樂園粉麵專家

營業中

休息中

尋日心血來潮，食晏時行咗4個字走去食，一去到座無虛席，好彩一條友，攝咗個位，一坐底即點牛雜河。人太多關係碗粉都過咗15分鐘先上枱。牛雜份量絕不欺場，金錢肚四大片、一粉腸一肥腸加埋蒡肺各一大舊，仲有兩片小肚。河粉滿到大力啲夾都瀉咁泄。個湯充滿牛味，清而香濃，加埋佢哋嘅獨門（估：加咗冬菜）辣椒油（記住要落渣）真係正到爆。河粉略嫌太厚，唔夠滑，應覺係粗獷型系列。金錢肚好入味，淋得嚟有咬口。肥腸好多膏，一咬甘香十足。粉腸油香入味。肺彈牙爽脆。不得不提牛蒡口感香糯，質感實淨，唔會一夾就散。我雖然唔算係常客，不過只要知自己會去開嗰頭，就一定整番碗牛雜粉。

自從官塘粉麵街清拆後，牛腩粉麵店寥寥可數！樂園在官塘數十年歴史都係選擇牛腩粉麵為主係我放工簡單宵夜好去處仲有我會加油菜送粉麵先無咁寡！最好有杯飲品就更好今晚又到這裡牛腩河份量足，牛腩夠入味，好像清湯腩味道，而且每舊肥瘦適中每舊都有少少肥油先好河料滑條條，配上呢度辣招油更一流蠔油芥蘭鮮緣爽口食完噗番杯人生一大享受43大元套餐，在官塘區來說算係低。小小店面，可以一眼睇埋個廚房都尚算乾淨，可以食得放心，希望可以一直保持水準一路繼續為街坊服務

病病地， 但又想食d野。 最後諗住食但魚片米，都算清清地，哈哈。 而友人就食左牛腩河加油菜。 估唔多夜晚10 點幾，都仲幾多人，不過好彩唔駛等。 環境一般啦，但乾淨企理就ok, 始於都係街坊麵店。 魚片舖頭話係自己整既。 彈牙爽口，又真係幾好味，算係高質魚片，仲有唔少片。 湯底唔算太鹹。 岩我呢d病人。 友人既牛腩河，好吸引，所以我偷食左一舊。 牛腩舊舊都係坑腩，肥瘦適中，唔會太柴，都有好多舊。油菜夠大碟， 比既腐乳醬一D都唔吝嗇。整體黎講，性價比幾高，唔怪得咁夜都仲咁多人幫襯。

飲食好多時追求的不是平貴與否,而是在於食物上本身之美味程度、 在本土美食當中我相信牛腩粉麵絕對無人不識的， 亦都可算是由小吃到大 、不論是經濟低迷又或是魚翅撈飯的風光日子上，這碗平民美食 絕對是深入民心吸納各階層的食客。。今日出門口前沒有為自己鎖下目標， 下車後搖晃不定睛眼神繼續掃射店外招牌、 目的地是位於觀塘 所以今次我沒有刻意的找上了新店子，反而希望在掃射之中找上了舊有的平民化地道小店、 招牌裝潢徹徹實實的一間香港地道牛腩粉麵， 在門前瞄了一兩秒便決定在此落腳開餐~包餃子的嬸嬸分別 各據一方,一邊包上雲吞另一邊就包上了水餃、 真的可以話你有你吃貨我有我忙碌。。今次我便叫來了雙拼魚蛋牛腩幼麵HK$33. 牛腩切得大件頭之餘， 半瘦環肥之下肉質入口較稔無揸、 不過個人就覺得如果腩汁濃一點更為好、 雙拼底下魚蛋是以餅狀撕出來的魚丸， 口感爽身但個人還是喜歡 手製一球一球較為可取, 不過剔開個人的小小奄尖 性格、這份牛腩實亦屬可取~至於幼麵麵質爽得甚為超乎我想像， 不過無他還是鹼水作怪， 隱隱的鹼水味道在筷子夾在嘴巴面前無所遁形， 鼻子如同獵狗一般過份敏銳、真的不知是好還是壞。。 不過如果

今日想食啲淡口嘢，又想濕濕地，所以回歸基本步，去咗食魚蛋粉，舖頭雖然已經坐滿人，但嗌完碗粉之後都係分零兩分鐘就到，碗粉嚟到經已無乜湯，河粉唔係滑嗰隻，唯獨是係魚蛋味道幾好，分量又夠多，有三粒魚蛋之餘仲有三塊魚片。

這間應該是自家開的。一進去，好好招呼，每個人都很有禮貌，不趕急，有耐性。食物種類雖然不多，但有以前的味道，不是公式化煮出來的食物。晚飯叫了碗自製豬肉丸米粉和腐乳通菜。一碗米粉雖然才$27，但份量也不少，而豬肉丸吃得出是自製的，不像其他粉麵店吃到的麵粉製肉丸。晚餐在牛頭角的話，可以來這間試試啊！

是咁的，一直係觀塘返工，經常lunch都會由開源道個邊行去食，味道同價錢係唔既。專登上黎打食評既原因係有過不愉快經歷，希望永遠Blacklist依間野。某日夜晚放工好攰都走去食，叫左碗面加油菜走汁，落單個阿姐唔係平時午市個呀叔，上菜時先發覺叫錯左唔知唔係走蠔油，就同呀姐講我想走蠔油，咁我柒左就照食啦。點知個呀姐走開左仲係咁大聲講大聲笑，不斷強調蠔油唔係汁。當堂無哂心機食，食碗面都唔可以安安靜靜。最後無咩食到就比錢走人，blacklist依間野可以

想食個筋腩河，點知筋腩都計雙併，又唔想淨係食牛腩一樣餸咁寡，唯有嗌個牛雜河啦，啲牛腸勁肥，入口勁 juicy，亞姐服務亦都相當好，嗌佢加多啲冰都無話俾面色你睇，個樣仲好似好 appreciate 咁添，唯一美中不足嘅係個河粉一擺上枱已經唔多夠湯囉。

這間小店在家附近開了許久,但一直都沒空去試今天就一試他的味道叫了一碟牛腩撈,三十三個大洋等了不夠五分鐘,就已送上碟先說說麵底,是幼麵,份量相當之多,感覺不只有兩個麵底,應該有兩個半麵底可惜麵底淡而無味,只有簡水香,完全是靠蠔油味牛腩份量不少,入口嫩滑,可惜有少少渣,但牛的油脂香味極濃生菜亦是用心之作,剛好煮得不會太老,而且還有蒜香味以33元可吃到此等品質,實屬價廉物美

Simplistic traditional HK noodle shop. Good beef flank and wantons.Single item $26Double item $33I see they wrap the wantons manually in the shop and it's quite popular quick lunch spot, even with 3 new cafes that has opened recently.

昨天中午路經牛頭角，正當苦惱緊……食咩午餐好時(選擇困難症發作), 突然被一陣香濃的牛腩汁味道所吸引，就選這一間麵店吧！我叫了一碗牛筋河走青, 價錢$27一碗，睇落好像有點貴。但碗河粉黎到再食落口，就覺得都好值這個價。成碗好多牛筋，而河粉也很多，牛筋口感彈牙適中，不會過淋或是過紉。清湯底也不錯，整碗食完也不會感覺口渴。

公司附近的這麵店不岀名，但我覺得很好吃，值得一寫。小店老闆是潮州人，員工全都是潮州人。店賣的是潮州魚蛋粉，有牛腩、牛肚、魚蛋、牛丸、豬肉丸、雲吞、水餃，配米粉河粉粗面等，平凡得沒有更平凡。但這裡每樣食物都恰如其分，牛腩炆得軟熟，魚蛋也有鮮味，湯頭難免有落味精但尚算清甜，但我最最最喜歡的這裡的水餃。她們家的雲吞水餃都是每天人手現包，這鳯城水餃的皮是薄的雲吞皮，餡塞滿了彈牙鮮蝦，肥瘦得宜的豬肉，還有爽口的荀絲、木耳絲及令整體更甜的紅蘿蔔絲，是名乎其實的皮薄餡靚。27蚊5大隻，呢個時期嚟講算合理。我心目中最愛(不代表最好食) 的魚蛋粉有回憶總是美好的西環水上人魚蛋粉同屯門的新興麵家 (又足料又好食真心推介)。

第一次點餐時，等了一會兒就有。叫左個牛什河。牛雜是東南亞、廣東、香港常見街頭小吃，由牛的內臟煮成，包括牛胃、牛腸、牛心、牛肝、牛腎、牛肺、蘿蔔及牛沙瓜等等。通常以濃郁的柱侯醬汁調味。成間店雖然簡陋，但街坊感覺卻有滿滿的童年回憶。想起牛頭角下村的香味。第一次食牛什食落口感還可以港式為主。想不到在測驗後回家路上發掘到這舊式味的牛什河，都是一種緣分，到時必定再試。

今日中午經過又見到唔算多人咁叫外賣就排隊等左10分鐘左右叫左個清湯牛腩牛筋麵牛腩半肥瘦煮得好軟淋同好入味牛筋亦好食，膠質豐富好過癮，過足嘴癮每舊分量算幾大下，入味又好淋個湯底好清甜，濃而不膩麵吸收曬牛腩嘅汁同本身湯底的鮮味而且個面本身就系面軟硬適中喜歡牛腩又清淡嘅唔好錯過呢款麵官塘四十多年嘅小店，環境就一般啦但至緊要系食物本身好唔好食家人在官塘住都光顅過數以幾拾次了

幾年前因工作關係，差不多晚晚都光顧，因為收工收得夜，好多食巿都收工，這家收得夜，而且試過食物可以，所以常常幫襯。時隔幾年再度光顧，水準依然，價錢合理有餘，今晚叫左套餐$47，牛腩魚片頭河粉，腩汁通菜，凍好立克，牛腩硬軟適中，入味，水準之上，魚片頭極為爽口，最欣賞是這家的自製辣椒油，真係香辣具備，十分突出，感覺不錯。未夠喉，加多碗紫菜淨四寶，紫菜份量不少，有鮮味，四寶丸爽口彈牙，今晩大滿足，埋單$85，味道都有85分。