影片
影片
相片
港系秘抽蜜汁叉燒珍寶滑蛋炒腸粉
蝦多士
(左) 花雕醉雞湯 (右) 醬油清湯
+464
+13
食家推介
今日試咗呢個係叉燒滑蛋嘅煲仔腸粉，正確學名係港系秘抽蜜汁叉燒珍寶滑蛋炒腸粉。個底其實係豉油王炒腸粉，叉燒10分彈牙，滑蛋10分嫩滑，上碟速度快過煲仔飯，又落單到上枱都係大約5分鐘內嘅事，相當有效率。佢嘅缺點係太熱辣辣，冬天嘅話應該冇得彈！其實一年四季都啱食，所以都推介嘅！
繼續閱讀
呢間嘅拉麵 只適合唔鍾意食日本拉麵嘅人可以一試🫠係一間充滿香港特色嘅餐廳(拉麵店)試咗花雕醉雞湯🍜個花雕令到碗麵偏酸😢 可能就咁雞白湯會好啲嗌咗醬油清湯🍜個味道係蒸魚鼓油味😂 加埋啲葱就好似食緊蒸魚豉油浸麵咁😂😂仲食咗個蝦多士🍤🍞味道一般，口感偏油喜歡試新嘢 想要驚喜嘅人可以一試😂😂難怪路過嘅時候餐廳入面一個食客都冇🥲食咗成餐飯一個鐘都只係有一個食客入咗嚟😂佢除咗麵都有砂煲飯，不過今次就冇試到🙂↔️麵係咁嘅質素嘅話，都唔需要試飯🫠
繼續閱讀
我食過好多間拉麵店，佢係我喺香港食過最難食嘅拉麵。。。我叫雞白湯拉麵，男朋友嗌雞扒煲仔飯，兩樣嘢都好難食。拉麵個湯底完全冇雞味可言 得個咸字，麵個質地超硬 啲蔥同配料嘅份量就嚟多過碗麵，三種肉嘅肉質都唔太好。煲仔飯完全冇飯焦豉油亦都冇味，等咗成半小時，結果上到嚟舊雞扒細到傻 味道亦都好普通。講真，每樣嘢百幾蚊，九十幾至百幾蚊嘅拉麵有好多其他選擇，好食過佢好多。唔明白點解間餐廳依然高朋滿座 店家真係有好大進步空間。
繼續閱讀
由開舖以來知道佢主力係買拉麵標榜湯底濃郁終於一試果然係比平時出邊食嘅好味好多而且仲有飯可以選擇重要啲肉全部都好Juicy好好味而且定期會推出唔同其他限定款式有機會要試吓
繼續閱讀
喺間拉麵店裏面食煲仔飯，實在太搞笑，偷聽到店主同其他客人解釋煲仔飯嘅製作，（下刪3000字）總之就即係食材好新鮮，牛肋條煲仔飯條牛肋骨係慢煮，好味到暈低。拉麵又好食，煲仔飯又好食，一定會再食過
繼續閱讀