樂園粉麵專家

營業中

休息中

唔小心入咗牛腩牛雜關注組 見到有人討論樂園d牛腩好正 再上OP睇埋相就特登走過來試吓呢間店門面比較懷舊 食牛腩麵就係食d先夠風味 跟機叫左牛腸牛腩拼水餃🥟先講一講個水餃 大大隻皮薄餡靚 木耳咬落爽脆 真係好好食😋一下要叫個淨水餃滿足自己重點黎喇 牛腸我講到明要夠肥 果然冇令我失望 牛腸既膏好有香味帶有小小爽口 唔會淋啤啤 果然正牛腩我都係要肥 都係冇失望 夠肥既牛腩唔會好乾可以用juice既形容😭😭呢d真係成日食都唔會厭

原來一個都可以盡興 😎是日經過牛頭角官塘中間既裕民坊 呢個係我讀書嘅地方 好耐冇嚟過 條街同以前其實都差唔多 只不過有部份餐廳都轉咗做其他新嘅茶餐廳 好彩都仲比我見到老字號 ⋯樂園今日食咗肥腸肥腩河拼鳳城水餃🥟真心鳳城水餃鄙皮薄餡靚 大大粒 食落爽脆 唔係老字號都好小做到咁肥腸今次有少少失望 如果係竹腸就更加開心肥腩保持水準 都係好好食 😋河粉係夾得起 煮得啱啱好 好好好食講真如果唔係老街坊 都真係會俾佢個門面嚇親睇落好似好簡陋 唔乾淨咁 但你唔好理🤪佢啲嘢食真係好好食 仲好有人情味

呢間傳統粉面店屹立不倒好多年，事隔多年黎食都冇變。性價比好高，單併$31，雙併$37。呢度既魚旦好食，彈牙有魚味，不過雙併得兩粒，唔係好夠，另外，呢度既墨丸都好食，入面有馬蹄粒，又彈牙，不過今次帶叫到，因為想食牛腩。牛腩夠香不過有啲鞋口，份量好多 ，湯底夠味食完唔算好口渴。 油菜有韭菜花，撈蠔油好好食，新鮮勁爽脆，$12 好抵，平時街市買都唔平。好多人叫韭菜花，好快就賣哂。整體性價比好高，味道不錯，不過衛生可以做好啲。

河粉好多地方有得食 同時都好易中伏想食好味嘅食河粉 喱間一定要食感覺價錢好似偏貴少少 一碗要30蚊多但如果跟餐食 $45就有埋菜及飲品呢間河粉特別好味原因係因為湯夠清牛湯底唔會全部都係油脂浮面係可以飲到清的湯同時金錢肚 牛腩水準都高依食到一格格嘅牛雜金錢肚都好困難了將貨就價的店好多 喱到就唔會為價錢減水準牛肚入口爽口 有口感 唔會淋巴巴牛腩則是清湯腩水平 油脂同肉平均分量都唔少總括而言 我每次經過都會再食一次有時搵到一間中意食既河粉 真係一試難忘喱種性價比高 水準高 價錢平的 一定不可錯過

一個人夜晚想食個平靚正嘅快餐，又唔想食垃圾食物，所以大熱天時都入咗黎無冷氣嘅樂園食。價錢實惠：單拼粉麵$30，雙拼都只係$36。我就嗌咗一碗牛腩魚蛋河。牛腩肥瘦均匀，又夠腍同香，份量都多。魚蛋雖然得兩粒，但夠彈牙，又唔會太咸。河粉條條分明，但好似唔夠南記啲河粉滑。辣醬都唔錯，好似同平時出面個啲唔同，但又同個湯底好夾。總括黎講，今餐CP值極高。今時今日真係好難揾到啲又平又高質嘅粉麵 ，有機會一定會再黎食。

入到黎呢度，環境同裝修都好有懷舊嘅味道；而員工之間都用潮州話黎溝通，係潮州人開既粉麵鋪！佢呢度可以要粉面加嘢飲，或者麵加菜加嘢飲嘅套餐，於是我叫咗個牛腩河、腐乳通菜同埋凍檸蜜。凍檸蜜好快就上到，佢係菜蜜加檸檬，唔會整得太甜，冰既分量都岩岩好，抵讚！至於牛腩河，河粉嘅數量好多，但因為咁樣好快索晒啲湯，所以食食吓要叫啲職員幫我加湯，佢地態度都好好唔會嫌麻煩。😄牛腩肥瘦均勻，同時又炆得好淋，咬落去牛肉既肉汁同佢既油香混合埋一齊，再加上佢地自家製既辣椒油，令到味蕾既衝擊十分之大！再加多啖索晒腩汁同湯既河粉，食落去成個口腔都係牛肉既鮮同香！！🤤———————————————————通菜方面，份量雖然比較少，但佢灼得好好食，睇落好翠綠好新鮮，加埋佢落咗啲腩汁同埋會腐乳，極直係絕配！😛———————————————————成個餐四十幾蚊，但真係食到好飽，質素都十分之高！係喺香港買少見少同充滿人情味既舊式粉麵鋪，遲啲有機會一定會再黎過!🥰

呢間樂園粉麵係我搬左去牛頭角既食堂呀 哈哈😋😚成日放工一條友 都唔知食咩時就會揀食緊魚蛋粉呀😋👍🏻第一次食就覺得d魚蛋就好彈牙好好食😍😋係個碗細d姐 食得麻煩d😂😂😂唔只得魚蛋米好食架仲有d牛腩都好正架佢仲有飯架wor 又估佢唔到呀😁我最鐘意就叫個套餐食👍🏻👍🏻有菜有粉有汽水好似健康d 又夠飽😚通常汽水我就呞上多飲攞翻翻屋企飲😆😆😆都真係我食堂大家可以try try wor😛😛😛

速食趕時間，唯有食麵最快，看似老店般的麵店，點了牛腩麵，牛筋粗，芥蘭全走及檸茶。碗麵好似比一般麵舖的為細，牛腩食了兩件，偏鞋及肥；牛筋就好有咬口，好食，但湯偏咸；其辢醬都偏咸。此餐快及平。

話說兩個星期前，挑起條筋好想食牛腩河。牛頭角樂園不嬲都係我嘅all time favorite，但因為少出去牛頭角所以舞乜機會食到。今日好好彩，有朋友約左我去觀塘附近跳舞兼食晚飯，我二話不說就話要去樂園！睇吓餐牌先，一個潮州粉麵加野飲先 36$，跟餐嗌多個菜都只係加多8$咋！樂園最出名就係牛什，我就食左牛腩河走青跟多杯凍檸茶。牛腩河賣相正常，無乜特別牛腩好腍帶少少羶味，好易入口。河粉每條好分明，唔會太腍有咬口。價錢實惠，36$而我朋友就嗌左個雙拼麵(牛肚同牛腩)加多碟通菜，都係$8

一支公來解決是夜的晚餐。不想食得太heavy，就求求其其食碗粉就當成一頓飯....這一所頗多附近街坊光顧的粉麵店，每次行過都看見裡面人流如鯽，人客多得很。好奇而又好吃的我，就想著必定要找一天要入來吃吃....卒之，今晚就實踐了這一承諾....這兒的魚蛋號稱是自家打製的，現在homemade的潮式魚蛋已是越來越少了。一有機會去品嚐的話，就不應錯過....魚蛋看起來呈不規則狀，是對版的。入口爽彈，有微微魚味滲出來。整體來講是不錯的；河粉與湯相反就較平凡，只能算是屬稱職之作而已；搭單叫的魚皮不是屬厚身的，口感單薄又欠魚香 (單是脆是沒有用的)....早知就不點好了....不夠飽，再添多一碗淨豬肉丸....碗內堆滿一粒粒大大件圓咕碌的肉丸，食畢後肚子一定有夠撐。肉丸算是夠彈牙的，但肉味就真的沒甚麼。夠飽肚，可能是它唯一的好處....簡簡單單又一餐。一支公，絕不需吃得太複雜的....

樂園粉麵專家 @ 牛頭角今日去觀塘做下運動…不過做運動前唔食飽D又邊有氣力做gym減肥😂😂…💪💪 目測呢間個麵檔無論個名同外貌都好似有D歷史咁…估計不會太差掛🤔🤔。 坐低叫左碗牛腩粗麵…碗麵黎到見到個樣都幾靚仔。牛腩好味…夠腍又夠香…有樣要讚下就係D牛腩就算瘦既部位都唔黐牙(好多牛腩食完攝哂入牙罅度😒)...個粗麵都唔錯…幾爽口又唔覺好大鹼水味…個湯其實都幾好味…同埋飲完都冇話好口渴👍👍…仲有個辣醬都幾好味添仲有價錢好合理$29…唔錯唔錯…😋

講到食粉麵，官塘嘅粉麵街，對於80年代之前嘅九龍人，應該冇咩人唔識。收工諗住行去牛頭角地鐵站坐小巴，點知放工時間實在太多人喇，所以，就去咗附近搵食，行行吓見到間粉麵店，又啱一個人入去食，所以就走入去試吓。呢到環境都算舊，仲見到啲見店員喺到輪住食晚飯，坐咗喺最入張檯，都唔少人喺到食嘢。牛肚牛筋米，湯底本身味道幾好，有以前粉麵街嘅感覺，但唔夠濃。牛肚入味牛筋夠淋，米粉煮得適中。韮菜花好正，唔係間間粉麵店有，一般粉麵店都係生菜、芥蘭、菜心及通菜。喺食嘢時，見到師傅埋位食飯，見佢食到差唔多，因為覺得有點粉麵街嘅感覺，所以就向師傅查詢，麵店係咪粉麵街搬過嚟呢到，師傅話麵店不是由粉麵街搬過嚟，同埋已經喺牛頭角呢到開咗廿幾年lu~

《樂園牛什粉麵專家》📍牛頭角牛頭角道319號———————————————🔹專家牛什加鮮蝦雲呑米 $35牛什夠新鮮，份量十足，絕不欺場。金錢肚，夠入味又唔會過咸，但唔夠淋，適合鐘意爽口口味既人士。最正係肥腸🤤💕，睇得出清得好乾淨，勁多肥膏！入口即化，正💕勁想拎黎送飯🍚鮮蝦雲呑，皮薄餡靚，大大隻蝦🍤可以見到婆婆坐埋一邊即場包，包得好結實，無得彈。😋-🔹新界菜心 $12美中不足，菜心中食到發泡膠小妹會將佢歸納為香港傳統茶餐廳特色🤣12蚊重想點？快、靚、正👍🏻得左-🔻舊式小店，傳統味道。用心製造，熱情招待。———————————————ByZ:8/10

食晏時間官塘、牛頭角一帶的餐廳一向多人，今次同朋友就嚟到呢間幾時都咁人山人海嘅樂園粉麵牛雜專家諗住快食一個lunch。我哋之前都幫襯過好幾次，一向都覺得呢度嘅嘢抵食得嚟又幾好味。今次朋友叫左碗牛雜麵($29), 而我就叫左個牛雜米($29)。雖然朋友嘅麵size比平時少左D，不過佢就讚D麵底夠彈牙，而我嘅就明顯比平時多好多米粉，牛雜量亦好足，不過牛雜就比較咸。雖然味道方面比以前遜色左少少，但三十蚊都唔洗就攪掂一餐，依然抵食！

其實樂園呢間餐廳呢成日食啦已經想為佢寫食評好耐㗎啦因為呢間餐廳你係消夜必備有事不想輕食呢試吓油菜啊試吓啲雲吞好牛腩河呢多知道係一絕佢牛腩呀每一夠你都好入味我平時最鍾意就係食佢牛腩河凍奶茶同埋油菜忍唔住食腐乳通菜有啲人鍾意食蠔油各有特色住喺觀塘嘅人千祈唔好走寶更加重要嘅係佢嘅營業時間呢十分之長啦有時踢完波比完賽夜晚12點幾去食個消夜暖粒粒先訓真係唔錯其實呢個價錢又唔貴絕對係觀塘區粉麵檔嘅信心之選值得一試