殷悅

營業中

休息中

已經有一段時間冇嚟過呢度飲茶，佢哋一直都標榜係米芝蓮推介嘅餐廳，有D期望點心水平有所提升。芝士三文魚撻芝士味唔夠重，酥餅唔夠鬆脆，剛剛合格。紅菜頭海鮮餃賣相幾好，實際係紅菜頭蝦餃，味道亦唔錯。杞子玉帶燒賣的帶子都幾大隻，燒賣肉結實及又多種不同肉混合，有層次！鎮江肴肉的肉太實而皮亦唔夠淋，都係剛剛合格。元氣芝麻煎堆仔炸得好好，皮脆但唔太韌。棉花雞水準中上。淮山炒肉碎普普通通。海鮮天使麵做法及味道感覺有啲唔中唔西，最好唔好係餐牌有呢一類奇怪嘅西式食品。台式擔擔麵年底煙韌，湯底嘢味，唔識得辣的唔好叫。整體只有兩三個點心有水準，其他都係普普通通，價錢來講有啲偏貴，所以都明白點解未達到米芝蓮星級嘅水平。