樂宴 (永光中心)

訂2人晚上六點 很快被安排入座 找了店員推介一些小食 先送辷需收費的二碟前菜-枝豆/毛豆 、點了花生豆腐（花生味淡/口感彈牙）、鰻魚煮蛋（鰻魚好甜）、蘿蔔絲沙律（沙律汁不錯）、西京銀鱈魚（非常好味、必點）、雞軟骨肉餅（配上蛋汁）這個都係推介，三小塊份量略小、菠蘿雪芭及柚子雪芭（好味但太細小）

4月之星弟生日飯，一家相約到銅記慶祝，肥推介到樂宴，聽到樂宴個名最初以為中菜，其實是日本菜來的，以沖繩地道家常菜為主打的日式餐廳，可以一嚐沖繩風味，大家十分有興趣，為免餐廳冇位，預先訂位好點。 餐廳裝潢甚有和風之感，平日的晚上，都是十分多人，似乎幾受歡迎。 每位入坐，都有一碗枝豆小食，大約$15。 MENU。 食物多款，以沖繩為主。 酒類不少。 是日推介。 綠茶，$55，因冇餐廳提供茶水，要另叫綠茶，感覺上有點屈機，好在綠茶可添加。 可爾必思乳酸菌飲料-西洋梨味，$46，少許梨味，爽呀。 自家製花生豆腐，$65，花生豆腐，口感滑溜溜，帶點煙韌，有特色的沖繩小食。 輕燒宮崎和牛，$320，半熟的和牛，肉質柔嫩，牛味濃郁，好味呀。 精選8點刺身拼盤，$590，北海道赤牡丹蝦、海膽、鯛魚、帶子、金目鯛、金槍魚、池魚及赤貝等，好豐富呀，刺身好新鮮，牡丹蝦大件爽口，海膽鮮甜，幾好味呀。 沖繩AGU豬肉柚子胡椒燒，$198，據聞是沖繩獨有的豬肉品種，必想試下，入口肉質柔嫩香口，胡椒味不算強烈，配搭柚子的清香味，幾美味呀。 汁燒沖繩雞軟骨肉餅，$75，肉餅入口鬆化香口，

開業好像而達十年之居的居酒屋，朋友帶路下來嘗嘗。整個餐牌都好吸引，幾經辛苦先點咗一堆食物。當然先有爽脆海葡萄，點小小醋汁，吃得是口感。沖繩腐乳，質感更似忌廉芝士札實啲。味道頭一啖有啲甜，之後有啲咸同苦，總之就怪怪地。辣辣地嘅韓式生魚腸，好有咬勁，都幾過癮。以為係串燒嘅醬油雞肝，超香嘅肝味，質感超粉綿，醬油味香甜入哂味。本來係牛嘅烏冬，好好咁幫我轉咗做豬版本。烏冬幼身爽滑，湯底咸小小。轉咗嘅豬軟骨入口即化，好好食。腩肉串燒，油香四溢，肉味濃。

幾年前睇飲食雜誌已經知道有呢間沖繩居洒屋，今晚終於有機會黎試。環境氣氛setting都十分地道，充滿okinawa風情。座上客有不少日本人和西人。枝豆前菜($20/位)menu已經帶沖繩的鄉土風情。瑞泉黑糖梅酒($55)唔係好甜，梅味濃郁。荔枝燒酎梳打($58)口味清新。自家製花生豆腐($65)，豆味香，質地綿彈，非常有趣。苦瓜炒豬肉($88)，苦瓜是沖繩特產食材，未食過真係唔好話自己食過沖繩料理，加了滑蛋，令苦瓜味道更豐富，美味的地道家常菜。大葉梅子雞肉卷($65)用上沖繩雞，肉質非常滑嫩，配紫蘇葉，令雞肉帶獨特香氣，加埋梅子醬的酸甜味，超好味！墨魚汁炒麵($82)，配料有魷魚、豬肉和韮菜用上蒜炒，十分香，麵彈牙有嚼勁，味道唔錯。海苔佃煮燒飯糰($40)，綠色的好得意，飯糰有焦面，加了佃煮少少鹹，都幾有特色，值得試！食品每碟都好精巧細緻，可以試多幾款，佐酒食好enjoy。

Casual and fun! I’ve heard of this restaurant for the longest time but never had a chance to go. Tonight as invited by one of my foodie friends, we went as a group of 6. The place is dark but it looks authentic Japanese style. I heard the owner is Japanese? We ordered many dishes to share upon and most are rather delicious! Especially loving the 炸豬手and 苦瓜炒疍！Will be coming back!!😍👍🏼🐽

海葡萄 一碟上來份量好多，色澤翠綠鮮明，蟹籽的口感!一串串好似葡萄咁而味道有點像昆布, 配上少許豉油或醋味道更突出. 好海洋的味道😌花生豆腐係沖繩獨有。質感唔似啫喱亦唔似豆腐，好特別喔！係滑溜溜同煙韌的口感，幾過癮。😛仙台風味厚燒牛舌牛舌燒得剛剛好, 加上粒粒黑椒粒作伴, 味道相當惹味！如果再厚身d更好更有口感！梅肉拌冲繩苦瓜平時唔鐘意食苦瓜嘅我一食即愛上😍，梅肉中和苦瓜嘅苦瓜，苦瓜切得薄薄，好清爽💕

叫了赤身和深海池魚，池魚好甜好新鮮🐟！不過一定要食白肉先，如果食左個赤身先，池魚會變得好淡，俾赤身搶曬味😋今天的赤身超級有驚喜，因為上次叫了赤身覺得沒有什麼特別。今天的甜度，口感，跟上次比有優勝10倍🤤🤤🤤🤤🤤，估計是每一水入貨也不同吧。加上叫了李白清酒，層次倍級提升👍🏻無敵🔝。其他都係離唔開花生豆腐，試了苦瓜漬物，海苔燒飯團🍙。有一個餐牌是專售吞拿魚，下次要試下其他吞拿出品，相信有驚喜🤠

After my visit to Okinawa, I fell in love with Okinawa cuisine.  It's different from other parts of Japan...Okinawa doesn't focus on sashimi, beef or any fancy/cute dishes.  Okinawa focuses on vegetables, fruits, beer and pork.  Tried several restaurant who claimed themselves as "traditional" Okinawa cuisine but nothing appealed me or bring me back that taste till I pass by Rakuen.Looking at the menu, my eyes was sparkling. The menu dishes looks like the ones I ate in Okinawa! Stir fried Bitter

我同朋友都喜歡試新嘢，每次相聚都會揾下啲大家都未試過，comment又唔錯嘅試下，今次就嚟咗呢間。整體嚟講，食物份量好細，味道又普普通通，無乜驚喜，所以相比之下，就覺得好貴。食完之後，唯一印象就係碟碟都好細，得一個餸覺得好食，留下印象，就係魷魚鬚。重有一個記得，就係番薯餅，因為覺得好麻麻，咬咗一啖，就唔係太想食落去。其他，食完都唔係好記得乜味。至於服務，態度算有禮，但趕客嘅行為又做得好出面㗎喎，真特别。話說我哋食完數碟已覺食物一般，份量好細，但又唔平，就諗住停一停傾陣偈先再諗下叫乜好啦。 點知佢啲職員走埋嚟收咗我哋啲碟，重將我朋友對筷子都收走埋。 咁我哋就立刻叫多幾碟啦， 因為真係完全未飽。但之後我哋發現，佢哋除咗收碟收得快之外，成日都唔嚟幫我哋斟茶。 就算叫，有時都會忘記了，要再叫。但係我哋又見到佢哋會自動攞住個壺去其他枱斟茶㗎喎。 講真，間鋪咁細，枱都唔係好多張，有乜可能唔記得呀，好明顯係想唔畀茶我哋飲，等我哋自動撤退啦。佢哋隻茶杯咁細，兩三啖就飲完， 呢一招都真係幾有效㗎。成日要叫人斟茶，我都覺得煩啦。而且當我哋一食完最後一碟，佢哋都將我哋嘅碟同筷子立刻全部收走晒， 問都唔問吓

雖然話佢係主打沖繩料理，食唔食到沖繩嘅味道，都要睇下你識唔識得叫餸，最重要係食材新鮮，你到呢啲地方貴少少都係預咗，所以氣氛好，味道好我覺得先至係最重要。四個女仔一啲都唔細食，完全唔理啲嘢幾多錢，想叫就叫，咁先至食得開心。刺身拼盤 - 絕對唔關沖繩事，但係真心推介，每一樣刺身都好新鮮，絕對值回票價！沖繩腐乳 - 唔識欣賞，都係廖孖記食好多花生豆腐 - 好得意，花生味好香，豆腐嘅口感好紮實，鍾意花生味嘅你一定要試吓，如果想追求豆腐滑褸嘅口感，呢樣野你就未必鍾意，推介！炸苦瓜片 - 大大碟嘅炸苦瓜片，可能我對佢期望太高，所以有少少失望，明白佢要炸所以苦瓜片偏薄，但係我覺得太薄反而揸得好乾，調味唔出色，唔食苦瓜嘅人都可以試下泡菜雞翼 - 出乎意料地好味，一份有三隻，我估係來貨，但係品質好好，亦都炸得啱啱好，推介燒明太子 - 我對明太子有情意結，大部份明太子食物或者副產品我都覺得好好味，佢呢個明太子唔太鹹，如果燒得香口啲會更加好，份量有啲小，送酒推介海葡萄 - 記得以前細個好鍾意食海葡萄，鹹鹹地，咬落去果下爆汁好得意，依家反而唔係太鍾意食，作為沖繩特產，我覺得係沖繩食會開心啲燒雞腎 - 烤得夠香

呢間餐廳已經食過幾次，環境舒适，好有日本小型居酒屋 feel 。侍應同師父都有日本人，連食客都好多日本人就知道有幾咁正宗。但價錢略高。適合一大班朋友嘅聚會;咁就可以試多啲唔同款式嘅菜。最鐘意食苦瓜同埋海葡萄。呢兩樣唔係到到都都得食。另外花生豆腐都好好味，好有豆香。個人認為，黎得呢間食就唔好點壽司刺生果嗰啲。因為價錢唔平，又唔係沖繩菜嘅主打。都係叫返小菜好啲！酒方面，有好多選擇，價錢唔貴，一大班人黎叫多幾枝飲住吹水都幾開心。

環境像置身南國，食物好吃，跟價格成正比，清酒選了李白 兩人對酌 山田錦純米吟醸，擁有大吟釀規格但只命名為吟釀的淸酒。帶菓香，dry，帶酸度，aftertaste 淡而長，跟肉類，串燒，烏冬等食物搭配也十分出色的清酒。李白 兩人對酌 山田錦純米吟醸李白酒造產地 島根県松江市使用米 山田錦精米歩合 48%酵母 --Alc 15%日本酒度 +4酸度 1.5飲用時温度 冷飲

大概10年前開始光顧，由尖沙咀店開始，花生豆腐由$45大大舊食到宜家$65細細舊。不過都係必點！其實尖沙嘴店多好多野食，起碼一堆日本直送的鮮魚可以做刺身🐠🐟🐡🐙🍣，又有松葉蟹自助餐🦀今次去有少少唔開心因為無左雞肉棒😭，只好點個雞肉餅。赤身都唔算好靚，其他食物都好好，最後個飯團幾好味，可以試，下次試埋另一個口味。有一點想表達下，d酒瓶好多塵，一打開飛曬d塵落酒度，又俾返個客飲🤭吸下塵先開檔好d。

呢幾日食得幾清，而且今晚努力做完Gym，可以食得放肆少少！話雖放肆，都有小心選擇，盡量去些不太邪惡的餐廳！最後揀了日本菜—樂宴；而在食物方面亦盡量避免炸炒煎那些烹調方式。餐廳不算大，我們二人坐吧檯那邊。偏暗的燈光加上實木吧檯，營造出一股神秘感；室內的裝飾與說着日語的顧客，很有日式氣氛。* 枝豆 * 每位客人一坐下便送上一小碗，我沒有特別檢查這是否收費，不過是挺甜的。* 海葡萄 * 之前在別的地方都有吃過，比我記憶裏的鹹少許，但加上醋汁是很好味的！而且我喜歡那一咬即破而且有種黏黏的感覺。* 豆腐白飯魚仔沙律 * 豆腐又滑又有豆味，清清地就可以食出魚仔味。醬汁不多，這對我來說是加分位。* 是日刺身拼盤 * 新鮮甜美，尤其喜歡赤貝、牡丹蝦及深海池魚。帆立貝味較淡，相比下有點遜色。* 鹽燒銀杏 * 沒料到是連殼燒的，很有趣。不過味道上沒甚麼特別。* 墨汁帶子茶杯蛋 * 蛋滑，不太削身。襯出帶子的甜味。墨汁加了好像都沒甚麼分別。

當小弟還未前往沖繩前，第一次接觸沖繩菜就係樂宴，亦都因為係樂宴，我發現沖繩菜也很合口味，所以我就跟女友去了沖繩。裝修好有日本居酒屋味道，感覺置身日本一樣，每次去都有日本客人係隔離。好少餐廳我會一去再去，因為好食既通常好貴，平既好難做到好食令我會再翻啅。但每次朋友問我有咩餐廳推介，其中一間我會講係樂宴。最簡單既菜式，最難做得好吃，苦瓜炒蛋，就係令我愛上苦瓜的菜式，唔苦既沖繩苦瓜，加上滑一滑既靚蛋，仲有agu 豬肉， 一個字：掂呀花生豆腐，帶出兩個層次既味道，鹹加花生香味，比我在沖繩食既花生豆腐更佳