正宗山西刀削麵皇

營業中

休息中

源自山西既刀削麵，作為另類既麵食都幾受香港人鍾意。如果大家經過荃灣沙咀道既話，就會見到有幾間刀削麵店響度努力搶生意! 今晚小編就黎到本身於沙咀道總店而於觀點開設分店既「正宗山西刀削麵皇」。與荃灣總店既舊式麵店設計相比，觀塘店採取比較明亮既設計，而亦可能因為門面既招牌可以連閣樓咁一齊安裝，所以響康寧街遠處都已經可以見到呢個招牌。而店鋪入面都盡量以白色及綠色既簡單設計為主，相信都係以舒服為主要目的。菜單方面，話明係刀削麵皇就當然以刀削麵為主，不過如果真係唔想食刀削麵既話，店鋪亦可以提供拉麵及米線既。山西人都鍾意食麻辣既食品，所以菜單上亦有大量既麻辣配料，以一餸形式或加錢加餸連飲品形式去提供。睇完菜單既第一刻小編都有少少花多眼亂 (按：不過由於麻辣既菜式會分碟上，而且麻辣可以選擇走辣，變相其實選擇配料個陣都係主要想分餸上還是浸於湯咁上)由於小編與老公都鍾意麻辣既關係，所以我地都分為叫左兩餸既麻辣刀削麵套餐，另外再加$15碟既萵筍以及$10碟既生菜：麻辣豬脷﹑麻辣手撕雞刀削麵 ($50+加餸$10+手撕雞附加$7 = $67)：刀削麵以薄切既形式推出，響好多間刀削麵店都會見到師傅因為太攰﹑太懶

平日午飯時間，一個人唔知食咩好，於是試吓呢一間斜路不太起眼的小店。店舖座位不多，有不少人也是自己一個吃的，平日午市不算多人。 第一次食梗係要試吓刀削湯麵，面的份量十足，一定夠晒飽。麻辣豬軟骨可以叫小辣，同埋辣放一邊，咁樣就唔驚辣得滯。豬軟骨有三大嚿，絕對比出邊其他餐廳大方，肉質夠淋夠入味，頗出色喎，估唔到小店都有咁樣嘅質素。個餐$50包一杯凍豆漿，解下辣唔錯！價錢正常，性價比比較高。值得一題，一個人食佢哋唔會喺對面坐多一個陌生人，係十分加分嘅位置，做得好！之前試過去某間茶記，對面要坐一個陌生人對住你食（仲要冇隔版），真係感覺麻麻地，尤其是而家covid, 唔會想對住一個陌生人一齊食飯😅

經同事介紹，佢食開荃灣個間，話一星期至少2、3日都食佢，有見及此心動去試吓。因為夜收工，叫左外賣，點左份刀削麵湯餐，配麻辣牛腩加牛肚，另再配萵筍小食。 大概是帶回家需時，刀削麵已變林，這次就評論個刀削麵了，有點可惜。但佢個湯值得一說，清甜，飲落吾覺有味精。說說這家麻辣牛腩加牛肚，打開滿滿的辣醬及生蒜頭，牛腩及牛肚偏重味，牛腩口感夠林，易咬口，吾錯。如果喜愛重口味及辣，會喜歡食，個人偏清淡，間唔中食一兩餐可接受。喜愛食佢個萵筍小食，用醋醃，好適合天氣咁熱開下胃，而且爽口，好味好味👍🏻份量ok,而且餐會配埋豆漿（凍熱免費），咁熱當然飲凍啦～🤣 兩個人都夠食，可能本身食量吾大掛

刀削麵也有不少家，這家真的有看到削麵過程，面不會太硬也不會太軟，口感適中，豬軟骨軟糯Q彈，豬頸肉有點煎過的口感，燻肉蹄一半肉一半筋，也不錯，飲料凍檸茶也算是正常發揮，最後買單150兩個人好吃又划算

喺香港要食到好食嘅刀削麵其實唔算容易，一來專係整刀削麵嘅食店好少，二來都真係冇乜邊間整得好食。以前住新界西嗰陣會鍾意食一間叫生記西山刀削麵，喺千色店附近，但自從搬嚟咗之後就冇乜再食，平時超市買嗰啲完全做唔到嗰種食入口好厚實嘅感覺，只能夠話吊下癮。不過發現咗呢間之後都幾開心，全部即整唔在講，配搭亦夠多選擇，份量亦夠大。煙韌度，厚實口感，同埋粗幼嘅感覺都好到位，湯底都match，但建議揀麻辣配料，大量蒜同有渣辣椒，幾香口，加好多分㗎！

一路以嚟都係正宗山西刀削麵的忠實擁躉。幫襯左荃灣分店好多年，知道觀塘開咗分店， 10分開心。觀塘分店嘅服務非常非常好！每個員工都好熱心招待，而且感覺到一股年輕的魄力。店內環境亦10分衛生、乾淨。唯獨是刀削麵切得太厚了。平時喺荃灣分店食，啲刀削麵一啲薄一啲後，非常好食，希望觀塘分店都可以削出呢個水準。麻辣魚腐亦都唔夠荃灣好味。希望快啲可以食返荃灣嘅水準。但整體都非常好食。不過觀塘分店優勝之處，係有荃灣分店冇嘅萵筍，好好食！

#LastLunchout 好可能係未來十四日最後一次堂食！咁岩出咗去做野，食埋個晏啦！試咗呢間開咗幾耐又未幫襯過既 #山西刀削麵皇 。 下午茶時間，只有三枱客，夠曬#socialdistance 。叫咗 #牛展刀削麵 同 #豬扒手拉麵每份$36，價錢實惠。刀削麵份量比手拉麵多，好彩有Mr🦓幫手。刀削麵很Q彈，非常正宗👍🏻湯頭香甜，少辣，飲完都幾口渴，相信味精所致，overall性價比都算高。食埋呢餐，未來7日都 #禁止堂食

疫情下只可外賣，呢晚用apps就有得食，不用出門，可以坐定定等食😆呢個刀削麵未有疫情前已食過一次，舖頭細細，但員工服務態度一流，相隔數月再食，而今次係外賣，麵和湯係分開，所以沒有發得太大和䭃晒，每條每條麵都是彈牙，個湯底是無味精，完全淨麵都好飽足，個豬軟骨仲要啖啖肉和大大舊，好夠入味，加埋好香蒜蓉和自家制辣醬，保持水準👍🏻而餐可配豆漿或汽水🥤，冰凍可樂絕對啱晒天時暑熱和放工後鬆一鬆🤣一流配搭，正呀。

<久違既刀削麵>😁一兩年前已知荃灣開左好多年既刀削麵開分店 開喺觀塘既分店門面裝修當然新好多 燈火通明 點左小食同最出名既刀削麵食 同荃灣質素都一樣 十分唔錯。如果想食刀削麵但又經過觀塘都可一試👍🏻🍴麻辣豬扒刀削麵 50 蚊🌶️🐷刀削麵同豬扒分開上 豬扒應該係半煎炸 外皮好香脆 豬扒夠豬肉味同有少 juicy唔錯🐖 上面既生蒜同麻辣醬調味都唔錯 刀削麵雖然唔係手切係機切🍜 但 個麵幾爽滑 口感飽滿 個湯底唔錯 類似手本嗰 d醬油 甜甜地咸咸地 令到麵都好入味🍴麻辣牛肚37 蚊🌶️足料既牛肚 上面鋪滿左生蒜同辣醬 辣醬幾夠油香 生蒜既配搭幾特別 似係配合番牛肚既香味 牛肚 幾爽口 切得夠長身有口感 主要係個味醃得唔錯 甜咸適中 🐮幾正既小食🍴麻辣手撕雞菜飯53 蚊🍚手撕雞同飯分開上 菜飯既飯粒分明 菜切得夠碎 所以夠口感 🥬手撕雞切得夠絲同長身 口感煙靭 雞味濃 🐤大辣既辣醬好惹味 帶 d油香 🌶️ 連埋爽口既墊底青瓜絲🥒 同菜飯好有口感#手撕雞 #刀削麵 #菜飯 #口水雞 #牛肚 #麻辣#黃藍是政見黑白是良知 #黃店 #黃色經濟圈Score 平均分 <7.7/10

之前去開荃灣嘅話都會食呢間山西刀削麵🤭點知佢喺觀塘開咗新嘅分店😱咁近我咁梗係要去試吓啦🤩佢嘅裝修同荃灣嗰兩間有少少唔同🙈主要係白色同綠色為主🤍💚有種新鮮嘅感覺🤭每次黎親我都一定會食雙拼嘅刀削麵今次我就揀咗鴨腎同牛肚呢兩樣都係我嘅至愛😍鴨腎依然係好淋好入味🐤牛肚就好爽口🐮配埋煙煙韌韌嘅刀削麵🍜正呀！另外嗰碗就係麻辣燻蹄刀削麵佢嘅麻辣本身都真係幾辣🌶所以我都係拎咗少少麻辣汁黎送面食燻蹄好淋 索埋啲麻辣汁同蒜蓉一齊食🧄必試呀👍🏻😋

之前一向都是光顧荃灣分店，但因為太遠了，即使喜歡吃，但也不常去。今天竟然被我老公發現原來觀塘開了一間分店，二話不說，即刻去食。觀塘分店，新裝修比較光猛，比起荃灣分店座位 比較闊落，不用和別人背貼背的坐 今天，我點了麻辣手撕雞刀削麵配凍豆漿。 湯底依然香濃，麵條煙韌，有口感。 手撕雞分量多，配有一些青瓜絲，既麻辣又帶點清新感覺。雞絲不會太鞋，味道不錯。老公點了麻辣牛腩刀削麵配凍檸樂， 我是了他一口牛腩，很香牛肉味呀。我們再點了一款小食泡椒鳳爪。泡椒鳳爪肉質比想像中硬，但分量多， 味道剛好不辣，感覺上還有一點酒味， 整體來說還是非常推薦的。

hk難得仲有師傅即削既刀削麵荃灣開店到觀塘分店刀削麵可以配熱湯 熱撈 冷撈麵質口感煙韌 食落好qq感覺因為手切 所以大小會不一湯底味道一般 不過配上秘製麻辣醬的確幾惹味 推介肥牛 豬腸做餸豬扒就炸得乾少少 但可以接受至於撈麵就麻麻 😂會痴到一大餅野難方便食同埋會轉左擔擔醬個人覺得秘製醬好過擔擔醬小食就試左:醉雞 - 酒味濃，夠味 無咩冰鮮味道海蜇 - 淡味普通糖沁蛋 - 流心賣相幾好 口感唔錯 整體就不過不失啦～麵份量都多既價錢普通啦 小食就偏貴少少

朋友介紹荃灣有間好好味嘅刀削麵，所以成日都要專登入荃灣食，但係竟然呢間好食嘅刀削麵喺觀塘開咗分店，住九龍東嘅我哋就成日去幫襯了，只要諗唔到喺邊度食嘢就會去康寧道呢間分店，由湯底、麵質、餸菜、小吃，統統都沒有太大分別，好彩，哈哈！刀削麵就係要食不硬不淋嘅口感，佢絕對係嘅，餸嘅調味、辣度都好有水準，今次食咗牛展同麻辣豬耳，個麻辣好惹味，次次食到最尾都要洗走啲辣先食得晒。麵嘅分量好足，好大份，男仔都食得飽。

行過見到十幾年都無食過既刀削麵見到餐牌就俾麻醬撈刀削麵吸引住，超大碗，可惜麻醬太多、好濟，不過D麵好有咬口原本想叫煎九菜餃，但係見到有煎小籠包咁特別就即刻轉左呔包裡有湯，皮唔太厚，好味我另一半就叫左麻辣牛肚刀削麵，麵可以保持水準，無咩特別，但係牛肚唔夠鹹、蒜頭唔夠未，辣度剛好，不過鹽就需要加持下

🥢觀塘超煙韌大碗麻辣刀削麵🥢這間刀削麵店在荃灣有兩間分店，今次在觀塘開了分店，平時都好鐘意食麻辣刀削麵，即時去試下水準係咪都咁正🥢麻辣牛肉刀削麵$50+$9 樽仔奶茶🥢麻辣豬脷刀削麵$50 +$2 凍檸茶刀削麵是師傅即叫即削，半開放的廚房可以睇到師傅拿麵粉即時削，保證碗碗新鮮，麵質一如以往的煙韌好味，湯底超級滾熱，食完好保暖，麻辣加超多蒜的組合冷盤，食起上來真係超辣，如果加辣落湯底到，會變麻辣湯，但真係好辣，小心落的份量🥢呢間分店裝修到好光猛，好清新，同荃灣的兩間麵店裝修好唔同，不過食物質數是一樣的，而且夠曬大碗，都好夠飽肚正宗山西刀削麵皇 地址: 觀塘康寧道58號地下