橋香園雲南過橋米線

營業中

休息中

腩肉豬大腸米線米線軟嫩，腩肉和豬大腸十分入味，湯汁濃郁，配菜多，味道更豐富。有些評論指出這道菜的份量較小，但我覺得岩，價格相對來說較高，地區嚟講都正常既。總體而言，米線關注組如係依區返工，真係lunch之選，上環都有分店。

通常lunch諗唔到食咩，通常就會黎橋香園食。鋪頭唔多位，堂食係門口等一陣就有位三拼小鍋米線($53)豬腸，雞翼，金獎腩肉(推薦)三樣都係我最愛，好入味，腩肉有小小辣薯粉是我個人很喜愛的粗薯，不是有紋湯底濃郁，辣度酸度都岩我口味呢間係我港島區暫時最鍾意嘅米線店，服務態度一般。食厭譚仔和南記雲南米線，可以黎橋香園試下，可能會一試上癮。或者如果係中環返工又想找一間價錢恰當的餐廳, 橋香園是不二之選!!!!

前幾日見到一個10年前嘅同事，講開以前我哋好鍾意食橋鄉園，之後我就特登嚟咗呢度食。真係攞命，叫咗牛肝菌麻辣米線（+3），唔使1分鐘就上枱，我對呢啲唔使1分鐘就上枱嘅食物有啲保留。第一啖湯飲落去係暖嘅唔算特別熱。米線係un 嘅，至於個湯底……….完全冇回憶嘅味道。我就諗可能都過咗10年，老闆同廚師都可能換咗幾個，但係以湯底同米線黎計，我比4/10。唔會再去。謝謝

之前見到啲人大推 推到大啲嘅media都見到lmao見到米線通常都會狗衝🥹🤍三拼小鍋米線($53) | Rating: 6.8/10叫咗肥牛(+$2) 炸醬 仲有大家話必食嘅牛肝菌(+$3)Er 食完覺得牛肝菌冇咩特別 自己仲要唔太鍾意佢個勁冧嘅口感…都係鍾意佢出現喺啲西餐到多啲🫠米線唔係彈牙款 係少少冧身 但又幾煙韌湯底個base幾濃郁 飲得出落足料熬製但辣度酸度都普通 重點係唔夠麻 唔夠香 會話係喺中環少見到 想食雲南米線嗰陣可以一試但只屬於翻工放lunch可以外賣翻office食嘅level🥹

服務真係差到一個點買外賣米線話一碗會送好耐所以要求我加多樣餸我話唔緊要照等 (因為一個女仔食食唔到咁多樣餸 已經叫咗三樣餸)之後佢逼我加 我企硬唔加 佢cut 左我線！個外賣亦都等咗個幾鐘先送到 (其實我都預咗）到最後比錯咗餸我！真係嬲到一個點 質素 只係普通一蜿米線 但服務真係差到以後一定唔會幫襯！冇 下 次！

第一次寫食評，因為實在太嬲😡外賣等足一個鐘，一間細店同時接open rice, 外賣apps, 自己電話接埋外賣，已經成十幾廿個客係街乾煎，仲不停接walkin 外賣單。返到office打開仲嬲，碗麵得3分1，分量同營多撈麵冇分別。幾好食都冇用，何況唔係特別好食。

🥢呢間嘢打去叫外賣 四五次總有一次會有啲嘢錯我建議每次叫外賣都叫店員重複但係佢哋未必show你佢哋送外賣嘅時間亦都唔定有時半個鐘有時可能要你等一個鐘先送到所以大家預好時間💡同埋提醒大家呢間嘢係唔會主動幫你地分湯如果要分湯記得落order嗰陣講，但係如果你想食到一個惹味嘅米線 *就建議唔好分湯！💡同埋佢每一碗米線都會有酸菜 芫荽 蔥 芽菜跟 *唔食嘅朋友記得打電話叫走！✨ 兩餸薯粉 中辣佢地米線配料選擇頗多，我最推薦就係佢哋嘅麻辣湯底 每次麻辣湯底都好龍尾5分鐘嘅話叫米線或者薯粉吸晒啲湯更加入味但係佢每次米線份量嘅多少都都好睇當日廚師心情 同埋個麻辣湯底每次水準都唔係咁穩定有時辣啲有時冇咁辣 唔似得出面連鎖米線店咁統一

路過中環少少餓先試下，估唔到有少少驚喜，米線底的酸菜幾好食喎，魷魚都唔錯，唔似x仔啲死咸濃湯底，價錢都親民既。不過份量可能對一般人黎講少左啲，我自己就岩岩好。下次再去會試下牛肝菌。脷伸：非凡忙時段、非外賣、姐姐第二日放假，心情好靚，服務態度良好

落左單隔左一陣發現印出來單紙有錯，馬上通知樓面，我係叫米粉唔係米線，樓面阿姐大聲同廚房講：「佢話要米粉喎！」聽落好哽耳，好似講到係我突然要改米粉咁，廚房同樓面阿姐話已經整左，樓面阿姐走泥問我要米線得唔得，我話唔得，阿姐又走去同廚房講唔得，廚房阿姐就即刻講：「唔得去第二間食。」依家係你哋樓面阿姐聽漏落錯單，但就將問題推落食客度，導致廚房阿姐誤會係食客錯；廚房果個就唔理咩原因，擺出一副唔憂做的姿態。。。

中環lunch 時間，行過見到求其入。擇左餐牌頭果款，4餸米線，湯底淡d , 米線同其他鋪頭差唔多，豬紅，由魚都ok, 鹵水蛋一咬， 好凍囉，就咁係雪櫃放落碗，我浸返熱都唔好食，豬皮又係麻麻。總括70蚊食個米線，唔會有下次。

晏晝諗唔到食乜，就同同事試吓喺OpenRice平台叫外賣好方便好快，等咗大約半個鐘就可以拎得整體個味覺同嗅覺享受都OK但係份量就真係好少，我叫咗三餸薯粉，有腩肉豬肚同豬頸肉，食完等於食咗個小食完全唔飽。佢啲配菜嘅份量仲多過佢啲薯粉，薯粉得一兩住就冇啦如果以性價比來講，真的不算高，$60+喺中環都有好多選擇整體體驗 6/10

位於中上環附近的雲南米線，由於鋪內座位有限，平日放食時間都見到不少人排隊等位入座，若果有地方食亦可以選擇用app外賣自取，去到即取即走，而且餐廳特別貼心有分開湯和麵。叫了無錫骨薯粉中辣無錫骨亦是我們常說的豬軟骨，算大件而且整得夠淋身，入口易咬。薯粉是典型我個人很喜愛的粗薯，不是有紋耶種。辣種方面，中辣很過癮，喜歡辣的朋友可以試試，亦可以從小辣開始找尋自己喜愛的辣度。除了無錫骨餐廳提供30多款餸可供選擇，除了無錫骨，金牌腩肉和牛肝菌亦幾受歡迎。

原本很喜歡這家米線的味道，但差不多每次去都會出狀況，少送，配錯菜，湯底有時一點味道依然沒有，有時又非常鹹。每次去店裡，已經很小一張台還要五人擠，每次都還沒有吃完就把碗也收走。以前幾乎每星期都會去兩次，但體驗實在太差，沒有零錢老闆連一文都不給免。時隔已久，今日決定叫外賣試試，結果等了半個鐘，騎手已經到店裡了，發現訂單才開始做。連普通最基本的服務都得不到，不論味道如何好，也沒辦法留住客人，已經不打算再光顧了。

_____好味指數：🌟🌟🌟🌟🌟抵食指數：🤑🤑🤑橋香園可以話係我最鍾意嘅米線餐廳都不為過。首先佢每逢lunch time一定排滿晒人，一堆着住西裝嘅人大熱天喺外面排隊，可想而知佢有幾好食。而且佢嘅湯底真係好好飲！建議第一次嚟試叫個小鍋米線試試佢功底。而仲有一個點係佢嘅配料選擇多而且仲有好稀有嘅牛肝菌！唔係到到都見到㗎❇️豬頸肉炸醬撈米線我自己鍾意佢哋嘅撈米線多啲，首先佢哋嘅米線麵質煙韌彈牙，而且煮得啱啱好唔會太硬或者太腍，再撈埋佢哋嘅秘製醬油香濃又惹味。我通常都會加個炸醬再撈埋真係好好食！而佢哋嘅豬頸肉鮮嫩又唔肥膩，如果想食肥啲可以叫金獎腩肉，都很不錯

有日同事帶我去左呢間米線鋪食，鋪仔細細坐滿晒人，咁熱天時鋪外仲堆滿人排隊等外賣同等入座，都估佢唔簡單。同事話話牛肝菌同腩肉係必食，但個人怕腩肉太肥，所以就淨係跟機叫牛肝菌，另外就揀左牛𦟌同墨丸賣相係咪好一般但想講佢係有！內！涵！一百分滿分既話我會比95超多料，牛肝菌勁正，滑滑地味道好，仲要食極都仲有！墨丸正常5分扣左去個牛𦟌度，略嫌佢有啲硬之後同事分左舊腩肉比我，又唔會太多肥膏，夠入味，下次會考慮換走牛𦟌轉腩肉