水門雞飯 (汀角路) (已結業)

有時諗唔到食咩 或者夜已深想食啲light dinner嘅時候 就好鍾意黎呢間🤪呢間分店位算多 亦較寬敞 舒舒服同frd子閒聊下 氣氛另類的不錯kekee。。。🦔👉牛肉湯牛丸生牛肉湯河 $48近排太陽咁猛 天氣咁乾 都係食番啲濕濕地嘅野好 唔知食咩餸就食牛牛牛啦😎牛丸真係好爽口！牛肉真係又薄又嫩又夠味🤤搞到啲湯比我一勺勺咁送粉飲得七七八八 周不時咬幾口豬油渣乾 再食塊三角薄片 成碗粉口感幾多元化🤪為咗吸多啲湯水我都係揀番配我至愛嘅河粉😚。。。🦔👉水門雞飯 $52黎到唔食雞飯唔得呀🤪次次黎到都係係雞飯同船麵中掙扎 雞飯就會送多碗湯🥣雖然碟飯睇落平平無奇 但食完都感覺好滿足😋水門雞永遠都係咁滑嫩 一早幫你拆埋骨 食得好方便 切件細得黎又好易入口 最鍾意沾佢醬汁食🤪反而佢啲油飯相比其他嘅無咁油膩 味道亦唔太重 視乎你個人取向啦 我就偏重口味 但同自己講咁樣食先健康🤓

如果講抵食又好味黎講，呢間真係冇得頂。飯方面唔會太肥，啲雞都好嫩，而且好多肉，仲有佢秘製醬汁❣️飲品方便都有好多俾你揀，最鍾意飲嘅係佢龍眼冰，唔會太甜可以解油膩，亦都可以試埋佢嘅金邊粉，雖然有少少濃，但都係好好食嘅❤️

今日去左大埔水門雞飯食飯，好耐以前食過一次，唔係第一次幫襯。大約6點到問舖頭，唔駛等位，當時大約5成滿。叫左幾樣食物，都係等左無耐就來到。首先要介紹2杯飲品，$20蚊一杯，叫左龍眼水和洛神花茶。洛神花茶相當好飲(成晚最好食的食物，但係龍眼水就好甜，個人覺得過甜。阿妹叫左一個牛肉湯牛丸生牛肉粉絲，份量都夠，唔會太鹹，牛丸有啲黑椒味，牛肉唔肥，阿妹表示滿意。然後來左佢地個招牌飯----「水門雞飯」，平時我成日食海南雞飯。坦白說，相較於我食過咁多間海南雞飯，呢一間的有味油飯底係好食既，飯粒亦見乾身。但係個雞就唔好食。我地叫左2碟，都係比雞胸肉，但2碟的肉都好鞋口，同平時開減肥的白烚雞胸肉距離不大，雞皮唔夠脆皮。跟住係脆炸蝦波，呢估細細粒，幾好食，如果熱啲就更好。之後再叫左個炒雜菜，呢個就好鹹，要用飯印開啲汁，菜的款式都多，而且好熱咁送來，好明顯係即炒。最後，埋單要差不多$300 ，人均大約接近$100，CP值委實不高。而屋企人就話成晚最好味的是青瓜，好新鮮，有水份。但對於一間主打水門雞的食店來講，呢件又係唔係好事呢? 

無骨鳯爪: 失望, 超難食, 太多怪味, 好臭其它 無驚喜家人話串燒唔好食, D肉好 "鞋"馬拉盞西蘭花炒魷魚,  好食,  好香嘅~ 西蘭花吸晒D 汁, 魷魚又入味如果問我會否再幫襯, 答案係:  唔會 !態度惡劣!!!!!!!!!!

Family day 同兩隻臭豬試新餐廳🤤兩隻豬飛快地一日一碗飯再一碗麵👍🏻就知呢間好味可Encore 原先話叫一碗粉一碟飯，但碟飯嚟到已比兩豬清倉🤪最後係要叫四樣嘢：水門雞飯+泰式燒腩 +牛腩河 +豬什麵

打完波又到晚飯嘅時候，今次揀咗水門雞外賣。水門雞雞肉鞋咗啲，泰式豬手味道可以，但好多豬毛無清理，見到嚴重影響胃口，揀咗啲無乜毛嘅皮嚟食，味道係好食嘅，個汁幫個飯加返唔小分。但總括嚟講 2 盒飯啲餸都係偏少，性價比差咗啲，大埔都多泰國餐廳，有其他選擇！店內員工都算 helpful，買外賣時睇店舖內座位比較迫，感覺唔係太舒服！

懶得出街食既關係叫左外賣送餐服務(水門雙拼雞飯,凍泰式奶茶)個飯本身有個清湯跟,味道唔會太重味精味都可以接受,炸雞泥到已經冇左脆口個感覺,可能係送餐關係.白雞肉質嫩口滑身份量唔小.凍泰式奶茶個人感覺同係泰國飲既差唔多,甜度正常唔會甜得好過份.有機會會再親身坐低去試下.

聖誕無得堂食之下，只好叫外賣一齊食啦，不過真係太多人叫，好多餐廳都已經無哂野食，最後揀咗呢間食泰國菜嘅水門雞。💛整返張全照先，賣相都整齊衞生，份量亦合理，野食都夠熱。先講重點嘅雞先，肉唔算嫩滑，味道偏淡，皮未做到爽口。炸雞扒粉薄，但唔係即食個面變乾左，雞肉都唔夠juicy。豬手入味但唔會太咸，皮滑溜，肉淋身。炸豬扒都係較乾身，但皮比雞扒脆同薄。兩個粉都幾好味，香口足料，粉濕潤彈牙。整體來講質素合格，外賣比較唔建議叫炸物，招牌菜嘅雞未做得好出色。但除返6個人食150蚊有找，夠哂飽，幾抵食。會再食，有機會試堂食。💛

泰國菜從來都係我最愛🥰，哩間主打水門雞飯綠色🐔logo咁醒神既嘜頭係大埔開分店，一於嚟懲罰下佢。水門雞飯 $50雞肉入口幾嫩滑，不過雞味🐓唔濃，醬汁酸酸辣辣，配埋個有雞油香既油飯，令人食指大動。泰式豬手飯 $50泰式豬手🐷有別於一般滷水豬手就係冇咁鹹同多咗啲香料嘅味道，呢度就煮得好有泰國嘅味道，豬手炆得好淋，豬皮充滿骨膠原。同樣配上油飯🍚，非常配合。泰式辣雞絲湯粉 $45比想像中辣嘅湯底，辣味🌶比酸味更加出眾，雞絲份量都好充足，我覺得係幾有驚喜嘅味道。整體黎講都唔錯，飯類都會附送一碗雞骨湯🥣，有冬瓜係入面，胡椒味比較重。唯一不滿就係啲坐位無咁舒服，所以食完買多份外賣就走💸。

疫情嚴峻，冇咩必要大家都鍾意叫外賣返屋企食，水門雞飯就做緊外賣優惠，已經成為左個固定嘅外賣夥伴通常都會叫水門雞飯！雞肉唔算話好嫩，但我覺得啱啱好，唔會話好柴，因為我個人唔鍾意食雞皮，所以一定會撕走雞皮，雞皮同雞唔係痴得好實，好易整得甩。雞唔算好油，同青瓜一齊食會夾啲～配上一碗湯，有胡椒味，胡椒味唔算好重，但如果飲太多就會好口渴。喺你大埔如果諗唔到食咩都可以叫個水門雞飯外賣，但就唔好預期話會好滿足，純粹飽肚有幾好食

水門雞飯睇樣都知道有幾滑嫩～水門雞份量多，一定要試試個泰式辣汁，有粒粒青辣椒辣度絕對唔可以睇少！雞飯有油香但又唔會太油膩，雞湯就有冬瓜粒同重胡椒味。牛肉湯底好濃，落啲辣椒碎好正湯都飲埋～牛丸夠彈牙，生牛肉帶少少肥亦都好香牛味，最欣賞係佢有炸豬皮粒，還原番泰國嘅味道。要再次強調我有幾鍾意飲泰式奶茶🤪 午餐套餐奉送杯裝飲品，奶茶同咖啡都係固定甜度，好甜嘅我就好鍾意～依度嘅泰式奶茶茶底好香濃，係我喺香港飲過最正宗嘅🧡

I have come here for lunch numerous times. I like their chicken with rice the most. The lunch set comes with a soup and a drink. I don’t like the soup at all as I find it too peppery. Their Thai iced tea is great. For $57, I think they give you a good portion. I will return again for lunch.

住左大埔甘耐第一次食，同女朋友叫左碟招牌水門雞飯、雞腳及鴨腿河，共142元。 雞飯的醬汁相當不錯，果然是招牌菜，雞也相當嫩滑。而雞腳味道還算不錯，鴨腿河亦相當有泰式風味，十分滿意。最後叫左杯香茅特飲亦相當特別。很推薦大家去品嘗品嘗

一直未有機會試, 一直聽朋友去食..見今晚無飯開, 所以試一下:叫咗2份雞肉飯, 1份要雞脾, 1個蝦丸, 1份串燒, 1份麵包, 2杯飲品首先, 食雞肉飯, 一打開盒飯...飯是足夠.....但肉份量明顯跟足泰國的少很多, (食開泰X人海南雞)...立刻比下去....再食份肉....唔滑, 可以, 但我試另一份正常雞肉, 還要差很多.....我要脾是要加錢....的.....我真心懷疑我是加了錢轉脾??? 黑人問號中....3串串燒..乾柴咁....不平的: 平均HK$15一串... CP值低無可低麵包比較有誠意, 不是用方包...但無甚驚喜...最可取是串燒的沙爹汁了!真心無下次了.....

大家都抗疫咗一段時間，就算自家料理幾健康美味，都會有出街食飯嘅衝動。呢間泰國菜香辣兼備，價格唔貴，適合一家人或者一班朋友去食個casual dinner。《水門雙拼雞飯》($5x) 一碟飯有兩種享受，切雞嫩滑皮薄，炸雞多汁香口。配上嘅飯係雞油飯，味道不錯。湯頭有濃郁雞味不過胡椒稍多。《泰式炒金邊粉》($7X)炒得香口唔會太油膩，配料豐富，獨食一碟無難度。《泰式豬腩肉》($5X)係有啲似港式嘅燒肉，不過應該經過油炸，比起港式燒肉多啲咬口同濃味啲。配上嘅沾醬香辣兼備，天作之合。飲品要咗《菠蘿冰》($2X) 菠蘿味非常香濃，好似用新鮮菠蘿汁雪咗嘅冰直接打出嚟咁。配上香辣泰菜當然無得輸，就算行街嚟杯消暑都絕對可以。最後係唔記得咗個名嘅炒菜心，味道正常。