民華餐廳

營業中

休息中

東涌，係一個遙遠到不得了既地方，亦係莉莉子比較少到既地方😅😅 話說上一次黎東涌要數到係因為去outlet所以先去到😂😂莉莉子今日陪表妹黎到呢個地方，主要係陪佢搭昂坪纜車，不過估唔到呢個以前非常荒蕪既地方，今日已經開左好多間餐廳。話說表妹希望試到港式茶餐廳既味道，係莉莉子腦海中都係一大堆大集團茶餐廳。點知今日俾我見到一間叫「民華餐廳」既茶餐廳，裝修企理乾淨，而且應該係新開，所以都吸引左我入去🥰🥰因為莉莉子肚餓關係，入去即刻叫左個咖哩牛腩飯套餐，咖哩唔算好辣，對於莉莉子黎講可以接受，而牛腩炆得好軟腍，好入味，送白飯簡單一流😍😍😍莉莉子表妹比較細食，叫左個奶醬多士，最特別係多士好脆身，兩個女仔好快食哂啦😂😂😂

同朋友係東涌CITYGATE OUTLETS 買野過新年，行到累決定搵野食。行左幾個商場，選擇唔多，都係M記，大X樂，酒樓等等，因為得兩個人又唔食得多，之後就簡左呢間茶記試下!其實都已經18:30左右都座無虛席，好彩等左5分鐘到就有位，仲要係兩人坐得舒服既卡位!望望個MENU，睇下旁邊台既客人食咩，見多數都係常餐，咁就決定叫兩個常餐+一件西多士(HKD 17), 價錢唔貴，經濟實惠。佢係玩A+B+C既組合,我同朋友叫左個我:  茄叉燒通+ 火腿炒蛋+ 烘多士+ 熱奶茶 (HKD 44)食極都仲有既通粉，個茄味好濃，而且真係有蕃茄係入面，真材實料! 叉燒比得唔”姑寒”，都有5舊，唔肥唔瘦剛剛好，絕對對得住呢個價錢唔好睇少佢望落普通既滑蛋，食得出佢加左牛奶，口感好滑!朋友: 沙嗲牛肉通粉 + 香腸炒蛋+ 烘多士 + 凍奶茶 (HKD 47)奶茶好香濃!烘多士都唔洗加錢，烘到兩面金黃色，牛油搽得夠多，食落好重牛油味，正到一個點!西多士 (HKD 17) : 價錢好合理，一早幫你CUT好9件，方便食，而且煉奶味道都唔錯，方包厚身，好鬆軟，仲要加埋蛋漿去炸，真係冇得輸!因為唔多夠飽，決定再啤點燒

和朋友入東涌順便想吃飯但是東涌太多人了，而且餐廳都比較貴又多人排隊，於是我們就去了富東街市看看有什麽可以食。最後我們見到民華餐廳看似排隊的人不是太多於是進去吃午飯。不知道是不是因爲茶餐廳的關係，排隊不是等了好久就可以進去了，我點了一個常餐，是番茄湯加牛肉通粉配炒蛋香腸和多士，一個這樣的常餐原來要查不多50塊！！番茄湯牛肉通粉的分量是可以接受的，但番茄湯偏酸而且牛肉比較（鞋）！50蚊的常餐這樣的質數太貴了！！可能因爲這裏是旅游區的關係。炒蛋香腸配多士：炒蛋可以，也比較滑。多士有烤過也是很脆的，牛油的味道也很出，而香腸就是很普通在超級市場買到的。整體就是價錢比較貴！整體的食物不是很出色，但常餐份量可以！一定會飽。如果趕時間的人可以去吃，如果想吃點好點的午餐 就不要去了。

今日早起身決定享受返個靚靚早餐！如果要講邊間茶餐廳出色！民華餐廳係我心目中真係佔一個好重嘅位置😍😍😍特別係佢嘅蕃茄麵啦⋯⋯首先我同媽媽就叫左兩個常餐！媽媽突然間想食雞扎所以點多咗一份！🥰雞扎率先嚟到！雞扎10分足料～雞件大件～芋頭非常之入味～常餐嘅麵包我就點左烘底加煉奶～脆脆香口之餘又甜絲絲！滑蛋一如既往，滑一滑蛋味非常濃郁🤤蕃茄叉燒麵：叉燒大大件！份量都好多⋯⋯蕃茄湯底非常濃郁～調味適中！而且麵質彈牙雪菜肉絲米：米粉軟硬適中～雪菜肉絲足料～而且湯底呈現奶白色～好味🤤呢排流感高峰期梗係要飲下啲可樂煲檸檬～保健保健啦⋯⋯真係唔係間間茶餐廳都有啲咁特色嘅飲品～值得一讚！總括來講如果要食早餐的話最好就早少少去～因為11點前點餐係會平啲㗎！而且人都少啲啦⋯⋯😍😍用$40有找嘅價錢已經可以食到一個咁優質嘅早餐～簡直無得輸

收工急住醫肚，就入左呢一間餐廳~有驚喜喎!先叫左一個鳳爪，唔太辣但好入味，而且份量都唔少喎!☺️☺️再叫左一杯紅豆冰 !嘩! 好耐無見過咁多紅豆的紅豆冰，份量十足，而且味道非常好味，好想打包多杯俾屋企人飲 😍😍😍再來一個沙嗲牛麵，麵身唔會太軟剛剛好好喜歡呢度的烘底多士，烤烘程度同牛油比例剛剛好，正! 可以推薦呀~~👍🏻同埋要讚一讚呢度的服務幾好喎，而且手腳又快，岩哂我呢啲收工想醫肚快啲番屋企的人☺️下次想試成個中式點心的套餐!

朋友想係新年前買鞋，所以決定去東涌個OUTLET行下，睇下會唔會尋到寶。係尋寶前就梗係要覓食先啦!! 由於唔想行太遠，所以只係商場附近搵食，但一望之下，先發現原來係東涌覓食唔易….😣一黎價錢唔平，二黎選擇唔多😫。最後揀左村入面既茶記。餐廳即使枱細細、每位食客都坐得好迫好貼、坐得唔舒服，但由於價錢比附近食肆更經濟同實惠，Keep住有人排隊光顧😏。同朋友兩個分別點左兩個常餐，再加一個西多士。同枱既食客點左蒸飯，邊食邊話好味，我雖然無試過，但望個樣都靚仔既。茄牛通配火腿炒蛋烘多士 $44通粉非常多，有一種食極都仲有既感覺😂。牛肉比得都唔算”姑寒”，都有5片，雖然無乜牛味，但絕對對得住呢個價錢。之所以會覺得呢度既常餐抵食，其中一個原因係配烘多士都唔洗加錢，仲要真係烘到兩面金黃!! 不過牛油搽得唔夠多，食落有少許乾身。常餐中最好味係呢個半熟加金黃色既炒蛋!! 蛋味濃郁，入口嫩滑。煉奶西多士 $17平時食糖醬西多多，第一次食煉奶西多，味道都唔錯，方包亦較為厚身，所以鬆軟感更特出😋。餐廳常餐分量足、價錢抵、質素都唔差，性價比高，絕對係東涌首選。

約左FD去行山，出發前一齊食個Lunch，補充體力先出發。東薈城得Ｄ購物名店，冇乜野食，行去另一邊有個富東商場，選擇吾多，不過見到呢家店爆場之餘，店外擠滿人。人多實冇死，打算都會有排等，呢到上菜勁快，Ｄ人食完就走，等左１５分鐘就有位。叫左兩份滋味常餐 $44，系A、B及C各選一樣，包飲品。呢頭點完野食，轉頭就有得食，座位比較迫夾，抬面擺吾到多野。【鮮茄牛肉通粉＋煎雙蛋＋即烘牛油多士】見到好多人叫茄牛通，應該系呢到招牌就叫左份黎試試。蕃茄肉融入哂落湯底，香甜濃郁蕃茄湯底好正，酸酸甜甜好開胃。陽蛋好完整，蛋黃顏色好靚，爆漿既感覺真系好正，而且邊位煎到好香脆。【沙嗲牛肉通粉＋餐肉炒蛋＋即烘牛油多士】沙嗲湯底吾系好濃，勝在通粉吾會煮到糊爛，食落有咬口，而已牛肉嫩清吾韌。炒蛋半溶既質感好奶滑；脆卜卜既多士搽滿咸香既牛油好邪惡。【鮮竹卷】$17煙煙韌韌既豆皮卷住豬絞肉、竹筍同黑木耳，加上獻汁，食落鮮甜入味，口感爽脆。【燒賣】$17豬肉餡食落扎實多汁，可惜燒賣蒸得比較耐，外皮有Ｄ軟散。

近年大陸遊客有增冇減，而佢地似乎特別喜歡茶餐廳，相信呢個係愈黎愈多冰室出現既原故。以前冇諗過食個早餐都要排隊，當然門口既一大堆人亦包括準備入大澳、去行山或露營等朋友。火腿/炒蛋/多士 - 都keep到同旺角分店一樣既水準。蕃茄叉燒通粉 - 上次冇留意細字，原來可以轉米粉/麵，如果有埋意粉就好lu。奶茶 - 偏稀身，茶葉味太突出，而且係個人唔太好既味，唔合格。雖然獲安排卡位，但坐既係木櫈，又迫迫地，坐得唔算舒服。

忙足五日不經不覺已經到左週六☺️雖然小肥是日依然都要開夜班🙇🏻‍♂️🐷😢但難得早起身有空餘時間😆喺屋企附近嘆返份常餐亦係賞心悅目既事☺️🍴位於東涌富東廣場既民華餐廳🍴雖然相信距離你地好遠🙉喺正小肥屋企附近🤪🐷🙇🏻‍♂️落樓下嘆下常餐再開工亦夠哂方便😆呢度簡約既環境裝修坐滿著假期黎嘆常餐點心既街坊座上客☺️但十二點度已經滿席又超多人排隊🙉🙇🏻‍♂️所以想黎食既朋友們要預啲時間黎等位啦🙊幫忙上餐既店員都好爽手的😆☺️💨滋味常餐常餐以A,B,C加餐飲作組合☺️份量都夠豐富的🤤叫左至愛既鮮茄叉燒通粉、餐肉炒蛋、厚多士🤤仲有醒腦醒神既凍咖啡🤤以濃郁鮮味既蕃茄湯底作配合叉燒通粉🍅🐷通粉有咬口啖啖濃郁茄香之餘🤤🍅完美脂肪比例既叉燒亦夠滑嫩Juicy🐷🤩焗到香脆既厚多士配合煎香既餐肉😋🍞以及配合牛奶炒香既奶滑炒蛋🤤🥚絕對係常餐既Perfect Match☺️🍴而奶味較重既凍咖啡☕️走左甜亦帶出郁咖啡香☺️為醒腦醒神的開工日做充電準備🔋🤣😢

今日約了朋友去大澳旅行，所以一早起身入了東涌，再坐巴士入大澳。去到東涌，大家決定先食早餐再入大澳。行行下見到有一間餐廳好多人排隊，就跟隊試一試佢。原來係民華餐廳，我好耐之前食過一次，但無咩印象。東涌站b出口一出就到了原來有幾多野食：野食黎了，叫左蕃茄牛肉麵餐建議叫炒蛋，因為朋友話煎蛋太生，本人吾太鍾意食生雞蛋........主菜黎了味道吾錯，可以飲埋啲湯，啲湯蕃茄味好濃，非常好味，但美中不足係啲牛肉，如果可以淋啲就好了，不過呢個價錢，咁既質素，都非常收貨。建議：如果吾鍾意食太硬既公仔麵，記得同侍應姐姐講聲，個麵要煮淋啲

自從港珠澳大橋通車後東涌多人很多內地團很多遊客都識得黎民華餐廳搵食今次點了薑絲牛肉通和滑蛋餐肉加茶走薑絲是茶餐廳比較少有的選擇冬天吃很適合滑蛋就一如既往的好食餐肉、茶走不過不失去東涌想食個簡單下午茶去民華係一個唔錯既選擇

東涌揾食今時不同往日，食快餐排隊輪候時間都要半粒鐘以上。食肆老板笑哈哈，食客就苦笑了。行完山剛好下午茶時間，走到富東廣場逛逛，見民華餐廳只有數人輪候，相對早上的人流少了，碰碰運氣，好彩好快有位。環境比較迫，始終是平民化茶餐室，但員工服務態度尚算有禮。點了西多士，夠香好惹味，內𥚃軟熟，原來中間位置是沒有餡料的。檸蜜不用加錢，太好了。味道適中不會太甜膩。

今日假期去朋友相約到東涌行山，當然要食個早餐先啦餐肉太陽蛋配厚多士，餐肉煎得有脆邊很香口，厚多士還佈滿牛油羌絲牛肉通粉，羌絲味很香加少少胡椒粉更惹味凍咖啡上還有即溶的咖啡粉飲起來很香濃座位雖然有少少迫，但勝在好食，所以都值得

They have sets where you choose A - macaroni and meat type, B - type of eggs and sausage(ham), C - bread type and drink. We ordered beef in tomato soup macaroni, scrambled egg and sausage, toast and hot milk tea. It was delicious, fast and well priced. Worth trying 👍

每次去東涌，都會去民華餐廳食野，因為個度個常餐鮮茄牛肉米同埋個d多士都好好食。所以今日去完購物，都係去返民華食野，諗住星期一應該唔會好多人，但唔知係咪落雨關係，今次好多人，要排隊等位。等左大約十分鐘就有位，但點知點好餐等野食既時候，係收銀個阿姐突然行出黎係我隔離好大聲咁鬧人，講哂粗口咁，嚇左我一大跳。都唔知究竟發生咩事，我見其他員工都好忙，個個都各自各做緊野，得佢一個係到指東指西，又大聲又冇禮貌。其實我每次黎都覺得呢度d員工個個都好好，好有禮貌。但今次比呢位收銀姐姐嚇一嚇，印象即刻大打折扣。同埋我見幫我落單既姐姐係有名牌，但呢個收銀姐姐就冇，唔通佢係經理！今次d多士同埋個米粉都好好食，美中不足既係杯熱奶茶，太淡茶味唔夠。到埋單時仲見到個收銀姐姐好似指揮交通咁安排坐位比其他客人，（你兩個係度，你三個去個度，惡形惡相咁），真係令我印象深刻！好在我等位既時候唔係呢位收銀姐姐帶位，佢d咁既態度，我肯定走為上著。希望呢位收銀姐姐可以自我檢討下喇！！！