樂天皇朝 (將軍澳中心)

營業中

休息中

呢日黎到將軍澳呢間樂天皇朝, 入到黎感兜好舒服, 座位都好闊落, 真係坐得舒服 黎到呢度一定要食佢既小籠包,我地叫左6隻原味小籠包,枱面已經有醋同埋薑絲可以點黎食, 佢既小籠包真係冇得輸, 個皮好薄,但夾起又唔會穿唔會漏汁,小籠包入面有勁多汁, 真係超好食! 另外我地仲叫左擔擔麵, 擔擔麵係比較辣, 都好好食, 個湯底好濃, 超正! D 麵份量都幾多~ 另外我地仲叫左砂鍋雲吞雞半隻, 入面有6粒雲吞6份菜同埋有D 金華火腿, 個湯好鮮味好好飲! 好食! 大滿足!

四川辣子雞 (118hkd)一上枱已經聞到好香，辣椒🌶️紅紅火火好有食慾，雞丁炸得好脆卜卜好香口，雞肉亦不乾柴，會上癮的味道～皇朝擔擔拉麵 (78hkd)花生🥜醬味道幾重，湯底濃味而不死咸，辣度適中，麵條有咬口八色皇朝小籠包(148hkd)同朋友按顏色隨心挑選小籠包😂八個顏色好靚好精緻，最驚喜是灰色的蒜香，一咬落去有明顯的蒜味衝出，好有肉汁和肉香，另外，朋友最鍾意鵝肝小籠包，外面從未見過，鵝肝愛好者必點，最後絲瓜好清新的口味，幾吸引～Ps.店員好忙仍保持非常友善的態度，店內都好企理乾淨#foodiblum中式

特色皇朝小籠包顏色吸睛，八色小籠包分別代表八款口味，招牌原味、 蒜香、川味、芝士、糟溜絲瓜、鵝肝、蟹粉、黑松露，餐廳會派發一張紙仔，介紹食嘅先後次序，由淡味至濃味每一粒都爆汁，食落每一粒都有佢淡淡的風味，但主要都以小籠包本身個味道為主，所以食落唔會好怪。肉絲年糕豬骨湯 熱辣辣嘅豬骨湯裏面有津白、菇絲、肉絲及煙煙韌韌嘅年糕片比起炒年糕，呢款會清淡啲。上海生煎包生煎包底部煎得金黃焦脆，外脆內嫩，肉餡鮮美而且肉汁濃郁。

凍冰冰想食小籠包就去左呢間餐廳 入到餐廳人數唔多 服務非常好 介紹前菜 有蠟燭warm住啲茶 點左楊州炒飯 醉雞同小籠包 楊州炒飯粉量正常 但唔夠味 蝦仁係完全冇味 自己加反辣椒油or 用醉雞既汁撈先好味醉雞酒味濃郁而唔咸 雞鮮肉嫩 十分推薦既前菜 小籠包熱辣辣 皮薄肉嫩 湯汁好多 餐廳位置寬敞 用餐舒適 體驗良好

樂天皇朝令人舒服既上海店清燉雞湯好足料,而且飲落去又真係好舒服同暖胃小籠包必叫,因為樂天皇朝既小籠包真係好好食, 皮薄,而且一咬入去真係好多汁好夠味,令人有好舒服既感覺,入口即溶既感覺。蝦仁酸辣湯拉面平時比較小食,今日想試下酸辣湯,真的不錯,好易入口,而且好足料,好欣賞依個拉麵。無鍚鮮肉窩貼、上海生煎包兩款唔同質感,但肉質都好鮮甜好味,好好食既點心類食物刀切小曼頭 (炸)童年回憶,的確幾喜歡炸曼頭再加煉奶每次都可以叫不同款式既店,推薦~

呢度平日有午餐都幾抵食，餐廳服務好好，感覺舒服！首先係酸辣湯，湯底濃郁，酸味和辣味嘅平衡恰到好處。每一口都帶有香菇、豆腐同竹筍嘅鮮味，搭配上微微的辣，真係開胃！接住就係擔擔麵，麵條彈牙，搭配上香濃的芝麻醬和花生醬，味道層次非常豐富。辣味亦不會太勁，幾啱我口味！然後話梅骨，肉質鮮嫩，酥脆嘅表皮帶有淡淡嘅話梅香味，酸酸甜甜。小籠包包皮薄而有彈性，咬落去湯汁滿滿，肉餡鮮美，配上醋和薑絲，味道更加出色。最後，當然唔可以錯過鍋貼，煎得香脆！

久不久都會去食樂天皇朝，每次都覺得好味😋，雖然價錢稍貴💰，但又覺得味道對得起這價錢👌。今次第一次叫了：#清燉雞湯拉麵 🍜小驚喜🎉！燉盅好別緻✨，燉雞湯好鮮甜🥣！只係略嫌整個麵只有燉雞和湯，燉雞肉始終也會較：「鞋」😅，如果可以多一隻雞脾🍗就perfect！然後叫了經常食的：#招牌原味小籠包（6粒） 🥢🥟一如以往皮滑又薄、肉汁多又鮮甜🤤！上桌時staff提醒記得要襯熱食🔥，冷左皮會變硬冇咁好味。#紅油鮮蝦豬肉抄手（6粒） 🌶🦐🐷靈魂紅油抄手汁好好味🔥！鮮蝦豬彈牙，雲吞皮好薄，必食💯！#皇朝擔擔拉麵 🍜🥜老公喜歡😍，拉麵有咬口🍜，擔擔麵汁又係調得好惹味😋！

樂天皇朝，上海菜餐廳我地叫左招牌原味小籠包，六粒的份量岩岩好。小籠包的外皮薄透，輕輕一咬，鮮美的湯汁便在口中爆開，搭配著肉餡的鮮香，令人食完想再食！絕對係招牌必叫！必食！蝦仁酸辣湯好足料，湯色透亮，香氣撲鼻，酸辣的味道恰到好處，讓人食欲大開。湯入面蝦仁鮮嫩，與酸辣的湯底相得益彰，好有豐富口感層次，酸酸辣辣好開胃🫶🏻。醋醬海蜇頭 係一碟清爽的開胃小菜，海蜇的滑嫩與醋醬的微酸相結合，食落感到清新無比，特別適合在熱天享用。每一口都能感受到海鮮的鮮味，唔錯👍🏻肉碎欖菜乾煸四季豆四季豆炒得恰到好處，保持了脆嫩的口感，肉碎的鹹香融合進去，絕對係送飯一流🐷這道菜簡單卻充滿家庭的溫暖，十分下飯。呢間餐廳的菜品新鮮美味，服務周到，是品嚐正宗上海菜的好去處！正宗好味😋

休閒的下午茶今日突然之間想食小籠包就諗起屋企附近嘅樂天皇朝🍽️前菜係花生栗子🌰點咗個李白醉雞$93 雞好滑 前菜好開胃 ～ 花雕酒味好易入口 唔會好濃 有好多唔同味道嘅小籠包 最後我哋揀咗呢個係黑松露小籠包 $138/6粒 由於得2個人食 ～ 入口多汁 味道濃郁黑松露味 👍哇 …紅油鮮蝦豬肉炒手拌麵 🍜$78好好味 … 一上枱 已經聞到好香嘅麻味～越食越惹味 鍾意食辣嘅朋友仔可以試吓呢個新出咗個熱飲好啱我～環境都幾闊落 服務員都好有禮貌，態度都好好👍👍

週末的日子，突然想和家人去吃點心，又不想和平時在區內的那些酒樓，所以我便想起了這間餐廳，想吃他的小籠包。這兒的小籠包真的非常好吃，皮薄餡靚，不過，價錢亦不便宜。如果沒有下午茶時段的五折或六折優惠，我個人覺得很難為顧這間餐廳，因為實在太貴了。其他菜式價錢亦不便宜，因為budget有限，今次只是吃了一籠小籠包，希望下次可以再下午茶時段再來光顧，常常用五折或六折吃小籠包，那麼，這可能會令我更加想來幫襯的。

😋將軍澳必食小籠包😋-今晚想食小籠包😌所以去左間招牌係小籠包既樂天皇朝到食🤗唔止小籠包整得好😳其他菜式都十分出色😋-🥠招牌原味小籠包（6粒）小籠包皮好薄多湯汁👍🏼鮮甜湯汁一咬開充滿口腔🤤豐富嘅味道令人回味😋除咗原味仲有七種口味選擇-🧧樂天秘製福花非常好意頭嘅名好啱新年食👍🏼微微嘅辛辣感覺炒既菜花🤤加上鹹香嘅臘肉😋非常惹味嘅一道菜-🥚瑤柱芙蓉賽螃蟹一道考功夫既火候菜依到做得好出色👍🏼炒得企身潔白同入口嫩滑😋加埋醋食味道更加豐富-🍜開陽蔥油拌麵拌勻之後面身沾滿焦香濃郁既蔥油😋麵身亦都好彈牙-📍樂天皇朝將軍澳唐德街9號將軍澳中心地下G31號舖

無錫鮮肉鍋貼（3粒）鍋貼外脆內嫩，個皮炸到金黃，咬落去有種香脆感😛。肉餡好鮮，調味恰到好處，唔會太鹹，仲有一啲香葱味😙紅油抄手（6粒）呢個抄手入面嘅餡料豐富，肉質滑嫩🤩，外面嘅紅油醬汁辣得啱啱好，唔會辣到食唔到味🤣。加上幾粒花生碎，增加咗口感😝刀切小饅頭（炸）（3個）炸饅頭外脆內鬆，口感非常特別🌟，配埋鍋貼或者抄手一齊食，真係好搭。蘸埋煉奶，味道更加出色😛蒜茸清炒菠菜呢道菜清新又健康👅，菠菜炒得剛好，唔油膩，蒜茸味道濃郁，食咗之後好有滿足感🔥上海炒飯炒飯粒粒分明，飯香四溢🥳，配料多元化，有蛋、蝦仁同埋青菜，每一口都好有層次感😍

晚上在將軍澳中心的#樂天皇朝開餐，地點方便的就在地鐵站上面。招牌李白醉雞（雞髀），酒味香濃，入口感覺凉爽，雞皮爽口而脾位肉鮮嫩，前菜之選。上海生煎包，皮薄軟鬆，煎得焦底酥脆，咬落肉味鮮有芝麻香味，唔錯。無錫鮮肉鍋貼🥟，鍋貼皮香脆煙韌, 肉質鮮甜美味可口。紅油鮮蝦鮮肉抄手，皮薄鮮蝦爽彈，紅油帶點辣都幾惹味。酸辣湯拉麵🍜，酸辣湯調味剛好，酸辣均勻，麵質爽彈又大碗。#樂天皇朝 #八色小籠包#酸辣湯 #拉麵 #上海菜

喺將軍澳想食小籠包，都唔係有好多選擇，今日就揀咗黎呢間。周末午市時段，唔算太多人，可能因為咁，環境都比較靜，可以慢慢嘆茶、好好傾計。小籠包都算係皮薄餡靚，一籠可以揀6隻或10隻，配埋醋同埋薑絲，襯熱食都真係幾好味生煎包個包質做得幾好，即叫即煎所以食落熱騰騰，個底香脆，如果入面多d湯就更加好喇！蘿蔔絲酥餅正常水準，唔會太油膩，入面個蘿蔔都幾多汁，夠味，如果再大隻少少就更好喇！賽螃蟹黎既時候係有一隻生蛋喺中間，比食客自己撈入個餸入面，呢種傳統食法終於回歸啦！以往好多餐廳可能因為covid或衛生問題唔提供生蛋，好影響呢個餸，而家咁樣就真係可以原汁原味咁食啦！上海炒飯正常發揮，碟飯個色雖然比較深色，但味道唔會太咸，做番上海茶有濃醬既特色炒油麥菜味道ok，不過明明落單時揀咗少油，但食落卻覺得幾油，呢個就有少少失望。整體黎講，呢餐飯既食物大致唔錯，下次會再去試其他菜式。

餐牌主打經典上海菜，招牌菜係8色小籠包，一次食到8種不同口味，亦有特色熱菜、粉麵及甜品，選擇豐富最值得讚係店員好有禮貌，服務方面好加分🎈招牌原味小籠包小籠包外皮薄身柔軟，內裡湯汁飽滿，清甜得嚟唔油膩，加配薑絲同香醋，味道更有層次🎈芝麻醬油麥菜平時較少食到嘅冷盤，以青瓜卷住油麥菜，口感爽脆，清新解膩，好適合配濃味食物🎈李白醉雞濃郁花雕酒香，雞肉柔軟入味，雞皮爽滑，食到啖啖肉嘅感覺🎈桃膠紅棗桂圓湯有桃膠、紅棗、桂圓、雪耳、杞子，十分足料甜度啱啱好，而且有凍食或熱食選擇，作為飯後甜品最好不過