樂園魚蛋粉

營業中

休息中

星期五既晚上收工出左尖沙咀行下，行到七點幾有啲餓，見到有間魚蛋粉店，門面企理，就入去試下～呢度有八張枱，岩岩仲有一張吉枱，所以唔駛等位。仔細望下餐牌，原來除左魚蛋粉，仲有海南雞飯，不過今日比較想食粉麵，所以我地揀咗魚蛋米，雲吞麵，仲散叫左四寶丸同埋炸魚皮。本身望住個價錢以為會比較細碗，所以先會再加多個四寶丸，點知原來係正常大小，呢個價錢都幾抵食。講番碗魚蛋粉，有魚蛋同埋魚片，魚蛋真係好好食，個口感好好，彈牙，冇魚腥味！魚片就普普通通。雲吞麵既雲吞有四粒，都幾大粒，見到有蝦，真材實料，麵冇鹼水味。四寶丸有魚蛋，魚皮餃，豬肉丸同埋墨魚丸，平時出街好少食豬肉丸，但呢個豬肉丸又幾唔錯。炸魚皮都幾大包，勁香勁脆，值得一試！

#fafafoodblog尖沙咀 #fafafoodblog粉麵🍴招牌手打魚蛋河粉 29 蚊 🐟加鮮蝦雲吞 雙拼加7 蚊🥟魚蛋河全日29蚊都幾抵食 魚蛋有三大粒 好夠彈牙魚味濃 推介😀 雲吞個皮幾爽彈 包既摺痕幾靚 蝦肉彈牙🦐再加 d 豬肉調味 夠層次感 河粉份量多 比較爽口 盡吸湯汁 加埋辣油正🌶️🍴五香牛雜麵33 蚊🍜🐂有爽口彈牙既金錢肚 肥美既牛腸 有口感既牛蒡 牛肺 🐮 夠足料 而宜醃得好香 麵夠爽口 湯底帶 d 牛既咸香 落 d 辣油更惹味🌶️🍴脆炸門鱔皮 32 蚊🐟🔥自家工場整 塊皮好厚 一塊等於人地平時炸魚皮三塊💪🏻 整得好香脆 魚味偏濃 因為佢比較厚身所以要放落湯耐 d先得 浸既湯帶 d菜同胡椒味 同魚皮好夾 正👍🏻🍴生菜加10 蚊🥬生菜夠新鮮 落油剛好 所以色澤唔錯 就甘點 d蠔油都好夠味👍🏻#生菜 #粉麵 #魚皮 #門鱔 #魚蛋 #河粉 #雲吞 #鮮蝦 #牛雜麵 #牛肚 #牛肺Score 平均分< 8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價

去到尖沙嘴想食碗潮式粉麵加碗紫菜湯，我一定推介你去樂園。係金馬倫道街口，位置當眼容易搵。入到店鋪，地磚用左特色瓷磚鋪地，燈光光猛，地方乾淨整齊。雖說是茶餐廳，但餐牌居然好國際化地寫上日韓文。呢到的牛坑腩是限量提供，想必味道不錯，供不應求。海南雞飯亦是推介之一。所有配菜可以配搭粉麵或飯。但我和朋友均是飯桶，便各點一個牛坑腩飯和海南雞飯，加芥蘭，飲品點豆漿。落單時，店員推介我地試下帶骨魚皮，拍心口說這個與平時食開的脆魚皮不一樣，讓我們點個試一試，牛坑腩炆得夠軟嫩，醬汁入味，送飯不錯。海南雞飯配油飯，雞肉香滑，油飯香口，份量也頗多，非常抵食。帶骨魚皮會附送一碗湯，讓你在食之前將魚皮浸落湯入面使之腍身。帶骨魚皮著實比平常超市買到的魚皮不一樣，由於是將連骨的地方炸，會更硬而且跟多一百倍的脆口。因為魚皮確實硬身，建議將魚皮浸湯時間長一點，會較容易食。一餐飯$150左右，有飯有湯有菜有飲品，尖沙嘴地段來講，非常抵食了。

又到晚飯時間，今次就清一啲去食魚蛋米啦！黎到尖沙咀呢間魚蛋粉麵，第一吓就比佢個價錢吸引左，碗碗粉麵都係三十幾蚊左右，最平嗰碗竟然係$29 ，心諗，有冇咁平嫁吖😂，唔理啦，入去試先啦叫左碗必食既招牌手打魚蛋河，魚蛋非常彈牙，而且份量都多，唔好以為$29就得好少材料，都係咁多！河粉麵量夠多，直頭係「價廉物美」啦！正！一定會返兜啊！又叫左個「脆骨魚皮」，真係好脆，係湯浸左好耐都仲係咁脆，係靚魚皮黎嫁，原來睇真啲，原來中間夾雜咗一啲小魚軟骨，就係啲魚骨令到佢咁脆，而且每塊都超級巨大，仲大過我隻大掌，我都係第一次食到咁高質素嘅魚皮，擴闊左眼界，唔係，係肚界先岩😂加多$10 ，仲有靚油菜，我哋叫全走，真係一滴油都冇，夠晒健康，菜非常之新鮮，份量都唔少，真係超抵

尖沙咀新開的樂園魚蛋粉，同事們有新食堂了！價錢實惠，而且選擇大眾化，大家看來都喜歡這間餐廳，今天下午茶又來了🙈五香牛雜米粉牛雜有牛肺、牛肚和牛膀等等，非常多種類，煙煙韌韌，又夠入味！好味凍奶茶有淡淡的奶茶香，正值秋季，但凍飲是必須的，來杯凍冰冰的飲品👍🏼金牌豬手飯金牌豬手果然名不虛傳，豬手軟綿綿的，有豐富的骨膠原，而且非常入味。一件件的蘿蔔、軟熟又沒有渣，蠻好的。紫菜湯料足，清熱👍🏼👍🏼菜心油菜有芥蘭、生菜和菜心，我們選了菜心，有特製蠔油，菜心翠綠，而且份量足夠兩三人分享，值得一點。

在The One 睇完戲覺得肚餓，行到金馬倫道見到有間粉麵店，裝修簡樸衛生，叫咗一碗古法鮮蝦雲吞粗麵$29，有四粒比較精緻嘅雲吞，皮薄餡靚，鮮蝦味十足有大地魚嘅鹹香同半肥瘦豬肉嘅甘香，好滋味$10可加配一碟油菜，我選擇了菜心剛好下午茶時段送熱飲，凍檸檬茶另加$4，大大杯，茶味夠香濃

尖沙咀好多好野食, 但有時想買碗粉食下反而覺得好難!知道開左樂園魚蛋粉, 所以就買外賣試下!!牛雜麵麵同湯底分開左, 拎到番屋企d麵仲係好爽口! 幼麵好食, 唔重簡水味, 牛雜份量好多, 而且款款都有, 唔會淨係比晒d肺你架!牛雜入味, 湯底好濃, 真係好好味!!門鱔皮本身諗住買炸魚皮, 店員推介門鱔皮, 估唔到真係好好食!因為好厚身, 好香, 比一般魚皮好食!海南雞飯老豆食飯唔食麵, 海南雞無骨淡淡肉好正, 飯粒分明, 有油香但唔肥膩, 好食!

今日去到尖沙咀行街，原來已經十點多，在遠處看到一間橙色的餐廳就行過去看看，在門口看到原來除了麵還有飯吃，我們二人就決定來這間吃，入到去十分乾淨而且空間感十足不會覺得迫，除了剛才的餐牌在桌面看到酥炸門鱔皮好特別當然就試一試，將門鱔皮放落湯浸10秒左右就食，面有點但入面好脆口連骨都可以食到好味道，怪不得待應都推介我食這個。叫了麵可以加錢飲凍檸檬茶都十分大杯，夠酸又夠凍。牛什河的牛什好入味濃濃牛肉香，配上辣椒油更加惹味，湯底濃之餘又不覺得咸，河粉好滑身份量仲要都幾大碗十分飽肚。而我就見到有海南雞就叫一個但因太夜沒有油飯只可選白飯，飯十分軟熟，雞肉嫩滑，醬汁濃濃的一起吃十分好味。最後再叫了一個墨魚丸，粒數都不少，咬落去好彈牙啖啖肉十分有口感。我們二人食完都十分飽肚而且價錢十分抵食，之後在尖沙咀食飯又可以有多個選擇。

呢日約咗尖沙咀睇牙醫，去之前先喺附近搵搵嘢食，最後食咗呢間樂園魚蛋粉！入面環境頗舒適、光猛，有別於一般舊式魚蛋粉舖。餐牌選擇有粉麵有飯有小食：雙拼魚蛋雲吞河佢個名叫樂園魚蛋粉，梗係試下佢嘅魚蛋河，突然又想食雲吞，所以就要雙拼啦。一黎到，嘩，有三粒魚蛋三粒雲吞，最誇張係啲粉嘅份量，我覺得比平時食魚蛋粉舖多好多，好似自動加咗底咁樣，好抵食呀！魚蛋係潮式白魚蛋，好彈牙，又有魚味，唔係溝粉嗰啲，好配合河粉。雲吞雖然唔算大粒，但係好足料，見到有蝦有豬肉，比例適中。酥炸門鱔皮(脆骨魚皮)見到枱面介紹呢個酥炸門鱔皮，好似幾得意幾吸引，所以忍唔住叫來試下。落單時店員話即係脆骨魚皮，哦，咁就明白，原來係連骨炸，諗落都覺得脆。跟指示將魚皮浸湯5－10秒，表面濕濕地更易入口，中間依然好脆，可能因為連骨，比平時啲魚皮真係脆好多。而且鍾意佢嘅魚皮好完整，唔會碎晒。上湯蘿蔔以為加$10份量唔會好多，起初望落都以為唔多。點知夾夾下好多，食完一舊又一舊，好飽。鍾意佢夠晒淋，一啲渣都冇，清清哋，最後竟然全部食得晒。另外再加埋杯凍檸茶，食完滿足晒

今日去尖沙咀做美容療程，好好保養一下。每次做完療程，頭髮好亂，面上又沒妝，所以我都會馬上回家休息。不過今晚家裡沒有煮飯，所以我便在尖沙咀走走逛逛，看看有什麼東西買回家吃。走著走著，發現一間新開的港式魚蛋粉麵店，所以便來光顧一下，支持小店吧! 原來小店不只售賣粉麵，更有米飯供應，今天便買兩個飯盒回家試試。去骨海南雞飯 $48一向喜歡吃海南雞飯，喜歡它沒骨，喜歡它肉質滑溜，喜歡它的油飯充滿油香。而這裡售賣的海南雞飯，全部都做到這些條件，味道很好，值得一試。金牌豬手飯 $45有金牌兩字的豬手飯，想必是餐廳的招牌貨啦。豬手用大量湯汁呈上，香氣撲鼻，豬手厚肉大隻，充滿骨膠原，很滋補。味道甘甜，肉質彈牙，很不錯。每個飯都會附上免費紫菜湯，很滿足呀。

尖沙咀一向都係美食嘅集中地，無論係貴價菜餚定貼地小店，你一定可以係哩到搵到你嘅心水食店。今日去尖沙咀學完畫畫，經過金馬倫道就發現新開咗間港式粉麵-樂園魚蛋粉，就俾佢大紅色嘅門面吸引到。不過因為趕住返屋企收貨就唔可以堂食，就唯有買外賣返去食啦。去骨海南雞飯 $48- 又白又滑嘅海南雞已經起哂骨，每一口都係啖啖肉，雞件都有成6-7件，仲勁嫩滑，加埋個油飯就真係💯，黃油飯香而不油膩，反而令你食到唔停口。秘制牛腩飯 $45- $4x一客飯仲包埋湯品，依家都係買少見少。哩個牛腩飯都有驚喜喎，配角白蘿蔔又甜又入味，主角牛腩份量絕不欺場，仲要有幾嚿係半筋半腩，完全係煮到入哂味，用嚟送飯真係一流。係等外賣期間，我見到大部份堂食客都食緊粉麵，下次一定要再嚟encore 試下樂園嘅魚蛋粉😆

星期五的中午，當大家都在討論究竟新餐肉還是舊餐肉好味 、研究新餐肉有沒有15厘米厚的時候。。。星期五的中午，當大家都在用味蕾投票選「港式避風塘蒜香雞翼亅好味還是「文青玫瑰雞翼」好味的時候。。。我仍然情傾最傳統的地道美食。。。 港式魚蛋粉！。。。🦉正所謂：美食橋唔怕舊、最緊要食客受！趁著星期五小周末的中午， 我一個人溜了到尖沙咀， 做了一個快速的 lunch break workout。。。做完運動，零舍肚餓想食嘢！！ 見到之前金馬倫道 潮丸的鋪位，開了一間新的魚蛋粉小舖， 我二話不說，便立即衝入去叫了一碗「招牌作」來吃。做完運動，我最喜歡吃魚蛋粉， 貪它低脂、高澱粉，又飽肚， 可以幫助我增重。看見店家的menu，還有 秘製海南雞飯， 其實這我也是我的最愛之一， 不過這家餐廳叫樂園魚蛋粉 。。。第一次幫襯，當然是吃它的招牌魚蛋粉！！魚蛋 是我最喜歡的排裝白魚蛋，咬落去比想像中彈牙， 是我喜歡的口感， 而且吃落去魚肉有鮮味， 感覺粒魚蛋很新鮮、很 fresh，讚！魚片頭有三塊， 以斜角切， 看起來都幾有份量， 一囗咬下去，很爽口， 跟白魚蛋的口感是完全不同的， 但放在一起，卻能提供雙重口感

星期五夜晚一個人想係尖沙咀食飯真係好難搵位本想去快餐店食但已經打烊，行過呢間「樂園」見入面有大量座位，唔理咁多即刻入去坐低餐廳標榜崩沙腩係招牌貨好，一於試試佢!!我叫左雙併河粉，崩沙腩+墨魚丸崩沙腩份量幾多，一咬落開...嘩，肉質好鞋好韌以為係呢舊先咁衰啦...點知差唔多成份崩沙腩都係咁難咬我唔知崩沙腩有呢種質地係咪正常啦...呢份崩沙腩真係差到極點墨魚丸佢地標名係冠軍墨魚丸...以為好好食啦...點合同我係屋邨街市買既無分別，仲要得兩粒...另外我仲有叫一份炸魚皮店員送過黎時我真係呆左下...居然係呢D預先包裝既魚皮雖然我知唔係間間既炸魚皮都係即炸或者自家製但都唔好一副擺明「我係出面拎貨」既模樣丫...炸魚皮係大舊既...但又硬又重油溢味...我食左3分1就食唔落食物出事，估唔到連飲品都無一倖免凍檸茶贈送青蔥幾粒食完咁難食既一餐，又貴又唔飽肚...下次真係寧願返屋企煮麵食好過!!

星期日我本來一心想在「海港城」裡面，食一餐以迷你日本牛肉飯，加上迷你日本煎雞飯，還有甜味牛奶布丁雪糕芭菲甜品，組合成為的晚餐。可惜我始終感覺不是很飽，所以在尖沙咀裡面，尋找其他食到牛腩的食店。結果「皇天不負有心人」，我終於在現在香港疫情嚴峻的情況下，還在「金馬倫道」發現到一間潮州粉麵餐廳，餐廳的名稱叫做「樂園魚蛋粉」。「樂園魚蛋粉」裡面環境頗為寧靜，樓面沒有電視機之餘，牆身顏色也都十分純淨，是以純白色磚頭為主調顏色。利用模擬磚頭的物料產生磚牆裝飾效果。既然我在星期日享用不需要有「雞肉」的晚餐，所以甫進入「樂園魚蛋粉」餐廳範圍的一刻，一早已經鎖定目標享用食品在「牛腩」身上。但是「樂園魚蛋粉」的餐牌裡面，既有提供一般的潮州「牛腩粉」、「牛腩麵」，也意外地有製作和提供潮州「牛腩飯」，忽然令我一度陷入「選擇困難症」的困境裡面。加上「樂園魚蛋粉」裡面還有「海南雞飯」、「雪花肥牛飯」，還有比較高級的「崩沙牛腩飯」供食客選擇，對於一些對「牛肉」情有獨鍾的食客而言，在「樂園魚蛋粉」裡面選擇牛肉類食品，其實是頗為艱難的抉擇。結果我先決定了享用「牛腩飯」，然後在「樂園魚蛋粉」眾多的「牛肉」類食品裡面，選定

呢排好少出街，今日要同同事去尖沙咀有急務，於是同事提議去粉麵店到快快醫肚食野，之後仲要趕去做野。入到去同事照平時叫粉麵，但發現原來呢到係有海南雞飯食，基當然叫黎試下。海南雞飯(油飯)海南雞經已去骨，啖啖肉，皮薄肉厚之餘雞皮好爽而肉就好滑，仲好有雞嘅鮮味，食海南雞一定就係要配油飯，呢到嘅油飯就煮到好香，香茅味同雞湯精華入哂味，而且飯粒好煙韌，唔會煮到過哂火喉，誘出雞油香氣。紫菜湯出面飲一碗紫菜湯都唔平，而呢到就套餐包埋，紫菜幾清，味道幾鮮又無沙，又夠營養又好飲。但呢到食海南雞飯真係夠哂抵，都係$48，仲有紫菜湯飲，係尖沙咀食到呢個價錢真係好唔錯!桔仔冰（午餐加8元）生津解渴，入面仲有話梅，酸甜鹹味都好突出，清清涼涼，而家夏天飲就夠最適合不過，同鹹香惹味嘅海南雞飯好夾。基評分: 味道(基基基基基)**外貌*(基基基基基)**抵食(基基基基基)**服務(基基基基基)最後基言:港式的風味 , 貼地的價錢 , 又新淨舒服 , 食物質素好, 下次可以來試粉麵