樹蘭仔

營業中

休息中

經常會去香港仔街市上便熟食中心食晏，主要係食魚，諗住食得多便轉吓口味，見openrice上面依間樹蘭仔一個負評都冇便試吓啦，叫咗個牛脷蛋飯，一出嚟見都靚仔，d牛脷中間粉紅，應該好好味，點知一食落，真係好唔掂，非常非常之靱，十足一塊十成熟牛扒，趙都趙唔到，只好趙幾趙便夾硬吞落肚，公平d講，佢d蛋飯係ok好食，杯無糖豆漿都好好飲，相信個廚師係有heart，只係唔識燒牛脷，會比多次機會佢，睇吓人人都讚嘅义燒得唔得

香港仔街市市政大樓搵食，樓下喺街市，2樓有熟食中心，都幾多嘢食，有人食海鮮，我睇中「樹蘭仔」嘅蛋包飯。真有意外驚喜，自製叉燒的［叉燒蛋包飯］首先造型好靚呀！肥瘦平均，顏色亮麗，我唔係喎，咬入口非常鬆軟；滑蛋都好得，十分滑溜。第二款是［牛舌龍蝦湯泡飯］，牛舌夠厚，龍蝦湯真係好好味，原來用龍蝦湯泡飯係咁好食嘅，龍蝦湯味道好好，應該係自己煮。不過我就學到嘢啦，等我自己買罐罐頭湯喺屋企試吓會唔會有幾成好味！牛油雞翼，皮脆肉嫩，可以的。全部餐包無糖豆漿，不過我哋加$3轉檸檬茶。

香港仔街市完成翻新工程後，外貌內貌都乾淨整齊。2樓嘅熟食市場井井有條乾淨衛生，令人食得安心。今日專程來試試，各舖各有特式，小炒，粉麵…。見一間有滑蛋包飯系列，小食店少有，於是乎試吓。蒜香牛油雞即叫即做，香味樸鼻而來。入口一陣蒜香味道，夠晒入味。自家製叉燒滑蛋飯賣相不錯。滑蛋表面上還有少少蛋漿，嫩滑程度好，配飯一流。叉燒是自家製，蜜味濃厚，肉質軟熟，肥瘦適中，好味。午餐時段凡惠顧滑蛋包飯系列送無糖豆漿，👍。

香港仔市政大廈裝修完咁耐 都係第一次上嚟聽聞呢度嘅熟食中心好企理 又多餐廳 當然要來試試啦～喺芸芸眾多嘅餐廳裏面 樹蘭仔感覺最有特色主打蛋包飯 不過唔想食蛋包飯可以轉沙律菜底或者想食湯飯的話 仲可以轉龍蝦湯泡飯添唔想食飯 仲有新推出嘅意粉類選擇㗎！留意返即叫即做 製作需時🕐叉燒龍蝦湯泡飯 叉燒係餐廳自家製作用上五花肉 肥瘦相間 食落滲有少少油脂但唔會膩甜甜地 有焦香 龍蝦湯好濃稠 有鮮味 仲有啲櫻花蝦乾 夠香口又令到個湯更重蝦味香茅豬扒蛋包飯 個雞蛋炒得好滑 但冇好油膩嘅感覺香茅豬扒香茅味濃郁 而且夠晒厚切飯底就落咗少少甜豉油 成個組合好匹配另外仲點咗蒜香牛油雞翼 個蒜香牛油汁好惹味雞翼大大隻 醃得好入味 裏面仲保持到肉汁炸蝦餅一份有四件 外層係吉列嘅脆口 裏面嘅蝦滑好彈牙 套餐仲送豆漿添

香港仔街市嘅熟食檔都開咗好耐啦！終於扚起心肝同朋友過嚟食吓試吓，今次揀咗「樹蘭仔」，因為比佢送既無糖豆漿吸引咗，加上我又鍾意食滑蛋飯，所以就揀咗佢啦！不過因為係午飯時間嘅關係，又係星期日，太多訂單，都等咗30分鐘，職員話平均等15-30分鐘，所以下次都係打電話預訂先啦！咁我哋就用呢30分鐘搵位，好彩都好快搵到！自家製叉燒滑蛋飯 $63叉燒是食到燒焦咗嘅味，是我最愛吃叉燒邊邊燒焦的那種味道，如果你唔鍾意嘅話就要同師傅講聲啦！滑蛋好滑啊！飯上面都有啲豉油汁，令整體更好味。蒜香牛油雞翼5隻 $30牛油味好香，可能炸嘅關係，雞翼比較細隻炸蠔4粒 $35粉漿炸到非常脆而不油膩，上枱時仲熱辣辣的蝦餅4件 $30蝦肉紮實唔鬆散，沾上沙律醬更開胃無糖豆漿 (跟餐送)就算冇糖都好夠味，豆味濃郁，必飲👍🏻

唔好以為熟食市場只係得大排檔，香港仔街市呢到仲有專做意粉同埋蛋包飯嘅小店，價錢十分相宜，份量亦唔少😚店員仲會親自送餐，係估唔到會咁貼心🥳叉燒滑蛋飯嘅叉燒超厚切，似係腩叉😚外焦內嫩，咬落去係好有口感！蛋煮得好嫩滑，仲帶有微微嘅甜味，同滑蛋飯完美結合，仲有唔少蛋液比住粒粒米飯粒粒，好食！想食西式少少就揀左明太子意粉！意粉口感係Al Dente口感，好有嚼勁。明太子醬岩岩好，超有鹹香味，同意粉完美融合～小食要叫洋蔥醬雞翼！酥脆嘅外皮，脅有洋蔥醬嘅甜香🤤📍樹蘭仔香港仔市政大廈2樓熟食中心CF9號舖

呢日嚟咗呢個市政大廈嘅熟食中心諗住同朋友一齊簡簡單單食一餐🤣$58「香茅豬扒🐷🥩滑蛋飯 轉沙律菜」：香茅豬扒🐷🥩肉質軟熟，滑蛋轉咗做糖沁蛋，煮得夠糖沁，沙律菜新鮮爽脆仲感覺健康啲😋$73「蒲燒鰻魚滑蛋飯」：蒲燒鰻魚甜甜哋幾鮮味，滑蛋夠滑，撈飯食幾好味🤣$30「蝦餅4件」：蝦餅打得幾爽滑，都係炸得香口好食😋$45「炸多春魚」：都幾多春，香口好食🤣$30「蝦餅4件」：蝦餅打得幾爽滑，都係炸得香口好食😋$8「可樂」：凍冰冰嘅「可口可樂」就梗係好飲啦🤣

香港仔街市已經翻新段時間，而家街市已經變成一個food course 🍽️今日一家大細去咗食樹蘭仔 🥢佢哋嘅招牌菜式就係滑蛋飯 🍳每款滑蛋飯都各有特色 自家製叉燒滑蛋飯 🍚🥢叉燒肉香氣，獨特醬汁醃製 🍖✨滑蛋嫩滑如絲，每一口充滿豐富層次感🍳蒲燒鰻魚滑蛋飯 🍚🐟鰻魚鮮美，外皮香脆，肉質鮮嫩，帶有甜醬獨特風味，色澤金黃滑蛋同深色蒲燒鰻魚形成鮮明對比雞肉芝士漢堡扒滑蛋飯 🍚🍔自製芝士雞肉漢堡扒，流心芝士🧀煎至外脆內嫩，融化芝士增添奶香味 😋樹蘭仔📍香港仔大道203號香港仔市政大廈2樓熟食中心CF9號舖

最近去咗香港仔嘅熟食市場，呢度環境好衛生，十分整潔。我去咗一間專做意粉同埋蛋包飯嘅小店，真係有驚喜。**蒜香松露意粉**：意粉煮得剛好，彈牙而唔糊，香濃嘅蒜香配上松露嘅獨特風味，味道非常豐富，口感豐富**滑蛋飯配叉燒**：滑蛋飯嘅蛋煮得嫩滑，入口即化，配上香甜嘅叉燒，肉質軟嫩，帶有微微嘅甜味，同滑蛋飯完美結合，味道非常和諧。**炸蝦餅**：炸蝦餅外皮金黃香脆，內裏蝦肉鮮美多汁，口感彈牙**炸多春魚**：多春魚炸得外脆內嫩，魚肉鮮美細膩，帶有淡淡嘅海洋香氣

🍽️樹蘭仔 (香港仔)📍香港仔香港仔大道203號香港仔市政大廈2樓熟食中心CF9號舖香港仔街市及熟食中心，重新裝修後於2023年重新啟用，樹蘭仔位於二樓，設有空氣調節系統，乾淨企理，坐得很舒服😊今晚試咗幾款美食：～蒲燒鰻魚滑蛋飯 一上枱就眼前一亮，鰻魚原條放在金黃的滑蛋上，再洒上紫菜碎，見到都想食，外皮燒得好香口，而肉質嫩滑彈牙，配埋滑蛋，每一口都是一種享受😃～台式一口腸有六條，肥瘦均勻，一口一條，超脆口，甜甜地又彈牙，好似去咗台灣夜市食緊烤腸咁，正❤️～炸蠔及蝦餅每款都有四件，兩樣都炸得香脆，呢啲小食冇得輸😍炸蠔內裏仍能保持柔嫩多汁，有蠔味；蝦餅爽口彈牙，絕對值得一試😃

今日黎到香港仔街市熟食中心，環境雅緻且乾淨，與傳統熟食中心的氛圍截然不同，呢度既裝修非常舒適，乾淨。今次試左樹蘭仔，主打港式美食。我點了卡邦尼意粉、濃蝦湯泡飯和蒜香牛油雞翼。卡邦尼意粉卡邦尼意粉的醬汁濃郁，意粉煮得剛好，不油膩，配上煙肉和芝士，口感十分豐富。濃蝦湯泡飯濃蝦湯泡飯則是另一番滋味，湯底鮮香，蝦味濃郁，飯粒吸收了湯汁的精華，每一口都令人陶醉。尤其適合喜歡海鮮的食客。蒜香牛油雞翼最後，蒜香牛油雞翼的味道更是令人驚艷，外皮酥脆，雞肉鮮嫩多汁，蒜香味和牛油的結合恰到好處。

樹蘭仔 treelansin🔲@treelansin話就話係街市熟食中心，以為只有港式大排檔小炒嘅麻甩佬味，反而更似商場中嘅food court🏗️ 行過兩間熱情狂sell到驚嘅大排檔🤕 最尾會搵到間賣日式蛋包飯同西式意粉嘅小店🍝蒲燒鰻魚滑蛋飯🎣長過蛋包飯嘅蒲燒鰻魚原條上，外表烤至金黃酥脆，無骨嘅鰻魚讓每一啖都可以毫無顧慮地品嚐，肉質鮮嫩🩻 美味便利兼任嘅一餐🍚 灑上紫菜絲，三者搭配散發出濃厚嘅日式風味🎌厚燒牛舌滑蛋飯👅牛舌經過厚切後🔪 烤至外焦內嫩，表面泛著誘人的焦糖色澤，而中間卻保持粉嫩顏色🩰 每一片牛舌肉質彈牙，咬下去時的口感相當豐富，香草嘅香氣增添咗一絲清新🌱 一片片均勻地擺放於蛋包飯之上，展現出誘人嘅層次感🪜中間嘅米飯加入醬汁炒香，粒粒分明，帶有淡淡嘅甜味同鹹味，滑嫩嘅雞蛋包裹住，蛋液綿滑如絲🍳小食種類都幾多，幾有驚喜🤩 份量都幾大，台式香腸係一份6條😂 價錢都係二三十蚊！非常抵食🌪️洋蔥醬雞翼5隻🧅外皮煎得夠酥脆，逼出咗大部分嘅油分，搭配洋蔥醬嘅甜香💦凍檸檬茶🍋無糖豆漿🍨圓潤嘅造型同顏色繽紛嘅茶壺蓋係咪又有返大排檔嘅feel呢🤣 檸檬茶超有良心咁大大杯仲有4片檸檬🍋 經典標誌性

位於香港仔熟食中心裡的一家港式食店，通常熟食中心裡面都是中式大排檔為主，而這家小店則有其他選擇，主打自家製作的食材配搭日式的滑蛋包飯、西式意粉，還有些小食，食物即點即製作，所以等候需時。小食：牛油粟米這一款小食的份量相當多，滿滿的粟米，上面灑上香草，上枱時牛油香撲鼻而來，每一口粟米都帶著濃郁的牛油味，味道鮮甜，更加香口。配著蛋包飯一併吃，特別下飯。滑蛋飯系列：蒲燒鰻魚滑蛋飯原條鰻魚鋪面，淋上燒鰻魚的甜醬油及紫菜絲，鰻魚有少許細骨，食用時要小心，魚肉厚肉，爽彈；下面就是滑嫩的炒蛋，炒至半熟，蛋汁金黃，蛋香味濃郁。底下被蓋著白飯，粒粒分明，而且飯粒保持乾身，以少許的醬油調過味，整體份量適中而不膩，有驚喜。

📍樹蘭仔 (香港仔)📍香港仔香港仔大道203號香港仔市政大廈2樓熟食中心CF9號舖🟡厚燒牛舌滑蛋飯 $73🟡牛油粟米 $25樹蘭仔的厚燒牛舌滑蛋飯，牛舌的厚度真係超厚，口感都好正！燒得恰到好處，表皮微微焦香，內裡柔嫩且有嚼勁，搭配滑嫩的炒蛋，味道濃郁而不膩。飯的份量適中，好欣賞啲米唔會好硬，亦都唔會好淋，整體搭配相當均衡，同我一樣追求食材口感的人一定會鍾意！另外加購牛油粟米的小配菜，口味相當不錯，牛油香味濃郁，配上甜脆的粟米粒，簡單又好味！住喺香港仔咁耐，終於有間出色嘅蛋包飯，份量足夠味道又好，香港仔的街坊們，一定要試吓！

唔知道呢間舖頭係咪新開所以冇乜評分同食評？但係食得出呢間小店係用心製作！我叫外賣，第一次叫呢間鋪，落單之後好快就整好，速遞員半個鐘有多先送到黎，但竟然食物仲係熱熱暖暖，即刻肯定食物唔係預先製作，如果唔係一早凍哂兼硬刮刮。點左雞肉芝士漢堡滑蛋飯，超好味，調味適中，唔會太鹹，好啱小朋友食！再加上滑蛋同埋紫菜，成個飯味道層次豐富，唔知點解令我諗起伙頭智多星套卡通片😋好食到連相都冇影，食咗第一啖後忍唔住係咁刨曬😆😆勁推薦！