殷悅

之前見到有評論話上菜好慢，去之前有點擔心。一去到即刻盡快入單，驚會等好耐。結果......係好快就上菜喎。 等了約8分鐘， 就已經陸續開始上菜。 到下午2：20，已經全部上曬。 我第一輪已經點到近乎食唔曬， 第二輪只係encore咗個黃金魚皮，真係已經飽到反肚咁啦。侍應眼見唔算多， 但手腳很勤快。不停咁出order同收碟。亦都有禮貌， 唔會好困難搵人加水或者入order。食物味道正常水平。黃金魚皮好好食， 好香鹹蛋黃味，又好鬆脆。煎釀三寶大到好誇張。 蝦餃，燒賣都king size。覺得可以兩個人share一粒😅。 所以最後覺得有點失預算，叫多了， 為免浪費食物， 要加倍努力食曬佢😅😅😅。藍梅叉燒酥幾好食， 啲西式蛋糕仔同蛋撻仔都唔錯。 個熊貓奶黃包一般般。奶黃餡係唔錯嘅 ，但個包塊皮就好硬，要搣咗佢。咖哩豬皮魷魚就適合大人細路食，因為只有咖哩香而不辣。炸魷魚鬚就普通， 個脆漿又唔係話太厚太硬嘅，但就冇乜味。碗蠔仔泡飯就得好少蠔仔☹️。雖然一人份，細細碗，但得三粒蠔仔🙄。西式甜品corner都好唔錯喎。豆腐花同各款甜品都會不停咁refill，呢個值得讚。最怕buffet啲嘢食refill得慢，咁就但於無。整體而言，算係一個性價比高嘅點心buffet。…查看更多

由落點心單到上食物, 差唔多要45分鐘才到齊（第一輪）慢.. 慢…非常慢, 食物普通, 除蝦蛟有驚喜外, 點心上得太慢.. 太慢…我們一家人非常無奈, 最終於15:40離開（14:00入埸), 離開時(第二輪)落單點心也沒有到齊, 以後不會再去。…查看更多

今日試咗酒店lobby poster上面$150嘅午餐，真係豐富又抵食！點心方面，蝦餃大粒彈牙，蝦味濃郁；燒賣上面嘅帶子同內裡嘅蝦肉鮮味十足，份量又大，食完覺得好滿足；春卷外脆內香，冇油膩感；蘿蔔糕配香煎西班牙火腿，味道新鮮特別。碗雲吞麵份量十足，外觀較市面上精緻，味道都唔錯，仲有碗湯都好足料。甜品方面，奶皇熊貓包奶皇好流沙，好香又可愛，真係一流；熊貓芝麻卷香濃芝麻味，唔會太甜，軟糯好好味。整體係一個值得再嚟嘅午餐選擇！…查看更多

一行四人聚會，朋友推薦此酒樓，好過去美x。天氣炎熱，1pm入座後已覺冷氣不足！要撥扇！我們點了10個項目，午市驚喜優惠：脆皮燒腩仔，沒有了！滷水豬仔腳，也是沒有。我是不吃豬肉人士，咬咗一口潮式煎蠔餅，為何內裡有多粒豬肉，即時反吐！天鵝芋角酥，上到枱個天鵝頭已倒塌，要執番正才能相機食先！十勝紅豆抹茶熊貓奶凍，又是上到枱個熊貓頭跌咗，沾咗紅豆！又要撈返起，但熊貓頭已很醜樣！點打卡呀！沒有研究餐牌，那個殷悅六福拼盤，以為黑色包多是甜或核桃或流沙，但原來是和牛！我們全部人都不吃牛！善哉善哉！那個熊貓頭包，似狗多啲！我們是超級熊貓粉絲，但以上體驗，真是價錢與食物不對等！粵式酒樓話說在香港步入寒冬期！我們已很踴躍留港消費，但是結果令人失望！…查看更多

以前住尼頭成日同屋企人黎飲茶，難得得閒又過黎嘆杯茶 咁岩有個新推出ge六小福拼盤，一於試下佢，果然唔錯！ d點心都係咁正，無失水準個熊貓包幾得意 岩晒d小朋友 食飽肚坐係度飲杯人參烏龍茶 睇下靚景 好悠閒~…查看更多

點心美味點心之旅在荃灣，點心如同一抹清新的晨曦，帶來無限的幸福感。 好可惜，有時去到點心專門店、老牌酒樓 、味道都係好行貨。今次，我將品嚐三款令人垂涎的經典佳品：杞子肉大燒賣、蝦餃及雞粒菠蘿包。杞子肉大燒賣杞子肉大燒賣外觀金黃誘人，宛如小巧玲瓏的藝術品。每一口咬下去，肉餡的鮮嫩與杞子的甘甜相互交融，帶來豐富的口感層次。那肉質的彈性與杞子的微妙香氣，讓人忍不住一口接一口，回味無窮。：蝦餃接下來是蝦餃，這款點心無疑是我海鮮愛好者的夢想。薄薄的餃皮如同晨露般輕盈，每一隻蝦餃內藏著三隻新鮮的蝦仁，肉質鮮甜，彈牙可口。當它在口中融化時，海的氣息瞬間蔓延，宛如置身於海岸邊，感受著海浪的呢喃，令味蕾瞬間覺醒。雞粒菠蘿包：最後，雞粒菠蘿包則是點心中的甜蜜精華。鬆軟的包體上，烤至金黃的菠蘿皮仿佛在呼喚著你的味覺。輕輕撕開，內裡的雞粒鮮嫩多汁，與微甜的菠蘿香氣交織，瞬間化解了疲憊，帶來心靈的慰藉。每一口都是幸福的滋味，令人陶醉。這三款點心，如同三位優雅的舞者與共舞，在味蕾的舞台上翩翩。無論是杞子肉大燒賣的香嫩、蝦餃的鮮美，還是雞粒菠蘿包的甜蜜，都讓人深深著迷。每一口，都是對生活的讚美，讓人不禁忍不住再來一份！不過，今日嘅荷葉飯就覺得普普通通， 味道唔係差，但係就冇乜特別驚喜。因為近端午節叫咗隻 鹹肉粽 食， 就真係 fantastic 好好味冇得彈。…查看更多

由於這裏環境較清靜，亦不想再其他酒樓太擠迫，故此找來這家，叫了一個四人餐，HKD 2588 加茶錢，調整再加10%. 由於有兩位老人家，故此不想叫六人餐，選擇四人餐。四人餐食物款式少，一個乳豬,义燒，海節小拼盤每人一件，以為有龍蝦食及金湯燕窩湯，點知金湯海鮮燕窩淡到不得了，燕窩食唔出，龍蝦四個人每個人都分唔到兩舊龍蝦肉，味道又淡，肉質完全不彈牙，好細碟😭😭😭. 清湯龍躉還可以，但龍躉這種魚絕對不值高價。跟住半隻燒雞唔係大，四人啱啱好，最後就係嗰糖水。成餐就係咁多嘢，這個四人餐真係比四位纖瘦女生食還算啱啱好，份量少，成個餐很少款式，味道完全平平無奇，絕對唔係酒店級數，我本身對食物包容度都算高，但呢餐咁嘅價錢，絕對一定要提出嚟提醒各位。…查看更多

這間店已幫襯很多次 出品水準下跌 招呼失準 價錢吾平 可惜不是對等 投訴沒有反應 無論在現場或官網 視而不見 避得就避 印什麼意見表 簡直浪費資料 污染環境 年三十食一餐成萬元的團年餐 都不及我初一 到一平民集團食餐二千多元 食得開心 可能佢哋老闆有蝕不完的金錢🤣🤣🤣常話香港飲食生意難做 有得做時 大家有沒有珍惜 在同一酒店 新開一間中式酒樓 人們訂位爆滿 全院滿座 這間就零零碎碎 自己有沒有反醒隨左環境好 我選擇訂位外 沒有其他可取 明年一定不會再訂…查看更多

有朋友話呢度的中菜好食，生日飯一於試吓。5個人叫左葱爆羊肉配薄餅，羊肉同薄餅都好好食！仲食左個好似糖醋排骨咁嘅都好好食，個石鍋飯同炸蠔就一搬。難得枱與枱距離好闊，坐得好舒服，服務亦好好。車可以泊在大廈的停車場，俾咗兩個鐘免費。下次想再黎飲茶食點心。…查看更多

同屋企人特登過黎荃灣飲茶，黎得熊貓酒店緊係食返件熊貓包! 奶黃包整成熊貓樣，真係好得意，切開後流心十足! 仲有落地玻璃窗view睇，美不勝收~d燒賣都一流，個頭很大，真係好似樓下食評講既一樣 一粒燒賣等同人地兩粒 真係掂!!另外，椰皇金沙燉鮮奶既椰香味都好濃、好好味。野食正 service都ok，值得提係佢地個人參烏龍茶都好好飲! 好岩同屋企人黎飲茶 又坐得舒服…查看更多

啱啱過去星期日，同屋企人去悦來酒店30樓殷悦飲茶，發現呢度有幾多特別嘅點心。好似蝦餃咁，大大粒，料又足，係我食過最高質嘅蝦餃。仲有瑤柱菠菜龍蝦餃，食落好鮮甜，啲龍蝦配埋菠菜好正。藍莓叉燒酥都唔錯，有少少酸酸甜甜，幾開胃。最特別就係呢件蘿蔔糕，中間有西班牙火腿，煎得鬆脆可口，好惹味下。…查看更多

飲茶🫖係我其中一個幾鍾意嘅活動🤣今次去悅來酒店殷悅中菜廳，原來佢2015至2018年攞咗「米芝蓮推介餐廳」，岩晒同屋企人/ 朋友去，品質相當唔錯😎店員態度好好加分🪄 熊貓黑白芝麻卷成間餐廳嘅signature之一，設計好有心思，賣相好可愛，用上黑白芝麻卷扮作熊貓竹葉，入口軟糯唔太甜🪄流心奶皇熊貓包推薦必點，成個包係大熊貓🐼嘅外型，重點係入面好熱好流心，流心奶黃入口唔算膩，麵包亦好鬆軟🪄杞子玉帶燒賣 燒賣飲茶必食點心！燒賣好大粒，入面充滿鮮蝦，上面仲有帶子感覺豪華咗，賣相一流，差不多一粒等於人哋細細兩粒🪄 露筍鮮蝦餃蝦餃同樣都好大粒，入面有兩三隻蝦好彈牙，餡料仲有露筍食落爽脆，真係皮薄餡靚推介🪄家鄉韭菜粿賣相幾得意，韭菜好香口炒過香口爽脆，外皮都好煙靭🪄黑椒牛肉包佢個外表黑色好精緻，皮薄餡靚，外層好似雪山包甜甜鬆軟 ，個餡係黑椒牛肉好香，有少少似台灣嘅胡椒餅味❤️🪄翡翠帶子腸粉/ 牛肉腸粉第一次食帶子同腸粉呢個組合，好夾好好食，帶子鮮甜腸粉夠滑😎另一款牛肉都好新鮮🪄 薑蔥鮑螺絲撈麵真係好多鮑螺絲，配上傳統鹼水麵🍜我最鍾意加埋浙醋一齊食😋🚩殷悅 (荃灣)荃灣荃華街3號悅來酒店30樓#addifoodie #addifoodie荃灣#foodie #hongkongfood #香港美食 #吃喝好去處 #週末好去處 #goodfood #周圍食 #情侶美食 #HKcouple #foodiecouple #美食 #香港美食 #香港餐廳推介 #香港好去處 #香港餐廳 #香港餐廳指南 #荃灣香港打卡 #慶生 #紀念日 #打卡 #荃灣美食 #香港打卡好去處 #hkfoodie #香港探店 #中菜廳 #悅來酒店 #中菜廳殷悅 #熊貓酒店 …查看更多

滿心歡喜叫芋頭酥但原來入面有韭菜不過Menu好似冇寫🤔荷葉飯好食 香荷葉味 其他點心都一般蘿蔔糕都煎得唔好食腸粉皮厚 叉燒腸勁少叉燒奶皇包有熊貓公仔幾得意 盡顯Panda特色環境唔算嘈吵，坐得唔會太迫…查看更多

黃豆生日🎂去左悅來酒店🏨慶生🎉 我地揀左30/F 既殷悅中菜廳飲茶🫖作結2日1夜既旅程😌紫菜蟹柳卷好似壽司🍣既外型😜用紫菜包住蟹柳肉 肉質彈牙🤓 上面加左蟹子增加口感😎家鄉韭菜粿平時唔食韭菜粿既豆爸都大讚好食👍🏻 韭菜粿餡料豐富濕潤 韭菜鮮蝦炒過香口爽脆🤩天鵝芋角酥✨必點✨打卡一流 天鵝🦢外型 餡料係香滑芋頭蓉 外面有一層薄薄炸粉定形 外脆內軟😍👍🏻墨西哥雞包✨必點✨唔好睇佢外表平平 😌原來禾稈冚珍珠 皮薄餡靚 外層甜甜鬆軟 個餡係白汁雞肉 好香好滑🤤黃豆食左一啖已經話要encore 🤭流心奶皇熊貓包✨必點✨吸睛既大熱熊貓🐼 重點係入面。。。超流心🤤🤤真係食10個都得 流心奶黃一啲都唔肥膩 而且熊仔包好鬆軟😍翡翠帶子腸粉第一次食帶子腸粉😅原來好夾好好食 最緊要帶子鮮甜 同腸粉夠滑😌😌熊仔楊枝甘露🛎️🛎️🛎️必點🛎️🛎️🛎️✨✨必食✨✨呢個無得輸 無論個樣定味道👅都滿分💯🐻🐻用芒果汁整成 加上楊枝甘露材料 自己加花奶😍就好似幫🐻🐻沖涼咁💕💕 等🐻🐻溶 就會有好濃既芒果汁👍🏻👍🏻我地3個爭食😂😂 下次要一人一個 唔該✌🏻…查看更多

一直都想帶屋企人去間質素高D嘅酒樓飲茶，見依間食評都ok就去試吓~果然好正!全層都係有落地玻璃窗，睇到荃灣靚景~食物方面有驚喜! 屋企人好嘴刁都話啲點心好好食~紫菜蟹柳卷外軟內脆口感好特別，潮洲粉果入面d料好足~仲有好多得意造型嘅點心同甜品！個流心奶黃包整成熊貓樣好趣緻~椰皇金沙燉鮮奶上面竟然有隻熊貓仔，都勁有心思~椰香奶濃入口順滑，細佬妹都勁鍾意食! 仲有個浴缸熊仔楊枝甘露，將D牛奶倒落隻熊仔度幫佢沖涼咁，好味又得意! 總括嚟講依度食品質素高、服務好、坐得又舒服，同埋個人參烏龍茶好正!之後都會帶屋企人再嚟！…查看更多