影片
更多
2021-07-16
1215 瀏覽
源自山西既刀削麵，作為另類既麵食都幾受香港人鍾意。如果大家經過荃灣沙咀道既話，就會見到有幾間刀削麵店響度努力搶生意! 今晚小編就黎到本身於沙咀道總店而於觀點開設分店既「正宗山西刀削麵皇」。與荃灣總店既舊式麵店設計相比，觀塘店採取比較明亮既設計，而亦可能因為門面既招牌可以連閣樓咁一齊安裝，所以響康寧街遠處都已經可以見到呢個招牌。而店鋪入面都盡量以白色及綠色既簡單設計為主，相信都係以舒服為主要目的。菜單方面，話明係刀削麵皇就當然以刀削麵為主，不過如果真係唔想食刀削麵既話，店鋪亦可以提供拉麵及米線既。山西人都鍾意食麻辣既食品，所以菜單上亦有大量既麻辣配料，以一餸形式或加錢加餸連飲品形式去提供。睇完菜單既第一刻小編都有少少花多眼亂 (按：不過由於麻辣既菜式會分碟上，而且麻辣可以選擇走辣，變相其實選擇配料個陣都係主要想分餸上還是浸於湯咁上)由於小編與老公都鍾意麻辣既關係，所以我地都分為叫左兩餸既麻辣刀削麵套餐，另外再加$15碟既萵筍以及$10碟既生菜：麻辣豬脷﹑麻辣手撕雞刀削麵 ($50+加餸$10+手撕雞附加$7 = $67)：刀削麵以薄切既形式推出，響好多間刀削麵店都會見到師傅因為太攰﹑太懶
與荃灣總店既舊式麵店設計相比，觀塘店採取比較明亮既設計，而亦可能因為門面既招牌可以連閣樓咁一齊安裝，所以響康寧街遠處都已經可以見到呢個招牌。而店鋪入面都盡量以白色及綠色既簡單設計為主，相信都係以舒服為主要目的。
菜單方面，話明係刀削麵皇就當然以刀削麵為主，不過如果真係唔想食刀削麵既話，店鋪亦可以提供拉麵及米線既。山西人都鍾意食麻辣既食品，所以菜單上亦有大量既麻辣配料，以一餸形式或加錢加餸連飲品形式去提供。睇完菜單既第一刻小編都有少少花多眼亂
(按：不過由於麻辣既菜式會分碟上，而且麻辣可以選擇走辣，變相其實選擇配料個陣都係主要想分餸上還是浸於湯咁上)
由於小編與老公都鍾意麻辣既關係，所以我地都分為叫左兩餸既麻辣刀削麵套餐，另外再加$15碟既萵筍以及$10碟既生菜：
麻辣豬脷﹑麻辣手撕雞刀削麵 ($50+加餸$10+手撕雞附加$7 = $67)：
刀削麵以薄切既形式推出，響好多間刀削麵店都會見到師傅因為太攰﹑太懶﹑刀功唔夠既關係而響刀削過程令麵身過厚，變左每次食個陣都好似食一舊舊既麵粉；但呢間刀削麵絕大部分既麵都係薄身，食個陣麵質既彈口亦會感受到刀削麵獨特既滑質，好味!麻辣豬脷以薄片既形式，一來容易配以麻辣汁享用，二來又方便唔會因為過分厚切而難咬，一小片既豬脷配以一小份既刀削麵一齊入口就剛剛好! 至於麻辣手撕雞份量唔少，而且雞與青瓜既比例都算有1:1，都幾抵食。
麻辣牛展﹑麻辣豬扒刀削麵 ($50+加餸$10 = $60)：
麻辣牛展大約有5塊左右，佢既特別在於牛展本身冰凍既形式出黎，所以肉質連同牛展既筋位非常爽口；反而麻辣豬扒偏向以大半塊豬扒形式上，其實配合麻辣汁相對無咁大驚喜 (不過豬扒應該係即煎都還可以既)。兩餸刀削麵加小食，平均每人$75左右，雖然作為麵食既晚餐都算貴，不過考慮到如果單餸麵$50連飲品既價錢黎講都算抵食既!
張貼
