130
20
16
影片
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
食家推介
相關文章
好耐無食台灣牛肉麵，就去咗旺角Moko 食台灣過江龍餐廳段純貞。餐廳環境以木系為主，懷舊有風味。蒜醬青菜油麥菜估唔到份量咁多，油麥菜夠新鮮。蒜味夠香濃，油麥菜吸收晒蒜味很好吃。滷味豬大腸滷味豬大腸真係滷得超入味，咬下去口感軟Q，帶點微微嚼勁，完全沒有腥味。汁超濃帶點中藥香，越嚼越香！配辣椒醬更涮嘴，愛吃大腸的必點。鹽酥雞 外皮金黃酥脆到犯規，咬下去沙沙聲，超療癒。肉汁整個鎖在裡面，雞肉超嫩口。蒜味超香，胡椒粉撒得剛剛好，越吃越涮嘴。份量也很足。招牌紅燒腱心牛肉麵牛腱心炆到淋滑入味，一啖咬落去仲有少少筋膜嘅口感，正到爆！湯底濃得嚟唔會死鹹，仲有超濃藥材香，飲完唔會口渴。手工麵粗身超Q彈，似刀削麵，仲要跟足傳統配酸菜同蔥花，成碗食晒連湯都飲埋！食過返尋味。台式肉燥飯真係邪惡到爆！肥瘦勻稱嘅肉燥滷到好入味，撈飯食鹹香得嚟帶啲甜，仲有香菇粒增加口感。最正係啲汁浸住每粒飯，加埋隻半熟溫泉蛋撈勻，一啖接一啖停唔到口！宇治金時沙冰好少台式餐廳有得叫沙冰飲。熱到爆嘅夏天當然要來杯宇治金時沙冰。超濃宇治抹茶味，沙冰凍得來唔會令牙軟同麻，夏日必點。草莓歐蕾沙冰超濃草莓味，仲有士多啤梨嘅果肉，飲落酸酸甜甜好開胃。
繼續閱讀
台灣牛肉麵過江龍段純貞好耐之前已經bookmark去到今時今日先有機會試主打牛肉麵梗係要整番碗紅燒牛腱心牛肉有1cm厚厚切但煮得好腍好易咬開筋位已經變成啫喱狀膠質好入味！幼麵亦都好掛湯湯頭濃郁，惹味唔油膩！另一碗就叫左濃湯燉雞麵湯頭香濃，勁鮮甜好飲🤣雞件用左雞髀所以好嫩滑跟住就一人叫咗一個小食麻辣鴨血冬粉同藥膳雞翼鴨血超級入味又唔會好辣但保留到鴨血水嫩嘅口感冬粉雖然浸住但又冇糊到個人覺得鴨血愛好者必食藥膳雞翼上枱好香藥材味碗內見到有當歸杞子薑片一睇就知係對女士有善😂三隻雞半翼好嫩保有肉汁好鍾意飲佢個藥膳湯好正咁多肉都要叫碟菜平衡番蒜醬油麥菜睇佢咁鮮綠色仲以為會無乜味點知估錯由面食到底嗰條都有蒜味最後唔少得叫杯台式飲料友人揀宇治金時抹茶鮮奶我揀左草莓歐蕾沙冰 🍓因為少甜關係唔會甜到漏咁熱天時飲真係暑氣全消—————————————————————🔸 招牌紅燒牛腱心牛肉麵 $86🔸 濃湯燉雞麵 $88🔸 麻辣鴨血冬粉 $88🔸 藥膳雞翼 $48🔸 蒜醬青菜 $48🔸 宇治金時抹茶鮮奶 $42🔸 草莓歐蕾沙冰 $45
繼續閱讀
好味台灣菜🤩平日去都人氣滿滿就知有幾好食😋而且店員服務周到，一定要推介ღ 鹽酥雞｜滷味豬大腸鹽酥雞外皮炸到金黃酥脆，內裡雞肉鮮嫩多汁豬大腸外皮彈牙帶嚼勁，內部肥嫩軟Q，每一口都係滷汁鹹香甘甜，完全唔膩口ღ 招牌紅燒腱心牛肉麵牛腱肉軟嫩有咬口，油花分布靚，湯底濃郁鮮香，麵條索滿牛肉湯汁，微辣好惹味ღ 濃湯燉雞麵雞湯底香濃細膩，雞肉好嫩好滑，麵條同樣索滿湯汁，食落暖胃滋潤ღ蒜醬青菜西生菜新鮮生菜爽脆多汁，清新開胃🤤ღ鳳梨檸檬沙冰沙冰冰涼爽滑，香甜嘅鳳梨配搭檸檬嘅微酸，好清新，消暑一流ღ夏日水果茶入口酸甜清爽又解渴，非常適合夏天飲
繼續閱讀
今日去旺角行街肚餓去到moko 搵好嘢食, 好耐冇食過台灣嘢經過段純真牛肉麵, 決定入去試下。招牌紅燒腱心牛肉麵：紅燒湯底用多種藥材淆製， 足料濃郁帶點辛辣，牛腱心肉質腍滑膠質黏糯， 麵質烹煮時間掌握得剛好唔會太淋， 回味無窮。濃湯燉雞麵：雞髀肉質嫩滑， 雞湯鮮味濃郁， 手工麵麵質順滑 有質感， 每啖麵都吸收雞湯精華， 口感豐富。蒜醬青菜：青菜可以選擇生菜或油麥菜， 蔬菜鮮嫩，蒜味香濃。蒜粒古早台灣腸 ：香腸微焦香，肉質鮮美，加上蒜片增添了層次感。藥膳雞翼：每碗有三隻雞翼 ，湯底有杞子紅棗等好香藥膳味， 肉質嫩滑， 雞翼吸收咗湯底嘅精華更加美味。
繼續閱讀
今日去MOKO行街, 突然好想食台灣菜, 見到呢間餐廳係台灣過江龍好吸引! 就試吓呢間啦~經典紅燒牛肉麵(手工麵)麵條比較粗身, 口感煙韌彈牙, 自己好鍾意食呢種口感嘅手工面😍 好有咬口～湯底微辣惹味! 牛肉都好正~肉質軟糯帶少量根,比例剛好, 幾好食😋台式肉燥飯滷肉肥瘦適中, 滷水汁味道好好～ 配埋糖心蛋🥚送飯一流😆鹽酥雞熱辣辣上碟, 皮薄肉嫩～有去咗台灣嘅感覺😝豬大腸豬大腸唔算好多肥膏, 滷水汁都幾入味, 味道剛剛好～仲有啲配菜花生同酸菜都好正🤤紫香芋奶特調自己好鍾意飲芋泥, 但係又怕太飽~所以就叫咗呢個香芋特飲, 味道唔會好甜, 口感好Creamy帶少少芋香, 幾好飲!鳳梨檸檬沙冰而家呢個天氣飲好涼爽, 鳳梨同檸檬好夾! 酸酸甜甜好開胃😉整體嚟講啲嘢食都幾好食, 而且價錢唔算好貴! 見到佢個拌面都幾吸引, 下次要再嚟試吓先得😆
繼續閱讀
您可能會有興趣的...