檳榔島敍

營業中

休息中

環境🍂頗有夏日海邊風情，藍色牆白色凳食物🥘馬來西亞菜，選擇豐富價錢💰平均80-100，街坊價錢🥢椰漿飯配馬來生炸雞髀 $88雞脾外脆內juicy，好出色！椰漿飯同小魚乾及脆花生一齊食又糯又香口🥢檳城福建蝦摻摻$88朋友話都唔錯，叉燒好淋好入味，湯底都香🥢檳榔島敍招牌小食拼盤 $178超級豐富，有魚餅、蝦多士、魷魚圈、雞翼、雞槌、春捲😍呢度既炸嘢頗有一手，好香脆！飲啖啤酒再食呢個，好正🍺老虎啤 $68比較少見到既tiger生啤，比較苦口🥤美祿山 $35濃郁的

不經不覺已經踏入左夏天的當下喇，天氣非常之熱之餘仲搞到食慾沒咩胃口，於是乎今日收工一於決定搵返間東西亞菜式餐廳食個令飯先。先講下佢既門口先，門口有一系列的矮紅燈招牌配上木質牆面，有種係沙灣既餐廳既感覺，再加上小小燈飾 晚上睇相信會更有feel~再黎講下野食方面，佢主打係馬來西亞既菜式，味道係地道既~ 有些小fusion既感覺，份量方面都唔差，夠我既胃口，另外價格方面，我覺得係呢區黎講價錢都叫做可以，唔會太貴~

檳榔島敘🌴評分：🌕🌕🌕🌖🌑🏢鰂魚涌出名多美食，特別系太古坊附近~ 呢間小餐廳就系太古坊附近，嘉諾撒書院對面。餐廳裝修充滿海洋氣息🌊 又唔會太迫，環境都算舒服😊•濃香喇沙長通粉🍜🍝點左一道從未食過的菜式，濃香喇沙長通粉！喇沙就試得多，但係第一次配意式長通粉呢！長通粉味道濃郁，份量夠二個女生食呢！加上點晴的流心蛋🍳真係好濃郁好好味架！不過同事另外點左另外一道雞肉麵🍲 就比較亁身了，所以都沒影到相～😆

今日同朋友嚟到鰂魚涌食飯 揀左一間馬來西亞嘅餐廳 係比環境吸引咗入去 入面充滿海洋氣息 成間餐廳以藍白色為主 令人感覺好舒服！ 野食方面 我哋揀咗 晚市二人套餐 佢包前菜沙律兩份 (裏面竟然有大樹菠蘿 驚喜！) 小食拼盤可以自選三款 我地揀咗馬來沙爹雞髀肉串 馬拉盞魷魚圈 馬拉盞一口蝦多士 蝦多士較有特色 口感鬆脆 主食方面 濃香喇沙煙肉長通粉 賣相吸引 通粉上面放咗半個蛋殼 入面有生雞蛋 撈勻啲通粉更加好食！ 喇沙味非常濃郁 鍾意重口味嘅朋友必定要點咖哩叻沙海鮮米粉 喇沙非常香濃 配料充足 米粉口感同平時一般食開嘅唔同甜品叫左自家製班蘭咖央多士 脆多士夾住咖央同埋厚牛油 好邪惡呀！正！飲品揀左 雙檸冰茶 菠蘿冰茶 清新開胃～👍🏻

$85 濃香喇沙煙肉長通粉好味道：🌕🌕🌕🌕🌑平時食喇沙都係配湯麵今次呢個係配pasta真係第一次見😂本身一上枱個時已經見佢好重喇沙醬汁再撈埋個蛋黃汁令到d長通粉更加creamy🤩第一啖食落口係食到好重的喇沙味係幾香幾重香料味個種😍估唔到喇沙醬汁同長通粉係咁夾🤙🏻諗番起都流口水🤤.$75 馬來咖喱滑蛋雞肉蓋飯好味道：🌕🌕🌕🌑🌑佢隻咖喱係幾重香料味，幾惹味，好岩送飯👍🏻但個炸雞就相對普通，炸得有點乾身同偏咸😣滑蛋方面係幾嫩滑份量都幾多，最後仲要食唔曬🤣.

看過店主接受的訪問，就知這間鰂魚涌小店「檳榔島敍」盛載著他對香港人的心意。檳榔島是指Penang Island，亦即是檳城，「敍」就是聚首後的意思，期望客人在店中閒適休歇一番後，能夠充飽電繼續堅強生活。❤️舖頭是灣仔有22年歷史的檳城蝦麵店副線，佈置走熱帶海洋風格，浪花壁畫配天藍色燈罩，加上沙灘椅款式坐椅，一入門已覺好chill🌊——————————🔹馬來生炸雞髀配椰漿飯 $88生炸雞髀表面沾有大量香茅等香料，充滿馬來風味，入口外脆內嫩，味道不錯，不過外皮略嫌炸得過焦，若能降低油溫炸久一點就完美了😋椰漿飯以新鮮班蘭葉打汁拌椰漿煮成，香氣滿分💯🔸檳城福建蝦摻掺 $88來到當然要食蝦麵店的招牌🍜蝦頭、蝦殼、辣椒、洋蔥等先炒再煮成湯底，蝦鮮濃郁帶甜，配上爽彈的蝦仁、肉味重的豬肉片、混合米粉油麵的摻掺，整體平衡得好好，食到連湯都幾乎飲曬！🔹咖哩雞胸牛油果沙律 $78沙律除了有主角的咖喱雞胸及牛油果外，亦有紫洋蔥、生菜、番茄仔等，配上酸甜的香醋汁，清新開胃～值得一提是咖哩雞胸特別軟嫩，帶點咖哩香氣，相當過癮～🔸馬拉雞拼盤 $98店內有多款小食拼盤可供選擇，我們今次就選了全雞拼盤：炸雞、雞翼、雞槌及

依間新開張嘅馬拉小店坐落於鰂魚涌海傍。店鋪面積唔算大，但勝在乾淨明亮，裝修溫馨，比人一種好cozy既感覺。我地兩條友嗌左大樹菠蘿沙律，濃香喇沙煙肉長通粉，小食拼盤同一碟辣茄雞件椰漿飯。上菜速度好快，裝盤擺設都好精美。大樹菠蘿沙拉好特別，可以係一眾生果蔬菜中食到一絲絲大樹菠蘿，非常清新爽口。長通粉用喇沙醬相佐，有種東南亞卡邦尼既feel,撈埋嫩滑生雞蛋，口感濃郁。小食拼盤雖然我地嗌既係小份量，但係店家一D都唔馬虎，每一款小食都有獨特既蘸料。我最中意佢既咖喱魚餅，口感煙韌，有濃濃魚香，蘸小小辣椒醬，非常出色。聽聞椰香飯都幾特別，有班蘭汁係入面，所以成碟飯望落去綠綠既，食落口有濃濃椰香味，雞件炸既非常酥脆，調味岩岩好。總體來講，呢間小鋪質素好高，值得推薦。

星期六晚肥妹仔同肥媽去咗鰂魚涌嗰邊行街，行完街經過呢一間叫做檳榔島聚嘅餐廳，睇落去舖頭細細，位置不多，但係去到晚市時間係滿座！肥妹仔見到入邊嘅裝潢非常之漂亮，好有異國風情，令人非常放鬆，就拉咗肥媽入去。馬來甘香海鮮天使麵 $128肥妹仔見到隔離嘅枱做咗呢一個天使麵望，落去非常豐富，肥妹仔都唔執輸！不過果一日天使麵應該賣晒，所以上枱嘅係轉咗做米粉。佢哋用咗馬拉海鮮醬去炒，非常之鹹香同鮮味，而且有好多蝦乾，非常惹味！肥妹仔好欣賞嘅係佢炒得一啲都唔油膩，配料有好大隻爽口嘅蝦，蜆，魷魚等等，大滿足。檳城福建蝦摻摻 $88肥媽鍾意食湯麵之類，所以叫咗呢一個福建蝦湯麵。佢一上枱嘅時候係一啲油都冇，肥妹仔仲以為應該好淡口！但係飲咗一啖簡直就係驚為天人，非常濃嘅蝦頭味，而且一啲都唔油膩，再加上1匙辣醬，非常之咸鮮，令人哋一口接一口食唔停。喬治城小食拼盤 $138肥妹仔最鍾意食香口野就係人都知，所以肥妹同肥媽就叫咗呢一個小食拼盤！呢個小食拼盤種類有好多，有蝦醬雞翼，一口蝦多士，沙嗲雞肉串，香炸魷魚等等，一次過滿足晒肥妹仔嘅慾望！好食不在話下，最重要係上枱嘅時候非常之熱辣辣，任何東西上枱熱辣辣都係會加分。

食物：多元化多種鎮，fusion，新式有創意得黎大人細路都啱食。個二人餐$338好抵食，好多野食，食到好飽。包括咗：1. 兩個細沙律；2. 三個小食：叫咗素菜咖喱沙律，魷魚圈，鷄串；3. 兩個主菜：a) 咖喱鷄蛋包飯，將日式咖喱菜式同馬來西亞菜fusion，個咖喱都幾辣，鷄好香口，好大份足料，女士一個人未必食得哂；b) 喇沙煙肉長通粉，一睇menu就揀呢個，因為我特別鍾意食長通粉，配喇沙真係第一次，好特別；4. 另外散叫咗：a) 咖喱薄餅，因為我鍾意食，個薄餅意外驚喜好脆，好香口，推介，好味，！！b) 仲有Jackfruits大樹菠蘿沙律，因為大樹菠蘿唔係周圍有；5. 甜品：娘惹糕點6. 飲品：雜果賓治同亞參梳打，亞參梳打，酸酸地，有啲似酸梅湯，好夏天飲令人好開胃。

白色主調餐廳配上一幅海浪大壁畫，好有熱帶小島風情，店員好有禮貌，好耐心介紹餐牌馬拉盞一口蝦多士，炸得好酥脆但完全唔油膩，配上酸甜醬好有東南亞風味咖哩喇沙雞絲米粉配料齊全，咖哩味道頗辣，馬拉拉茶自帶甜味，夠濃夠滑生炸雞髀脆皮但雞肉都保持嫩滑，椰漿飯帶有淡淡椰漿味，小丁香魚花生炸得香口，好稱職嘅小吃，自家製参巴醬有驚喜，辣得好惹味，有鮮味唔會死鹹，唔知遲啲會唔會有得買返屋企甘香醬炒蘿蔔糕，醬料好香蝦米味又夠辣度，估唔到仲有三隻大蝦盤底鋪咗啲生芽菜隔油，好細心~斑蘭龍眼冰超多龍眼肉，食完辣係要飲返啲冰凍嘅甜嘢中和吓有連芝士蛋糕除咗上面一行榴槤醬，芝士蛋糕都有混入榴槤，係榴槤味道太霸道，蓋過咗芝士味，但仍然保留到芝士蛋糕嘅綿綿質感斑蘭咖央多士製作需時但麵包真係烘得好鬆脆，內裡厚塗咖央醬外仲夾咗原塊冰凍牛油，一口咬落下口感真係好豐富，為我味蕾暢遊馬來西亞嘅短敍劃上完美句號

放假好想去感受下離島嘅異國風情🤓 所以決定要去一間充滿異國風情嘅餐廳relax一下😛 喺鰂魚涌搵到一間環境幾好嘅餐廳🥰 入到餐廳….有種去咗離島嘅感覺🌴 好舒服！分別叫咗芝味咖喱海鮮焗飯🦑檳城福建蝦摻摻🦐喬治城小食拼盤同埋焦香榴槤芝士蛋糕🍰 最後叫咗兩杯特色飲品-斑蘭龍眼冰同檸檬薏米水🍋食物一上枱…好吸引😋咖喱海鮮焗飯有豐富嘅海鮮，包括魷魚蜆肉青口蝦😍仲有濃濃嘅芝士同咖喱味！唔食得辣嘅朋友，依個咖喱都可以接受👍 （必試） 而檳城福建蝦摻摻裏面有蝦蛋通菜同埋腩肉，感覺幾特別！味道亦都唔會好辣，鍾意馬來西亞食物嘅朋友，值得試一試😋小食拼盤非常香口！有雞翼炸魷魚咖喱角串燒雞肉同魚餅🐟每一樣都炸得啱啱好，唔會好重油炸味，反而保留到食物嘅原味道💯 榴槤芝士蛋糕都有驚喜，啖啖都係榴槤嘅味道，上面仲有啲榴槤醬😋鍾意食榴槤嘅朋友可以試一試！斑斕龍眼冰有好重龍眼味👍裏面亦都有好多粒龍眼，份量慷慨！整體都好滿意，環境舒服食物都有特色👍

鰂魚涌地鐵站附近有好多食肆，好有特色，不是一般連鎖店。今日和友人去了海堤街的一間檳城菜專門店。店內裝潢以海藍色調，有放假feel。亞參梳打亞參是什麼？原來跟酸梅相似。馬拉食物中多用。酸酸甜甜的口味，啱晒夏日炎炎的天氣。素菜咖喱角皮薄脆卜卜。餡料有多種菜蔬原素。咖喱味道特出。亞參醬大樹菠蘿蔬果沙律清新開胃嘅沙律。如果大樹菠蘿份量再多少少就更好。芝味咖喱海鮮焗飯魷魚，大蝦，青口，非常鮮嫩，彈牙。咖喱味道濃厚，慢慢滲出辣度，惹味。

一向有幫襯開鰂魚涌嗰間「蝦麵店」，最近品牌喺同區開左新副線，餐廳取名「檳榔島敍」。門面以木系為主調，旁邊嘅霓虹燈裝飾非常搶眼。店內裝潢亦別具特色，湖水藍牆身再配以白色靠背座椅，氣氛輕鬆悠閒，很有度假 feel，令人心曠神怡。餐廳主打馬拉 Fusion 菜，食物分門別類，有椰漿飯、湯麵/撈麵、意粉、薄餅，另外仲有一系列特式小食、沙律、甜品及飲品等供應。點左個晚市二人餐 ($338)，套餐包前菜沙律兩份、一客小食拼盤、兩款主食、一款甜品同非酒精飲品兩杯。前菜沙律份量啱啱好，內有大樹菠蘿、車厘茄同青瓜等，入口清新爽甜，用嚟打開胃口就最適合不過。小食拼盤可以自選 3 款，我哋揀左素菜咖喱角、馬拉盞魷魚圈同馬拉盞一口蝦多士。咖喱角即點即炸，入口熱辣辣、脆卜卜。魷魚圈炸漿脆而薄，魷魚肉煙韌彈牙，咬下一點也不油膩。蝦多士以人手將蝦肉打膠再加入馬拉盞製成，外形小巧的骰，入口酥香鬆脆，沾蜜糖吃，倍添風味。主食方面，選了馬來生炸雞髀配椰漿飯 同 鮮茄蘑菇牛油果薄餅 (+$38)。雞髀大大隻，外皮勁脆身，一咬有油脂湧出，雞肉嫩滑不韌。伴吃嘅椰漿飯亦非常美味，飯粒沾滿了椰子和班蘭嘅獨特香氣，與鹹魚仔、脆花生同

明月正偷窺，這對璧人，何用太心急，一晚露底藴？我唔係後生，亦唔係老派人，愛情觀未必可以與時並進，人愈大就好似愈唔識溝女，可能我真係老了，如果你叫我開口，我就淨係識問…今晚檳榔敍一敍，你有無興趣呀？👇📌檳榔島敍 · 晚市二人套餐 - $338(閒日)▪️ 前 菜 沙 律 - ▪️ 小 食 拼 盤 -  ▫️ 2人set先黎個「前菜沙律」開開胃先啦，沙律菜夠清新爽口，為之後呢個「小食拼盤」做好準備。拼盤包括「馬拉盞魷魚圈」、「馬拉盞一口蝦多士」、「馬來沙嗲雞髀肉串」，魷魚圈煙韌有咬口，夠哂彈性；蝦多士即叫即炸，脆口得黎又唔會太油膩；而雞髀肉串面頭灑滿花生粒，口感份外豐富，雞肉肉質軟腍嫩滑，夠哂惹味。▪️ 馬 來 甘 香 海 鮮 天 使 麵 - (+28)▪️ 芝 味 咖 哩 海 鮮 焗 飯 - ▫️ 而主食方面亦唔惹少，事關呢個「馬來甘香海鮮天使麵」，一次過食勻哂多種海鮮，包括蜆肉、青口、大蝦，加埋餐廳自家製醬汁，更加有風味；而「芝味咖哩海鮮焗飯」，咖哩整得濃香之餘，加左芝士又唔會太鹹，飯粒夠乾身，加上醬汁，軟硬適中，唔錯。▪️ 自 家 製 班 蘭 咖 央 多 士 - ▫️ 不得不嗌埋呢個「自家製班蘭咖

今日難得去咗太古城同個客開會，臨走前佢介紹太古城樓下(即係鰂魚涌)原來有好多小店，可以試試。佢介紹咗一間係馬來西亞星加坡菜，一於同老婆同呀女去試吓。我哋嗌咗個二人餐由沙律食到甜品真係非常滿意。沙律菜配埋少少酸酸甜甜嘅沙律汁去醒醒胃跟住就有小食，佢係可以選三款，我同太太都鍾意食煎炸嘢，所以嗌咗薯條魷魚圈同串燒，薯條就不過不失，但魷魚圈炸得非常之香脆，亦都保留到魷魚嘅鮮甜，另外串燒真係不得不提，因為佢個沙嗲醬係有粒粒嘅花生，好有口感。到主菜啦，我哋揀咗海鮮喇沙同埋生炸雞髀椰漿飯，海鮮喇沙嗰個湯底非常惹味，而且非常足料，一條條嘅面底俾啲喇沙湯睇包圍着，真係非常之幸福。另外生炸雞髀椰漿飯，隻雞髀真係出乎意料之滑，配埋椰漿飯加埋佢個秘製辣汁， 十分惹野，仲有啲魚仔乾同花生碎配埋飯，真係好似去咗馬來西亞咁。另外我哋嗌多個海鮮焗飯，海鮮汁又係滿滿包住每一粒飯，而且鋪滿芝士，真係好有罪惡咁，但亞女竟然成個飯清晒。最後嗰餐係包咗個甜品係咖央多士，呢個真係猶如置身喺星加坡嘅感覺，咖央醬加埋厚厚嘅牛油配上黑麥多士，oh my god~ 食完雖然要跑番幾個圈，但真係值得嘅。