水門雞飯 (萬勤商業大廈)

營業中

休息中

時不時都會食尖沙咀嘅水門雞飯,最近又再去咗一次,依然感覺好好食&好抵食!首先我試咗佢哋嘅「海鮮冬陰公湯」,湯底濃郁鮮味,加埋多款新鮮海鮮,包括蝦，青口，八爪魚好滿足!冬陰公湯做得非常出色,湯底夠濃郁,又唔會太鹹,配合啲新鮮海鮮,最抵讚唔會好酸，真係百吃不厭! 河粉煮得爽滑,唔係一夾就爛，有口感，,口感好好,又順滑又Q彈。之後我試咗佢哋嘅「水門雙拼雞」,呢個係佢哋嘅招牌菜式之一。雞肉嫩滑鮮嫩,好好食,加埋佢哋獨特嘅醬汁,咁樣就更加提升咗雞肉嘅鮮味同筍脆度。炸雞係另一種口感。醬汁個味道微甜微鹹,好適合同雞肉配襯,令整個菜式更加豐富。飲品方面,我試咗佢哋嘅「凍泰式奶茶」,呢個奶茶甘香濃郁,絕對係我最中意嘅選擇。可以走冰，香港人最like! 堅係做到走冰！再來,我試咗佢哋嘅「脆炸香茅雞翼」,加$10 有2隻，好抵食。雞翼炸得好脆,而且香味十足。雞翼炸得金黃酥脆,令人食得更加津津有味。到佢哋嘅「串燒」,分咗雞肉同豬肉。雞肉同豬肉嘅味道都好正,肉質鮮嫩可口。到最後,我仲試咗佢哋嘅「香辣肉碎沙律」,呢個沙律辣味適中,帶出咗肉碎嘅香味,非常開胃。總的來說,水門雞飯係一間性價比好高嘅餐廳,無論係正餐定小

今日同朋友係尖沙咀游完水，做完運動勁肚餓緊係要大吃特吃去左尖沙咀呢間「水門雞飯」，平靚正有去過泰國既都知道水門雞，呢到唔知同泰國個間有無關係，但一眼就令人諗起泰國美食，正呀朋友叫左水門雞飯，雞肉勁嫩滑仲要係無骨既添唔洗醬汁都唔會覺得好dry同唔夠味我就叫左雙拼飯，多左炸雞，咬落去卜卜脆有聲，淨係係樣都見到炸得好香口沙嗲串燒一啲都唔會好乾燒到好硬，有得揀豬牛雞肉，中意濃味既朋友可以再點埋個沙嗲醬炸雲吞，有別於平時酒樓食個啲炸雲吞，呢個細細粒好的色，一口一件，同樣炸得勁脆香茅雞翼，醃得好入味，一咬落口勁大陣香茅味出晒黎泰式奶茶同泰式咖啡，奶茶有好signature既泰國茶香味，一飲落去就知係泰國出品。至於咖啡就不過不失，唔錯

今天約了朋友去尖沙咀一帶行街和食飯。不經不覺已到食晚餐的時間。 經過一間泰國菜餐廳，朋友話想吃泰菜， 餐廳叫水門雞飯。 它位於尖沙咀金馬倫道18號萬勤商業大廈地舖， 港鐵尖沙咀站 B2出口, 步行幾分鐘就到。 門口的招牌「水門雞飯」十分有創意，隻雞卡通化! 室內裝潢簡約，樓底很高，有泰式設計的風格! 不同的美食的相片和介紹張貼在店內! 檯椅擺設整齊，地方寬敞，坐得舒適。 餐牌內的食物選擇繁多，以QR code 點菜，十分方便。 *水門雞飯 (轉雞脾肉)先奉上冬瓜胡椒湯，胡椒味濃，配上冬瓜，飲落都幾清新!雞脾肉份量不少，新鮮嫩滑、無骨、冇肥油，唔會油膩，雞肉味香濃。 配上自家醬汁，很美味，果然是招牌菜!! *香辣鳳爪沙律無骨鳳爪很爽脆可口! 新鮮的沙律菜: 有洋蔥、紅蘿蔔絲、蔥花和香菜等等。甜辣的汁料令這個沙律很夾和惹味 ! *泰式腩仔腩仔燒得很香脆可口，配上少辣的自家秘制醬汁，很有泰式的味道! *和牛串燒一串都有四小件。 牛肉味濃又多汁，是一個不錯的小食! *椰青、凍泰式咖啡椰青很大個和巨型，椰子水清甜好飲，配吃帶辣味的泰式食物就最適合。 凍泰式咖啡是水準之作，好有泰式的感覺，很正!

再戰水門雞飯，真係一間我唔會食到厭嘅餐廳，而且每一間都可以保持佢哋嘅水準。牛肉湯牛丸生牛肉湯米($50): 真係完全平靚正，仲可以揀要多蔥。柔軟又細粒，而且生牛肉有三至四大塊，湯底濃郁，而且米粉都做得好滑。辣肉碎煎蛋飯($62): 呢個上次喺第二間分店都有食過，揀咗小辣，自己覺得佢辣嘅程度啱啱好，而且飯嘅份量都好多，就算男仔一個人都應該夠飽㗎啦。脆炸香茅雞翼($28):一個令到我諗起新年嘅時候有時會食到啲姐姐煎嘅雞翼，外皮煎得脆，而且夠入味，完全可以形容到呢四隻雞翼！其實唔算平，但係絕對對得住呢一個價錢。搞到我忍唔住叫多左一碟🥹馬拉盞肉醬芥蘭苗($46): 馬拉盞肉醬唔會過鹹，而且芥蘭都新鮮無渣。香茅特飲($20): 朋友點嘅，呢個自己都喺另一間分店試過，好鍾意佢有啲香茅當攪拌條咁樣，甜甜地幾好飲。泰式凍奶茶($6!!!!!!): 適逢佢哋做緊周年慶典，泰式凍奶茶只係賣緊$6 ，所以我都忍唔住叫咗一杯，完完全全係泰國你會飲到奶茶嘅味道，自己覺得如果可以揀佢嘅甜度就好啦。總結：都唔係第一次嚟水門雞飯，真係每一次都係食得好開心咁樣走，食物質素有保證，而且每間分店水準都係一樣嘅，而且價錢大眾

喺尖沙咀行完街仲好飽未食得落嘢，決定買外賣返屋企夜啲先食。正當諗緊買咩好嘅時候，就見到呢間水門雞飯。反正海南雞擺耐啲先食都冇問題，就買呢間啦～.前菜叫咗香辣鳳爪沙律，酸酸辣辣非常開胃。標準配置仲有洋蔥紅蘿蔔西芹，夾埋一齊食口感一流，份量亦都唔少。.由於想叫多啲嘢食，所以淨係叫咗半隻海南雞，仲送咗啲雞雜添～雞肉質地好腍雞皮好嫩滑，醬汁鹹鹹地唔辣，送飯一流！雞油蒸飯有淡淡嘅油香味，而雞骨湯就有好濃郁嘅胡椒味。.另外叫咗個泰式腩仔，其實有啲似香港嘅燒肉。不過就跟咗一個泰式醬，同埋肥瘦相間嘅肉食落會多少少口感，唔會好似燒肉有時淨係啲好柴嘅肉，未食過可以試吓。.最後當然唔少得就係甜品，斑斕大菜糕配椰汁。斑斕味好香濃，大菜糕就好爽口，加上鹹鹹地嘅椰汁，為呢一餐劃上個完美嘅句號。

回頭度🍪7.5/10｜人均消費💰~$50-100-🤍水門雞飯 $54雞肉嫩滑 油飯都好香口🍚佢個酸辣汁幾好食🌶️仲有個冬瓜湯都幾好飲😋味道🌕🌕🌕🌕🌑-🤍泰式豬頸肉 $98煎得超級香口😍香口到唔點醬都好食但又冇好油膩嘅感覺味道🌕🌕🌕🌕🌗-🤍鳳尾蝦泰式金邊粉（微辣）$75酸同辣嘅比例恰到好處 幾惹味蝦都算大隻爽口🍤仲有蛋絲豆卜同埋唔同香料🤤不過記得加青檸呀🍋味道🌕🌕🌕🌕🌑-🤍水門撈麵 $58有豬手雞腳仲有鴨血🦤但真係冇咩味 得麵嘅鹼水味🥲味道🌕🌕🌗🌑🌑-🤍泰式炒通菜 $54就係正正常常咁😂味道🌕🌕🌕🌑🌑-整體味道🌕🌕🌕🌗🌑抵食🌕🌕🌕🌕🌑

​尖沙咀係滿滿美食嘅地方呢，今次兩個人行完街街又要搵食喇！今次去左水門雞度食泰菜，我地點左班蘭大菜糕，呢款糕點以班蘭味為主，質感綿軟，帶有淡淡嘅甜香味，特別開胃。香辣鳳爪沙律係一道勁度十足嘅開胃菜。鳳爪肉質鮮嫩多汁，配上香辣醬汁同其他蔬菜，味道鮮美，辣味刺激。呢道菜絕對係辣味愛好者嘅首選。金牌胡椒豬什粉係一道豐富嘅主菜。豬肉同蔬菜經過炒製後，口感鮮嫩，配上香濃嘅胡椒醬汁，味道香辣醇厚。泰式炒通菜保持著鮮綠嘅顏色同脆嫩嘅口感，配上泰式特製醬汁，帶來一種辣辣的清爽口感。除咗菜式之外，我地仲點左椰青同芒果冰。椰青水清甜可口，帶有淡淡嘅椰香，非常適合解渴。芒果冰以新鮮芒果製成沙冰為主，冰涼爽口，甜蜜多汁，每一口都帶來一種水果的鮮香。如果你鍾意泰國菜同甜品，呢度絕對係你嘅一個好去處！

今日收工比較夜，喺附近覓食，見到呢間水門雞飯感覺好光鮮，而且主打泰式海南雞，叫咗啲外賣返屋企，估唔到冬陰功湯都同樣出色，隔離厚福街仲有一間新嘅分店下次去試埋先！冬陰雞湯蛋麵清爽微酸辣嘅冬陰公雞湯底附有菇菌，配上泰式海南雞，雞味濃，肉嫩得黎唔柴，亦用上白皮雞，感覺一啲都唔油膩，啱哂怕過油嘅女士。海鮮冬陰公湯蛋麵湯底同上一碗一樣，不過今次係有唔同嘅海鮮，最正係蝦肉，爽彈鮮味！仲有唔少嘅魷魚、青口，用料夠豐富，海鮮浸入湯底令到個湯更加鮮甜，酸酸辣辣又有海鮮味，真係全碗清哂🤣水門半隻雞呢度嘅招牌菜！同泰國嘅海南雞一樣都係冇骨嘅，方便食用，搭配餐廳特殊嘅調味醬嚟食，嫩滑多汁又香嘅口感，提供兩款汁可以選擇，黑醬油或者酸辣醬，推介✅ 平時唔食海南雞嘅朋友都推薦叫呢款試下，因為真係唔似港式海南雞咁樣雞皮又厚又肥啲肉又少，呢度嘅泰式海南雞真係顛覆左我對海南雞已有嘅印象🤩泰式炆雞腳雞腳用特殊嘅泰式香料同調味料炆煮而成，濃郁嘅香氣。雞腳肉質軟腍，唔係泰式酸辣汁個隻風格，估唔到仲正😲👍

呢排要減肥，做完gym喺附近搵食，於是就嚟水門雞飯試試佢啦！原來尖沙咀有兩間水門雞飯，呢間太多人不妨去隔籬嗰間試吓🤭我地8點幾去到都好多人除咗水門雞飯都有好多其他選擇㗎🍛泰式豬手飯豬手好軟熟，唔會太油膩😋配油飯一流！食水門雞飯最好嘅就係可以揀飯嘅份量，如果大家要減肥或者增磅都可以揀返適合自己嘅份量～🍗水門半隻雞減緊肥嘅我決定就咁食肉就算，原來半隻雞會包埋啲雞雜，雞肉都好嫩滑👍🏻🍢和牛串燒油脂同肉嘅比例啱啱好，燒完之後油香味出晒嚟，點少少汁食更清爽👍🏻🥗腩肉魚露椰菜啲椰菜好爽脆，調味好適中，好啱一件雞一嚿菜咁食😋就咁食呢兜菜我都可以加多碗返嚟配飯食🤣兩個人買單食咗$236，以我哋叫咗四樣食物嚟講，真係性價比非常高！特別推薦啲做完gym嘅人嚟食😆

水門雞真係我既家常便飯, 由其係做完Gym就一定會去食, 而且地點位置又好方便, 兩條街有兩間分店真係好少見！1/ 水門雞飯 + 馬拉盞肉醬芥蘭 $82即叫即切既雞肉嫩滑又大份, 而且仲好有鮮雞味, 飯既份量可以自己選, 唔怕食多左或者份量太少👍🏾 做gym人士必選!2/ 鳳尾蝦炒金邊粉 $64泰國既傳統金邊粉, 炒得夠香夠鍋氣帶有輕微既海鮮味, 令整個味道帶多份甜味☺️3/ 香辣肉碎沙律 $70新鮮既生菜再配上自家炒製既肉碎, 肉質好juicy 香口帶有點辛辣, 好過癮!4/ 椰青 $38$38開埋比你既椰青真係好抵飲🥹而且仲好清甜超解辣! 果肉亦都夠嫩, 必叫!5/ 泰式鴛鴦 (跟餐)飲落啖啖都好creamy, 味道同係泰國飲一樣! 飲落好配神👍🏾6/ 柚子蜜 (跟餐)柚子蜜酸甜夠爽, 岩哂呢個悶天氣, 佢地下午茶餐跟野飲真係好抵！

💥水門雞飯加雞雜，價錢嚟講如果正常叫水門雞飯都真係唔算太貴，而且份量都好多，包一個雞湯，加埋雞雜都係加$10，真係非常抵食，出邊嚟講都冇乜可能做到呢一個價錢，雞雜有三樣嘢食，包括雞血，雞腸同埋雞腎，三樣都做得非常好，最鍾意食雞，出邊好難搵到好乾淨嘅雞腸，雞血亦都做得非常好食，雞腎亦都非常有咬口，點埋佢本身個醬汁，我同朋友都非常鍾意食$10嚟講真係非常好食，冇可能唔加，雞飯嚟講份量都好多，雞嘅份量起碼俾咗好多，呢一個價錢嚟講冇得輸，尖沙咀嚟講真係算非常抵食，我都非常推介呢一個雞飯！💥泰式炒河，本身有四隻大蝦，冇諗過呢一間本身做海南雞飯嘅餐廳都可以做得咁出色，味道同泰國真係好相似，每一條河粉好好食，仲要係用幼身嘅河粉，非常乾身同埋好食，再加埋佢本身嘅配料，有豆卜蝦香蔥同埋洋蔥，令到成個口感更加昇華！💥蒜蓉炒通菜，非常惹味，而且蒜蓉嘅味道非常出眾，再加埋通菜本身非常爽口，我同朋友都非常鍾意食呢一個菜，蒜蓉嘅味道非常足夠，而且少少辣辣地，好食，鍾意食通菜朋友絕對唔可以錯過，簡直就係good!💥芒果冰，芒果冰非常正，夏天嚟講真係唔可以錯過，甜甜地真係好正，而且呢個價錢好抵飲，非常濃郁嘅芒果味.

肥肥安每次想食雞飯，都淨係諗到呢間🤗🤗而且食物份量非常合理，真係好味又抵食😋😋（變瘦瘦安計劃又要拖延😅）Menu(用QR code落單的）水門雞飯 $54雞皮又爽又滑，又乾淨，雞肉嫩滑，配油飯一流，仲有個雞湯，胡椒味好香，又唔會好哽🥰超正雞雜 （雞腸、雞腎、鴨血） $48雞腎煮得啱啱好，唔會好硬，又爽脆，雞腸好爽彈，配埋個醬汁食好惹味馬拉盞西蘭花炒魷魚鬚 $68竟然出乎意料好食，炒得好有鑊氣，魷魚鬚好爽口，西蘭花爽脆👍🏻就算用馬拉盞炒都唔會太鹹芒果冰 $26夏天必點，飲完好爽泰式檸茶 $22幾特別喎，係用泰式奶茶個隻茶底，飲得出同香港茶餐廳隻檸茶唔同

以前去泰國成日食 開到黎香港咁耐終於去咗😂風格同泰國都相似既 價錢係香港定位算平都係用QR code落單 方便✌🏻食泰國嘢一定要食串燒我會話係靈魂食物😂😂串燒有兩種口味 一啲都唔會乾沙嗲汁濃味 另外仲有一碟醋可以俾你點嘅解膩開胃🤤香茅雞翼我朋友最鍾意食 香茅唔會太濃good good good 因為燒到個皮脆脆地 入面juicy 酸辣鳳爪份量好大又爽口酸辣未唔算重 迎合返香港人既口味❤️嚟到呢度一定要食水門雞飯啦雞全部都啖啖肉嘅 雞皮薄 配埋香油飯食好正 啲雞一啲都唔鞋口 點醬汁食又別有一番風味胡椒船麵係我最愛 夠曬胡椒味米粉又吸滿湯汁 好難唔愛上佢😂豬潤煮得啱啱好 唔會過老粉腸都無異味 都係我最鍾意既食物之一😍本身唔係好鍾意飲奶茶 但基本上每一台都有一杯 就覺得一定要試試奶茶唔會澀口 又唔會太甜 真係幾好飲因為泰國個d太甜 完全飲唔到茶既味道所以哩個奶茶version好飲🤤

水門雞飯$54 水門雞飯就係呢一間餐廳嘅招牌雞飯，佢嘅雞皮煮完之後過咗冷水，所以好爽同埋好彈牙，而且雞肉都好嫩滑。你會見到一碟飯裏便足足有成嚿雞髀肉咁多。水門雞飯嘅飯就係油飯啲油飯都食到好香嘅雞油味好惹味同埋送飯。沙嗲串燒$42 串燒配埋嘅沙嗲醬完全唔辣，但係你會食到香濃嘅咖喱味。加埋秘製嘅泰式調味，串燒變得非常好味。雞雜$48 雞雜裏面有鴨血雞腸同埋雞腎。餐廳嘅煮法係烚咗佢哋先，然後再會上菜嘅時候配埋地製嘅調味料俾你去點嚟食。要特別提就係呢一個炸雞醬真係好好味。佢係甜辣醬，而且當啲雞點咗呢個醬之後甜甜地但係又會有辣嘅感覺。如果食水門雞飯嘅話佢係唔會送埋呢一碟醬俾你記住要主動問服務員拎呢一碟醬

又食水門雞，因為有外地朋友嚟，住係附近酒店，話經過都見排哂長龍，仲話見到有兩間，問我哋係咪同一樣？唔使問，就帶佢嚟親自試下呢間泰國名物🥰剩係尖沙咀都有兩間分店，都幾多人食，好彩都快等到位，坐低即刻scan QR code，午餐主食包飲品，船麵就散叫，冇餐飲，友人想飲手搖，於是叫一個招牌水門雞飯餐+麵+甜品，yeah！平時都係食水門雞，冇留意到呢個「金牌胡椒豬什粉 Pork Giblets Noodle」$48。要咗金邊粉，可以加價多幾樣餸，於是加雞絲 & 豬潤。成碗粉就算唔加料，都比想像大，一個人食夠哂飽；加咗餸就不得了，簡直係外面兩碗嘅分量！粉腸超！級！正！軟軟的，淋淋的，似炆餸咁整到入哂味，如果可以加錢加餸，一定要追加呢。豬潤亦處理得宜，有薄有厚，但亦都嫩滑；炸豬皮脆卜卜，要趁未浸軟快食。話明胡椒豬什，真係不得不讚個湯底，好重胡椒味，好微辣，但好香，勁似胡椒豬肚湯，忍唔住飲咗大半碗😆芒果糯米飯 Mango with Sticky Rice $58依家買水仙芒都唔平，而且唔擔保甜，見呢度才$58就食到芒果糯米飯，試試先～嘩～兩大塊芒果肉，厚切的！睇色澤都feel到佢甜，果然係又香又甜