Wagyu Bar & Grill 🐃 @wagyubargrill 門口放咗兩個大酒桶當餐枱🛢️ 室內以歐陸風設計，藍色為主調，牆上掛上幾幅大油畫🖼️ 牆上嘅酒櫃同啤酒機提供各式各樣嘅酒，夜晚一定好熱鬧🍻 Weekend有早餐menu，定價都係around $100🕘 以跑馬地呢區嘅物價嚟講，係幾親民👍🏽 半開放式嘅大門設計，坐喺室內冷氣都好夠涼🌀 Salmon Benedict🥪 baby spinach｜capers｜poached eggs｜hollandaise sauce 底層嘅muffin唔會烤得太乾，又帶點煙韌感🥯 上面搭上嫩菠菜，兩片煙三文魚同圓碌碌嘅水煮蛋🍳 用刀將蛋切開，runny蛋黃緩緩流出🌋 又熱又香軟，滴住蛋汁咁送入口，好滿足😌 Wagyu Steak Salad🥗 mix salad｜fresh fennel｜broccoli｜baby carrot｜home-made dressing 講明叫Wagyu，當然試吓啲和牛係咪咁正先🐃 沙律嘅配搭好特別，除左常見嘅沙律菜、洋蔥、車厘茄同西蘭花🥦，紅蘿蔔同青瓜係切段而唔係刨絲🔪 加入橄欖油作涼伴，清爽宜人嘅口感，更突出飽滿肉汁嘅主角係煎得外焦內嫩嘅和牛🤤 Good morning又點少得杯咖啡呢☕️ Breakfast Menu唔係套餐，不過加飲品比散叫平啲👍🏽 Hot Latte🥛 牛奶係主角嘅latte，入口滑順又夠熱♨️ Iced Mocha🍫 朱古力同咖啡味道都幾balanced，濃郁好味⚖️ 奶泡上再灑上可可粉係心意之作💫 老闆娘同啲街坊關係好好，行過都有講有笑💬

講到最地道嘅香港飲食文化，實唔少得冰室🇭🇰 望住夾喺玻璃枱下密麻麻嘅Menu，坐低諗好食咩舉起手，好快就有夥計嚟招呼你🙋🏻‍♂️ 而家係人人一部智能電話嘅年代，大部分都採用左QR code落單📱 相比之下少了一份冰室嘅人情味💬 小菜套餐包一碗例湯同白飯，中湯、羅宋湯同忌廉湯，三揀一🍲 我地揀咗中式粉葛湯，顏色討好🥔 維港小炒王🌱 韭菜爽嫩無渣🌾 配上大大隻嘅魷魚同蝦仁，加入鮮味蝦乾、銀魚仔同腰果🦐 鹹香惹味又有層次感，完全係食唔停口😋 惹味薯仔牛柳粒🥔 牛柳「粒」份量比預期多得很🥹！大過又厚過個5蚊銀🪙 仲要炒得岩岩好，肉香多汁，「佬味」十足🥩 每顆薯仔及牛柳粒滿布蜜糖和黑椒汁，難怪係大排檔嘅名物之一🎖️ 椒鹽鮮魷🦑 椒鹽香先刺激味覺😙 薄薄生粉漿炸得金黃脆口，魷魚片同鬚都好爽口，爆炒過蒜酥蔥花撈飯一流🍚 菠蘿咕嚕肉🔸 咕嚕肉啖啖肉，冇骨亦冇咩肥膏😌 菠蘿同紅綠椒都好甜🫑 冰室黑牛 🐂 年輕一代可能真係冇聽過🥲 黑牛係「黑」撞「黑」，可樂加上黑色朱古力雪糕🥤夠晒透心涼😎 雪糕紅豆冰 🫘 粒粒紅豆飽滿，份量都佔咗杯嘅一半有多🍷 再加上雪糕🍨 另一邪惡之選😈 檸檬利賓納🍋 利賓納而家係茶記都賣少見少了🍇 夥計人手夠，上菜速度快，食物夠鑊氣又熱辣辣🔥 木製沙發卡位，坐得更寬敞舒適，地下同枱面乾淨一啲都唔油👟

泰金鍋 🛕




沿住彌敦道行，好多姐姐會喺度派宣傳單張，介紹樓上嘅餐廳抵食又好食🤨





接過手上嘅宣傳單，俾句「體驗捕捉活蝦」吸引咗😂 二話不說上樓try try，一出呢就見到個好有泰式風情嘅門口，仲放咗幾件泰國服裝俾大家打卡影相🥻





澳洲產極選肩胛牛小排🇦🇺
馬來娘惹喇沙鍋｜青檸椰奶雞湯鍋


諗住個重點係活蝦，最終揀咗中價位嘅套餐，牛羊豬都有，仲有沙嗲串！





8款湯底，泰式之餘，仲有日式同藥膳湯🌏 湯底都好足料，香茅、洋蔥、香葉，樣樣有齊😂 乜食材都未落之前，我地仲飲咗幾啖湯，同平時去泰國餐廳嗌嘅椰奶雞湯冇太大分別😎 濃濃椰味中又帶點酸香✨ 加$68有鴛鴦鍋，或者一人一個細鍋🍲





兩個大水缸，晚市自助任夾游水蝦🦐 唔會好似酒店自助餐咁每人每次限攞幾多隻咁🦭 隻隻游水生猛，幾次都夾唔實俾啲蝦跳走左💦 有水桶同冰粒提供，記得加夠冰粒先凍暈啲蝦，咁就無咁殘忍🙈





自助吧太豐富，搞到差啲唔記得咗可以手機落單😂 主要係encore肉類同嗌炸物，上菜速度好快又無漏單👏🏻






班蘭千層糕同椰汁西米糕限量供應，想食嘅要留意個出糕時間表🕜 30分鐘出爐一次，唔洗擔心要搶😂 另外仲可以自製珍多冰，又紅又綠嘅配料，加入椰奶就食得✌🏽





飲品方便除左大大個雪櫃放滿罐裝汽水同茶飲，仲有自家製嘅香茅水同泰式奶茶奶綠🏺





呢個價位有新鮮蝦同靚牛任食，而餐廳係準備方面都落足心思，由食材包括湯底、熟食、甜品、飲品款式，以及環境都充滿泰式風味🇹🇭

幫襯勁買💛 Seoulmate 🙂 @seoulmatecafe 由銅鑼灣樓上舖搬到將軍澳海旁地舖⚓️ Doodle風格嘅內牆作品，結合餐廳特色同香港獨特元素，色彩繽紛有活力⚡️仲有兩排韆鞦櫈，滿滿嘅渡假風🛝 香煎帶子和豆腐麻醬沙律🥗 帶子輕輕煎香，保留咗鮮味🐚 同豆腐鋪於沙律菜上面，加入橙紅兩種車厘茄同中華沙律，色彩奪目又開胃🌈 暖戀春日粉紅雪山黃金蟹肉蟹膏炒飯🎀 無揀到最signature嘅火山同白雲炒飯，反而試下期間限定 - 蓋了一層白雪嘅粉紅色富士山🗻 上白下粉紅嘅配色，笑咪咪嘅紫菜眼同嘴，造型夠晒可愛👀 fluffy嘅外層以蛋白打發而成，口感似梳乎厘🥚 一切開山頂嘅雞蛋黃，仿如熔岩漿咁一湧而至🌋 裡面嘅炒飯食到啖啖嘅蟹肉蟹膏🦀 韓式白菜豚肉鍋🍲 豬骨湯｜五花豚肉｜年糕片｜金針菇｜冬菇｜白菜｜滑豆腐｜蛋｜韓式拉麵 厚身豚肉大小均勻，顏色粉嫩，食材整齊擺好🍜 打上一隻生雞蛋，開火煮一陣，等食材煮熟就可以開動了🚂 辣味無乜，可能因為只有泡菜並冇韓式辣醬，反而係咸香中帶點酸🇰🇷 宇治抹茶奶蓋瀑布奶油蛋糕🍰 蛋糕同奶蓋嘅比例接近1:1，當咁睇好似普普通通咁，但拉開圍邊膠膜嘅嗰一瞬間，cream如瀑布咁傾瀉而下，場面澎湃又震撼⛲️ 蛋糕口感鬆軟，搭上奶蓋食起上嚟更濕潤，還有士多啤梨、雲尼拿雪糕球、忌廉同乾花碎🍓 藍蝶花冰極熊柑桔梳打🧸 隻立體紫色冰熊好cute，好似浸浴咁浸係杯飲品中，detail位又做得足🛁 漸變嘅藍黃漸層，藍蝶花同下層帶酸性嘅柑桔攪拌後，顏色變得更紫💜 日本靜岡縣焙茶拿鐵☕️ 海馬拉花好有心思🪸香濃順口，茶澀味較重，唔好太甜嘅就好適合🍂 一如將軍澳海旁其他餐廳咁適合帶埋小朋友同寵物🦮 見店員有空檔時間仲會餵食毛孩，讓佢地都可以一同享受美食，絕對係對毛孩充滿愛意🐾🦴 支持良心小店💛

Lobster Une🦞





去西貢當然要食海鮮🦐 成條海鮮街十幾間海鮮酒家都係食中式，食客會係外面嘅魚缸自行挑選心水海產，但有時都怕會海鮮價俾人劏🦯 早排臨近聖誕節，就試下明碼實價嘅西式龍蝦餐廳🧮






灰藏金土質牆，高樓底而中間掛咗盞巨型吊燈，每張檯都擺放白色燭台蠟燭🕯️ 歐式古典風格中帶種奢華感📯 沿住店內樓梯會去到更靜更有私隱度嘅空間🤫





聽老闆娘介紹先知餐廳係西貢開業2年幾，係今年8月先搬過嚟新地址🚛 新店新開張期間會贈送welcome drink🗓 menu上搵唔到嘅有酒精或者無酒精飲品，充滿神秘感🧙🏻‍♂️


Welcome Drink🍹





玖瑰蝶豆花梳打，係漸變嘅視覺效果📷 之後記得拌勻飲用，甜中帶有清新感覺🌹 薑餅味嘅Wine Soda帶點肉桂香，非常應節🎄


Buffalo Wings🐃





老闆娘特別推介呢款雞翼，話係經過改良📊 食落又真係冇平時嘅咁酸咁辣，香料味重，而玫瑰花瓣同黃色花碎亦讓橙紅色嘅雞翼賣相生色唔少💐


Lobster W/ Bomba Rice🦞





上菜嘅時候已經聞到好強嘅鹹香味，係海洋氣息🌊 開邊半隻嘅龍蝦仲大過隻碟，肉質彈牙又鮮甜🤤 面頭嘅芝士仲好拉絲，係寒冬中嘅溫暖🫕

NEON💡 @neoncafe.hk 而家普通茶記一個lunch都講緊60蚊，呢個價錢喺呢間Cafe竟然食到個西餐仲要有埋海鮮添🧐 日日唔同主食款式，所以menu係以Ipad示人📱 當日有4款，包括意粉、risotto同all day breakfast🍱 落單後店員one man band咁係開放式廚房中即刻開鑊🔥 辣蕃茄雜莱意大利燉飯配三文魚柳🍅 有種飲緊羅宋湯嘅咁感覺，茄味酸香🥫 以我咁唔食得辣都唔太覺得辣🤣 落單嘅時候店員告知今日三文魚有貨，或者跟menu選擇鴨胸🤝🏼 相請不如偶遇🤓 整條無骨無鱗三文魚柳，皮脆肉滑🍣 營養好均勻，好驚喜有menu無寫嘅糖心蛋同沙律菜🥗 香蒜清酒牛油蜆肉海鮮意粉🧈 青口大蝦各有3隻，加上10多隻蜆肉，非常鮮味🦐 真係邊諗到係$55嘅出品🤩 加入洋蔥粒、蒜片同黑椒粒調味，非常香噴噴🧅🧄 飲品定價都好親民，大部分都係20幾蚊☕️ 以為呢個價錢就好求其？ 即沖仲要係連拉花都有🥹 海鹽榛果牛乳咖啡🌰 佐藤園抹茶牛乳🍵 Cafe位於工業區，估計target當區一眾上班族👔 但其實同朋友catch up下都好適合💬 梳化櫈坐得夠舒服，加上無時限任坐想傾幾耐都得啦🛋

椰子星球👾 @cocohunthk 以「椰」為主題，標榜每日新鮮萃取，天然無添加✨ 除左甜品飲品之外，癲到連燉湯都有🤓 裝潢猶如置身太空站中🚀 充滿星空科幻感🪐 504 榴槤UFO🛸 UFO圈盤中放上原個椰皇🛸 最底層嘅係透明Q彈嘅椰水凍，微甜咁唔會太搶focus😋 中層加咗軟糯嘅小丸子，再舖上澎湃嘅芒果同D24榴槤🥭 未食已經聞到好勁嘅榴槤味🤪 另外附上嘅椰乳絕對係畫龍點睛🖌 賣相成枝test tube咁🧪 似係加咗椰味嘅花奶，唔算好甜但係真係好香🌴 塞到滿晒嘅椰皇，係咪諗緊點外賣呢📦 店員謹慎咁用錫紙原個包好，方便又keep到🪩 605 牛仔很芒椰子凍🥑 舖頭大大個玻璃櫃display晒各款椰子奶凍👀 底層嘅奶凍係一樣的，再搭配各式各類嘅水果，連龍眼火龍果都有😎 牛油果乳酪口感順滑厚重，欣賞佢唔係完全攪拌，留咗果粒狀嘅果肉，增加口感🥑 加上大大粒芒果，食落完全唔膩🥭 自家設計嘅logo玻璃樽，美觀又有質感，落足本錢🫙 食完仲可以洗乾淨循環重用♻️ 304 奶蓋芋圓椰子水☁️ 椰子水每日新鮮即開🔯 飲到嘅都係天然嘅甜味，一杯有齊三色芋圓、新鮮椰肉同椰奶凍◻️ 最後以椰雲，即係特別加入椰絲嘅奶蓋封面，層次滿滿🥥 六角型嘅膠樽印上藍色power level bar同control panel🔋 futuristic 嘅style更增科技感🖲

Dio Store🧔🏻‍♂️
@dio.cafebar





SoHo區當然係happy hour啦🎊 呢區嘅餐廳bar一向給人一種外國風情滿滿嘅感覺，如果係廣東themed嘅cocktail bar會唔會予人中西合璧、與眾不同嘅感覺呢🏮





「朝啡夕酒」嘅營業模式，細心到連門面嘅霓虹光管都會相應地adjust💡 網上見個winter menu幾吸引，點知餐廳勁花心思咁每兩三個月就轉menu💭 各款cocktail由上而下，酒精濃度越高📈 Bartender會問下你嘅個人preference，再推介唔同嘅cocktails🍹





LEEKGRONI
Leek Infused Gin｜Dry Vermouth｜Bitter Bianco





大蔥經過煮熟後，完全去除咗當中嘅辣味 🌶 garnish係片薄嘅大蔥🧅 平時飲嘅Negroni都係深橙/啡色，但呢杯竟然係透明嘅，好有驚喜🤩 加上大大粒嘅冰塊有舖頭嘅icon🧊 一個字 型呀！😎





JASMINE DREAM
Jasmine Tea Pearl-Infused Vodka｜Pu'er Tea-Infused Old Tom Gin｜Rough Vermouth｜Maraschino Liqueur｜Orange Bitter





杯邊夾左朵茉莉花🌺 賣相優雅，睇落好似無咩料，但原來酒精都幾重🥃


DRUNKEN CHICKEN
Roselle｜Shaoxing wine｜Zaolu Superior｜Pickle Sauce｜Chili Liqueur｜Chicken Essen





飲落真係似食緊醉雞😂 最尾bartender會係面頭滴上幾滴雞精，仲隨杯附上幾片青瓜，風味十足🥒


CANTON-KNEES
N.1.P. Rare Dry Gin｜Carbonated Winter Melon Juice｜Hong Kong Eucalyptus Raw Honey





以Dry Gin 作基酒，加入自家製嘅冬瓜水同尤加利蜜糖作調味，甜甜地咁好易入口🍬


SALTED LIME HIGHBALL
Aged Mandarin Peel Infused Whisky｜Demerara Cordial｜Salted Lime Cordial｜Kumquat Liqueur｜Soda Water





港式飲品代表又點少得咸檸七呢🍋 陳皮經過whisky嘅浸泡，令酒精帶點咸香味，梳打好夠氣🫧 少少分別就係上面粒咸檸主要係作裝飾用途，飲品原本已經有鹹味😆


COLD BREW YOUNG
London Dry Gin｜Cold Brew Tea｜Cold Brew Coffee｜Soda Water





Cold brew茶混合cold brew 咖啡，味道偏苦，加上cinnamon嘅香味，同預期中會似鴛鴦咁幾大分別☕️


放滿一樽樽唔同材料infused 出嚟嘅自家製酒，whisky、rum同gin都有🫙 以咁有心思嘅Cocktail嚟，講價錢好合理💯 係舖頭可以買到世界各地搜羅嘅酒🌍 連本地香港品牌都有🍾





鍾意飲Cocktail嘅嚟品嚐特別調製嘅cocktails之餘，仲可以同bartender交流下心得添💬

幫襯勁買💛


Pause It ⏳
@pause__it





每次揀cafe除咗醫肚之外，一杯靚靚打卡啡都佔咗重要嘅位置🤳🏻 搵到呢間曾經係2021香港咖啡拉花大賽得獎嘅小店，老虎、獨角獸、甚至錦鯉呢啲複雜嘅圖案都完美呈現🦄





落地大玻璃設計，陽光自然曬入店內☀️ 加上高樓底嘅設計，增添不少空間感，正如小店宗旨，明亮舒適嘅空間讓到訪嘅各人係忙碌鬧市中抖一抖🦦





牆上滿滿嘅stamp card，回頭客係質素嘅保證🪪 怕幫襯嘅時候張卡無帶係身😖 留係小店到，儲夠9個就可以隨時換杯free drink了🥳





Purple Potato Latte with Oat Milk🍠





淡淡嘅一片紫色💜 雖然顏色未算太突出，但紫薯味道係比奶味更濃，奶底轉咗oat milk，淡淡殼物香氣，整體甜度適中🙆🏻‍♀️





Large Matcha Latte🍵





色澤翠綠均勻，拉花線條流暢清晰，適量奶香烘托出茶嘅滋味🍃


大細size嘅比較，$6呢個差價係值回票價😎





Salmon Eggs Benedict🍞





煙三文魚卷住形狀圓渾水煮蛋，輕輕一切蛋黃就流出嚟🔪 蛋汁流入下面有嚼勁嘅sourdough，微微炙燒過嘅蛋黃醬更香，一啖咬入口係極幸福的😚 旁邊嘅沙律味道酸香，清爽輕盈🥗


Spaghetti with Tiger Prawns and Pomelo Sauce🍝





成日飲柚子蜜，試下用嚟煮意粉嘅咸食新口味🍊酸酸甜甜咁好開胃，煎香嘅蝦拆殻挑腸，車厘茄同蒜片炒至軟身🧄


欣賞咖啡拉花師嘅工架的話，可以係咖啡機前塊白板仔上抄佢地社交平台牌🪧 或者join佢地嘅workshop👨🏻‍🏫





支持良心小店💛

幫襯勁買💛 一生懸麵 🔲 @issyokemen 日式小店中常見嘅「一生懸命」是指盡力去做某件事，咁「一生懸麵」又是否努力做好碗麵呢🥹 未到舖頭，先見長長嘅人龍，6點50分到，大概排第12/13個⏳ 期間店員會先派落單紙，記住一碗麵tick一張📝 加上堂食限時45分鐘⏰ 等嘅時候諗下食咩，落定單，話咁快15分鐘左右就入得，比預期中快💨 広島県の牡蠣沾汁麵🦪 旺角店嘅期間限定✨ 廣島盛產牡蠣，必食💯 另上細碗嘅沾汁係以日本金蠔自家熬製，蠔鮮味十足，加上紫洋蔥粒嘅甜🧅 彈牙有勁嘅粗麵，非常掛汁，每啖都感受滿滿嘅海水味道🌊 兩隻廣島蠔微微煎香兩邊，外脆內軟感覺🦪 配以3款炙燒慢煮豚肉同雞豚叉燒，油脂焦香，但又沒有太多油膩感🧨 每日限量30碗，食唔食到就係講緣分呢📿 白湯豚骨拉麵🍜 奶白色嘅湯頭，香醇濃稠，配以幼麵🥢 麵度可以選擇標準或者較軟/硬♨️ 半熟蛋非常有水準🍳 配搭兩片柔嫩入味嘅叉燒，入口即化嘅感覺實在係太銷魂了😌 煎餃子🥟 章魚燒🐙 兩款小食都有5件，餃子外皮煎得金黃脆口，豚肉同椰菜嘅內餡，肉汁飽滿💦 木魚紫菜絲完全覆蓋章魚燒，每粒都脹卜卜，麵糊比例岩岩好🫓 波子汽水🔮 綠茶可樂🍾 超過十款飲品，以冷泡技術新鮮沖泡又每日香港製造SAGE冷泡茶同有氣茶，連罐裝札幌啤酒都有🍺 小店曾經推出過將原個雪糕筒放係拉麵上，一冷一熱，一甜一辣，出乎意料唔伏仲要係幾多正評😂 溫馨提示，小店只收現金、八達通、Visa同Master，Alipay同人民幣都唔適用喔❌