影片
更多
2018-07-13
1093 瀏覽
我同朋友都喜歡試新嘢，每次相聚都會揾下啲大家都未試過，comment又唔錯嘅試下，今次就嚟咗呢間。整體嚟講，食物份量好細，味道又普普通通，無乜驚喜，所以相比之下，就覺得好貴。食完之後，唯一印象就係碟碟都好細，得一個餸覺得好食，留下印象，就係魷魚鬚。重有一個記得，就係番薯餅，因為覺得好麻麻，咬咗一啖，就唔係太想食落去。其他，食完都唔係好記得乜味。至於服務，態度算有禮，但趕客嘅行為又做得好出面㗎喎，真特别。話說我哋食完數碟已覺食物一般，份量好細，但又唔平，就諗住停一停傾陣偈先再諗下叫乜好啦。 點知佢啲職員走埋嚟收咗我哋啲碟，重將我朋友對筷子都收走埋。 咁我哋就立刻叫多幾碟啦， 因為真係完全未飽。但之後我哋發現，佢哋除咗收碟收得快之外，成日都唔嚟幫我哋斟茶。 就算叫，有時都會忘記了，要再叫。但係我哋又見到佢哋會自動攞住個壺去其他枱斟茶㗎喎。 講真，間鋪咁細，枱都唔係好多張，有乜可能唔記得呀，好明顯係想唔畀茶我哋飲，等我哋自動撤退啦。佢哋隻茶杯咁細，兩三啖就飲完， 呢一招都真係幾有效㗎。成日要叫人斟茶，我都覺得煩啦。而且當我哋一食完最後一碟，佢哋都將我哋嘅碟同筷子立刻全部收走晒， 問都唔問吓
整體嚟講，食物份量好細，味道又普普通通，無乜驚喜，所以相比之下，就覺得好貴。
食完之後，唯一印象就係碟碟都好細，得一個餸覺得好食，留下印象，就係魷魚鬚。重有一個記得，就係番薯餅，因為覺得好麻麻，咬咗一啖，就唔係太想食落去。其他，食完都唔係好記得乜味。
至於服務，態度算有禮，但趕客嘅行為又做得好出面㗎喎，真特别。
話說我哋食完數碟已覺食物一般，份量好細，但又唔平，就諗住停一停傾陣偈先再諗下叫乜好啦。 點知佢啲職員走埋嚟收咗我哋啲碟，重將我朋友對筷子都收走埋。 咁我哋就立刻叫多幾碟啦， 因為真係完全未飽。但之後我哋發現，佢哋除咗收碟收得快之外，成日都唔嚟幫我哋斟茶。 就算叫，有時都會忘記了，要再叫。但係我哋又見到佢哋會自動攞住個壺去其他枱斟茶㗎喎。 講真，間鋪咁細，枱都唔係好多張，有乜可能唔記得呀，好明顯係想唔畀茶我哋飲，等我哋自動撤退啦。
佢哋隻茶杯咁細，兩三啖就飲完， 呢一招都真係幾有效㗎。成日要叫人斟茶，我都覺得煩啦。而且當我哋一食完最後一碟，佢哋都將我哋嘅碟同筷子立刻全部收走晒， 問都唔問吓食物上齊未或仲有冇嘢叫，就自動幫你收走晒， 咁我哋咪埋單走囉。
其實我哋都唔係好明做乜嘢要咁樣趕客。因為都無人等位，其他枱都仲食緊，並非趕收エ。 我哋唯一諗到，我哋同其他枱嘅分別就在於我哋無叫酒囉。其他枱基本上都有叫啤酒或清酒，佢哋對嗰啲枱斟茶斟得好殷勤㗎，不過係咪真係因為咁，就無從得知啦！
呢碗麵真係好細，比九X牛腩麵更細。
張貼
