樺得園 (已結業)

第3次黎先食到，第1次黎連休7日，第2次就未開門，16:30-18:30休息吧 .... 今次終於食到喇！！！黯然銷魂包order後打卡送薯條或飲品，咁出名更係試下先喇， 其實我想試全條鰻魚包，但最後決定試左招牌包先 ..., 菠蘿包皮，非一般size, 真係夠哂大，因製作需時25 分鐘，未黎前我飲左湯同食左超大條又厚既薯條，點知出事，飽左一半，到見到個包之後，一定食唔到一半呀，點知真係，個包又大又厚，爭大個口我咬極都食唔到肉，最後決定一層一層食另外order左個牛包，塊牛真係好厚，不過老公話就唔夠多汁, 賣相真係好吸引湯 .... 好味，唔太濃 .... 唔會食到好飽肚既cream味薯條 ... 但一次食咁大條又厚既薯條，真係好快飽肚，下次order餐我一定唔要薯條，食左我根本食唔落個包呀

同男朋友食過一次之後，决定朋友生日再食一次，服務態度好，食物都好好味。黯然銷魂漢堡即係叉燒加蛋，但係好好味，香軟多汁，啲包勁大個，一時之間都唔知點放入口，而侍應就說旁邊有漢堡包紙，可以包起個包食，然而 點包呢？就自由發揮喇！見住朋友一個二個食到Lam Lam 脷，我都好開心。薯角在這裡似乎是必不可少的，但叫完通常飽到食唔曬。

服務態度好，仲介紹咗Ferran Adria 釀製嘅手工啤酒" inedit damm beer" cheese and bacon fries 同signature dish burger 都好足料，十分抵食。

在九龍城遇上W Burger. 它集齊我至愛的材料: 厚切豬扒和牛油果~先看看餐牌。除漢堡外，還有意粉，沙律，熱狗(也有素的)，手工啤，不同咖啡，茶和飲品選擇等。選擇多，適合不同喜好的朋友。龍城漢堡(推廣價$68)，我加了大概$30要了combo (薯條或沙律，加飲品)。沙律菜也新鮮，而且熱咖啡也好 (咖啡香，但不苦不酸。味道剛好)。主角到了。。 樣靚，份量足(半個牛油果+厚厚冇骨豬扒)，好香〰本想刀义切開食，但最後還是整個放入口以保原汁原味一咬，不得之了！ 首先麵飽表面是微脆，麵包中間是軟綿綿㗎。咬到中層的牛油果是軟軟的，豬扒juicy又香亦冇多餘的調味和豬味。證明食材新鮮。再咬落一點。。很香脆的煙肉，新鮮脆脆的生菜和蕃茄~ 它冇肥膩嘅沙律酱和茄汁，反而咀嚼下吃出是泰式辣汁(即食泰式串燒時，沙嘜汁外另一款的辣汁)。它為厚切豬扒帶上一點清新 等你十多分鐘都值！注意: 此飽是辣的，而且吃時小心肉汁流出。

睇新聞見到美食車計劃有個黯然銷魂包，一聽到個名就俾佢吸引住，咁啱間餐廳又係工作地點附近，忍唔住收工同班同事即刻去試本人必試推介-黯然銷魂包出面個包用左餐廳其下麵包舖自家製大菠蘿包去取代傳統嘅漢堡包，而且份量夠大可以幾個人一齊分，頂層有隻流心太陽蛋，一切落去蛋汁緩緩向下流，好吸引呀，入面果塊蜜汁叉燒咬落彈牙又多汁，加埋欖油炒洋蔥、蕃茄同埋生菜一齊食，食落唔會覺得太油膩，yummy·芝士肉醬熱狗嘩……好大隻熱狗呀佢佔據左隻碟2/3嘅位置呀，面頭鋪滿一大堆芝士，同埋用醬汁包裹住d肉醬，咬落啖啖都有芝士嘅香氣，好魔鬼呀·大烤菇煙肉螺絲粉（卡邦尼汁）一上枱見到份量都好大碟，而且芝士落得毫不手軟，仲可以做到拉絲嘅效果，螺絲粉被d汁包裹住，每一口都覺得好滿足升級套餐可配一個湯/沙律/粗薯條或者薯角，再加一杯野飲，甘筍湯值得一贊個湯唔會打得太爛，而且面層加左d忌廉，令到個湯又香又滑，用黎點蒜蓉包好正今次選擇左粗薯條，一上枱熱辣辣果種香氣，真係忍唔住要食佢先，其實食完薯條都已經飽飽地·拿破崙法蘭克福腸意粉每條意粉同埋每塊法蘭克福腸都沾有濃郁嘅茄汁，食落酸酸地好開胃整體黎講，食物份量多，材料新鮮，價錢都可

Lots of options on the menu, but was pleasantly surprised when all the burgers we ordered were big and delicious. Great beer as well. Will definitely come again!

黯然銷魂菠蘿包😋🐽🐷菠蘿包烘得香酥脆而不鬆散💋黑毛豬叉燒極肥美，烤得焦焦的，甜甜的😍加上流心煎蛋🍳 生菜🍀 蕃茄🍅 燒汁炒洋蔥, 邪惡度立即提升，😈美味滿分！😘❤️煙三文魚沙拉🐟粗薯條份量十足！香脆不油膩

W..Burger係我食過幾間漢堡飽店中最值得推薦，首先佢雖然個舖名叫burger, 但係佢仲有其他食物，例如熱狗，沙律，飯及粉類，都係味道吾錯。佢既漢堡飽除左賣相ok之外，塊漢堡扒味道仲吾錯; 咬落有牛肉汁既香味之餘，再加埋其他配料如大磨姑，蕃茄，洋蔥，芝士等等，真係好味。店中賣既熱狗以及意式粉麵都吾錯，就算賣相同味道部吾差。不過價錢吾平，正所謂一分錢一分貨。

我和Honey常在九龍城吃午飯，來來去去都是某幾間。今天，我們逛著逛著，無意間走到南角道，一間不起眼的小店。因為，小店是以深木色為主調，並不搶眼；也因為，南角道馬路有工程，圍起高高的圍欄，更令該街道更冷清。要不是我們看到門外的餐牌，真的不為意是餐廳。走進去，也是木色為主調的小店，座位擺放疏落，人不多，很舒服。午餐價錢相宜，大約$58-$68，已包前菜、主菜和餐飲。前菜是醬燒牛肉配沙律菜：很好味！薄薄的牛肉片，甜甜的！作為前菜，牛肉也不算細片。沙律菜用意大利黑醋，酸甜的，很開胃！天氣冷，Honey點了意粉。豬扒是即煎的，非常香脆！腸仔也並非廉價的雞肉腸，而是肉味濃的豬肉腸。意粉的醬汁，有新鮮蘑菇片。製作認真，抵讚！Honey又點了菠蘿牛肉漢堡包。看！賣相不錯！牛肉Juicy，鬆嫩，再配酸瓜片、芝士、生菜和厚厚一大片菠蘿，一點都不會膩，配搭Fresh！漢堡包也是即烘的，脆脆軟軟的，配甜甜的沙律醬....好好味餐飲，我們叫熱咖啡，則一般。不起眼的小店，卻認真用心地選材和製作食品，值得讚賞！九龍城午飯，又有新去處！！！

Excellent burgers with high quality beef and garnish. Beef of excellent quality, flavorful and juicy. We had our burgers medium well but they came out just a bit on the medium side. Freshly made buns made a difference too. Burger was juicy yet not too juicy as to soak the bun and fall apart.Compared with Burger Republic, W Burger, in my humble opinion is a better burger. The W burger sauce nicely complimented the hearty beef flavor.Great place for a few burgers and some beer. Nice place for a fa

龍城地區最近開了不少新店子。之前也提過要逐間去試勻，今天來到餐廳林立的南角道，試了這裡的漢堡 (對了，又是漢堡)....未吃東西前，侍者親切地安排座位招呼，水杯空了便馬上過來將之補斟滿，態度是好得沒話說....除了漢堡以外，點了一客沙律來當作頭盤吃。這一道既像凱撒又似田園沙律的物體，以爽脆的羅馬生菜撈入頗多的奇妙醬上去，口感上總是覺有點格格不入的。個人還是較愛配味清一些的黑醋多點；巴馬臣芝士的量是少得很因而帶不出那份甘與鹹味來；烘麵包粒看上去好像沒烘過一般但咬落相當鬆脆....橙汁內能細嚼到碎碎的橙肉，給人感覺很有鮮搾FEEL的，很不錯....至於主角的芝士牛肉漢堡又如何 ?這漢堡給人的首個感覺是件頭頗足的，接著便是那十分傳統賣相的包身，再打開包看看入面的餡料 --- 裡頭有一塊牛肉、一片車打芝士再加上一大pat的茄汁。這個組合看上去真和老麥的出品有九成相似....跟著試咬一口，牛肉是帶點乾柴沒甚肉汁，配合芝士及茄醬來吃，若不是店內的環境有異的話小弟還真以為自己身處於老麥呢....唯一意識得到的分別便是菜蔬量是比正常老麥的芝士漢堡多，並且多了些青瓜醬汁而而已....十分平凡的一個漢堡。

和牛漢堡，超級好味，一間有誠意的漢堡店。真心推介。我們2個人點了磨菇和牛紫薯漢堡，出奇地夾，和牛充滿牛味同埋肉質滑嫩同juicy. 店員態度十分好，環境寧靜冇乜人。點了沙律及粗薯條，2個都好味，可能我們平日去，所以都冇乜人幫親，下次大家黎九龍城除了食泰菜，W burger都是一個唔錯的選擇。

看到報章介紹這店的漢堡包，星期三晩上兔仔兔女黎試試，餐廳環境唔錯，洗手間亦很乾淨，讚！7點半只有一枱客，可能是新開業的關係。看完餐牌，兔仔決定先 order 一客「白酒忌廉煮藍青口-跟蒜茸包」($188)，吃完再試下漢堡包。這價錢其實一點都不平宜，但因為我地都好鍾意食藍靑口，貴少少也冇所謂啦！侍應提醒要等20分鐘，我地當然冇問題！等左20分鐘終於上枱了，試一試，青口有D雪味，冇左藍青口果種海水鮮味，白酒香味係零，而忌廉汁略嫌太稀。再試試蒜茸包，唔熱既，而且有D淋左，估計係因為等煮青口時間而放耐左。食完這客青口，我地已冇心情再叫其他主菜了。而結論是，在漢堡包店應該選擇漢堡包，我地揀錯了！

下午茶時份獨自一人來食個tea順便歇一會，當中我選擇了下午茶的芝士龍利魚柳漢堡($48)，餐飲可以選擇招牌咖啡或英式紅茶，不過我就選擇另加10元要perrier礦泉水。等了大約15分鐘就快上枱，漢堡包用了兩支牙籤固定餡料，包身烘得香脆，炸龍利魚柳的炸得薄脆，魚肉口感嫩滑，不過如果能將芝士做到半溶狀態會更香口，芝士上加了茄汁，吃起來酸酸甜甜，可以少一點膩滯。店鋪整齊舒適，價錢都不會太昂貴，水準都中規中距，服務都值一讚，當我飲完支礦泉水之後，店員都好主動問我需不需杯水，真是好體貼的服務又細心，下次我會要再來試下其他漢堡。

早陣子和小寶貝的老友記閒聊時, 大家傾到九龍城沒有一間像樣的漢堡專門店, 又或者不是專門店但至少想吃個漢堡飽都真係要走去紅磡, 又要排隊排餐飽都真係未食就飽呢! 言猶及耳之際, 大家就見到有一間用中式蒸飽來做豬漢堡的外賣小鋪, 試過了, 還未成氣候, 而且帶著小寶貝, 沒位坐的只能買回家吃不夠過癮...我不如不要求那麼多轉個彎去麥當當食至尊漢堡吧, 店大任坐個包一般般都食了這麼多年有感情吧….到上兩個月, 侯王道的Highfive亦推出了一個尊貴的漢堡餐, 好似大概是百多元的, 不過上次惠顧之時餐牌已印但仍未可出餐所以沒機會試…一輪長篇大論之後想講的是前兩天阿老友記就提起見到南角道新開了一間似乎是漢堡專門店的新鋪, 真有其事? 身為街坊的我們竟然不知道呢???  即刻去看看, Let’s Go, gogogo~當晚因為已在小寶貝最喜歡的"Fa Fa"吃了晚餐, 唯有在門口參觀一下, 順道影低餐牌看看有什麼好吃呢?! 漢堡有牛/魚/雞堡可選, 每款肉都有幾個選擇, 配芝士/烤菇/菠蘿/煙肉, 大概都是六/七十元, 小食亦是幾十元一份, 價錢定位都頗吸引, 四眼男店員哥哥非常熱誠的介紹店子