民豐粉麵行

營業中

休息中

民豐嘅糯米糍一直都喺荃灣深入民心，初期賣$6一隻，大大隻，超多餡料。後期加咗價$7 ，但都仲係好抵食。見佢出咗開心果味之後，簡直係黐晒線，日日都勁長龍排隊。今日喺荃灣食完飯，夜晚8點半，諗住去碰吓運氣，睇吓夜晚會唔會小人d 。點知夜晚都仲有10幾廿個人排隊，但難得去到就梗係要排吓啦。好彩夜晚冇咁熱，冇日頭排得咁辛苦。 等咗差唔多20分鐘，終於買到😆粒粒都又大隻又飽滿嘅糯米糍。返到屋企急不及特拎黎食，做宵夜。開心果味 & 榛子味糯米皮煙靭，唔會好厚，餡料飽滿，唔會太甜。有淡淡開心果味。，同埋都會見到啲開心果粒。榛子味反而甜少少，令我諗起食金莎既味道。總括而言，民峰嘅糯米糍真係好好好好食。不過如果要排咁耐隊，真係令人好卻步。希望熱潮可以快啲消散。🥹

⁂⁎◝#荃灣🇭🇰 排10分鐘就買到人氣爆餡糯米糍！⁎◜⁂.星期六晚7點去竟然唔洗排長龍等左10分鐘左右就買到糯米糍糯米糍皮薄爆餡 而且價錢十分抵 $6就有一粒大推開心果味 & 花生味開心果味道好濃郁比起之前食過其他店舖嘅開心果撻同麵包味道更出✨不過個人覺得 一向出名嘅水餃雲吞&韭菜餅更值得試水餃雲吞勁大粒，韭菜餅都勁足料重點：唔 洗 排 隊！建議大家唔想排隊買糯米糍的話 可以去買水餃雲吞韭菜餅🙂‍↕️.✧糯米糍開心果 $12芝麻 $6花生 $6豆沙 $6.✧韭菜水餃（大盒$65 /30隻）✧冬菇菜肉雲吞 （大盒$69 /30隻）.✧韭菜餅 $15..*･゜ﾟ･*:.｡..｡.:..｡. .｡.:*･゜ﾟ･*𝘍𝘰𝘳 𝘮𝘰𝘳𝘦 𝘪𝘯𝘧𝘰𝘳𝘮𝘢𝘵𝘪𝘰𝘯:📍民豐粉麵行🗺️荃灣荃灣街市街35號地舖..#mytaste_荃灣#mytaste_甜品#mytaste_粉麵

今次第二次食，上次排左成個鐘淨係買到花生嬲芝麻味，唔甘心，點都要試下開心果！所以今次經過附近順便睇下有無。點知！無長龍，淨係排10分鐘就買到喇！仲有開心果味糯米糍！咬落去都係爆餡，不過開心果味就冇花生味咁出，都只係12蚊，好抵食！

好多年前已經幫襯過佢嘅水餃雲吞同埋糯米糍，當時已經要排長龍，最近推出咗開心果味糯米糍，更加誇張到要排超過一個鐘，價錢方面，開心果味$12/粒，花生味同芝麻味都係$6/粒。好彩我屋苑有搞團購，送到嚟樓下又唔使 大熱天時排隊，$99蚊/9粒，包括開心果花生芝麻味各三粒，比人賺少少都冇所謂啦😅因為我懶得切所以就咁咬開影相，開心果味個餡好少，亦都唔係特別重開心果味，屋企人成粒啪仲以為係花生味嚟😑反而花生味芝麻味好足料，味道亦豐富，一試無妨😄評分：最高為5分治癒度：👩‍⚕️👩‍⚕️👩‍⚕️抵食度：💉💉翻兜指數：🩺🩺民豐粉麵行荃灣荃灣街市街35號地舖#healingbobo #foodie #hkfoodie #foodiehk #香港 #美食 #TsuenWan #荃灣 #Pistachio #開心果 #糯米糍 #民豐粉麵行

近期熱爆既民豐糯米糍🔥由細食到大既民豐糯米糍近排因為開心果既熱潮，都出左開心果味🥰聽聞要排一個鐘隊先會買到既小編一直都未有呢個勇氣去買😖直到今日經過見到無乜人就即刻排隊買黎試下，可能因為即叫即包既關係，最後都要排半個鐘🥲開心果糯米糍包得又圓又大粒，皮薄爆餡，食到開心味既碎粒但真係好碎好碎既粒粒，餡料加入左沙糖，口感係幾好既，但d沙糖蓋過左開心果既味，食落只有輕微開心果味，如果唔駛排噤耐隊就好喇🫣傳統口味既花生糯米糍反而食左咁耐都仲係咁好食😋成日食既時候都忍唔住用脷舔兩下花生餡料😆⭐️味道選擇傳統口味花生$6黑芝麻$6豆沙$6⭐️新口味開心果$12榛子$12腰果$12

民豐粉麵行最新推出左新口味：包括榛子、開心果同埋腰果（可惜今日買唔到腰果味）本身有既口味包括：花生、芝麻、豆沙網上見人地大推開心果味，所以抱有好大既期望，最後覺得榛子🌰好食啲😝但花生味既性價比最高🥳

噚日（30-6-2024 Sun）同老公食完晏去買菜，不如八吓多唔多人排隊買民豐糯米糍，嚟到睇，人龍只排到隔幾個舖位，前三叔公條巷，唔通因為啲人北上消費？咁少人就排吓啦，喺排嘅時候，有職員睇住斷開兩截嘅人龍，防止有人打尖，同俾張紙仔客人填定要咩口味，我哋填好喇，等咗唔夠15分鐘就買到啦，原來啱啱9個，由於冇識認咩味打咩味，我就自己昅實店員執糯米糍嘅擺位，執好後我同老公講，最先嗰3個係開心果，之後係榛子，腰果，花生同豆沙。店員聽到話我知係跟紙仔次序由上而下擺，咁我就放心喇。但如果買唔夠用裝嘅數量，而要膠袋裝呢？咪分唔到？拎到返去就食啦，睇見明顯係比簡品堂大個，依家度吓，直徑約6厘米，約5厘米厚，但如上篇2022年4月9日刊登嘅呢篇食評https://www.openrice.com/zh/hongkong/review/blue-%E7%B4%B0%E9%9A%BB%E5%92%97-e4353731講，一早已經細隻咗。先食開心果味，切開睇，開心果碎好細粒，亦有唔少砂糖，食落，係有開心果嘅味道，不過唔夠簡品堂嘅濃，夾咗砂糖就比較甜，糯米皮依然係軟熟，可能大隻啲，有返食糯米糍嘅感覺。3.5

香港必吃糯米糍‼️不吃一定後悔‼️我們是買的有花生糯米糍🥜、腰果糯米糍、開心果糯米糍、芝麻糯米糍、和紅豆糯米糍，我哋將佢有嘅味道全部都各買一個😂軟軟的糯米皮加上大大的餡料😍每一粒都超大，好有份量👍🏻👍🏻👍🏻👍🏻每一粒都好有驚喜，不過個人都係最鍾意芝麻🤪🤪🤪不過要記得預返時間排隊，我哋去嘅時候係平日，人都已經幾多，但姨姨嘅手腳都好快，好快就買到！如果有機會，一定會再去買👍🏻

個人排名‼️開心果>榛子>芝麻=花生=豆沙🤍開心果 $12（每粒）9/10👍🏻👍🏻🤍榛子 $12（每粒）8/10👍🏻🤍芝麻/花生/豆沙 $6（每粒）7.5/10👌🏻-首先感謝媽媽排咗一個鐘🥹🤍皮薄且煙韌 餡料份量都十足🤤開心果同榛子真係原粒磨碎🌰食完口腔仲有開心果同榛子嘅餘香😋芝麻/花生/豆沙就冇咩特別 就係高配版嘅湯丸而且芝麻/花生落太多砂糖 有啲過甜🥲-總體嚟講的確係好食嘅 特別係開心果味但如果排一個鐘真係會再食嗎😂我諗就未必啦 二十分鐘就接受到嘅-整體味道🌕🌕🌕🌕🌑抵食🌕🌕🌕🌕🌑

人生第一次為咗食糯米糍去排個幾鐘頭😂😂依家糯米糍之前都食過兩三次，雖然之前都要排隊，但當時都未有咁誇張嘅人龍😳聽聞今次出咗新口味，所以先至會吸引到咁多人嚟試吓新嘢😯本身住咗排半個鐘頭，點知最後排咗一個幾鐘🥵排咗咁耐梗係要買多幾盒，幫朋友買埋😂每款口味都要左一啲，可能因為知道新口味多人買，所以新口味嘅價錢比舊有嘅口味貴一倍😳我淨係食咗開心果同花生其他都俾咗朋友同事食😂依間嘅糯米糍一直都係皮薄又爆餡💕就算而家多咗人買都冇偷工減料👍🏻值得一讚👍🏻但個人覺得都係原有嘅花生口味最好食😂開心果味，雖然都食得到開心果嘅味道，但冇想像中咁濃郁🙈如果唔洗排都係值得一食既🤭但之後要我再用一個幾鐘頭去排隊，就未必會再買啦😅

幾十年老店 佢地湯丸...水餃...在區內都好出名 最近開心果糯米糍仲大熱2點半到埗，見到長長既人龍 排左50分鐘終於到我了排隊其間會有張紙仔傳過黎 可以提早劃定口味同數目，規則要注意❗️每人限購2打❗️有5️⃣個口味可以選擇:開心果 / 榛子 / 芝麻 / 花生 / 豆沙店員姐姐提醒: 1-4粒會用袋裝+5粒或以上會有盒提供，咁我就每隻味都買少少試下，好鐘意佢地紙盒裝，設計上好有老香港感覺佢地糯米皮做得好好 細滑輕軟 同時保持到彈性 口感真係一流 又有糯米香，餡料方面就真係各有所好…😅🔸開心果$12近期大熱主打 緊係要試真D，好靚嘅綠色，不過冇乜開心果味 反而糖粉味好重，咬完吞左 口腔先有少少開心果味殘留🔸榛子 $12真係有kinder繽紛樂既味道 偏甜，雖然唔係好習慣佢個非主流味 不過比想像來得多左驚喜🔸芝麻 $6甜度適中 芝麻味香濃 真皮薄餡多👍🏻佢係咁多個味道中 糯米皮包得最薄<2mm🔸花生 $6經典花生糖碎餡 炒過既花生夠香夠乾身，粗幼顆粒比例好適合我 🔸豆沙 $6軟香既豆沙蓉 食落香甜細緻唔會太甜 亦冇任何膩感，另一驚喜之選* 店員姐姐呼籲: 糯米糍要即日食 唔可以過夜*

我總共買咗三款口味 冇晒，我最鍾意食嘅花生🥲分別買芝麻，開心果同榛子👅我覺得入邊嘅餡真係好多好好多，但係糖嘅比例都比較多有啲掩蓋咗佢本身食材嘅味道 而且都比較甜好多人推介嘅開心果味本身我唔係好食開心果 但係呢一個糯米糍又容易入口可能因為佢個開心果味唔係好重另外榛子味就有種食緊金沙嘅感覺聽日唔會話好甜但係佢真係皮薄餡多 值得一試一食就會啲餡跌晒出嚟😂而且1個已經好飽 如果想試咁多隻味就要搵人同你share啦😂

皮薄餡靚， 餡料超多， 味道超好味， 尤其是黑芝麻， 滿滿的餡料，不得了 不得了。☺️☺️☺️☺️☺️簡直係不得了，我會再去食買，會再試吓舖頭裏便仲有啲咩好食嘅嘢。☺️☺️

今日特別來到位於荃灣街市街已有70年歷史嘅民豐粉麵行嘗試他們的新作品👉🏻開心果糯米糍。其實他們除了Hit爆嘅開心果糯米糍外，還有其他味道的糯米糍包括榛子味和腰果味，另外仲有三款傳統口味，包括芝麻、花生和豆沙。但要嘗試新口味，就要等到每日一點才會開售。今日排隊大約45分鐘，終於買到大熱的開心果糯米糍和榛子糯米糍。另外此店都有人氣極盛的香煎韭菜餅，都有絕多支持客排隊買㗎，店員不停努力地煎，遠遠都已聞到韭菜的香味。其實呢間老字號還有好多馳名嘅食品，包括各式粉麵、糭、餃子和湯圓。每逢端午節和新年時，街坊都會排長龍來買糭和湯圓應節。

見到好多人都話民豐個開心果糯米糍好食，縱然今日落住雨都行去買嚟食。一去到已經見到一條長長嘅人龍，一直看不見盡頭，排喺我前面嘅女士講，佢今日中午經過嘅時候見到條人龍仲長，我聽完之後不禁心諗開心果糯米糍嘅威力真係咁大。之後足足排咗45分鐘先排到，喺排緊隊嘅途中， 一個類似少店主嘅人出嚟叫大家放心，話而家排緊隊嘅人一定會買到糯米糍，因為師傅喺入面不停包緊，叫大家放心等候。等咗45分鐘終於等到，二話不說即刻買咗芝麻， 榛子，開心果三款唔同嘅味道各兩粒，買嘅時候姐姐仲千叮萬囑記得要係今日食用，因為隔咗一日就會好硬變得唔好食。於是一番到屋企即刻打開嚟食，個皮軟熟得嚟又有糯米香，加上淡淡嘅開心果碎香味，真係相得益彰，難怪喺排緊隊嘅時候聽少店主講，自從佢研發咗開心果味之後就日日都畀佢阿媽鬧，因為生意大好令到店舖嘅工作量大增😂