樂天皇朝 (東薈城名店倉)

營業中

休息中

呢間樂天王朝都幾出名，相信好少人唔知🤣前牌同男朋友去咗食～整體環境都好舒服～生煎包：底皮脆脆地，入邊仲有肉汁～味道都唔錯宮廷驢打滾 ：我覺得係今晚最佳！甜而不膩好好味！聽講係宮廷傳統甜品,紅豆配上黃豆粉，再加上煙煙銀銀嘅口感好好味酸辣湯蝦仁拉麵🍜：呢個相對比較重口味，係酸辣口味嘅，材料都幾豐富～蝦仁都好多，比較稠身上海炒年糕：呢個都唔錯幾正宗～年糕煙靭可口，朔晒啲醬汁！材料都好多整體味道都好唔錯

返到娘家了，喺青衣城3樓見到“樂天皇朝”，想食清淡啲就來呢度啦。小食，麵食，飽點，涼菜，小菜，甜品......任意點，選擇多多，唔知揀咩好，但今日有個原則就係唔揀辣嘢，保護喉嚨，最後大家意見一致，點咗以下食品：“蘿蔔絲酥餅 ”、“炸饅頭”、“李白醉雞 ”、“上海風味醫鴨 ”、和“開洋蔥油拌麵”。蘿蔔絲酥餅唔係好多地方有得食，有時第二度有得食，但個樣醜醜怪怪，冇晒食欲，但呢度唔同，一路都keep住水準，一排整齊的卷卷的排紋，看得我心花怒放，食落口感更酥脆，而蘿蔔絲亦有口感，味道適中，正👍。炸饅頭有细時回憶，唔知係為左碟煉奶或是饅頭本身，總之好食就得；醉雞就係鍾意佢淡淡的酒香同嫩滑的雞肉，呢點“樂天皇朝”做到恰到好處。蔥油拌麵係每次必點，如果唔好又點會次次嗌呢？

掛住小籠包/上海菜，好多時都會嚟呢度，除咗小籠包出色外，都係貪佢分店多而且坐得舒服，今次嚟開東薈城呢間分店服務唔錯，友人食得比較輪盡時仲及時遞上紙巾，十分貼心。原味招牌小籠包 (6粒）必點item😋味道唔錯內裡有滿滿嘅湯汁，皮嘅厚度啱啱好，加上蒸籠底用布墊底，冇咁易夾穿漏汁❗️聞香蔥油餅🌱食落香口，充滿濃濃蔥香味☺️🧆京醬肉絲肉絲幾嫩，份量都幾多可以啖啖肉咁包住食🌯，調味咸甜適中，醬汁夠多嘅關係食落啱啱好唔會dry!雪菜鹹肉炒年糕🧑‍🍳推介之選! 平時麻麻地食炒年糕，今次呢個年糕煙韌唔厚，鹹肉肥肥地但唔膩，而且重點係個咸香好得! 驚喜! 唔算好咸但個香味好出，配合埋淡味嘅雪菜同年糕感覺係有昇華🥰!!!平時嚟到都係飲茶🫖，今次見佢出咗特飲，睇落幾吸引，仲幫助消化就嗌咗以下兩款:🥤金草麥芽山楂茶酸酸甜甜咁幾開胃，仲有幾粒山楂肉咬下😋 🍋自製檸檬薏米水友人叫咗呢杯，薏米都幾加多, 味道清新少甜，加埋檸檬幾fresh

第一次嚟東薈城分店，招呼好好，食物一如既往間間都咁好味，會一直支持！希望多增設分店今日食左楊州炒飯，東波肉，招牌小龍包，抄手熱伴麵，下次一定要試上海炒飯。。。。

最近去東薈城shopping，到夜晚9點大部份餐廳都關門，見到樂天皇朝仍未~經常見到樂天皇朝8色小籠包廣告好吸引，今次終於有機會品嚐~特色皇朝小籠包 （8色） 超級吸睛的招牌！8種顏色的小籠包，簡直色香味俱全。店內更貼心提醒吃小籠包的順序，確保從淡到濃慢慢品嚐。次序為原味、糟溜絲瓜、鵝肝、黑松露、芝士、蟹粉、蒜香及最後的川味。每一個小籠包都有其獨特的風味和特點，令人回味無窮李白醉雞(+$10轉雞髀)經理推介，受歡迎又經典的川菜美食。雞髀肉質鮮嫩，入口即化，帶有微微的酒香，與醬汁的滋味融合得恰到好處。鮮蝦抄手伴麵抄手皮薄而富有彈性，裡面包裹著鮮蝦的餡料，每一口都充滿了海鮮的鮮美味道。搭配麵條，增添了口感的層次感。口味偏辣，配上炸蒜非常開胃。蒜茸清炒菠菜簡單、美味又營養豐富。菠菜經過短暫的炒煮，保持了它嫩綠色澤，口感爽脆。而蒜茸的香氣與菠菜的清爽相結合座位舒適，食物味道好而且店員服務態度是超級好，令人感覺賓至如歸，必定會再到訪💕😆

記得樂天皇朝嘅八色小籠包，曾經成為城中熱話，今日經過就再去尋回記憶。每張枱上面都有卡紙，詳細介紹每隻顏色代表咩味道，以及品嚐嘅先後次序。由淡到濃，每一隻味都各有特色，但我最鍾意嘅都係佢嘅原味哈哈。朋友想食蘿蔔絲酥餅，出乎意料地有驚喜！上枱時熱辣辣，一咬落去超級鬆脆，入邊係滿滿嘅蘿蔔絲，十分滿足！甜品叫咗宮廷騾打滾，一開始聽個名完全唔知係咩，見好多人推薦就膽粗粗叫嚟試吓。估唔到咁古色古香嘅名字，竟然係我最鍾意嘅麻糬！煙煙韌韌又有層次感，紅豆餡都唔會過甜，出面再加咗一層黃豆粉，錦上添花！題外話，同茶一齊附上嘅花生小食，都有驚喜。軟身入味又唔會太粉，好少茶芥包埋嘅小食會做到。

之前同屋企人食飯都好幾次黎呢間餐廳，但主要都係點d大份的菜式。今次係放工同肥伴搵野食，就黎左呢度。發現原來呢度d野食細細份，可以叫好多嘢食。最啱我地呢d眼闊肚窄ge人😂😂😂「上海媽媽烤麩」好好食，係齋黎ge，味道有d甜甜地，而且好入味，每次黎都係必點。「川味涼拌」真係好有川味，同之前去四川食ge味道差不多，但就無四川食ge咁辣，比較適合香港人的口味。「蘿蔔絲酥餅」外面的層酥皮口感好鬆脆，裡面的蘿蔔絲襯托這酥皮簡直係絕配。「宮廷驢打滾」係一個甜品，口感有d似糯米糍，裡面卷住一d紅豆蓉。但唔會整的太甜，甜度適中。餐廳的服務依舊是很好。環境也很舒服。

前一排去大嶼山行完山 返咗東薈城搵食 最後揀咗呢間樂天皇朝餐廳環境幾舒服 可以同朋友慢慢食慢慢坐小籠包 ($72)黎到樂天皇朝當然不能錯過佢地嘅招牌小籠包 欣賞佢皮薄多汁 沾完醋味道十分平衡蟹粉鍋貼 ($58)適逢蟹季 餐廳推出咗多款蟹肉蟹粉嘅餐點 鍋貼非常有驚喜 食落幾濃蟹粉味 今次點咗兩款麵食 一濃一淡 各有特色清燉雞湯拉麵 ($95)雞湯清甜 湯裡面有兩件雞腿肉 好似沾麵咁食京味炸醬拉麵 ($72)朋友叫嘅拌麵 相對重口味 麻辣味後勁十足

家下係食大閘蟹嘅季節，樂天皇朝出咗新Menu係用蟹粉嚟整嘅菜式，當中有蟹粉鍋貼，蟹粉兩麵王，最後仲叫咗個京醬肉絲配薄餅蟹粉鍋貼🥟： 煎鍋貼帶有香脆口感，肉餡配上黃金蟹粉，so yummy 😋 蟹粉兩麵王：脆卜卜嘅麵條再配上邪惡嘅一両蟹粉，感覺仲有啲似肉絲炒麵，不過就係高級版，炸麵配蟹粉，蟹粉口感鮮香京醬肉絲配薄餅：豬肉絲再配上京蔥炒，再夾住中式薄餅，正！最後我哋仲叫咗薏米水滋潤下個喉嚨，冇咁乾燥，好適合而家天氣飲小編開心嘅時候係撞正午膳時間，都幾多人等候，有興趣食嘅朋友，就真係要早啲嚟啦

樂天皇朝好多間分店，口碑都唔錯。今晚我食左佢哋嘅酸辣湯蝦仁拉麵、京醬肉絲、糖醋魚同心太軟。酸辣湯蝦仁拉麵湯底酸辣味好夠，少少搶口，微微辣嘅香氣，配上鮮嫩嘅蝦仁同彈牙嘅拉麵，成碗湯飲曬。京醬肉絲係另一道好唔錯嘅菜式，肉絲炒得香甜，醬汁濃郁而不膩，帶甜鹹嘅味道，配埋好似填鴨皮嘅餅，好開胃。糖醋魚亦都好好食，魚肉大舊，糖醋醬汁酸甜開胃。最後一道心太軟係用糯米同紅棗製成，口感綿密煙韌，紅棗嘅香甜味道同糯米好夾。

樂天皇朝嘅小籠包，喺我心目中永遠都係最好食🤍佢哋控制個皮嘅厚薄，控制得非常好👍🏻夾嘅時候唔會穿窿之餘，又可以包得住啲湯汁👅$72/6隻原味小籠包👍🏻另外叫左擔擔麵，花生味濃，而且又好惹味🥜不過唔知點解今次食比較少湯，差啲唔夠撈🙈糖醋魚有6塊，4粒菠蘿🍍，不過洋蔥有啲軟，如果可以淋啲就100分！仲有年糕湯，個湯乳白色，而且入面好多菜，讚！ 回頭率：👅👅👅👅性價比：👅👅👅打卡值：👅👅👅

📍 樂天皇朝（東涌）呢間餐廳想食好耐，有個特色招牌八色小籠包係最吸引我既菜式，平時己經好鍾意食小籠包，呢家仲可以食到八種不同口味，顏色己經好吸睛😍今日可以大快朵頤食到盡，開心😃🔸紅油炒手每一顆都好大 肉餡扎實很鮮甜😍紅油抄手特別的是有齊全的配料拌上辣油醬汁麻辣帶勁🌶️還附上了蔥花及花生碎也更增添了口感及香氣🔸上海炒飯經常中國料理炒飯，上海經典主食，以醬油作調味，米飯粒粒分明，每一粒米都染上醬油味道及顏色，味道剛好不會太鹹，食晒整個飯，好大滿足感😍🔸特色皇朝小籠包八種口味分別有，原味，糟溜絲瓜，鵝肝，黑松露，芝士，蟹粉，蒜香，川味～本人比較鐘意，蟹粉同黑松露，味道比較特岀，蟹粉仲要係時令季節限定，特別鮮甜，無論係外皮定內涵，都充滿蟹粉味🦀小籠包每日係廚師嘅手工傑作，每粒只有25克，好平均，湯汁飽滿，皮薄如紙，就算整隻夾起，都唔會穿，好有成功感，口感“Q”彈，湯汁清甜不油腻，果然係色香味俱全～

今日放假同朋友黎東薈城逛街，揀咗呢間上海菜。環境開陽，座椅多亦舒適，不用等太耐就有位。🔸招牌原味小籠包$72皮薄如紙，肉嫩多湯汁，夾起時不會穿，小心湯汁燙嘴喔。🔸京醬肉絲$108肉絲分量十足，濃味的醬料包住肉絲，再用薄餅卷著食用，很配搭。🔸薺菜黃魚春卷$55香濃滿滿的薺菜味，黃魚厚肉帶鮮味。🔸蝦仁酸辣湯拉麵$78酸辣湯辣得來，卻非常開胃，麵條軟硬適中。🔸香煎豆沙鍋餅$58香甜的紅豆蓉，脆脆的外皮。

去完大澳之後，當然係搵最近嘅東涌東薈城醫肚，好多食肆選擇真係唔知揀邊間好，最後揀左食上海野野，order左生炒油麥菜$72(炒得5多油👍🏿)、蟹粉鍋貼$58(煎得好香脆😋)、原味小籠包$72(咬落口好juicy汁都噴埋出泥🤣)、酸辣湯拉麵$78(辣度適中5會過份酸，恰到好處)、香煎豆沙鍋餅$58(即煎好脆口😋)、最後order 埋甜品檸檬蘆桂花蜜$33(我覺得比較酸、味道麻麻，比較遜色)，座位都算坐得舒適

一出東涌地鐵站就係東薈城夠哂方便，同阿囡去完迪士尼黎醫肚，平日時間都好多人等位，我地攞左飛等左大約15分鐘，值得的。最近阿囡愛上食少少辣既野食，呢碗皇朝擔擔拉麵佢一個人KO 左！！ 不停讚好好食，麵質好好咬，掛汁仲好香花生味！！ 青瓜係冷盤凍食的，可以為今日既炎熱降降溫解下暑。 調味醃製味道令佢更加容易入口，食唔停！ 小籠包睇黎係必點之一，每一枱面都有一籠， 果然名不虛傳，湯汁飽滿， 肉質鮮味， 皮薄得嚟夾起又唔會散，師傅功架一流。炒飯配料好豐富，色澤均勻，好滿足呀！