民華餐廳

營業中

休息中

今日因工作需要嚟到東涌，嚟到11點過啲但之後有野做就同同事食個早lunch。同行有同事係住東涌既，由佢帶路我地一行4人嚟到呢間民華餐廳。餐廳離地鐵站唔算遠，可能咁啱過左早餐時段又未咁早有人食午餐，我地嚟到唔洗等位即刻有得入。店內人唔算多，我地坐係門邊既卡位，啱啱好坐得落4個人但就冇位擺野，姐姐建議我地將啲野放到收銀果邊。同事話佢嚟通常都係叫常餐，所以我地最愛全部都叫曬常餐😂呢個鮮茄牛肉通粉唔錯，食到個湯底係有真蕃茄，亦都有蕃茄肉，味道偏酸唔會似茄醬煮既。個滑蛋都唔錯，塊包就因為我啱食完早餐冇耐太飽冇食到。奶茶味道一般，有啲鞋口，唔落糖唔得。價錢幾平，據講仲係連鎖店嚟，第日嚟東涌就唔怕唔知有咩食啦！

噚晚星期日22/7,係梅窩踩單車入東涌搵野食,個阿姐問兩位搭吾搭枱,咁我話吾搭,阿姐話比卡位我啦叫我等等完佢比左卡位我,但吾夠5分鐘,另外個阿姐又走黎叫我坐返一邊,又叫另外兩我客坐我對面.咁叫我等有咩意思先咁我孭背囊,我想擺係凳度,個阿姐衝過黎,又話吾得,要我語氣重d,佢先知難而退,吾通要個客邊孭住背囊,邊食野,先係好客之道?前面過兩個客火速食完走左,同一個阿姐又搵左另外一個客坐對面,個客落左單一陣,又轉左位.阿姐又係張枱寫左張吾知咩嘅紙,走左去...我望左陣先知係話個客轉左枱,但最後d野都係上錯晒.呢間野 食物水平麻麻 服務好差

我每次到東涌，都會光顧這間餐廳，因為以前不需要等位，但是今次是我第一次在這裏等位取Number ,沒有所謂啦，但那位女侍應，給了一個沒有人坐得下的位置（那張枱已經有三個大男人已坐下，其實已沒有多餘的位置給其他客人），她為了留給其他食客，不肯換位，而且態度極差，我相信不是待客之道，難道我們客人是貨物嗎？食物方面，其實選擇不多，來來去去只有常餐即食麵和點心，質素非常一般，在東涌我相信有更好的選擇，不要在這裏受氣!

民華餐廳: 係我經常食lunch 既地方。我鍾意呢度嘅茶記文化。每次我都會食叉燒通粉配香腸煎蛋！好好食！再配埋個醒神奶茶，已經足夠令我差足電返公司再繼續工作。大家可以一試！

雖則呢個餐唔可以話特別，都係香港常見冰室會有既野，但呢間就真係特別好食既。最鍾意係佢個凍咖啡，因為佢上面加左杯芽，跟住就真係好香陣味。朝早眼到到死個陣飲返杯，好味又醒神。跟住蛋可以簡炒蛋、煎雙蛋、太陽蛋、炒蛋，我自己就咩蛋都鍾意食既，但民華整得最好食就太陽蛋。不過都有個 bug 既，就係佢枱面得甜豉油，冇咸個種。唔知問個啲姐姐拿會唔會有，不過蛋就咁食係有啲寡。講起問姐姐，因為呢間野既早餐超級多人幫襯，（至從開左，大家樂都唔駛點排隊，隔離仲有一間食西式早餐既，都唔駛排就可以入到）咁所以你要搵到人落單啊做乜都唔容易，所以最好你落單個下就講哂你所需要啲乜啦～上菜速度超快～但好多人等所以你都係食完就即刻要走～要搭枱，唔好坐，好逼好窄，但佢好食，冇計，哈～跟住就嗌左個柞菜肉絲米（走肉絲），嗚好感動，通常你去個啲茶餐廳，都係唔會可以走肉絲，但呢間可以～所以就好好食（但最好食所有野之前就食左呢個先，因為索湯索得好快，會變脹。）個個多士都好好食！烘得夠脆，牛油好香～正～所以呢間就係，好食，但唔好坐又逼，你快快手食個早餐就走。如果你入唻行山，又唔想係入面坐，你唔悶熱既話，你可以外賣，去附近既棋枱食。（有

上個星期六天氣好好，好適宜做戶外活動，所以就同朋友入咗東涌行鳳凰山。行完山返到去東涌市中心都已經下午三點，加上體力消耗太大，我哋決定食埋個tea先出返市區。坦白講，東涌市中心確實唔係有太多餐廳可以選擇，所以我哋去咗位於富東商場街市的民華餐廳。我叫咗個"滋味常餐"食，果餐包粉麵、炒蛋、多士同埋飲品。最令我喜出望外嘅就係牛油多士，多士即叫即製而且入面塗滿牛油，所以食落口除咗外脆內軟，亦都非常滋味。另外，餐廳嘅奶茶亦都非常香滑，有茶味但唔會有好大的澀味。不過呢，粉麵方面就真係一般。有少少失望。總括來講，呢一個 ”滋味常餐” 就每位41蚊，收費都算合理。各位如果入開東涌行outlet，踩單車或者行山嘅朋友都可以試一試。

大家入東涌玩，早餐都未食咁就搵間茶記食啲野再出發。大商場嗰邊好多人，街市呢邊都多左啲選擇，呢間都幾多人等，我地估計品質應該都不錯，等左唔算好耐，好快就有位。好多人都叫常餐，我地又叫返個先。茄湯底不錯，甜茄味，可惜係通粉好硬，我嗰碗通粉都好少少，朋友嗰碗既通粉硬到呢，唔知關唔關人多事其他同普通茶記一樣，水準可以。不過就坐得迫少少，同好似好趕忙咁，大家食就要有心理準備喔。個金錢肚係意外收穫，大家都覺得好好食，好入味，值得一讚大家可以試下喔…我地上次中午叫只剩三碟

係東薈城附近番工食lunch不嬲都會令肥妹仔幾頭疼,因為選擇真係唔多!!!!!而如果一定要肥妹仔我係無咩選擇下揀一間覺得性價比唔錯既餐廳,民華就會係肥妹仔我既不二之選!常餐$41 (包一杯熱飲)烘牛油多士, 腸仔炒蛋sorry, 肥妹仔咬咗幾啖多士先記得影相!!個烘多士好好食,每一啖都充滿牛油香,多士烘得又香又脆!!!!高水準之作....炒蛋炒得唔會太老,合格!腸仔普通用水烚,no comment!鮮茄牛麵呢個肥妹仔都係第一次食,食落都有驚喜!!!!先講個蕃茄湯底,個湯係比較杰身既果一種,應該係用某牌子既罐頭蕃茄湯開出黎,味道微酸而且又有小小蕃茄粒,都算係咁!!!牛肉無咩調過味但食得出牛肉果種牛味,幾新鮮,impress到肥妹仔我!!!!麵就普通公仔麵,not bad!熱奶茶um.....老實講佢既奶茶沖得普普通通,有小小稀,茶同奶味都唔濃,麻麻地!!!

上星期六同男朋友去昂平360玩左半日, 原來依家昂平360加左合家歡影院同遊戲！！一家大细去真係可以玩足一日！！不過可能始终係旅遊區啦, 食嘢好鬼貴！！所以我哋都係番番東涌先食嘢！！好鬼肚餓添！！我哋嗱嗱聲去左富東廣場揾嘢食！！最终揀左食民華餐廳！！因為夠大眾化！！我叫左鲜茄叉燒通粉+香腸炒蛋+即烘牛油多士+凍檸茶！！鮮茄湯底超濃！！叉燒都算肥美！！不會靭BB！！通粉細細粒易入口！！炒蛋超滑！！牛油多士應該係烘完即上枱！！所以超脆口！！好味！！嚟茶餐廳識飲嘅梗係飲凍檸茶啦！！超有茶味！！我男朋友要左足料糯米鷄+蒸豬肉燒賣+凍檸茶！！足料糯米鷄好大隻！！真係足料喎！！無吹水！！仲有隻鷄翼係入面！！豬肉燒賣就ok啦！！有機會都想嚟多幾次食嘢！！

又黎東涌開會，今次2點先到，3點就要開波，時間緊迫，所以係鰂魚涌到東涌呢段漫長的車程，立即上open rice搵下食咩好。從來未去過東薈城的另一邊，原來個邊有個街市，有呢間餐廳，以前係旺角食過，所以放心試下幫襯佢！好耐無咁從容獨自食茶記，一於叫個常餐填飽肚！常餐有多士，餐肉配炒蛋同 蕃茄叉燒通粉，餐飲梗係要杯熱奶茶啦！ 咁多野食都只係$41蚊！好抵！呢間茶記雖然位處街市，但仍光猛又乾淨企理，2點鐘未係下午茶時段都仲坐滿人，証明應該唔錯！果然，多士熱辣夠脆口，滑蛋香濃，蕃茄叉燒通粉，湯底好味，叉燒量多，肥瘦適中，啱晒我口味！ 熱奶茶的水滾茶靚，奶同茶比例啱啱好，美中不足是堂食奶茶竟然俾枝塑膠攪拌捧？無鐵匙羹咩？！感覺好似d膠會溶落杯熱辣辣奶茶度咁，感覺唔良好..除此之外整體用餐體驗良好，性價比超高！有機會再去東涌會encore!

行完山腳仔軟，搵間茶餐廳食個午餐先走吧！當日正正2點，要拎飛等位。等候期間，睇定個menu，入到去即叫餐。唔想食盅頭飯，只好揀番常餐（早上已經又係食依啲🙈）其實喺早上時段食，平5蚊，仲化算。等左一陣，熱騰騰嘅蕃茄叉燒米粉到了!入面有4大件叉燒，不過比較廋。湯底非常濃厚，仲有粒粒蕃茄，好味道!煎雙蛋有得選擇太陽蛋或者荷包蛋（煎得好靚呀！）食客仲可選擇牛油方包或多士，多士係厚身，即使我擺耐左先食，都係仲脆卜卜嘅。食物質素係好，但坐得有點迫，落單呀姐都幾好服務，樣樣要求都寫得齊晒。

是日約左女友行東澳古道，臨行之前先喺東涌食個lunch再出發，見到原來呢度都有民華喎，於是就毫不猶豫地揀左佢了之前已經喺OpenRice讚過佢啲鵪鶉蛋，不過今次決定食其他野，又睇下係咪都咁好食先常餐貌似抵食喎，就一人一份啦首先要讚下，落單同上菜速度夠快😆然後再讚下烘牛油多，有脆卜卜既外表兼且濃濃既牛油內涵😍炒蛋熱辣辣又有一陣奶味，完全將牛肉通粉比下去啊蕃茄通粉方面一樣無得輸，湯底夠哂鮮甜，女友一飲就無左半碗🙈牛肉就正正常常咁啦不過咁，呢度啲卡位坐得都幾迫，而且地板有好多灘水，個人黎講唔太鍾意，但以性價比黎講的確高質

早一陣子去左東涌行outlet行完就搵野食。之前係太子經過都成日見到呢間餐廳個名，但個人對茶餐廳既食物不太大興趣，但朋友就較喜歡咁茶餐廳，所以最後選擇左呢一間。 入到去人流吾算太多，坐位吾會好擠迫，叫左個常餐（個人認為最穩陣）見到佢有個蕃茄湯底系列，就點左個蕃茄湯叉燒通粉常餐。 大約五分鐘就有野食，其實都係抱著有d野落下肚既心態去食。點知出奇地有驚喜，個多士烘得好脆而且好厚身好香牛油味。但如果佢個茶係配奄列就更完美了！至於個蕃茄湯通粉就更抵讚，湯底夠濃，通粉又吾會太淋，叉燒有一種好特別既煙薰味道（係好食既味道）最後我成個湯飲晒。真的不錯！食得出食物係即叫即整，而吾似有d茶餐廳將食物整定晒、攤凍晒。 最簡單既食物反而最能睇到間餐廳既質素同煮野食個個人既心機。所以能將簡單既食物用心去做好是很重要的！ 如果下次去東涌，會再幫襯！！

之前已經喺太子食過幾次民華，價錢平民但食品質素不錯。今日嚟開東涌outlet shopping，但到8點都唔太餓，所以決定去隔離富東邨輕食，見翠華咁多同胞，要輪籌，所以決定去民華，反正質素不相伯仲。有時民華都要排隊，今日係平日，都有8-9成客。兩個人都叫咗【滋味常餐$41】。跟餐係咖啡或茶，特飲只係補差價。熱咖啡/奶茶散叫係$15，而最貴嘅特飲都只不過係$22嘅紅豆冰，即係跟餐補$7就得，其他例如凍檸樂、鹹檸七只係加$5。我地就熱鴛鴦同西洋菜蜜，都唔駛加錢，正。炒蛋極香滑，而且好有蛋香味。多士係鋪滿溶晒嘅牛油，好入味，而且係厚多士。多士係即烘，唔駛加錢。主食沙爹牛肉麵同鮮茄牛肉通粉，都好大碗吓，就算唔輕食都應該夠飽。鮮茄湯酸甜度適中，好開胃，不過個公仔麵就腍咗少少。另外，呢度啲店員都幾有禮貌，勤快。呢度嘅好處係local啲，唔怕食食吓俾啲喼轆親。

星期天出城去東涌逛逛，行到攰攰地要揾野食。之前有朋友提過富東商場有間民華餐廳既鮮牛茄通唔錯，決定試試。穿過整潔的東涌街市，就會見到幾間食肆。餐廳位置當眼，容易搵。店面不大，裝修麾登。星期天下午兩點多，已坐滿了客人，但座位略嫌狹窄。餐牌選擇不多，有蒸飯、點心和常餐。我點了最喜歡的番茄湯鮮牛通，配雙熟蛋、烘牛油厚多士、凍o茶。上餐速度快。襯熱食左件去皮烘厚多士，烘得脆脆的，配上薄薄的煎蛋（條邊係脆的！）不油不膩。之後食主菜鮮牛通，先喝淡湯，嘩！要小心小心，因為真係好熱！嗰湯底好杰好濃，伴左少少番茄碎，好好味道，D通粉亦剛剛好，不會太「淋」。整體唔錯，食完冇口渴的感覺。