民華餐廳

營業中

休息中

上個星期六天氣好好，好適宜做戶外活動，所以就同朋友入咗東涌行鳳凰山。行完山返到去東涌市中心都已經下午三點，加上體力消耗太大，我哋決定食埋個tea先出返市區。坦白講，東涌市中心確實唔係有太多餐廳可以選擇，所以我哋去咗位於富東商場街市的民華餐廳。我叫咗個"滋味常餐"食，果餐包粉麵、炒蛋、多士同埋飲品。最令我喜出望外嘅就係牛油多士，多士即叫即製而且入面塗滿牛油，所以食落口除咗外脆內軟，亦都非常滋味。另外，餐廳嘅奶茶亦都非常香滑，有茶味但唔會有好大的澀味。不過呢，粉麵方面就真係一般。有少少失望。總括來講，呢一個 ”滋味常餐” 就每位41蚊，收費都算合理。各位如果入開東涌行outlet，踩單車或者行山嘅朋友都可以試一試。