影片
以上資料只供參考, 請與餐廳確認詳情
相關文章
荃灣民豐粉麵行，呢間老字號已經屹立超過60年，最近因為佢哋嘅開心果糯米糍爆紅，成日排長龍！😍 小店位於荃灣街市街，環境簡單樸實，但糯米糍真是一個字：正！佢哋嘅糯米糍皮薄得似紙，煙韌Q彈，咬落一啖，餡料即刻爆出，滿口香甜，實在係幸福感爆棚！😊試咗招牌開心果同芝麻口味，開心果香濃得來唔膩，芝麻餡煎香後更添層次，$7一粒真心抵食！🌟 其他口味如花生、榛子同豆沙都各有風味，選擇多到令人想逐款試！😜 不過要留意，糯米糍每日限量發售，高峰期排隊可能要半小時以上，建議早少少去！🕒除咗糯米糍，佢哋嘅韭菜餅同水餃都好受歡迎，煎得香脆嘅韭菜餅同爆汁水餃都係街坊心頭好。服務態度親切，老闆同員工好有街坊情，雖然忙碌但總會同你講兩句，感覺好溫暖！🥰 如果你係糯米糍控，民豐絕對係必試之地，保證食完回味無窮！💖
繼續閱讀
真係軟軟糯糯嘅！花生同芝麻都好香😍每次經過都好多人排隊，今日路過人唔多，買咗自己鍾意嘅口味試下。💰價錢都好親民，唔同餡料唔同價錢，分別 6 蚊同 12 蚊 / 個，仲有開心果餡、榛子餡、花生餡🥜、芝麻餡等等拎到嘅時候已經急到癲，忍唔住係路邊小巷口就開餐啦哈哈哈哈🤣😋皮超薄餡又多軟糯到唔得～不過就係粉末好多，食嘅時候成手都係，成口成手都係粉，食完個樣超狼狽哈哈😆
繼續閱讀
呢度嘅糯米糍好出名🤩，每次去親都有好多人排隊，今次試咗芝麻味糯米糍🍡。芝麻餡料好多，好飽滿，亦都好香芝麻味👍🏻一咬開啲芝麻餡已經爆晒出嚟🤩。糯米糍皮都好軟糯，皮薄多餡，好正😻🙌🏻
繼續閱讀
星期日下午經過，見只有2-3人排隊，所以決定試一試之前網上好HIT的開心果味糯米滋。買左3粒唔同既口味，分別係開心果，榛子同埋花生。開心果&榛子 (12蚊一粒)- 甜，非常甜，開心果&榛子味唔算突出花生(6蚊粒)- 最平凡的餡料果然是最穩陣最好食，花生好香，值得食第2啖整體而言，外皮厚薄不均，餡料太甜。食第一啖既時候，只食到厚厚既皮及粉糰感建議店家在包糯米滋的時候將收口位的地方壓平壓薄少少再收口，才不會出現糯米皮厚薄不一的情況。
繼續閱讀
每次到荃灣行街，也會到民豐打咭，上次見大排長龍所以没有買，但今日去到門口寫是中午一點才開買糯米糍，所以食完中午飯才去買，時間好預算，今日買了五款口味（五件以上有纸盒），普通味六元一個，特别味十二元一個，個人認為傳统口味好食D，特别是豆沙及黑芝麻，新派有開心果、腰果、榛子，味道較為淡口，也可以選其中一款試吓嘅，十二元也唔貴，糯米糍皮好軟糯，最奇怪就是我先生平時食其他店铺糯米糍，個胃會不畅順，但食民豐糯米糍就無這個情况
繼續閱讀