正九清湯腩 (群星大廈)

營業中

休息中

清湯牛腩河$46 （加$6轉崩沙腩）崩沙腩份量好多，每舊都肥瘦均勻，黐住少少筋位，油脂好豐富，牛肉味好濃👍🏻河粉好滑身，比較幼魚蛋河$35有魚片同埋魚蛋，魚片質素正常而魚蛋非常爽彈👍🏻清湯湯底食完之後唔會口渴😘炸排骨$32排骨即叫即炸，唔算非常乾，比較薄嘅炸粉🤣腐乳通菜$19凍檸樂$8餐廳位於裕民坊商場對面， 十分方便🥰餐廳入面有八張枱左右，粉面檔來講算幾乾淨。觀塘區嘅朋友都值得嚟呢間試一試牛腩麵啦🧡

自從在大埔群記食牛腩粉，食到一肚氣後，便很久没有再光顧以食清湯腩為主题的粉麵店，今日路過觀塘見到一間，在開飯有好多，好評的正九記清湯腩粉麵店，就抱着一試無防的心情，入左舖内幫襯，是日我和靚媽及仔仔，三個人合共柯打了三碗各部位牛腩粉麵，另加一件炸豬扒和甚少店地方有得食的牛肉羹，三碗牛腩粉味道雖至於在三十多年前，在中環九記初嚐該店清湯腩，便驚為天人的感覺但仍比市面一般粉麵店高，而件炸豬扒就無論色，香，味都非常好，反之個隐世牛肉羹，我就吾識欣賞食左一粒牛肉滑就無再食，總結在此店食牛腩食品係OK嘅，待應姐姐亦很稱職，係一間可以一試食店。

由於觀塘重建計劃，喺裕民坊要揾一間牛腩麵嘅店家-難！清湯牛腩麵嘅店家梗難，最近嘅可能要上山去到樂華邨先食到。喺觀塘重建得七七八八之時，開始有啲生機，喺呢條金鋪街唔係淨係得陣地盤味，有陣牛腩香，望一望，見有牛腩麵店，店名「正九」（心諗唔好以為賣牛腩有個「九」就一定呃到人！再望，無客人嘅！？得一位師傅，一位樓面)，心大心細下，見店家門口乾淨企理，又剛收工肚餓，膽粗粗試試先。叫咗一碗清湯牛腩河粉，約5分鐘先至上枱，係冇客人嘅情況之下算處理得比較耐。講返碗湯麵，湯底顏色非常清澈，入口清甜（特登冇叫飲品，食完成碗後冇口渴口乾，證明冇乜味精)；河粉我認為有驚喜，好滑，而且條條分明，冇碎濕濕；牛腩方面，份量合理，有六片(三大片瘦腩，三小片半肥瘦)，全部都好淋，夠味。觀塘區嘅朋友想食清湯腩我會推介呢間！

位於瑞和街街市附近的潮式牛腩粉麵檔, 本以為和其他的一樣, 就是普通的牛腩牛雜粉麵, 但看它的菜單, 其中一道菜牛肉羹很吸引我, 本初還以為是酒樓的西湖牛肉羹, 但一上枱, 第一印象是它看似變奏版的鯪魚肉湯. 吃起來牛肉鮮味十足, 原來廚師將鮮牛肉剁成蓉, 然後加上番薯粉再煮至定型, 勾上由腩汁和牛湯做成的芡汁, 難怪牛肉鮮味如此澎湃, 加上薑絲和陳醋作潤飾, 比起西湖牛肉羹的味道和口感, 豐富和充實得多. 至於蝴蝶腩牛筋河的腩部, 腩膜煮得相當彈牙, 腩肉鮮味夠但略嫌煮得有點過火. 牛筋同樣口感爽彈, 牛湯外表清澈, 味道柔和帶微香, 不如牛肉羹般強烈, 就是一碗合格的清湯腩河粉. 當然, 還是牛肉羹更為有特色, 更值得推介就是.

讚1.清湯坑腩既坑腩切得好亦煮得好，塊塊筋肉比例都好，肉有肉香，筋位腍滑，切落去既蔥粒都好多好新鮮，雖然名不經傳，但味道的確出色；湯亦都夠肉香2.肉羹係香港算少見，就算有都係豬，牛真係第一次食，就咁食既話，湯底有啲薑絲味，滑身，牛肉羹其實同豬肉羹同一樣味，爽爽地咁，呢樣野要加醋食先有味，就開胃好多，不過坦白講我好懷疑呢樣野係香港有幾多人會食？北角都可能多啲既，但觀塘就真係好懷疑🤨3.清湯腩店好多時都有種好濃既羶香係間鋪入面，呢間又無，環境都幾企理彈1.一男一女兩位野計係鋪頭吵大鑊，幾驚佢地打起黎2.牛腩湯底係有啲油，同埋河粉揀貨唔好，一夾就散

對於今次在觀塘「物華街」光顧的清湯腩餐廳「正九清湯腩」，我現在寫食評的時候，腦袋忽然感到疑惑，疑惑究竟自己當日從西貢出發，究竟從哪條路綫前往「觀塘」「物華街」呢？我七年前腦中風後，記性已經大不如前。皆因「正九清湯腩」這間位於「物華街」的中式清湯腩食店，跟「觀塘港鐵站」之間始終都有一段不短的距離，無論我在「西貢」坐前往「寶琳」的小巴，在「秀茂坪道」落車，然後徒步沿「協和街」落斜前往「物華街」。抑或是沿用舊式方法，在「西貢」乘坐專綫小巴前往「坑口」，再在「坑口」港鐵站乘坐港鐵前往「觀塘」，離開「觀塘」港鐵站後再慢慢徒步上斜，沿着「裕民坊」、「康寧道」再前往「物華街」，都無可避免需要消耗腳力。但是位於「觀塘」「物華街」的「正九清湯腩」，裡面有兩款食品都吸引到我個人的注意力，令我無論採用什麼方法，都想專程前往「觀塘」，光顧享用「正九清湯腩」裡面的招牌「牛肉羹」湯和「清湯崩沙腩」食品。我之所以這麼渴望，這麼想試試「正九清湯腩」廚房製作的「牛肉羹」，都是想知道究竟「正九清湯腩」「牛肉羹」，「牛肉羹」裡面的牛肉以什麼形象呈現在眼前，「牛肉羹」實際的口感又是怎麼樣呢？所以我幾經辛苦，明知從「西貢」千里

喺附近買完餸肚餓，見到呢間咁吸引嘅牛腩麵，忍唔住要試吓。.🍜崩沙腩擔擔麵 $52呢間餐廳以牛腩為主打，佢嘅崩沙腩肥瘦適中，彈牙得來又有油香。抄一抄碗底嘅花生醬，擔擔麵湯底花生味香濃，令人食慾大增。.🐮牛肉羹（中）$35牛肉羹係福建、台灣傳統食品，喺香港都比較少見，做法係以牛肉加入番薯粉以人手打成。食落有咬口，而且肉味香濃。.🍗炸雞翼 $32雞翼色澤金黃，入口香脆，而且啖啖肉，好滿足😋。.🥬菜心$19生菜鮮嫩翠綠，加腩汁令菜更好食。

今晚夜左收工就諗住係屋企附近求其搵一間餐廳食就算啦，見到一間叫做正九清湯腩嘅餐廳一直以來都未試過今日又想有啲想食牛肉就衝入去佢係位於物華街嘅係觀塘地鐵站行五至6分鐘就到啦我見佢出名係呢一個牛肉羹就叫咗一份細嘅試下唔好以為佢一個細嘅份量就真係得兩三舊牛肉佢都幾多牛肉下！牛肉味非常之重而且好林，我開頭以為係牛肉片點知原來佢好似啲肉餃咁樣一粒粒，加埋陳醋好神奇咁樣可以帶起整個牛肉嘅鮮味另外我仲叫咗個腩汁蘿蔔蘿蔔冇渣，縮晒充滿牛腩味嘅腩汁非常之嘢未，食唔停口啊！而且芥蘭亦都好林甜，19元大大碟非常抵食！呢度都有唔少嘅其他選擇我下次一定會嚟試吓佢哋嘅清湯腩因為都係佢哋嘅主打嚟嘅！由於最近疫情都比較嚴重嘅關係餐廳亦都做咗好多防疫嘅措施枱同枱之間亦都有板去隔開以確保食客嘅安心

潮州粉麵美味實惠又飽肚，都算得上我嘅comfort food🤤。.🥢爽腩米線$47+$6可以轉崩沙腩/坑腩/爽腩。爽腩連筋帶膜，口感爽滑無渣，又帶點煙韌。但呢次啲爽腩冇肥膏，少咗啲油香。.🥢清湯牛肚河$41牛肚咬落去韌度適中，亦夠晒入味。.🥢魚皮$23薄身嘅魚皮口感香脆無油溢味。估唔到一碟完全唔夠食🙈。.🥢腩汁生菜$19翠綠爽脆，清淡健康之選。.🐮正九清湯腩觀塘物華街19-29號群星大廈地下C號舖

難得有人接收工，梗係食個靚宵至返屋企啦，就睇下公司附近有咩正野食。行下行下經過物華街既正九清湯腩，比入面既腩香吸引，望入去都幾多人食，一定唔錯啦，一於食呢間。我哋因為都有d餓所以叫左幾款野食，有淨菜肉雲吞，油菜，清湯腩同排骨擔擔面。每款都好好味，特別係清湯腩同菜肉雲吞，腩肉肥廋適中，有咬口，而雲吞似係自家制，皮簿饀靚無味精，一碗都幾多粒！餐廳環境乾淨，雖然店唔太大，但係坐得都好舒服！下次會再嚟食過！

今天下午在九龍城一間連鎖茶餐廳，吃了一碗不是很好味的牛腩河，心裏覺得不值，便在網上搜尋好味的清湯腩，發現這裏，便來到了。清湯坑腩伊面$49，坑腩的脂肪味道甘香，筋位爽口，牛肉味道十足，沒有過腍，帶點嚼勁。伊麵吸收了濃淡得宜的牛骨湯，味道更佳。牛肉羹$35，牛肉爽口，加點陳醋，配合薑絲，更加開胃。腐乳通菜$19，庫爾帶點糜爛，配合清爽的通菜，簡直是絕配。牛腩汁蘿蔔$15，蘿蔔沒有渣，味道清甜，吸收了牛腩湯的味道更好。凍檸茶跟餐$8，凍檸雪碧跟餐$8，以這個價錢，非常抵飲。

常常在這邊街市買菜，見到最近街口新開張的清湯腩店，找天去了吃一吃。入面環境舒適整潔，可能因新裝潢的關係。餐廳主打牛肉牛坑腩等，湯麵的湯底也是牛肉牛骨湯熬制而成，當然要變成牛魔王。正九牛肉羹第一次嚐，很特別，有分細、中、大份量，沒想到點最細份的也有十多條牛肉丸子，十分足料，店員說這個加點陳醋一起吃更提鮮、確是不錯的開胃湯之選。牛肉丸子出奇地細滑，看看壁上的介紹，原來是牛的後腿內側及背部分，所以肉質較為嫩口。湯羹還有一大塊白蘿蔔、薑絲及蔥花辟去肉味，蘿蔔鮮甜。而湯羹濃稠黏黏，吃完這個也飽肚。金錢肚擔擔麵+雲吞傳統的上海擔擔麵是有花生醬料，這個也是跟足，在湯底裡已加入花生醬，自行按口味加花椒油，嗜辣的還加了辣椒油，加添麻辣感，味道更加昇華。一大份麵餅，麵條蠻多，麵條幼細，卻很有口感。金錢肚多片，格格紋理清晰，而且韌口。雲吞是豬肉餡料及蔬菜，皮薄，肉多過菜，啖啖都是豬肉。

首先要講吓清湯腩撈麵，半肥瘦適中 ，牛筋入味又有口感，半年的湯沒有很大的鹼水味，值得推介當然仲有排骨擔擔麵 ，酥炸排骨上碟時非常酥脆，入口更香口，並不是預先炸的，等候時間亦不是很長，啱晒熱辣辣的天氣。擔擔麵湯底醬料喺碗底，有別於其他店舖，能夠容易撈勻，味道更香。當然要講下服務，最重要店舖內的冷氣足夠，雖然天氣熱，但在店內能夠很快地使人涼快，而且整個店舖洋溢着腩香汁味道，在等候過程中，提升了期待的感覺，正!

好嘅牛腩真係清湯已經好好味，最原始嘅做法先可以食出食材鮮味。叫咗清湯牛三寶，一次過試齊唔同牛🐮嘅部分，食勻睇睇邊種最好食！分別有牛筋，牛肚，牛腩。牛筋好淋，骨膠原uppppp，女士貪靚必備。牛肚個layer好爽口，食落層次感up!牛腩唔會肥，最啱keep fit嘅女仔，好淋好好食！推薦牛肉羹，配埋醋好好食，另外一個風味超級正。牛肉羹嘅肉丸食得出用牛肉製成，每一粒都細細粒，好滑好容易入口，煮得又唔會老，食落有啲似飲茶嘅山竹牛肉。

平時比較少到觀塘另一邊原來觀塘重建區呢邊都好多嘢美食今次發現到間清湯腩專門店就同🧑🏻‍🦱試試先～呢道姐姐服務好殷勤 感覺有街坊味道～普通一碗牛腩粉 當然未夠 要食就要加錢食崩沙腩/坑腩/爽腩我地叫咗崩沙腩米粉、爽腩牛丸米粉、腩汁蘿蔔、腐乳通菜崩沙腩✅薄薄筋膜連着少許的肉 肥瘦剛剛好 脂肪同肉比例分明 肉質腍軟 入口膠質充滿口腔！爽腩✅帶一塊筋膜 口感帶韌性 爽而脆 有嚼勁！腩汁蘿蔔✅超入味嘅蘿蔔 稍稍腍咗腐乳通菜✅咸香惹味 通菜爽口