榮式燒雞扒 (希雲街)

營業中

休息中

已經唔知第幾次食榮式啦！前幾日夜晚條街冇咩好食就走左入去食個快飯雞藕天成飯 -  成個飯好簡單 雞扒一塊加兩塊鱆魚蓮藕餅 上菜既時候真係有色、香、味俱全既感覺。茶記既價錢有呢個水準絕對係好地方 好推介大家黎試吓------------------------------榮式燒雞扒 (希雲街)🚦銅鑼灣希雲街6-12號地舖環境: 🔥🔥🔥🔥 (不錯)味道: 🔥🔥🔥🔥🔥 (好味)價錢: 🔥🔥🔥 🔥 (茶記)評分: 4/5------------------------------

之前在銅鑼灣舊店食過，雞扒肉質煎得好香，今日路經新舖附近再食，但非常失望。一行三人叫咗雞扒魚柳飯、煎藕餅飯、雞扒湯麵，塊雞扒嚟到一睇，真係紙咁薄，好似將件雞扒薄切壓扁一樣，調味可以但又鞋又乾，藕餅都係好乾，而個飯係接近凍嘅。出前一丁就正常；如果招牌係標榜雞扒而咁嘅質素真係不能接受。希望店家睇到會作出改善 。

今日嚟到銅鑼灣見到好耐冇食過嘅榮式雞扒，😀😀當然要試一試啦🥰🥰🥰🥰🥰🥰就咁睇五時都唔算話好多人仲可以做埋外賣，今日因為特別肚餓，所以我就食咗兩個飯一個係雞藕天成。另一個係佢哋嘅招牌菜榮式雞扒飯。首先講吓一個雞藕天成啦🤣🤣藕餅店得10分鬆脆， 10分足料。而且雞扒亦相當嫩滑。 榮式雞扒飯，依然保持一貫水準，高質素。🤪🤪🤪除左有雞蓉外， 仲有好多炸菜，兩大塊滑嫩嫩既雞扒， 完全想食多幾塊😍😍😍無張安哥。

之前去過一次覺得好好味再去第二次食都一樣咁好味，水準保持得好穩定，食品質素好高食咗幾十年茶餐廳呢間係我覺得最好食嘅雞扒同雞脾 ，皮脆肉嫩味道一流， 茶餐廳來講算係超高質素， 可能在酒店或者高級餐廳都食唔到呢一種嘅質素，樓面姐姐服務態度又好好

中午食飯時間，堂食以外仲有大量中學生排隊買外賣。堂食顧客食完要跟住同一條隊埋單，排足半個鐘，完全理解唔到點解點解要咁做，職員服務態度又差又串，食完餐飯後一肚氣。

長途路遠由赤柱去到銅鑼灣，到咗先知小朋友都要打針先食得（無問要打幾多針），若小朋友未打就唔好諗去食嘞小朋友都要安心出行先食得，希望佢唔好咁絕，比啖飯小朋友食下啦

銅鑼灣一人午餐點了雞耦天成飯原來係雞扒同蓮藕餅哈哈 個名好有趣雞扒很香很滑蓮藕餅外皮炸得很趣內裡有蓮藕粒 很有口感連同秘制醬汁送飯一流雞扒仲有好多配搭下次想試埋鹽酥雞同燒豬頸肉一個lunch連飲品先54蚊臨走前見到原來有急凍雞扒賣醃製好調好味都係賣48蚊係呢個出面超市清零嘅市況下快快趣要了兩包好味再入貨！

去左順豐寄野 肚餓諗唔到食咩 見榮式雞扒無乜人 有位 唔太貴 所以試下 好似好出名咁叫左鴛鴦雞扒 原來係燒雞扒 +鹽酥雞扒上檯時一條好長嘅雞扒，唔知點擺入口，睇下有無刀，係無嘅。叫職員幫我剪開佢，佢好似一臉疑惑咁，問係咪想要刀，我話好但又問我係咪想碎上？差不多意思啦 總之就唔要咁大塊然後碎上就開始食燒雞扒還可以 但好乾 好薄好薄 究竟佢點切到紙咁薄？鹽酥雞扒仲衰，紙咁薄仲要好乾好乾，好似食緊濕水紙皮，好L難食，頂唔順，食得好辛苦，但最終都食哂佢，唔係因為佢擺得入口，而係我比左錢唔想嘥錢⋯⋯成個飯都乾到爆，個豉油汁有色無味，難食到暈低。雖然佢真係好平，但其實茶記都差不多價，但肯定厚又厚過佢塊紙皮雞扒，多汁又多過佢，最少頹飯都唔會好似佢咁難食。頂唔緊，唔會有下次。

鋪頭名都講咗榮式燒雞扒, 緊係要食雞扒,  我帶過幾個朋友去食, 都覺得呢間既雞扒好味又滑, 加埋本身既蔥油既香就不得了。今次我叫雞藕天成, 睇字都估到有雞扒啦,  另外就係蓮藕餅, 我比較喜歡食呢個飯, 因為淨叫雞扒飯, 我就覺得食太多雞扒, 所以叫呢個就剛剛好。我朋友仔要健康, 就食野菜豆腐飯, 豆腐入哂味, 亦都有蔥油, 所以好好撈飯。另外只要加$3, 就有凍熱野飲揀。講明咗快餐, 緊係食完就要走啦, 唔好打算可以坐好耐傾計。

野食係可以ok，但我食完唔夠5分鐘個待應就走埋嚟問你可唔可以交枱，我都識做即走但唔該都無聲.... 咁大個人真係第一次俾人行埋嚟叫交枱趕走..... 未必會再去幫襯

_____好味指數：🌟🌟🌟🌟抵食指數：🤑🤑🤑鍾意做運動嘅人都會注意飲食，食得清就難啦但係攝取多啲蛋白質就做到😂食蛋白質一定會諗起食雞肉，而榮式燒雞扒就好滿足到呢個要求✅雞藕天成嚟呢度第一次一定要試佢呢個，除咗有大大塊煎雞扒，仲有佢哋特製嘅蓮藕餅。雞扒比較薄身，上面嘅間紋就係用佢哋獨有嘅方法去煎出嚟。不得不說煎得又香面又脆，肉汁鎖晒係入邊，配埋姜蓉同辣菜甫非常惹味。蓮藕餅有蓮藕粒配埋豬肉碎，爽脆又香口

高質雞扒飯😋🌟榮式雞扒飯 $56🌟凍檸茶 +$3這個雞扒飯有一啲配菜同菜脯送飯，再加兩塊燒雞扒，味道好香充滿黑椒味，肉質十分幼嫩同Juicy🤤性價比：👍🏻👍🏻👍🏻👍🏻/5味道：🤤🤤🤤🤤/5

我在中華基督教會公理堂欣賞「雅謌合唱團」演出前，因有半小時空閒先到附近小店舖「榮式」吃過下午茶。看餐牌，似乎燒雞扒是小店舖主打菜餚，那麼就試試燒雞扒好了！⁠簡單快捷的下午茶，雞扒配薯條&椰汁冰$38代替晚餐，黑椒雞扒味道不錯，沒有肥膏的薄雞皮煎得香脆可口，薯條份量都適合我個人份量~~適中，椰汁冰重椰奶味，質感柔滑，蠻喜歡的。⁠⁠寬闊的紅毛泥紅磚頭柱，好似定海神針般屹立在食堂，令原本的小店舖更見地方淺窄！

聽聞出名雞扒，今日就黎試試。見到下午茶餐都有唔少選擇，最後唔想食太多野揀左薯條加雞扒，30幾蚊好抵食。雞扒的確好滑，皮薄又有啲黑椒味，不過略略有啲鹹，薯條就冇乜特別，係比較實身唔係好脆嘅普通薯條。總結試左一次都夠，下午茶諗唔到食咩都係抵食嘅。

原本諗住唔寫，因為明白忙裏一定有錯，中午時段訂餐非常多人，而家中小學生又復左課，多人到要排隊。點知過左一星期後，第二次訂又錯，仲要11:00訂，一個人都冇，咁都錯，於是決定出post。因為次次用foodpanda deliveroo訂都冇事，一用OpenRice 就出事。係咪因為用左信用卡優惠，所以，要改變食物內容先為到本？定係OpenRice 嘅問題？第二次都係訂左太脆雞翼伴冷烏冬。結果係三隻雞翼加湯烏冬。😓