樂園魚蛋粉

營業中

休息中

港式粉麵真係無可代替。 間唔使都會好想食返碗。以前都有朋友介紹過尖沙咀既樂園魚蛋粉係幾好食既，今日難得可以黎試下。入到舖頭都係幾傳統既擺設, 但感覺係幾新潮款既。 坐底都幾舒服, 而且食客都好街坊feel. 尖沙咀比人有咁既感覺既麵舖，都幾得意。見到佢餐牌推介崩沙腩，同炸黃膳魚皮, 咁就更係要試下。 最正係仲有下午茶餐, 跟多碟油菜同餐飲。崩沙腩河。 崩沙腩真係幾靚, 肥, 肉, 根都好分明。 食落真係幾得wor, 一d都唔肥膩，好有口感。 爽正, 牛味香, 而河粉都好滑溜。 炸黃鱔魚皮好大件，要浸湯食。 可能因為大舊, 其實浸湯耐左都係咁脆。 冇油益味，好好味。 同一般既炸魚皮真係幾唔同。值得一讚既係佢既油菜。 我叫左菜芯。 佢真係煮得好爽脆，又嫩甜。 因為多數麵舖既油菜比人既感覺都好求其, 但佢地真係一d都唔求其架。 仲要份量都幾多。所以這份茶餐真係唔錯。

上星期開反夜市就同朋友去位於尖沙咀既樂園魚蛋粉食dinner，對於價錢黎講尖沙咀地段是便宜的。崩沙牛腩幼麵：麵類當然可以由自己選擇，我就揀左幼麵－口感爽口又彈牙，份量也足夠田飽個肚。崩沙牛腩件數也不少，牛腩口感偏林口，中間仲夾有少少脂肪筋，整舊牛腩林林地易入口之餘，吸入左湯底，令味道吾會太單調無味。湯底咸咸地配合埋香蔥，幾香口！淨上湯手打牛丸：牛丸份量也不少，每粒手打牛丸既大小相同；話明手打，當然是口感最重要！手打牛丸口感有爽口口感，帶點兒彈牙，牛肉味突出。酥炸魚皮：炸魚皮是一包包裝袋上的，感覺衛生一點。味道方面，炸魚皮帶少少咸味，個人覺得食落會有啲漏啊，口感好脆口。食物質素也不錯，但服務方面有待改進。

好耐冇食潮州粉麵，晚餐時間見佢好多人等外賣就試下，嗌左個魚皮餃牛肚粗麵，魚皮餃係手工製好大粒，皮厚肉大舊，咬落比平時既魚皮餃更有口感，牛肚淆到好稔，唔會好似橡筋咁，可以叫店員額外加腩汁令湯底味道更濃郁，個人幾中意佢個粗麵，因為好爽口，應該係蛋麵，就算浸得耐都好爽，加10蚊就有碟時菜，推介腐乳通菜，好好味，最後加個招牌紫菜湯，紫菜好爽滑，而且湯好飲，落雨天涼浸浸飲夠暖胃，海南雞飯都好似幾多人嗌，都只係48蚊，下次會再幫襯食雞！

今日去左尖沙咀行街shopping, 我地見肚餓就去左平靚正既樂園魚蛋粉買外賣返屋企食😋我叫左個崩沙牛腩米粉同招牌手打魚蛋魚片河粉，配熱杏仁霜，另外仲叫左個脆骨魚皮。崩沙牛腩米粉：牛腩炆得夠冧，肥瘦適中，味道唔錯。米粉份量好多，多到我食唔哂，比左男友食😂招牌手打魚蛋魚片河粉既魚蛋魚片都好爽口，有魚味，亦唔腥，唔會有過多既粉感，唔錯！脆骨魚皮好有驚喜！亦都非常推薦！因為係我第一次食有骨既炸魚皮！好香脆！超正！食唔停口！😋😋

聽到同事話收工後去尖沙咀樂園魚旦粉食嘢，話樂園嘅港式粉麵好食，因為晚上禁堂食，好久冇食，今日解禁同事即約埋去食，我也想試吓，所以跟埋去。豬手河：豬手好入味夠大件, 煮得夠稔又多肉, 河粉薄白透明，口感滑溜。雲吞麵：雲吞皮滑餡靚， 有蝦有肉好足料，麵很爽口，而且彈牙。湯底清甜。浄上湯鳳城水餃：餡料新鮮好味道，又多質感，餡料有鮮蝦、木耳、豬肉、筍絲等，一隻食完又一隻，食不停口！汽水奉送冰底，夠曬冰凍好解渴！

平時食開呢度d粉，尖沙咀區呢個價，只可用「平、靚、正」形容😬有次見隔離枱食牛腩飯，原來都唔錯，今次就試吓～秘製牛腩飯 $45牛腩飯，牛腩叠起咗，多到震～～～飯嘅份量都唔少，女仔食唔晒！d牛腩好淋身，炆得夠時間，又足火候；個腩汁先係精粹，撈飯超正，下次大家食呢個牛腩飯一定要加腩汁🤣貼心地將牛腩同白飯分開裝，讚丫👍🏻👍🏻估唔到有籮白底，籮白有4、5舊，大件得嚟又好軟淋，而且好甜，d腩汁入哂味，好好食丫😋😋每個飯餐送碗紫菜湯，清清地，甜甜的，d紫菜好好食，呢個湯也不要錯過。去骨海南雞飯 $48另外叫咗海南雞飯，最正係去哂骨，啖啖肉，呢度都唔例外，更貼心嘅係，它切得幼身d，唔使食到咁「呢hea」之餘；而且係雞脾位，好滑身，正！雞肉煮得好好，夠哂味，可以唔使點海南雞醬😋😋海南雞配嘅油飯，個飯又係勁多，唔錯，唔過油，而且有少少咬口，唔會淋哂。仲帶點油香😚😚兩個餐都足料豐富，食到好飽，滿足的一餐💕

放工一個人帶著疲勞身驅又肚餓, 係附近搵左間粉麵舖醫肚。餐廳環境整潔光猛, Menu上主打粉麵, 另有小食、少量飯類選擇,【崩沙牛腩河】HK$46 +$8 配熱好立克崩沙牛腩份量多, 又keep到原味肉汁, 口感很腍, 非常入味, 自選最易索湯嘅河粉, 索左清甜湯底, 正!【鮮蝦雲吞】HK$29雲吞唔算大粒, 入面隻蝦雖然細隻, 不過係原隻兼爽口, 配上鮮甜豬肉餡, 整體味道唔錯。 【酥炸魚皮】HK$18魚皮酥脆可口, 卜卜脆, 浸湯食亦唔錯。

周末去尖沙咀替母親買健康產品，之後搵餐廳食嘢，經過樂園魚蛋粉，想起佢哋嘅魚蛋粉超好味，立刻入座食返碗。招牌手打魚蛋粉：魚蛋雪白大粒，爽彈！口感好，魚片厚度適中，彈牙爽口。河粉滑溜軟腍，湯清甜，配葱花及冬菜更惹味。見到隔離枱食豬手麵，個客大贊好味，我也叫了淨豬手試吓，豬手清洗得好乾淨，沒有異味和豬毛，炆得入味又夠林，豬皮和根都滑嘟嘟，滿口都充滿骨膠原。碗下面還有生菜，掛上醬汁爽口又惹味！豆漿是支裝十分衛生，味道不會太甜又有豆香味。

而家可以開始晚上堂食了，不過外出都想早點回家，經過呢間見到同一般餐廳乾淨企理，就二話不說入去買外賣， 始終而家乾淨衛生都好緊要。應該係新開的店？全部野都好新同乾淨咁，入到去店員好有禮貌， 雖然只係講明嗌外賣，都安排座位比我坐住我等，點餐時又樂於介紹。嗌左碗魚蛋河同海南雞飯同菜，價錢合理，特別會主動問你係咪分湯，因為有時真係吾記得而冇分到，覺得佢地好細心。回家食，味道方面都吾錯，同樣比我最大感覺係乾淨，菜就最明顯了，每條都嫩好食之餘又冇黑冇黃，幾好。海南雞飯都有驚喜，雞好滑，份量又多，而家飯都好味吾會過淋過硬，都好推介！魚蛋河係我平時最愛，食咁多間河粉店，呢個魚蛋河真係幾好食，魚蛋質素好高，大粒好彈牙又有鮮味，沒有半點雪藏味！下次再經過可以試埋牛河，應該都好正！

呢日同朋友去左尖沙咀行街，今日開始終於開始返晚市堂食，所以行到夜啲，我地行到攰之後就去左一間食魚蛋粉既餐廳食dinner。打開餐牌，見到有好多好地道又充滿港式味道粉麵飯！首先，我地點左菜膽雲吞雞配白飯，雞肉非常嫩滑，雲吞亦都充滿鮮味！湯底好清甜，撈飯食好好味，湯入面仲有啲生菜，夠哂健康！另外仲點左呢度既招牌菜，就係招牌手打魚蛋麵，呢個麵入面有兩款魚蛋，有圓形同埋長方形既魚蛋，魚蛋既口感好彈牙，味道好有鮮味，感覺真材實料，配埋雲吞麵一齊食好好味！我地跟餐加十蚊點左碟油菜，有幾款油菜可以選擇，我地揀左菜心，都幾新鮮，平時出街食飯少食菜，所以專登點碟菜食下。兩個人都係食左94蚊，真係超抵食，下次黎尖沙咀可以encore！

美容院終於重開，今天來到尖沙咀做指甲，順便在附近找一些簡單麵食吧❤️海南雞飯海南雞的雞肉嫩滑，份量適中，喜歡點上店配的醬汁，甜甜辣辣，非常不錯。雞油飯味道香，充滿雞油味，吃得滿足。紫菜湯紫菜的份量不少，配上香蔥和少許調味，簡單的一碗清熱紫菜湯就完成了。作為餐前的一碗暖湯是不錯的。😁蠔油芥蘭跟餐叫只需$10 ，一定要來一碟吧。還有蘿蔔、生菜和菜心，下次還想試試上湯蘿蔔。淨水餃由於想簡單吃的關係，就來點淨吃水餃吧!配上兩條生菜🥬，健康！水餃粒粒都有蝦仁、木耳和甘筍絲，口感豐富😌亮眼點看到店內有賣自家製辣椒油，於是就試試吧。除了有香辣味外，還有點點的海鮮香味，估計是加了炒香的蝦籽，帶點XO醬的味道。唯一不同的是，這樽自家製辣椒醬只需$38😌😌立即秒殺三樽，和至愛親朋好好分享。😗😗

尖沙咀向來食嘢都唔平，因為係遊客區，食親都要$60-$70，今次同朋友食呢間地道又平嘅魚蛋粉，全日都係$29 ，真係良心價。下午茶時間都咁多人食。佢哋嘅菜式選擇都幾多，飯裏都有白款，最特別係魚蛋粉竟然有海南雞飯，梗係要試吓佢嘅海南雞嘅質素，另外再叫多咗個崩沙腩飯試吓。但係因為疫情關係，我哋選擇咗外賣返屋企食。佢一個set有飯、有紫菜湯仲有一杯嘢飲，都係$50左右，好抵食。仲要佢嘅份量都唔少。啲海南雞飯新鮮拆肉，入口軟綿綿，配埋海南雞醬食一流，啲雞肉好嫩滑，啲飯加埋雞油一齊食好正。崩沙腩半肥瘦，好香濃，啲牛腩整得好淋，一絲絲咁咬開，蘿蔔冇渣，好好食！

臨近新年，呢幾日都食咗好多好Heavy嘅嘢，今日嘅午餐想輕怡d~ 路過見到呢間餐廳望落幾新淨，兼且20幾蚊就有碗魚蛋粉，下午茶時間仲送熱飲添~ 好似好抵食咁，就一於決定試吓~ 由於我唔想食咁多澱粉質，就叫咗淨魚蛋同魚片頭雙拼，加碟油菜，清清地就一餐~ 魚蛋果然完全冇令我失望好爽口好彈牙! 食得出冇乜點溝粉，建議大家嚟到一定要嗌! 我覺得佢質素完全不輸九龍城好多人排隊嗰間德x魚蛋粉，所以根本就唔洗花費太多時間去同人逼至於魚片頭嘅調味就重過魚蛋少少，食落好夠味，加埋個辣椒油(食落有dd似XO醬)就更加正見到餐牌上面除咗有平時成日見嘅炸魚皮之外, 仲有一個好特別嘅炸魚骨! 其實好想試吓，不過又唔想再食太多肥膩野, 下次來一定會試試

本身一心諗住黎食個海南雞飯 但！！ 點知賣晒😭😭 然後就轉左食佢個秘制牛腩飯！ 點知有驚喜！ 份量大大份 而且好好食 ！ 我地2個叫左 2個飯 加一個油菜 盛為$103 勁抵食！ Ps. 多謝政府 我地要係海旁食飯🙂🙂🙂一個飯重跟一碗紫菜湯😵 以為係細細碗 得幾條紫菜 但係事實上係勁大碗 同埋勁多料！ 1 D都唔hea!! 正！ 油菜跟餐只係加$10！ 重可以揀 菜心定係蘿蔔！ 其實2個都好想食 但驚食唔晒所以就叫左菜心份量岩岩好夠2個人 - 雪花肥牛飯 $45超多肥牛！ 好味 好入味同好夠牛味！ 一d都唔鞋！ 一大碗 （最後都係食唔哂 食淨左半碗 ） 重有2粒蘿白 蘿蔔超甜😍 好正-秘製牛腩飯 $45超推介！ 肥牛已經好好食 呢個重好食！ 我朋友唔食牛腩都食左幾舊！ 又係超大份量！ 重有一兩粒蘿白！ 飯係滿滿既2碗 大家要叫少飯 一碗有2碗既份量😂 真係好足料環境 乾淨企理開明

不知大家係唔係無乜節目，我所上的麵包堂日日full，好耐都報唔到上堂，嗚嗚嗚….經一番努力後，我和朋友今日終於一齊報到整麵包堂啦! 大家覺得整得靚唔靚?雖然整了麵包，但當然唔會用它來做晚餐。6:00pm後仍然禁堂食，所以我倆就在附近買外賣回家開心share，今晚就揀了食粉麵。小店用燈色的門框，仲有燈光招牌，都幾搶眼。而最吸引我們是「撐港人：外賣自取粉麵加$1一碟是日靚菜」，超抵! 岩晒我倆無菜不歡的人。地方不算大，座位分左右兩邊，約有十枱，整齊企理。牆身鑲上菜式的相片，枱上亦放齊用具和調味料，挺齊備。細看外賣菜單，主打粉麵，亦有幾款飯類、淨食類、飲品類，還有一些火鍋配料。我們今晚就點了一碗雙拼麵、一碗淨食、兩款蔬菜和一杯飲品，都好夠食。**************牛筋金黃片頭雙拼麵($33+$7)份量挺足。我地揀了粗麵，雖然湯和麵沒有分開盛載，但並沒有索晒湯，亦不會太腍身，亦有咬口，煮得剛好，帶有腩汁湯底的鹹香，不錯! 約有五大件牛筋，每件均夾雜少許肥膏，腍滑中帶爽，富有膠質，味道幾香；兩大件金黃片頭外表微微金黃，相當彈牙，又有魚香，口感和味道都討我喜歡，推介!************