樺得園 (已結業)

我也真夠奇怪，來到專門吃漢堡的店子不吃漢堡，去吃沙律哈哈！也只是因為我想清清腸胃喇。同時也跟大家分享這兒不只有重味的肉類漢堡，也有清新輕盈的沙律！點了這款午市的大烤菇沙律配多士，hkd58，跟一杯飲品。整體份量不多，我覺得當作下午茶比較適合呢一小片的多士塗上了很多牛油，挺香的(沒拍照) 。大啡菇烤得很有"肉汁", 非常juicy!

約咗朋友傾心事，俾咗幾個選擇佢，佢話對呢間有興趣。其實我成日喺九龍城食飯都未試過呢一間， 於是乎就咁決定啦！原來係以burger為主嘅一間餐廳， 好多唔同款嘅burger 同熱狗等⋯當然唔少得就係炸薯條炸鷄翼嗰啲熱氣小食啦見人哋個burger都幾大個，所以我哋選擇叫一個兩份再加啲小食 叫咗一款限定版嚟試下，跟餐配左粗薯條 🍟 原先想麻煩店員幫我切漢堡包兩份，但係佢話個包原來底同面都係芝士嚟嘅，所以切開會散哂，叫我地自己分，心諗死啦肯定又肥死又漏死。原來係用咗兩塊好厚既芝士代替個包，不過食落又出乎意料喎，可能中間夾左啲酸菜平衡返成件事不過好食還好食,都係半個就夠晒數另外我哋仲試咗佢哋兩支推介手工啤 一支《型男》一次支《玉女 》 雖然我本身唔係好飲得不過間中啤一啤佢都OK嘅傾吓講吓由7點食到10點 Good try

九龍城美食如雲，大部分時間都選泰國菜和中餐。有朋友介紹，今次試試漢堡包。W burger佈置頗暗，有酒吧的感覺，menu不複雜，明顯主打漢堡。朋友選了黯然銷魂漢堡，鬆脆的波蘿包加了太陽蛋和义焼，十分特別！需然食時有點不容易，因蛋汁和醬不斷流下來，但亦是這樣，更加美味我選了厚溶芝士漢堡，麵包很香表皮有點脆，芝士半溶加上Juicy的牛肉，極配！份量頗大，我把它切開兩份慢慢食。我們也點了炒露荀，幼身的，很新鮮！手工啤也很不錯，味道可口。聽說麵包是每天老板新手制造，所以特別新鮮和香口值得推薦。

差不多日日都去九龍城，忙完整個上午，今次唔食泰菜，想搵間舒服D，靜D地方坐下來抖抖。呢間裝修幾正，門口幾有美國feel, 內面裝修都舒服，只是美中不足，座位好窄。 order 左個all day & 魚柳burger。先講個包，乾爭爭，好似放左好耐，魚柳都唔夠熱，見塊芝士咁挺身就知，少少溶都無，味道都麻麻地，非常失望，因為見個裝條咁有style,自然會聯想到食物質素都有返咁上下，點知⋯而all day 就好過份burger, 因為夠熱，但始終都水準一般。 至於兩個餐飲都可以。可能呢到主要做啤酒，好多款手工啤酒，其中一枱食客問點解「玉女」啤酒有買一送一？ 個女侍應答「因為佢係玉女，無人掂佢」 😅😅😅

九龍城作為沙中線的其中一個點，街道上掀起了一道一道的工程。很多小店都因為工程而影響生意，甚至要結業。是日便來到W Burger吃午餐，支持一下小店！雖然店舖出名食漢堡包，但今日想試下佢嘅輕量版all day breakfast。店上有新鮮的沙律菜配蕃茄仔同粟米、牛油法包、100g的漢堡扒和炒金菇/磨菇，飲品叫了杯鮮橙汁。在這幾樣食物當中，最好吃的我覺得是炒菇！想像不到金菇/磨菇可以炒得如此爽脆，一陣陣的香菇味令人唾涎三呎，簡簡單單的鹽味已令這些菇菇的鮮味很突出，一讚!其他的食材也很新鮮，漢煲扒肉質不錯，夠結實，不會鬆鬆散散的。下次可以再來試試漢堡包，相信配埋手工啤酒會係一個享受！

相比銅鑼灣幾間比較大的漢堡店，W Burger的座位和格局是明顯地比較舒適和休閒的，座位和座位之間有足夠的空間，給予了食客很不錯的私隱。在舒適的環境下打開餐單，發現這裡的價格很便宜，大概$50-60 就可以有一個漢堡。我和女友點了港島蠔牛肉漢堡、磨古牛肉漢堡和一份焗芝士煙肉薯條。 港島蠔牛肉漢堡的分量不少，味道亦是超班的。港島蠔是剛炸好外脆內軟，咬下去蠔汁會爆出來，為漢堡的鲜味添色不少。可惜美中不足的是港島蠔和牛肉漢堡是分開的，要咬一口蠔再咬一口漢堡，食法有點奇怪。磨古牛肉漢堡的缺點都是磨古牛肉分開放。焗芝士煙肉薯條的芝士不好，不建議點。唔講個奇怪食法，味道都有7/10分既，扣分位係個焗芝士煙肉薯條到，價錢又親民值得再去。

在附近返工，一直想試w burger,今日縱使天氣酷熱，仍行4，5條街過來潮聖一下吧!有lunch set,價錢六十多元，有餐湯，有餐飲和主菜，加15元仲有個超大薯條! 叫了煙肉牛扒漢堡，果然沒有令我失望，整個飽從配菜，醬汁，都值回票價，牛扒大概6至7成熟，是薄了一點，但有肉汁，配上酸甜source好開胃! 很容易就可KO! coffee值得一讚，即磨有誠意!吃完滿足等放工!

香港越來越多漢堡店，咩特色都有。今日來了九龍城哩間小店，入到黎環境都帶粗獷，木枱木櫈，幾有feel。餐牌選擇多，由於是下午，另有午市套餐選擇。一場黎到梗要試一下漢堡喇，於是點了一個近江和牛漢堡和雞扒沙津加薯條。雞扒沙津沙律先來，簡單什菜沙律加車厘茄，顏色鮮豔色彩繽紛，醬汁類似芝麻蛋黃醬。雞扒煎得鮮嫩多汁，好鍾意咁樣食法。簡單一塊肉配新鮮蔬菜就已經很滿足。近江和牛漢堡主角來了，店家很好，知道我地share就幫我地切開，仲用竹簽定位。不過其實哩個漢堡做得唔錯，拎走竹簽都唔會散唒，一手掌握哂。包包鬆軟，牛肉一咬開超多汁⋯牛味香濃，配上蕃茄生菜好好味。粗薯條另加的薯條亦十分香脆。其實仲有好多特色漢堡，下次要試下其他先！

叉燒蛋飯平時有機會食，但係叉燒蛋burger真係唸都無唸過有得食。朋友介紹呢間九龍城既burger店，呢個招牌既叉燒煎蛋配上菠蘿包，叉燒好厚好大塊，食落夠哂juicy，煎蛋另上就有d難handle，應該要放埋一齊，再加d流心效果，賣相會更吸引。菠蘿包好香口好脆，用黎做burger原來效果都唔錯。厚身薯條好好味，厚到有d似薯角，而且份量夠哂多。而檸檬茶都好大杯，好正！一個餐既份量兩個人食都絕對夠，食完仲可以去附近食埋甜品，十級滿足。

收工途經依間Burger，入去打算買個漢堡包餐，點知煮左20分鐘，由於我係外賣自取，待應示意叫我出門口等，明明間鋪咁大，晚飯時間就得四、五個客，於是又餓又大風咁出左去默默咁等，點知等等下就20分鐘，我望入鋪裝裝下先有人出黎話我知就Ready，過多陣終於有得拎，回家中途覺得有古怪，點解個袋咁輕，打開一睇發現入面淨係得過包！女馬白勺！個待應幫我淨係落左個包！算！我講得衰！但待應正常都問一問個客要唔要餐呀！都唔緊要！煮20分鐘先得一個包！再好味都假！

我地一行四人，專程去食漢堡包，餐廳內環境、燈光唔錯，好舒服，我叫左巨塔漢堡，其他就叫左叉燒蛋漢堡、黑椒漢堡…，仲加薯條，薯條夠粗，真係好味，但沙律份量就少啲喇！跟住見到啲漢堡，簡直開心到笑出嚟！份量十足，真係一口咬唔晒！好滿足，下次有機會一定會再去，試下其他既口味。

星期三的中午來到W Burger，雖未至於人山人海，但食客也真的不少。一個人，不用等位，直入餐廳就坐午巿有set lunch，點了B餐牛肉漢堡拼魚手指。先來燒牛肉沙律，只能說是不過不失，沙律菜水準一般。主菜魚手指拼牛肉漢堡出場。先吃魚手指，新鮮熱辣剛炸起，沒有不好吃的理由，只是炸漿厚了一點。牛肉漢堡也是即叫即做，誠意十足，醬汁，芝士，青瓜的配合天衣無縫。值得一讚的是麵包非常的鬆軟好吃。漢堡扒雖未如坊間用dry age 牛肉的名店的香，但也絕對是above average 的樓面女侍應勤快，一腳踢，但仍親切有禮，不簡單。埋單才60幾蚊，食客只能偷笑。誠然，我仍是比較喜歡Butcher ‘s , beef and liberty 的出品，但此等名店成舊水一個漢堡包，在W Burger 的價錢只是一半左右，有此質素，夫復何求？

When I was going to conclude this evening's visit to this area of the former Walled City, she said, "let's go to visit someone, just two blocks away". I immediately understood what she meant and swiftly agreed. 當我們吃過一餐、我想要結束今晚的「圍城之旅」，同伴說：「我想到那裡看一看」。我馬上明解；那只是兩街之隔。就過去吧。 When we reached the street I saw why it was publicized. With one side of the street totally blocked for MTR construction (and parking spaces, the lifeblood of F&B, eliminated), shops here are destined to a hard time. It was 9pm whe

去開九龍城，又吾想食泰國野，所以食伊間。我睇完個Menu選擇多，價錢合理。我同男朋友都叫左佢地店之選食。我叫左原條醬燒鰻魚漢堡入邊嘅餡有原條醬燒鰻魚、生菜、蕃茄、車打芝士、欖油炒洋蔥及鰻魚汁。我自己係一個勁鍾意食鰻魚嘅人，所以我覺得唔錯囉但係我比較住食我男朋友果個🙈🙈🙈🙈我男朋友叫左黯然銷魂漢堡入邊個餡有美國蜜汁叉燒、流心太陽蛋、生菜、蕃茄、欖油炒洋蔥及脆皮菠蘿包底。叉燒超厚同埋醃得更香口，賣相超型。不過我覺得唔好用手食，因為會搞到好麻煩haha之後，我地叫左一支酒share飲

在九龍城剪完頭髮，沒可能毒個兒吃泰菜吧，便選擇了吃漢堡。遠處也看到漢堡包的霓虹燈，餐廳裝修以黑色為主，牆上掛滿掛畫作裝飾。座位全是木製的桌椅，以二人座位為主，一股快餐店的風格。單點了一份鰻魚漢堡，看圖是原條鰻魚，看著也流口水 🤤🤤漢堡除了常見的安格斯牛、和牛、炸魚柳外，還有特色的黯然銷魂漢堡(叉燒煎蛋配菠蘿包)，有機會下次來嚐嚐😆😆吃漢堡，怎可不配啤酒？店內的手工啤更是花多眼亂。向店員查詢手工啤的味道，店員很友善、詳細的解答，又按個人喜好的口味推薦了嫦娥朱古力黑啤。不得了！是真•原條鰻魚和厚厚的醬汁。當然相機先吃💁🏻‍♀️💁🏻‍♀️鰻魚口感有點肥美，不會啃骨。麵包烤得剛好，微脆的包吸收了醬汁也沒變淋。嫦娥朱古力黑啤，顏色沒G牌黑啤般深，入口順滑，淡淡的黑啤味，也沒有G牌黑啤的苦。