榮式燒雞扒 (希雲街)

營業中

休息中

去左順豐寄野 肚餓諗唔到食咩 見榮式雞扒無乜人 有位 唔太貴 所以試下 好似好出名咁叫左鴛鴦雞扒 原來係燒雞扒 +鹽酥雞扒上檯時一條好長嘅雞扒，唔知點擺入口，睇下有無刀，係無嘅。叫職員幫我剪開佢，佢好似一臉疑惑咁，問係咪想要刀，我話好但又問我係咪想碎上？差不多意思啦 總之就唔要咁大塊然後碎上就開始食燒雞扒還可以 但好乾 好薄好薄 究竟佢點切到紙咁薄？鹽酥雞扒仲衰，紙咁薄仲要好乾好乾，好似食緊濕水紙皮，好L難食，頂唔順，食得好辛苦，但最終都食哂佢，唔係因為佢擺得入口，而係我比左錢唔想嘥錢⋯⋯成個飯都乾到爆，個豉油汁有色無味，難食到暈低。雖然佢真係好平，但其實茶記都差不多價，但肯定厚又厚過佢塊紙皮雞扒，多汁又多過佢，最少頹飯都唔會好似佢咁難食。頂唔緊，唔會有下次。