殷悅

營業中

休息中

已經有一段時間冇嚟過呢度飲茶，佢哋一直都標榜係米芝蓮推介嘅餐廳，有D期望點心水平有所提升。芝士三文魚撻芝士味唔夠重，酥餅唔夠鬆脆，剛剛合格。紅菜頭海鮮餃賣相幾好，實際係紅菜頭蝦餃，味道亦唔錯。杞子玉帶燒賣的帶子都幾大隻，燒賣肉結實及又多種不同肉混合，有層次！鎮江肴肉的肉太實而皮亦唔夠淋，都係剛剛合格。元氣芝麻煎堆仔炸得好好，皮脆但唔太韌。棉花雞水準中上。淮山炒肉碎普普通通。海鮮天使麵做法及味道感覺有啲唔中唔西，最好唔好係餐牌有呢一類奇怪嘅西式食品。台式擔擔麵年底煙韌，湯底嘢味，唔識得辣的唔好叫。整體只有兩三個點心有水準，其他都係普普通通，價錢來講有啲偏貴，所以都明白點解未達到米芝蓮星級嘅水平。

百行以孝為先，為了人生好過點，阿媽又好喜歡飲茶，今次就帶阿媽去熊貓酒店，飲餐靚茶，講真都唔係話好貴，貴啲啲囉。大家睇開我嘅文章，都知道我哋熟男心理學，邊個情況捨得洗邊個情況唔捨得洗，大家都知知地，對阿媽我OK啊OK嫁。佢嗰啲點心真係幾精緻，燒賣隻蝦就喺上邊，食個餃上都有黑松露，腐皮卷形狀到「了能」過人，我唔知道係點，總之做咗呢啲嘢，阿媽會開心左，就係咁簡單！唔好問我幾多錢唔記得咗，但唔係好貴，其實比一般酒樓好少少嘅都係差唔多價錢！冇香港島的酒店中菜價咁恐怖😱。值得推介

今日，同客人去悅來中菜廳飲早茶，點左一枱點心🤤 大概等左10分鐘左右，點心就碌續上菜，果度點心有樣好，就算唔食得、都睇得，每件點心都做得好精緻，讚👍🏻我最中意就係素餃，再問佢拎啲xo醬夾埋一齊食，真係好惹味👍🏻 燒賣亦都好大份，仲好大體，上面有半隻帶子（中間開半），但係就無乜鮮味牛肉球亦比坊間嘅彈牙、更香牛肉味

昨天我約了家人第一次來到這間位於熊貓酒店頂樓的殷悅酒樓吃午餐，這裡的點心味道不錯，但價錢是頗貴的。以下是其中幾個我們點了的點心:金豬紫薯包：賣相可愛，味道也不錯小梨子：這個賣相很漂亮，也很美味。像是在吃一個綠色的咸水角。素鵝：這個味道也不錯，外皮有一點脆脆的。混醬腸粉：賣相頗美，味道沒什麼特別，跟街外的腸粉差不多。整體感覺, 服務, 味道等都也不錯，而且寫明他們的食物是完全不用味精的，感覺健康，只是價錢略貴。

星期六11:45到 要等30~45分鐘係咁放其他客入座(都係walkin客)追問下 苦等到45分鐘都可入座題外話:知客話定枱飲🍵要2日前就算定咗位嚟到冇枱都係要等㗎係咪真㗎 咁定位都咩侍應多 唔算殷勤 冇收碟沖水要等餐牌加咗價 茶位$19 餐前小食$19另收$5做慈善 當然係可以拒絕嘅餐前小食 清爽必點 煎釀三寶 $62 6件 虾膠彈口 爽 …… 淮山棉花雞 $51 棉花(魚肚) 肥膩 腥 雞件用咗雞翼槌 肉霉鮑魚菇鵝掌 $68 1只鵝掌開2 中size 鵝掌未夠腍買相一般唔吸引鮮茄双菇班片米線 $198班片份量足 6大片 肉爽鮮湯底過濃 米線硬 頸渴商場泊車優惠 $200 2小時酒店泊車 $400 2小時

打電話訂11點，12位。小姐話10點開門一定有位，打電話只不過係到時可優先入座，去到再等，唔肯定幾點有枱。就係因為咁多人所以怕無位先訂位，就係想確定有位唔使等嘛。其實佢明唔明訂位的意義。

每年的好友聚餐以及同屋企人慶祝嘅團年飯，都會選擇殷悦。除咗唔使响大時大節要好似出面D酒樓趕頭趕命咁食埋晒D唔係好食嘅套餐嘢之外，最緊要係每次黎食嘅嘢同埋服務都能夠保持超好嘅水準……呢樣係極之值得讚賞嘅地方！食物方面，今年試咗個八寶鴨……真係停唔到手。個嚮螺燉湯好濃好好味。咕嚕肉就唔係講一定會點…………响酒店食到咁高水準菜色，但價錢只係中等，無得輸!唯一就係如果坐車去就無咁就腳，但我哋成班人揸車去就非常方便。

每逢時節都會預訂荃灣熊貓酒店內的中菜廳，吃了這麽多年，今天拍大合照時才知名叫"殷悅"，平日這間中菜廳的點心價有點貴，但味道實在不錯，而且裝修高尚雅緻。今日早鳥團年飯點了"三星拱照套餐"……指定團年飯的佳餚菜式，沒太大變化，一如既往所有食物都能保持水準，出菜時間也很快，蒸魚又大又滑夠鮮味，值得 一讚飯後甜品，迷你酥皮冬蓉餅，皮薄鬆化 冬蓉清甜可惜年尾太繁忙，人手有點不足，服務員工態度沒以往殷勤，希望年初二(開年)再來時有所改善 我有利是派㗎。

喺荃灣呢啲舊區，想搵間高級啲嘅酒樓飲餐茶，只有兩間酒店可以選擇。今次試吓熊貓酒店嘅「殷悅」，雖然係米之蓮咁又點啫 (冇星㗎，只係推介咋)，但見佢嘅食評都係好壞參半，不過，都係抱住試吓嘅心態，希望同舊朋友一聚可以食好少少，坐得舒服啲傾吓計。早幾日已經訂咗位12點，訂位時已經被告知到時都要稍等一陣先可以攞位，結果等咗20分鐘，1220才安排入座。等候區有梳化，梳化都算幾舒服，側邊有落地大玻璃都幾開陽，但舊區景冇乜睇頭，但睇吓啲landscape 其實又有另一種韻味 (安慰下自己)。睇食評一路都話啲點心好貴好貴，坐低即刻睇點心紙，有哂價錢好清楚，明碼實價。其實價錢當然係貴啲，但都可以接受嘅。因為自己本身喺中上環返工，普通酒樓都唔平，啲價錢一早已經習慣晒，呢度話晒掛名都係酒店中餐廳，唔通收你普通商場酒樓價錢咩？不過，乜都係假，最緊要都係睇返啲點心好唔好食，同埋服務如何。基本上，嚟之前都有做下功課，啲人話好食嘅點心都會叫嚟試吓！「芝士三文魚撻」喺其他酒樓未見過，好好味，三文魚同芝士好夾，非常足料！但賣相就真係麻麻地，我建議佢應該好似做到芝士撻面咁樣就Perfect啦！「杞子玉帶燒賣」都係非常足料

今日專程揸車同媽媽去了大窩口悅來酒店頂樓的”殷悅”飲茶。這間餐廳在2015年獲譽為米之蓮推介粵菜餐廳 (Michelin Guide Recommended Chinese Restaurant since 2015)，當中有很多特色精緻的食物被受大眾推介，叫了杞子玉帶燒賣、蒜心蝦春卷👍🏼、牛肉、可愛的奶皇包、百花釀金錢、露筍鮮蝦餃和皇牌叉燒👎🏼。當中的春卷能夠保持一貫高水準，絕對很少地方能夠吃到。可惜的是，他的皇牌叉燒的味道簡直令人大失所望，一點也不美味，叉燒來到餐桌時是冰冷的，跟上次食的肉嫩多汁有很大差別，難道是因為職員3:15pm趕下場的原因嗎？。我總共叫了三次，他的職員才能成功落單。真不明白為什麼職員可以連續兩次也忘了下單，他們的服務真是有待改善。整體而言，食物質素一般，來一次便足夠了。最後，我留了一張意見卡給經理，希望他們會有改善吧！

同上司食lunch，唔好意思好似港女咁乜都影，所以好多都係偷偷地影就算，原諒今次啲相同平時唔一樣。😓「殷悅」係熊貓商場30樓，係酒店裡面既貴價茶樓，除左上司請飲茶，基本上冇可能會黎食。🙃－呢到既茶壺好特別，好易拎，亦唔會辣到手。想加水，只要拎起蓋，放係罅隙既位置就可以。（同事話我好醒，知道條罅隙有咩用✌）－好多野食都同出面既差不多，大概睇相都知道。－有某幾款係特別而且唔錯既。🤔1️⃣蘿蔔酥餅好鬆化，蘿蔔絲好足料。2️⃣三文魚撻，出面食唔到，好好味。－原本以為呢個係粉果，原來係菜苗餃既物體。😱如果鐘意食蝦既就會覺得好食，裡面真係好多蝦，大大隻，爽口既。可惜藍妹真係唔鐘意食蝦，所以食到苦瓜乾咁。😓－成餐最好食既竟然係甜品芒果布甸味道同平時既冇乜分別，唔係好甜龍眼杞子奶凍藍妹真係超鐘意食奶凍，呢個奶味重，雖然實左啲，但都做到滑溜既口感。👍－整體其實同普通茶樓冇乜分別，甜品相當唔錯，可惜依然改變唔到啲野好貴既事實。😅

殷勤服務，擺碟精美，味道欠奉酒樓在酒店的30樓，有電梯直達，去到接待處，只是提供了性氏，接待員都沒有看記錄 ，已經知道系邊枱，有無人來左，算是厲害，有可能因為我們是我們最後一枱到吧。仲未過來之前，問過套餐最低要7000以上，看了餐牌，再睇返openrice，原來不同時間的套餐和價錢都不同。昨晚13人去慶祝啊媽生日，叫了一個10人餐(HKD3100)加一隻香妃雞。可能因為太開心，沒有拍太多照，但好簡單的綜合下面幾點1。套餐除了魚是固定，其他有10幾個菜，可以選6種，算是不錯2。 招呼肯定比酒樓好，可能因為人手足夠。3。 地方寬敞4。 餐具清潔5。所有菜都非常大碟，拌碟也很好但所有菜，不管是古老肉，香妃雞，蝦球，魚。。 都是1。超級少調味，比家裡還要清淡，古老肉不酸，燒鵝沒有味，湯好像是清水。。。。2。 可能和其他大酒店一樣，距離廚房太遠，所有菜都不夠普通酒樓熱。3。 所有菜都沒有鮮味。4。 肉類加工不好，雞肉好"林,"蝦肉不爽，燒鵝皮不脆，唯一比較好的是叉燒，肉質和味道都好好。

希望貴餐廳會有人睇 ... 真心為你好食物質素冇意見 價錢比出面貴我入門口前已經接受不過如果你要用米芝蓮li個名 .. 1. 杯唔好爛 爛到個杯喺裂痕流d茶出黎2. 食物入面有頭髮 .. 10+cm長3. 坐到入去連點心紙都冇比 唔問就剩坐4. 叫人冇反應 ... 人好多咁喺到企埋一齊5個點心+1個粉麵都接近$600 價錢有1定程度都比返1定程度嘅服務質素茶杯爛度出面都見到裂痕都仲用 .. 咁會唔會太過份 .. 食到大半先見到頭髮我都已經冇說話可以講因為中間我揾經理都揾左3次 我已經唔想再揾 .. 好希望你地有機會睇到會改進下 ..

今日晏晝同同事一齊去飲茶，有同事提議去熊貓酒店上面嘅殷悅飲茶，我第一次黎依度飲茶，裝修環境好優雅而且寧靜，觀景亦都好開揚，不失為一個放鬆嘅好地方。點心好精緻，燒賣爽口彈牙，而且個賣相好吸引，一放上枱已經急不及待放入口啦。佢既點心全部都係即叫即蒸，上到嚟都係熱辣辣嘅，叉燒包好鬆軟，而且唔會太甜。棉花雞好入味，而且材料都好豐富有冬菇同唔少嘅魚肚。蝦餃絕對稱得上係皮薄飴靚蝦肉爽口彈牙又鮮甜。層皮煙煙銀銀又唔厚身，做出來的蝦餃晶瑩剔透蝦腸十分之軟滑，每一隻蝦都十分之爽口彈牙，又大隻，而且佢層皮唔會好似棉胎甘厚煎釀三寶新鮮炸起，但一啲都唔油膩，肉滑好爽口。雖然呢間酒樓比一般嘅酒樓係貴咗啲但絕對物超所值，服務員嘅態度好親切，環境又舒適，而且最緊要食物嘅水準真係出乎我意料之外

朋友推介這家餐廳，便相約一行三人一起去吃。位置在酒店30樓，餐廳兩邊是落地玻璃窗，居高臨下，看到不一樣的荃灣景色，單單是這市區景色已很好。點菜，朋友是常客，由她發板。 烏金麒麟乳豬，真的要給這菜色十個讚，皮脆肉薄，燒得剛剛好，又不太油膩，不愧是車胎人星級美食，必吃之選。燒腩仔一樣皮脆肉嫩，皮不及乳豬的薄，但不硬；肉也不硬，脂肪比例相比其他餐廳為少，也好吃。這個芒果粒蝦仁配上魚子醬，酸酸甜甜的，底部再來一片蜜瓜，夏天吃開胃。如果能夠醬汁可以再酸多一點更合個人口味。人蔘烏龍茶，茶味甘香，而且茶葉充足，泡了多次仍然很濃。另外還有一個離菌黑松露羹也好，清淡。羹的份量不少，足夠六個人每人一碗，如果只兩三個人就多了一點。甜品來了一客湯圓，不太甜，湯很清，三個人兩碗剛剛好。可能客人不算多，加上朋友是熟客，招呼很周到。適合三五知己輕鬆安靜地聊天，食物、環境都享受。真心推介。