橋香園雲南過橋米線

營業中

休息中

晚上的時候和朋友來到中環找東西吃，網上有好多人推介這間米線的所以決定來這裏試一下，米線的價格因為中環區的關係會比其他區較高😌這次叫的是三餸米線，米線能夠選擇撈米線或湯米線$53 這裏有很多配料可以選擇我選擇了魚皮餃，蟹子丸和肉筋條～本來很想試一下這裏的牛肝菌的，我是來到這裏可能因為太晚的關係已經沒有了，下次希望能夠試一下_三款配料的味道也很不錯，尤其是那個肉筋條十分有驚喜，十分彈牙，跟餐可以用較特惠的價錢配上飲品，湯底能夠選擇辣到也是很不錯

今日屋企無煮飯，放工就食埋先反去路經橋香園，之前都食過，好鐘意食牛肝菌，但有排佢斷左貨，就無再食過啦今次再食見佢反左貨，但竟然要加3蚊～都幾貴。味道都無以前甘好食，米線既味道不過不失。58蚊～3個餸係中環黎講都可以接受

曾經是呢度常客， 一星期都總有一次。自從佢裝修後，有一段時間水準大跌（唔知係咪因為成本上漲定湯底無左）,加上又無我最愛的牛肝菌，所以都有成幾個月無去。今日心血來潮，突然想食橋香園。去到條隊一如以往咁長，好兆頭！ 點了例牌必叫的腩肉，蘿蔔同終於回歸的牛肝菌湯米線，小辣。水準終於回勇，感動。牛肝菌的鮮甜又爽滑，只此一家。大量的芫茜香蔥令濃厚的湯底鮮活起來，像給予了湯底新的生命。離開埋單時，阿姐一邊收錢一邊說好耐唔見你喇喎。我有點驚訝問她：吓？你認得我？ 佢話，當然認得。 當下心頭一暖。想不到以態度差聞名的店，也有對客人上心的店員。好多食評都不約而同地評價橋香園為「食物好但服務差」。其實舖仔細細人客又多，你有壓力我有壓力，姐姐粗聲粗氣大動作有時也在所難免。真的，食小店就安份點求味道求速度，點解要求五星級服務呢？幾十蚊食得滿足，仲要有人認得你，直情是五星級態度，仲想點呢？

天氣悶悶地，有無聊冇帶飯，不如叫個外賣食左揀右揀都係始終揀返你橋鄉香園嘅薯粉，菜式選擇多梗係要揀啲推介加一蚊嘅。原本諗住叫牛肝菌但係可惜姐姐話冇了（唔知係唔係冇得賣定係賣晒），但係餐單上就相當吸引，並且有師姐食過話好正，咁無法啦唯有叫個豬頸肉撈生根，佢個酸辣味道好正宗，唔怕辣嘅話可以叫中辣！同事吃咗撈嘅，但係始終覺得有湯較為入味，可能湯底本身有酸酸辣辣嘅味道令薯粉更加入味，令人一邊食一邊流鼻涕(真係失禮晒）記得提姐姐唔好執漏嗰啲單呀明明有蘿蔔㗎，最尾冇比到所以只有木耳撈薯粉

日期：9月20日人數：5人話說中環冇譚仔，想食米線的話，一般都會諗起南記。如果想幫襯小店的話，其實可以考慮喺中環半山扶手電梯下面，係威靈頓街呢間米線店。每逢平日午飯時間都好多人等位，所以要去的話必須準時中午12點喺公司出發。我哋大約12:20到達，一邊落單一邊等位，大概8分鐘之後入得去。餐廳供應湯米線同埋撈米線，而我一定係食湯米線。有好多款送揀，一般車仔麵嘅餸都會有。肉類的話我會推介腩肉、豬頸肉、或者無錫骨。菜類、菇類、丸類嗰啲就可以根據個人口味選擇。今次我點左腩肉、無錫骨同埋牛肝菌。個人覺得牛肝菌雖然要加$3 ，但物有所值，好Q彈。米線林度適中。感覺上湯底冇以前咁辣，有次去食點菜中辣，有冷氣吹住都食到成身大汗。但今次食小辣覺得無乜味，所以我考慮緊下次去食嘅時候點返中辣。另外米線入面係有腐竹、少量炸醬、芽菜同埋芫荽蔥。餐廳地方比較細，大概只坐到二三十人。午飯時間排隊嘅人較多，亦都有好多外賣。所以服務欠奉，見你食完就想你埋單走人。價錢以米線來講算中上，三餸米線要50幾蚊，唔算平。但係味道搭夠，所以我耐唔中應該都會去食嘅。

今日帶咗個同事去食橋香園好彩我地早 唔使好多個人就可以入去（排梗隊已經比個餐牌我地叫 我呢啲有選擇困難症真係好緊張😓）我就叫咗海鮮魚卷 雞中翼 牛展三拼 $54注意牛展要加$1多芫荽多蔥 小辣小窩米線好香口嘅湯底 如果唔食得辣嘅我會建議你地叫小辣 小小辣口好易入口 佢嘅雞翼滷得好入味 牛展亦都夠林身 海鮮魚卷相對普通 小窩米線仲有啲肉燥係底 同事就叫咗呢個墨丸 海鮮魚卷 腐皮三拼點知食食下先發現漏咗墨丸無比😅（我之前同朋友黎食都試過無比 真係要自己睇清楚）

如題，橋香園嘅酸辣湯底絕對係別樹一格嘅雲林米線！😋👍🏻仲記得第一次經同事推薦買咗個酸辣小辣米線，味道一試難忘，獨有酸辣十分之惹味，加上莞茜點綴下，味道昇華到另一層次！如一般車仔麵一樣提供多種選擇，特別推薦招牌豬腩肉，十分入味之餘，亦同酸辣湯底很夾；另外，肉筋條亦是小弟推介之一，一定可以滿足愛啖啖肉的您。特別留意呢樹嘅辣度幾勁，試過一、兩次中辣，肚仔都頂唔住要投降，除非你自問食辣高手，否則請三思而行！由於呢度午市日日爆場，建議外賣，亦相對較快可以食到。😉

每個星期至少會食一次既橋香園我地成個office既同事都十分喜歡呢間過橋米線經常會打落去一次過叫幾碗等佢地送上黎。當中有好幾款餸我會特別推薦包括 腩肉 墨丸 大腸 豬紅 雞翼 肉筋條不過有啲要extra加1蚊架除左餸之外 過橋米線重點係佢個湯底佢個中辣絕對係世界級 辣得好過癮加埋多茜既話 真係好正架。不過可惜既係叫外賣 個米線既質素有時候會好參差有時候個米線會變到爛晒 有時候米線既份量會係平時既一半同埋打落去既時候 接電話既態度都唔係太好

如果喺中環返工 唔想食貴野 但係想食好野 一定要識得揀 同埋要周圍搵好嘢！橋香園係平民得黎又好食嘅米線 我第一次食佢嘅米線係叫外賣 啲同事同我介紹佢好好味呢一日就嚟到店度堂食米線佢店面唔大 應該話坐得都會有啲迫 隔離有啲五金舖 今日2:30先去食所以就唔使等位 （平時要排隊㗎）一坐低就即刻睇Menu啦（唔記得影menu）我就叫咗碗雞翼 墨魚 豬紅米線小辣 多芫荽多蔥！雞翼葉得好入味 墨丸都彈牙 豬紅唔會腥 同埋唔會一咬就散一入嚟坐低冇耐就勁多客！食物上得快 食物質素高 抵食 正👍🏻

It is very hard to find a noodles restaurant with a cheap price in Central. This noodle shop is tiny but the food is quite good. I ordered three types of dishes including egg, seaweed, and fish bun with a little spicy flavour. It was good and I feel so full after this. We do not need to queue for a long time even during lunch time, only 5mins then you can get in, this is quite good for OLs in Central.

Lunch time黎到都係好快有位 叫左兩個送 豬紅 蘿蔔 其實野食味道係好食既 麻辣夠麻夠辣 連湯都飲多幾啖 但無論送定米線 份量都好少 女仔食完既感覺係剛好而已 都唔算飽 男仔食完忍不住講好似無食過野咁 仲好肚餓😵😵😵同埋店舖太逼 坐得都唔係幾舒服 所以有得簡都可能唔會再食啦 少份量既兩送面

我同朋友一個素食一個肉食，所以食米線諗住一人一碗唔使煩。點知去到，發覺果然係一個好決定！呢間米線店細細，應該得20-25個位左右，配料選擇非常之好，仲有中英文餐單！素食嘅配料都起碼有十個，朋友話終於有啖好食😆 我睇一睇個餐單，哇，連牛肝菌都有，菌類有四款，勁呀！我就叫咗全碗餸都係豬🐷🐷🐷，有豬腩肉、豬大腸同炸醬。三豬餸全部都好食～～不過最神奇嘅事出現咗啦！媽，係真米線呀！同我喺雲南食嘅米線質地係一樣！好感動😭 好多人唔知，其實香港好多米線店都係用江西米粉😆 一來大條啲二來來貨平好多，啲客食得飽又以為好抵食，一舉幾得。但江西米粉會越食越索湯，然後發脹...口感唔使問都知難食！而真正嘅雲南米線係好幼身，好軟滑，唔會發脹亦唔會更腍，最緊要係可以掛湯！差好遠㗎～朋友嗰碗係腐皮、黑木耳，清湯。味道係正常水準，始終冇落醬煮過，但兩款餸嘅質素都有驚喜！腐皮豆味好濃，質地非常滑溜。木耳係厚肉細朵款，非常爽脆，配腍身米線食好夾！👍🏻碗細細，但米線份量都唔小喎，最尾食唔晒🙉 呢個價錢咁高質素又抵食，絕對會再幫襯！

第一次來到橋香園，而我都好肯定亦會係最後一次。非常恐怖嘅服務，入到去先啱啱坐低，餐牌都未拎出黎睇就已經問你要食咩，拎完餐牌出黎都未完全睇晒有咩餸揀，已經又問你要食咩，同佢講轉頭先、睇睇先，完全無視你講嘅野，中年男店員對客人呼呼喝喝，前後俾佢Chur咗3次，問題係間店完全唔多人，仲有好多張吉枱。落單時又成日記錯聽錯，完全冇用心聽客人講野，其實唔止我呢枱，佢每一枱都係咁，成日搞錯晒啲野，要客人好有耐性咁不停重複要咩餸。終於落完柯打，佢印返張單嚟，其實你直接放喺枱面咪得，如果驚俾風吹走咪攝落紙巾盒底或者搵野壓住，但佢唔係，佢係要客人親手接佢張單，仲要喺人面前揚兩揚咁暗示你去拎佢張單，真係想問咩態度黎？接完佢張單之後，等食期間我重新拎返個餐牌出黎影相，順便再睇多次其實佢有咩餸揀，因為剛才真係俾佢Chur到嗱嗱聲落單就算，但佢好似驚我睇蝕佢個餐牌咁，先啱啱影完張相就已經西口西面咁將個餐牌攝返去旁邊，其實野食又未到，客人又唔係多，但就讓人完全感受到一種不被歡迎嘅感覺，真係好差。上到枱啲野都係甩甩漏漏，成日將唔同枱嘅客人碗米線搞錯，而同佢講話唔係我嘅就一句唔好意思對唔住都冇，好似老奉咁，仲要大大聲大

米線可以話係香港人嘅最愛食物之一，而喺中環都有唔少米線嘅選擇，包括南記小雨天魚米家但係講到撈米線比較出色嘅就係橋香園佢自己嘅醬汁正，配合撈米線有豐富嘅味道，酸菜亦都幾配合。 如果唔食太辣嘅朋友，小辣就可以啦，試過一次中辣就真係比較辣。而佢嘅豬頸肉食都幾好食，不過可以改善嘅係餸嘅份量可以更多

Summary: Horrendous service, but the mixian, for my money, is the best in HK. Cheap as you'd expect, soup bursting with flavor, and the plentiful choice of ingredients don't taste like they've been frozen for months.  Worth a try even if you're mortally offended by the time you order one bowlI love mixian - it's my favorite HK cheap meal, far more so than beef tendon, wanton noodles, yum cha, fish balls, cart noodles etc. It's got all the best flavors - sour, spicy, salty and filled with whateve