦香味，配埋個醬汁簡直無得輸！ 而且一碟係有2串，$45堅抵食！ 6. 凍泰式奶茶 $22 味道比想像中唔太甜，甜度岩岩好～ 7. 凍洛神花茶 $20 酸酸甜甜咁，夠哂

咁岩係附近整頭髮，又味夠鐘，見到有泰國既水門雞飯，就行左入去試下一入到門口，坐位都大部份坐滿左。用qrcode落單，都幾方便。我叫左個雞飯，雞飯的雞肉鮮嫩多汁，入口即化，充滿著濃郁的雞肉香氣，讓人回味無窮。米飯煮得剛剛好，粒粒分明，口感Q彈，帶著淡淡的雞湯香氣。另外，同泰國吾同既，就係冇左d配菜。但最緊要係個汁，水門雞飯的醬料獨特而美味，微辣的味道與淡淡的酸甜味相結合👍🏻👍🏻👍🏻總括係好味(最高5個💋）價💋💋💋💋💋景 💋💋味💋💋💋💋

以前成日黎吃 今日吃個下午茶炒金邊粉，本身已經見到一條頭髮 我冇出聲 夾出黎就算。點知咬咬吓 咬到樣又硬又脆嘅嘢 牙都痛埋。我即刻同侍應講 個吖姨黑面咩都無講就拿我碟嘢入去 一句唔好意思都無。 我本身想話唔洗換個碟俾我 我根本吃唔落 點知轉頭拒就換一碟出黎 黑曬面 又係咩都無講。講真我預左俾錢 但係我吃到牙都痛埋俾人黑面 仲要一句唔好意思都無講 真係好過份 俾錢吃頭髮石頭。以後都唔會再去。

今日經過呢間水門海南雞飯店， 係比佢既門面吸引左先，因為貼滿左人氣既報紙報道同有唔少泰國元素既飾物，見到入面都坐無虛席，應該都有唔少捧埸客， 所以決定一試。店內泰國氣氛非常濃烈，因為播住泰國既音樂 ， 加上店員有８成都係泰國人，令你仿如置身係泰國一樣， 正。我今次就點左最經典既海南雞飯餐(HKD54),用QR Code 落單後好快就有得食，一碟香噴噴既海南雞飯連一碗清湯就送到我前面，首先雞肉份量有５件， 都唔算少，肉質相信嫩滑有雞味，應該係用新鮮雞，加分，另外重有一碟甜辣椒豉油，唔算好辣， 甜味較重，怕辣既朋友都可以一試， 佢令雞肉既鮮味帶到另一個層次，大推。而個飯係油飯， 本身吸收左雞既精華， 有微微既雞油香味， 單食飯都已經夠做， 加埋件雞就係雙重既享受。個湯我初頭以為平平無奇， 點知， 好有驚喜，係有淡淡既胡椒味，好清，不禁令我一啖一啖咁接住飲，當然最後係飲晒。呢間已經榮升我心目中數一數二既頭三位海南雞飯既寶座。

水門雞飯真係想試好耐，奈何佢條隊永遠都嚇怕我，今日終於的起心肝排下，一試佢個雞飯是咁的，我好豪氣咁加左錢咁要脾位佢係油香飯，個汁完全係重要撈落去食超正，特別要讚真係個雞肉好嫩滑，脾位都真係唔係呃你，啖啖肉食飯唔係唔添條菜嘛呢個係馬拉盞芥蘭苗，食落唔un我收貨炒金邊粉有蝦，有青檸汁調味，炒得算有鑊氣，食落好幾爽口，不錯呢個限量版芒果糯米飯令人一言難盡熱到喊時要飲返杯凍飲雖然佢人多，但位都尚算好坐，唔會話要同人搭枱搭到逼逼澀澀而且佢招牌雞飯確係一定要食，性價比超高，味道亦勝許多同類餐廳

同朋友食過幾次水門雞飯 仍然意猶未盡😎 所以今日趁周末 我地再次造訪☺️朋友一見到新菜式- 六星鲜蟹肉炒飯 就話一定要叫😂😂 都真係幾吸引 同埋冇點錯佢個六星代表左6舊蟹肉 啲蟹肉好鮮甜又大舊☺️ 仲有啲炒飯又真係唔錯喔 勁有鑊氣 也不太咸 味道剛好 加上辣辣地 🌶更出味 朋友本身唔係好食得辣都表示很滿意 食塊青瓜剛剛好 🥒仲清哂成碟呀 然後我就叫番招牌菜- 水門雞飯 真係大愛啲雞厚肉且皮薄 仲要都幾嫩滑呢😆作為飯桶既我 仲要叫多飯呢😂😂個餐仲包左個胡椒冬瓜湯 胡椒味重又好香野飲則叫左 泰式凍鴛鴦 可以自行揀多奶/小奶 ☺️滿足大家需要最後當然唔小得大家最愛既 芒果糯米飯🥭😆啲芒果大大舊超厚肉 且每一舊都好新鮮好甜（絕對不是加左糖水既果隻甜）加上個糯米飯係熱辣辣咁上 簡直是一流既點品👍💕相信呢到好快就變成我地既日常canteen 👍😁

星期日嘅夜晚搵嘢食，見到呢間水門雞飯多人幫襯，決定湊吓熱鬧。呢間餐廳係用QR code落單，我地揀咗海南雞飯，雞豬串燒，燒魷魚同泰式奶茶。首先想講個海南雞飯，啲雞胸肉略嫌太乾同硬，建議最好加錢轉雞髀肉，不過好彩配飯嘅醬汁好惹味，配搭起嚟都唔太差。至於串燒就穩定發揮，個人認為雞比豬好食全餐最好食係燒魷魚，好有炭燒味，配搭嘅醬汁亦都好夾，而且落單時仲可以揀碎上，非常細心最後係杯泰式奶茶，兩個字，好飲！不過下次再飲我會揀走冰，因為夏天啲冰極速融化，杯嘢好快淡咗，嘥料

水門雞飯去過泰國一定唔會陌生香港都有分店又睇下有無分別先基本上肉眼睇同泰國嘅風味店嘅裝修食物嘅擺設都一模一樣再睇下味道先一開始梗係要叫招牌個個都會點嘅大大碟黃油雞飯咁當然一定配去骨嘅雞肉雞肉唔會鞋口可以點埋佢嗰特製醬汁配上一個清湯加埋泰式咖啡泰式咖啡真有自己嘅韻味香濃甜滑真係覺得自己去咗泰國生牛肉肉丸河粉濃濃嘅湯底配埋生牛肉同埋肉丸正宗嘅炸豬皮配料非常之多湯底夠晒時間煲豬皮吸埋湯底真係食得好過癮嗌咗兩串雞肉一串牛肉豬肉串燒配埋沙嗲汁更加惹味啱啱店裏面仲做和牛串燒特價和牛確實係唔同啲分肉好加埋微辣嘅泰汁三款肉都出色個人最鐘意和牛馬拉盞魷魚炒西蘭花魷魚鬚大大條再配埋馬拉盞西蘭花軟硬啱啱好可以叫埋少油少鹽但係味道都保持到最後嗌咗個胡椒單骨雞翼單骨雞翼令到胡椒味道更濃加上炸到脆卜卜唔使去泰國食到正宗水門雞飯味道又好，唔怪得要排隊

尖沙咀既呢間泰國菜好受歡迎長期都排滿人😊 平時食開佢主打既水門雞飯水準非常不錯好地道🏮 今次一人黎到再食埋最愛既芒果糯米飯🤤 認真好有水準唔洗飛泰國都食到既街頭風味值得一試✈️⭐️ 六星鮮蟹肉炒飯 🦀️炒飯超有鑊氣粒粒分明帶蒜香🧄 好似街頭食到既咁樣🔥 蟹肉份量係超多啖啖都食到🌊仲有有鮮味唔係雪藏貨質素絕對值回票價💵⭐️ 蝦頭膏炒雜菜 🥗蝦頭膏帶濃郁既鹹香🦐 但入口又唔會太油膩整體香口但唔會太油🥬⭐️ 泰式咖啡 ☕️泰式咖啡本身帶少少苦🥤但係調味起黎整體就偏甜🍭 感覺好消暑🌤️⭐️ 芒果糯米飯 🥭芒果用料新鮮 係少見係香港食到真係甜既芒果💛 糯米飯係暖的軟糯度剛好🍚

水門雞飯已經encore過無數次! 因為真係好食，價錢又Ok。水門三寶雞飯平時都係食最basic個款水門雞飯，自從食完呢個，返唔到轉頭。佢有2款雞加雞雜，本身白切嘅雞件好滑，一定要點埋佢個醬油咁撈飯食! 另一隻係炸雞! 炸得好香脆，同埋佢個醬酸酸甜甜咁，配埋好好食! 完全係白飯小偷! 香葉肉碎蛋飯肉碎份量都幾多，唔算好食得辣嘅人，仲可以落單時簡少辣。感覺呢到嘅肉碎係比較重魚露味，肉碎肥瘦都有，同樣係撈飯食真係一流! 西蘭花炒魷魚鬚呢個係第一次食，好惹味，西蘭花吸曬D汁，而且炒到岩岩好，夠爽唔會淋曬。魷魚鬚份量都幾多! 次次黎呢到都一定會叫佢嘅泰奶，因為夠正宗，仲可以簡多奶，真係好好飲! 鮮檸梳打好開胃!

見到啲朋友去晒泰國，令我諗起香港都有水門雞飯分店，所以去咗最就腳的尖沙咀食下泰國菜。我哋閑日5.：45去到，見到仲有下午茶餐叫，所以我哋就即刻落單，因為下午茶真係抵好多，除咗免費泰式特飲之外，仲有湯，仲有優惠價跟小食，所以基本上已經有齊晒成個set。雞湯10分入味，冬瓜亦都非常消暑。很喜歡這個蘋果雪梨水，非常清潤。泰式奶茶奶味香濃，非常滑溜。牛丸同豬肉丸都非常之彈牙，另外跟面的魚片脆脆10分有泰國風味。雞飯整得10分香雞油味，另外配上泰式辣醬，一啖接一啖。串燒外面炭燒味，入面依然保持住肉汁，仲可以點沙嗲醬添。小食雞翼，10分貼心，是單骨的，送啤酒一流。不過餐廳比較上熱，所以都要叫返支蒸餾水解一解渴。香脆的小食最適合配上芒果冰，很有夏日的氣息。芒果糯米飯，即叫即整，糯米飯熱辣辣，上面的椰汁非常之濃密，新鮮芒果亦都非常香甜。

成日經過尖沙咀呢間水門雞飯都好多人排隊，一直都未有機會試，個日見到竟然冇人排，所以就即刻衝咗入去🏃🏻‍♀️💨.餐廳店內裝修就好似帶咗你去啲泰國小店🇹🇭，好有地道特色，餐廳採用自助落單， 好方便📱👀水門雞飯 $54一場嚟到，又點可以唔試下佢嘅招牌水門雞飯🐓餐廳可以俾我地免費轉雞胸肉，或者加$10 轉雞脾肉🍗第一次試，我就乜都冇轉，諗住試下佢個原汁原味😋🥰上枱嘅時候除咗有雞飯，仲會有一碗湯同醬汁俾我地點🥣啲雞就算冇轉雞脾肉都已經好滑，同埋份量幾多，碗湯仲係熱嘅，而且有啲紅蘿蔔，飲得出唔係味精湯💕我個人覺得個汁都要記一功，雖然其實油飯本身都夠味，但係將個汁倒埋落去個飯度仲好食😍平時食慣少飯嘅我，都成碟清哂😛😛.想係香港都食到地道泰國水門雞飯，就記得嚟試吓啦，價錢合理，而且味道出色，一個人或者一班人嚟食都可以🙆🏻‍♀️👯‍♀️

年頭開關先去布吉後，十分懷念泰國美食。發現此雞飯名店，裝潢地道，可以一戰。招牌雞飯，雞胸味濃不伐，炸雞皮脆不乾，加上秘製微辣醬油，十分惹味。油飯帶有班蘭香，完美配搭。牛丸生牛船麵，湯底香甜，配上米香十足金邊粉，牛丸彈牙味濃，唯生牛略嚡，整體仍不錯。沙嗲雞肉，醬料微辣椰香十足，加上醋汁酸甜開胃。馬拉𦾟芥蘭微辣可口，芥蘭保持嫩綠，咬下爽脆火候剛好。竟然有芒果糯米飯！芒果清甜，配上微暖糯米和椰奶，經典配搭。餐飲泰茶微甜又有雲喱拿香，青檸梳打酸甜又夠氣，十分消暑。食到頂住個肚走才索價$250，大推。

水門雞飯📍尖沙咀金馬倫道18號地下🔻1. 水門雙拼炸雞飯跟雞飯嘅堂係胡椒味嘅，清清地又唔太鹹肉質好嫩滑，雞皮都唔會覺得好油。炸雞部份炸粉唔多，但有幾突顯到香酥味。建議大家一定要試吓個醬！🤤🔻2. 鳳尾蝦泰式金邊粉（走韭黃、走蔥）鳳尾蝦大大隻又好爽口，金邊粉無論乾爽度、彈性都剛剛好而且份量超級多，兩個人share嚟食都仲得🔻3. 泰式腩仔（極度推介！）嗌咗share嚟食，份量好多，而且每一嚿都唔細份。腩仔肥瘦相間住，入口深透油香味又好鬆化，抵佢10分邪惡🤪🔻4. 椰青椰青要用個大碗裝住嚟飲，都知有幾大個啦😂椰青新鮮，佢哋係去咗果肉嚟上，青水清甜，好啱夏天嘆住嚟飲🔻5. 青檸梳打青檸都唔少，最重要佢好純粹無糖，唔係出面嗰啲假甜🔻