水門雞飯 (萬勤商業大廈)

營業中

休息中

呢日嚟到呢一間出名專係食雞嘅泰國餐廳 見到佢價錢適中，所以就決定一試見到佢位置寬敞，雖然人多，但係唔會坐得唔舒服食物選擇方便都幾多，除咗有出名嘅水門雞飯之外，仲有其他出名嘅泰國主食。佢係自助落單，二維碼落單，特別鍾意佢嘅選擇好自由，可以選擇走蔥走豉油等等，適合健身人士。水門雙拼雞飯呢一款可以選擇買普通嘅水門雞飯之餘，仲可以選擇炸雞。覺得佢嘅炸雞入口容易，外脆內軟，十分惹味。而且佢嘅飯份量多過一碗。呢一個午市套餐，除咗有湯之外，加$26都可以加豬肉串燒，份量都頗大，醬料濃味 好好食。鳳尾蝦泰式金邊粉蝦仁整體比較大，啖啖肉。而且今天等陣兩包，調味料酸甜比例啱啱好。牛馬拉盞肉醬炒芥蘭呢個真係值得推介。佢嘅肉醬味道突出，而且炒芥蘭唔會太油。另外飲品方面選擇多，除咗一般嘅泰式飲品，有蘋果雪梨茶等等其他選擇。

這家店的裝修明亮，整體感覺整潔。他們的麵飯午餐幾抵食，約五十至六十多元包飲品，無加一。今日試吓生牛肉牛丸粉$56。這生牛肉的肉質不錯，牛肉上枱時半熟，牛肉嫩滑可口，完全無筋；牛丸細細粒有肉味， 幾彈牙，而湯底清澈，有少少鮮味，唔會好油膩，加上金邊粉，幾滿足。泰式熱奶茶這泰式熱奶茶的份量十足，奶茶有茶香，口感香滑，味道香甜，不錯吧！

久久沒有去泰國旅行，去到尖沙咀見到呢間水門雞飯店，即使平日唔喜歡食飯既我，都忍唔住走入去試試。整間餐廳裝修盡顯泰國簡約風，未品嚐到食物，都可以感受到泰國既味道😂而入到餐廳時，是下午茶時段，有下午茶餐，有船麵、雞飯同金邊粉三大類。今次我選左雞飯配泰式奶茶，都只係$58，係尖沙咀區都叫抵食，而且份量都唔細，雞肉滑滑好味，而飯亦都好夠味，軟硬度適中，食到停唔到口，同泰國食到既味道相近，值得一試。而泰式奶茶味道濃，有泰國茶味，但唔會太甜👍

香港地想食泰國野，大家都會諗起九龍城。但為左迎合香港人口味，九龍城泰菜始終有啲夠正宗。 今日放假，突然好想食到正宗泰式雞飯同粉麵，所以出左尖沙咀食水門雞飯。估唔到佢假期都有午巿套餐，$70樓下就有一碟飯/粉麵連野飲。 水門雞飯連泰式凍奶茶 ($68) 先講雞，雞肉好滑，皮都好爽，配合埋醬油好好食。飯應該用左浸雞嘅水黎煮，好有雞油嘅香味，而且粒粒分明，飯都唔錯！而個湯就比較普遍。泰式凍奶茶都算正常。 豬肉丸肉碎扎肉金邊粉連泰式凍咖啡 ($64) 除左豬肉丸肉碎扎肉，佢仲有豬左嘅豬皮同一塊脆片。全部都係行貨，所以都無乜特別。泰式凍咖啡就正常發揮。 除左味道之外，餐廳裝修都好有泰國feel，平平地又想感受下泰國風味，去水門雞飯就岩！ 

一直都好鍾意幫襯「水門雞飯」，食物有水準之餘，用料亦唔馬虎，正宗泰國風味。今日嚟尖沙咀 Shopping，心血來潮想食泰國雞飯，醒起金馬倫道同厚福街都有分店，經常大排長龍，即刻過去碰下運氣。今次揀咗金馬倫道呢間，餐牌選項非常豐富，除咗招牌水門雞外，仲有沙律、泰式船粉、水門撈麵、串燒、小食同甜品等供應，花款多不勝數，令人目不暇給。原來星期六都有下午茶餐供應，咁抵食，當然唔可以錯過。點咗水門雞飯、鳳尾蝦炒金邊粉，另外再加咗份烤麵包同脆炸雲吞。水門雞飯 ($58) (加雞雜+$10、轉雞髀+$10)  雞飯大大碟，送上時還附有冬瓜湯一碗，入口胡椒味好重，飲完好暖胃，清熱解毒又降火。雞雜有雞紅、雞腎同雞腸，雞紅嫩滑、雞腎彈牙，而雞腸亦爽脆有咬口，食味不俗。雞髀肉皮薄肉滑，入口脂肪唔多，同喺泰國食到嘅雞十分相似。油飯選用了泰國茉莉香米，米飯尖長，粒粒分明帶油光。鳳尾蝦炒金邊粉 ($62)  鳳尾蝦很有驚喜，好新鮮，有 4 大隻，食落爽彈有蝦味。金邊粉炒得好有鑊氣，火候控制得啱啱好，入口甜甜哋，一點也不油膩。套餐奉送杯裝飲品或汽水，點咗凍柚子蜜同凍泰式奶茶，前者酸甜清新，而後者則選用了泰國手標紅茶

喺旺角及觀塘分店食過辣肉碎煎蛋飯都覺得好香好好食，嚟到尖沙咀呢間就試吓叫同一樣野，諗住實無衰。點知一上碟都知出事，啲肉碎白雪雪勁濕，仲要九層塔都無一條，完全唔係食開果種香口感覺，同另外嘅分店質素點解可以差咁遠？$62 買個教訓，唔會再食尖沙咀呢間

每次幫襯入去都有成肚氣，嗰個女服務員總有說話俾你聽，下午茶去好多空位，但嗰個女服務員工永遠唔會安排舒適嘅座位俾你座，如果你要求換個舒適座位佢會係餐廳發癲大聲鬧客人，收拾餐碗也是刻意制造噪音影響客人，請個咁嘅員工係餐廳擺陣真係好差

尖沙咀水門雞飯地道泰式飯堂，基本上每個月總會食一兩次，食物性價比高👍🏿今次就點午市套餐另加幾款小食都好化算😬💫炸黃門鱔魚皮 炸黃門鱔魚皮是水門雞飯店的獨有小吃之一，鱔魚皮炸得酥脆，外層金黃色內裡脆卜卜，每一口都能感受到鱔魚皮的鮮美口感，而且份量多價錢相當合理😏💫和牛串燒 嫩嫩的和牛串燒經過炭火燒烤，質地鮮嫩多汁，入口即化🐮喜歡食和牛確是一個不錯的選擇，絕對可以滿足你的味蕾👅💫泰北青冬陰魚片湯粉 泰北青冬陰魚片湯粉是最有泰式風味的湯粉。湯底鮮香濃郁，酸酸地非常開胃，魚片鮮嫩，配上金邊粉吸收湯底精華，口感絕佳，每次食我都差不多連湯飲光光😋💫熱生薑蜜🫚 熱生薑蜜健康溫暖的飲品，入面都有薑絲和蜂蜜為主要材料，因為薑味濃暖入心不過都幾辣口😌午市套餐🍱💫水門雞飯雞脾肉 當然不少得點招牌菜之一水門雞飯，加左$10轉雞脾肉，質地細嫩鮮味十足，再加上獨有醬汁辣辣地好惹味😝雞油飯感覺油而不膩，香噴噴有口感🍚💫馬拉盞肉醬芥蘭苗 馬拉盞肉醬芥蘭苗家經過炒煮後都保持到蔬菜的鮮嫩口感，再配上馬拉盞肉醬的香辣味道，呈現出獨特的風味組合🥬💫凍泰式奶茶🧋 凍泰式奶茶口感濃郁，帶有泰式奶茶特有的香氣和甜度，加上冰涼的口感

餐廳以鐵皮砌成半開放式廚房、鐵枱，大排檔特色呈現眼前。餐牌除左主打既水門雞、仲有泰式船麵、沙律及泰國街頭小食，另外仲有多款泰式飲品及甜品。水門雙拼雞飯：選雙拼可以一次過品嚐炸雞、油雞，雞肉滑溜無比，肉質細軟有彈性，炸雞蘸自家秘製醬油，令雞肉鮮味更突出，油飯帶清淡雞油香味，加埋一碗冬瓜清雞湯，好滿足。牛肉湯牛丸生牛肉湯金邊粉：金邊粉索湯能力非常出色，牛肉味濃郁，配細細粒既泰國牛丸，緊緻爽口，生牛肉鮮嫩，炸豬皮及香蔥，食材豐富，份外惹味。串燒：串燒得好香口，滿滿炭火香，肉汁juicy，蘸沙嗲醬，永遠都係絕配。芒果糯米飯：芒果鮮甜可口，糯米飯口感軟熟，淋上椰漿，更好味。總結，食物新鮮味美，價錢合理，出餐快，極力推介。

下午茶時段嚟到水門雞飯都幾多人食，除左出名嘅水門雞飯之外，仲有其他泰國菜式，都幾貼近泰國口味🥳🥳下午茶時段有免費餐飲之外，仲可以加錢叫埋小食，性價比高😁🐥招牌菜水門雞飯，加錢轉左雞髀，雞髀肉質好滑，加埋個醬汁一齊食好惹味。而油飯亦都好香，粒粒分明😋😋🦐鳳尾蝦炒金邊粉即叫即炒好有鑊氣，鳳尾蝦好大隻啖啖肉，金邊粉酸酸甜甜，想辣啲可以加辣椒粉，加少少青檸汁可以減低油膩感👍🏻👍🏻🍢串燒串燒燒得好香口，加埋沙嗲汁好惹味😆😆🐥胡椒單骨雞翼雞翼帶有少少胡椒味，當小食一流😝🥬馬拉盞肉醬芥蘭苗依個芥蘭苗超惹味，肉碎加埋蝦米、蒜頭、薑，依個配搭冇得輸!!👍🏻👍🏻一定要飲嘅泰式奶茶，奶同茶味都好香濃，仲可以加珍珠添🧋熱生薑蜜都幾重薑味，驅寒一流☕️

好幾次行過呢間舖頭都見到出面排曬隊，所以今日專登去試下午餐嚟得水門雞飯當然係食雞飯啦，不過唔想淨係食白切雞咁寡，所以叫咗雙拼雞飯，有埋炸雞，64蚊包一杯嘢飲，要咗青檸梳打首先間舖頭已經好有喺泰國食飯嘅感覺，而個雞飯亦都令我覺得成件事好似去咗泰國咁份量非常足，而且好嘅地方係可以揀要雞胸，適合一啲好似我咁唔鍾意食肥雞嘅人今次我就要咗雞胸，要讚一讚嘅係雞飯嘅汁，真係自己屋企冇辦法調得到，亦都同其他泰國舖頭嘅汁好唔同，非常之惹味雞肉都嫩滑嘅，而且佢嘅油飯好香炸雞就唔係話太特別，中規中矩整體嚟講係好味嘅，而且價錢實惠，仲有去咗泰國嘅感覺

在附近返工，同事介紹下第一次到水門雞飯吃午飯，由於中午繁忙時間，等左一陣先有得入去。同事們叫了水門雞飯，一致地贊不絕口，雞肉嫩滑和雞味重，而我就點了冬蔭公雞絲金邊粉，湯底好好味，夠辣夠酸，不過留意份量唔算好大碗，男士應該要加底先得。餐飲叫了泰式奶茶，好好飲！總括來說，呢間算又平又好食，下次會再來！

今日同朋友喺尖沙咀行街，想食泰國嘢做午餐，朋友馬上推介呢間水門雞飯係快靚正泰國餐廳嘅不二之選。我哋兩個人點咗兩個午餐，再加左幾款小食開心share。水門雞飯嚟到點可以唔食佢嘅招牌菜！見到附近幾枱食客都有點，就知佢幾咁受歡迎果然冇令我失望，油飯好香，份量又足，雞夠味又夠滑，認真唔錯牛肉湯牛丸生牛肉湯金邊粉要讚讚佢嘅牛丸，超好食，濃郁又juicy。最重要都係個湯底夠濃又美味，我自己再加咗少少辣椒粉，覺得更正腩肉魚露椰菜有得要求少油少鹽，很好👍🏻椰菜充滿魚露香味，腩肉肥瘦相間，超入味脆炸雲吞呢個炸雲吞幾抵食，$28有五粒，味道都OK。和牛串燒見到有呢個新品推介，所以試吓。食落覺得真係和牛，有和牛獨有嘅油脂香味呢個值得一試！豬肉串燒呢個係午餐加配嘅小食，一份有兩串，配埋個沙嗲醬都幾香。餐飲點左香茅特飲同蘋果雪梨水，兩杯都唔太甜，食完濃味嘅嘢飲番啖可以清爽一下

店名: 水門雞飯地址: 尖沙咀金馬倫道18號萬勤商業大廈地舖尖沙咀站N2出口，行3分鐘環境: 4/5價錢: 4.5/5味道: 4/5水門雞飯係香港愈開愈多除左係尖沙咀分店外，係旺角、銅鑼灣、大埔同佐敦都有分店，勝在係泰國原風味，而且價格又夠平民😚三寶飯❤️❤️❤️❤️$64三寶飯包括水門雞、炸雞同雞雜，本身諗住可以一次過食哂3款，但炸雞食落麻麻，炸得比較乾身，水門雞相對黎講比較滑，雞雜無咩味，點醬食會比較好🙈油飯好香雞油味，冬瓜湯清甜🤩水門雞飯❤️❤️❤️❤️❤️$54水門雞肉質十分嫩滑，雞皮無脂肪，一齊食令口感更佳，加上醬汁同油飯一齊食，油飯好香，粒粒分明，好正😍泰式炒通菜❤️❤️❤️❤️❤️$54炒通菜好夠火候，炒得好有鑊氣，加上醬汁之後好惹味，送飯一流😚泰式奶茶❤️❤️❤️❤️$22食泰菜必叫泰奶，水門雞嘅泰奶奶味夠香滑，茶味亦夠濃，可惜偏甜🙈

呢間水門雞飯開到成行成市，一於試吓好唔好食就咁喺門口睇佢嘅餐牌選擇非常之多做開gym嘅我地第一時間睇吓有冇啲優質蛋白質😂入到去個冷氣，最緊要夠大👍🏻非常之涼快啱啱好過咗最繁忙嘅午餐時間相對坐得比較舒服烤麵包份量細細地又幾得意加埋佢個咖喱醬非常之惹味和牛串燒肉味重得黎有濃厚嘅油脂加埋個辣汁非常惹味水門半隻雞雖然望落脂肪唔多但保持到雞肉嘅彈性同埋嫩滑份量亦都幾多下另外亦都會有一啲雞雜青木瓜沙律大碟得來食落非常之清爽加埋辣椒的調味非常之開胃而花生更加令到整個沙律更加香口飲品方面，我哋叫咗個鮮檸梳打走甜喺天氣熱死辣辣的時候飲一杯充滿氣嘅鮮檸梳打係超級解渴另外仲叫咗個芒果冰，朋友飲完之後都唔會話好甜都係清爽為主🙆🏻‍♀️